“അളിയാ.. നിൻ്റെ പെണ്ണുമ്പിള്ള എന്നെ കുറ്റം പറയില്ലല്ലോ? നല്ലവനായ ഉണ്ണിയെ ഞാൻ കാരണം വെള്ളമടിപ്പിച്ചു എന്നും പറഞ്ഞ്” റിയാസ് ചിരിച്ചു കൊണ്ട് പറഞ്ഞു..
” പോ മൈരെ…. അവൾക്കതൊന്നും കുഴപ്പമില്ല, പിന്നെ എപ്പോഴുമില്ലാലോ… വല്ലപ്പോഴും ഇച്ചിരി അടിക്കുന്നത് കൊണ്ട് ഒരു കുഴപ്പവുമില്ല ..” കബീർ ഒരു സിപ്പ് ഇറക്കിക്കൊണ്ട് പറഞ്ഞു.
“അളിയാ നീ എന്തെ മോളെ കൂട്ടാഞ്ഞേ… വല്ലപ്പോഴും ഒക്കെയെല്ലേടോ അതിനെ എനിക്ക് കാണാൻ പറ്റൂ… അതും നീ ഒഴിവാകിയെ??”” കബീർ ചോദിച്ചു
“അവൾക്ക് നാളെ പരീക്ഷയാടാ… പിന്നെ ഞങ്ങൾ നേരെ കോഴിക്കോട്ടുള്ള ഒന്ന് രണ്ട് ബന്ധുവീട്ടിലും കൂടെ കയറിയിട്ടെ മടക്കമുള്ളൂ … അതുകൊണ്ട അവളെ വിളിക്കാഞ്ഞേ … ” റിയാസ് പറഞ്ഞു.
അവരങ്ങനെ സംസാരിച്ചുകൊണ്ടിരിക്കുന്നതിനിടക്ക് സുഹ്റ ഹാളിലേക്ക് വന്നു ..
” അത് ശരി നിങ്ങൾ ഇവിടെ കലാപരിപാടികൾ തുടങ്ങിയോ .. നല്ല ആളുകളാ.. വാ നമുക്ക് കഴിക്കാം .. ഇക്കാ വന്നേ അവരെയും കൂട്ടി… ” സുഹ്റ അൽപം പരിഭവത്തോടുകൂടി പറഞ്ഞു.
അവർ ഡൈനിങ് ഏരിയയിലേക്ക് നീങ്ങുമ്പോൾ വേലക്കാരിയും ഷൈനിയും ചേർന്ന് ഭക്ഷണങ്ങളൊക്കെ തീൻമേശയിൽ ഒരുക്കി വെക്കുകയായിരുന്നു.
“ ഷൈനീ… ഇവർക്ക് രണ്ടുപേർക്കും കൂടുതലൊന്നും കഴിക്കാൻ കഴിയില്ല. രണ്ടും വാട്ടീസ് പരിപാടി തുടങ്ങി കഴിഞ്ഞു” സുഹ്റ ഷൈനിയോട് പറഞ്ഞു.
എന്തായിക്കാ എന്ന ഭാവത്തോടുകൂടി ഷൈനി റിയാസിനെ നോക്കി.
“ഞങ്ങള് ചുമ്മാ ഓരോ പെഗ് അടിച്ചെന്നെ ഉള്ളൂ .. ഒന്ന് ചില്ലാവാൻ !!.. ഒരു പേടിയും പേടിക്കേണ്ട നിങ്ങള് ഉണ്ടാക്കിയത് മുഴുവൻ കഴിച്ചിട്ടേ ഞങ്ങൾ ഇവിടുന്ന് എണീക്കൂ… പോരെ!!” റിയാസ് പറഞ്ഞു
അവർ നാലുപേരും ഉച്ചഭക്ഷണം കഴിച്ചു. കഴിക്കുന്നതിനിടെ രുചികരമായ ഭക്ഷണത്തെ റിയാസ് വാനോളം പുകഴ്ത്തി. ഷൈനിയും അതേപ്പറ്റി വാചാലമായി. ഒരുപാട് ദിവസങ്ങൾക്ക് ശേഷം ഒരു അതിഥിയെ സൽക്കരിക്കാൻ കഴിഞ്ഞതിന്റെ സന്തോഷത്തിലായിരുന്നു സുഹ്റയും കബീറും ..
ഉച്ചഭക്ഷണത്തിനുശേഷം അവർക്ക് വിശ്രമിക്കാനുള്ള മുറി സുഹ്റ കാട്ടിക്കൊടുത്തു. എന്നാൽ കബീറും റിയാസും സ്വീകരണം മുറിയിൽ തന്നെ ഇരുന്ന് സാവധാനം ബാക്കി മദ്യം കൂടെ തീർക്കാനുള്ള പരിപാടിയിലാണ്.
“ദേ ഇക്കാ..!! നിങ്ങൾ ഇങ്ങനെ സൽക്കരിച്ച് കുടിപ്പിച്ചിട്ട് അവർക്ക് തിരിച്ചു ഡ്രൈവ് ചെയ്തു പോകേണ്ടതാണ് … എന്തെങ്കിലും അപകടം പറ്റും .. ” സുഹ്റ കബീറിനെ വിലക്കി
“ഞാൻ അധികം കഴിച്ചൊന്നുമില്ലൻ്റെ സുഹ്റാ… ഓവറുമല്ല… “റിയാസ് പറഞ്ഞു
“അല്ലെങ്കിൽ നിങ്ങൾ ഇന്ന് പോകണ്ട ഇവിടെ കൂടിക്കോ അതാവുമ്പോൾ രാത്രി മുഴുവൻ നിങ്ങൾക്ക് കലാപരിപാടി തുടരാം നാളെ സുരക്ഷിതമായി വീട്ടിലേക്ക് പോവുകയും ചെയ്യാം” സുഹ്റ റിയാസിനോടും ഷൈനിയോടും പറഞ്ഞു.
“അതെ അതെ ഞാനും പറഞ്ഞതാ … പക്ഷേ ഇവർ കേൾക്കണ്ടേ … “കബീർ സുഹ്റയെ സപ്പോർട്ട് ചെയ്തു
“അതല്ല സുഹ്റാ… ഞങ്ങൾക്ക് വേറെയും ചില ബന്ധുവീട്ടിൽ കൂടി കയറണം … ഈയൊരു വരവിനെ അങ്ങനെ ഒരു ഉദ്ദേശം കൂടെയുണ്ട്.” റിയാസ് പറഞ്ഞു
“ശരി എങ്കിൽ നിങ്ങൾ മദ്യപിക്കുന്നത് നിർത്തൂ… അല്ലെങ്കിൽ ഞങ്ങൾ വിടില്ല… വെറുതെ ഓരോ അപകടങ്ങൾ വരുത്തി വയ്ക്കേണ്ട ” സുഹ്റ പറഞ്ഞു
വരൂ നമുക്ക് മുറിയിൽ ചെന്ന് അല്പം വിശ്രമിക്കാം അവർ വരുമെന്ന് തോന്നുന്നില്ല… ” സുഹ്റ . ഷൈനിയെയും കൂട്ടി അവർക്ക് സെറ്റ് ചെയ്ത മുറിയിലേക്ക് പോയി ..
ഒത്തിരി യാത്ര ചെയ്തതിനാലും നന്നായി ഭക്ഷണം കഴിച്ചതിനാലും ഷൈനിക്ക് നല്ല ക്ഷീണം ഉണ്ടായിരുന്നു അവൾ ആ റൂമിൽ കയറി അൽപനേരം സുഹ്റയോട് സംസാരിച്ചിരുന്ന് ഉറങ്ങിപ്പോയി.
ഏകദേശം അഞ്ചര മണിയായിക്കാണും സുഹ്റ തൻറെ പൂന്തോട്ടത്തിലേക്ക് ചെടികൾക്ക് വെള്ളമൊഴിക്കാൻ പോയി.
അന്തരീക്ഷം ശാന്തമായിരുന്നു, പക്ഷികളുടെ കളകളാരവം മാത്രം കേൾക്കുന്നു. കബീറും റിയാസും ഇപ്പോൾ ഉമ്മറത്തുള്ള ചാരുപടിയിൽ ഇരിക്കുകയാണ്. കബീർ അത്യാവശ്യ നല്ല ഫിറ്റുമാണ്. റിയാസ് അധികം കുടിച്ചിരുന്നില്ല. സുഹ്റയുടെ പൂന്തോട്ടം കണ്ടതും റിയാസും അവളുടെ കൂടെ ചേർന്നു.. ഭംഗിയുള്ള പൂക്കളും പച്ചപ്പു വിരിച്ച് പുൽത്തകിടുകളും ഒക്കെ കാണുമ്പോൾ അവൾ അതിനെ നന്നായി പരിപാലിക്കുന്നുണ്ട് എന്ന് റിയാസിന് ബോധ്യമായി.