“ഓ, തീർച്ചയായും. നിങ്ങളെ ഭർത്താവായി കിട്ടിയത് എൻ്റെ ഭാഗ്യമാണ്.”… അവളുടെ വാക്കുകൾ അവന് ഒരു താൽക്കാലിക ആശ്വാസം നൽകി. പക്ഷേ, അവൻ്റെ ഉള്ളിലെ ആ വിചിത്രമായ ആഗ്രഹം അവനെ വീണ്ടും അസ്വസ്ഥനാക്കി.
കബീർ അവളിലേക്ക് അല്പം കൂടെ ചേർന്ന് കിടന്നു പിന്നെ കൈകൊണ്ട് മൃദുവായി അവളുടെ കൈത്തണ്ടയിൽ തടവി “സുഹ്റാ… ചില സമയത്ത് എനിക്ക് തോന്നാറുണ്ട്… നമ്മൾ മറ്റുള്ളവരുടെ ശ്രദ്ധാകേന്ദ്രം ആവുന്നത് കാണാൻ ഒരു പ്രത്യേക ഭംഗിയുണ്ടെന്ന്,” അവൻ വളരെ പതുക്കെ പറഞ്ഞു. അവൻ്റെ വാക്കുകൾ അവൾക്ക് അത്ര വ്യക്തമായില്ല.
” ശ്രദ്ധ കേന്ദ്രമോ എന്താ നിങ്ങൾ പറയുന്നത് എനിക്ക് മനസ്സിലാവുന്നില്ല?” അവൾ സംശയത്തോടെ ചോദിച്ചു.
“ഒന്നുമില്ല… വെറുതെ പറഞ്ഞതാ,” അവൻ പെട്ടെന്ന് പറഞ്ഞു. തൻ്റെ ചിന്തകൾ ഇത്ര പെട്ടെന്ന് പുറത്തേക്ക് വന്നതിൽ അവനൊരു ലജ്ജ തോന്നി. ഉള്ളിലെ മദ്യം അവനെ പലതും പറയിപ്പിക്കാൻ പ്രേരിപ്പിക്കുന്നത് കൊണ്ട് അധികം സംസാരിക്കാതെ അവൻ അവളെയും തലോടിക്കൊണ്ട് മിണ്ടാതെ കിടന്നു.
തൻ്റെ ഉള്ളിലെ വികാരം സുഹ്റയെ അറിയിക്കാൻ അവൻ പല വഴികളും ആലോചിച്ചു. വളരെ പതുക്കെ, ഓരോ സാഹചര്യങ്ങളിലൂടെയും നീങ്ങി അവളുടെ മനസ്സ് വായിച്ചറിയണം. അതിനുശേഷം മാത്രമേ തൻ്റെ ആഗ്രഹം തുറന്നു പറയാൻ സാധിക്കൂ. അതിനായുള്ള സൂക്ഷ്മമായ പ്ലാനുകൾ അവൻ്റെ മനസ്സിൽ രൂപം കൊള്ളാൻ തുടങ്ങി. ഓരോ ചെറിയ നീക്കവും ശ്രദ്ധയോടെയായിരിക്കണം. സുഹ്റയുടെ പ്രതികരണം എന്തായിരിക്കുമെന്ന് ഓർത്ത് വ്യാകുലപ്പെട്ടു. എങ്കിലും, ഈ പുതിയ അനുഭൂതിയുടെ ലോകത്തേക്ക് കടക്കാനുള്ള അവൻ്റെ ആഗ്രഹം ശക്തമായിരുന്നു.
ആയിടക്ക് സ്കൂളിലെ പഠനയാത്ര പോവാൻ തീരുമാനിച്ചു. കഴിഞ്ഞ രണ്ട് വർഷങ്ങളിലായി വിട്ട് നിന്നത് കൊണ്ട് ഇപ്രാവശ്യം സുഹ്റ ടീച്ചർക്ക് ഒഴിഞ്ഞു മാറാനായില്ല. മൈസൂരേക്കുള്ള രണ്ട് ദിവസത്തെ ട്രിപ്പ് ആണ്.
യാത്രയുടെ ആദ്യ ദിവസം രാത്രി, അവൾ തൻ്റെ റൂമിലിരുന്ന് കബീറിന് കുറച്ച് ഫോട്ടോകൾ അയച്ചു. പച്ചപ്പ് നിറഞ്ഞ താഴ്വരയുടെ പശ്ചാത്തലത്തിൽ, കാറ്റിൽ പാറിപ്പറക്കുന്ന അവളുടെ ഷാളും അതിനുള്ളിൽ ചിരിക്കുന്ന മുഖവും, ചിത്രങ്ങൾ അതിമനോഹരമായിരുന്നു. ചുരിദാറാണ് വേഷമെങ്കിലും, അവളുടെ സ്വാഭാവിക സൗന്ദര്യം അതിൽ തിളങ്ങി നിന്നു.
അധികം വൈകാതെ കബീറിൻ്റെ മറുപടി വന്നു:
“ഓഹോ, നമ്മുടെ ടീച്ചർ ഇന്ന് നല്ല ഗ്ലാമറസ്സായിട്ടുണ്ടല്ലോ! ആ മലമുകളിലും നിൻ്റെ സൗന്ദര്യത്തിന് ആരാധകരുണ്ടാവുമല്ലോ അല്ലേ?” അവൻ ഒരു ചിരിക്കുന്ന ഇമോജിയും അതിനൊപ്പം ചേർത്തിരുന്നു.
സുഹ്റയ്ക്ക് ആ കമൻ്റ് ഒരു കൗതുകമുണർത്തി. അവൾ ഉടൻ മറുപടി അയച്ചു: “പോടാ പോടാ… വെറുതെ കളിയാക്കണ്ട. കുട്ടികളോടൊപ്പം കഷ്ടപ്പെട്ട് ഓടി നടക്കുകയാണ് ഞാൻ.” അവൾ ഒരു ദേഷ്യപ്പെടുന്ന ഇമോജിയും ചേർത്തു.
വീണ്ടും കബീറിൻ്റെ മറുപടി വന്നു: “അയ്യോ, ഞാൻ വെറുതെ പറഞ്ഞതല്ല പൊന്നേ…. നിന്നെ കാണാൻ ശരിക്കും സുന്ദരിയായിട്ടുണ്ട്. അവിടെയുള്ള ടീച്ചർമാരും മറ്റ് ആളുകളുമൊക്കെ നിന്നെ ശ്രദ്ധിക്കുന്നുണ്ടാവും.” അവൻ ഒരു കണ്ണിറുക്കുന്ന ഇമോജിയും ചേർത്തു.
സുഹ്റയ്ക്ക് നാണവും സന്തോഷവും ഒരുമിച്ചുണ്ടായി. പുറമെ അവനെയെതിർത്തെങ്കിലും, അവൻ്റെ വാക്കുകൾ അവളുടെ ഉള്ളിൽ ഒരു നേരിയ തൃപ്തി ഉളവാക്കി. തൻ്റെ സൗന്ദര്യം മറ്റൊരാൾ ശ്രദ്ധിക്കുന്നു എന്ന് അറിയുന്നത് ഒരു പ്രത്യേക അനുഭൂതിയായിരുന്നു.
അടുത്ത ദിവസം രാവിലെ സുഹ്റ വീണ്ടും കുറച്ച് ഫോട്ടോകൾ കബീറിനയച്ചു. അതിലൊന്ന് അവളും മറ്റ് അധ്യാപകരും ഒരുമിച്ചുള്ളതായിരുന്നു. അതിൽ ഒരു ചെറുപ്പക്കാരനായ അധ്യാപകൻ അവളെ നോക്കി ചിരിക്കുന്നത് അവൾ ശ്രദ്ധിച്ചിരുന്നു.
കബീറിൻ്റെ മറുപടി ഉടൻ വന്നു: “ആഹാ, കൂടെയുള്ള ആ ചെറുപ്പക്കാരൻ ഗ്ലാമർ ടീച്ചറെ നോക്കി നന്നായി ചിരിക്കുന്നുണ്ടല്ലോ! എന്താ പരിപാടി?” അവൻ ഒരു കുസൃതി നിറഞ്ഞ ഇമോജിയും ചേർത്തു.
സുഹ്റയ്ക്ക് ദേഷ്യം വന്നുവെങ്കിലും, ഉള്ളിന്റെയുള്ളിൽ അവൾക്കത് രസിച്ചു.