ഭാര്യ അഥവാ ഭരിക്കപ്പെടുന്നവൾ 21അടിപൊളി 

“എനിക്ക് ഫോൺ ഇല്ലെങ്കിലും ആച്ചി കാക്കയെ വിളിച്ചിട്ട് എന്നോടു സംസാരിക്കും ഇക്കാ. അപ്പോ പറഞ്ഞതാ…”

“ചുമ്മാതല്ല നീ അവന്റെ ഫോണിൽ കളി ഏത് നേരവും.” സുബൈദ പറഞ്ഞു.

“അത്‌ പോട്ടെ, നിനക്ക് ആദ്യരാത്രിയെ പറ്റി വല്ലതും അറിയാമോ പെണ്ണേ?” സുബൈദ അവളോട് ചോദിച്ചു.

“ചെറുക്കനും പെണ്ണും പാലും മുന്തിരിയും ഒക്കെ തിന്ന് കിടന്നുറങ്ങും, എനിക്ക് അറിയാം, ഹോ!…” അവൾ അഭിമാനത്തോടെ പറഞ്ഞു.

“നാത്തൂനേ… ഇപ്പൊ ഞാൻ പറഞ്ഞതിന്റെ കാര്യം മനസ്സിലായല്ലോ. ഇപ്പൊ കിടന്ന് ഉറങ്ങാൻ പോയിട്ട് ആകെ ബഹളം വെച്ചു നാണക്കേട് ആക്കിയേനെ ഈ പെണ്ണ്.” സുബൈദ അവളുടെ ഉമ്മയെ നോക്കി പറഞ്ഞു.

“എന്റെ പൊന്ന് മോളെ അതൊന്നുമല്ല ആദ്യരാത്രി, ഇന്ന് നിങ്ങളുടെ മധുവിധു ആണ്. അതായത് നിങ്ങൾ പരസ്പരം ശരീരം കൊണ്ട് ഒന്നിക്കും, അതായത് അവൻ നിന്റെ അടുത്ത് തുണി അഴിക്കാൻ പറഞ്ഞാൽ നീ അങ്ങ് ചെയ്യണം കേട്ടോ…

പിന്നെ അവൻ പറയുന്നത് പോലെ എല്ലാം അങ്ങ് ചെയ്തോളണം, അല്ലാതെ പേടിച്ചു കിടന്ന് വിളിക്കരുത്… ചിലപ്പോൾ ചെറിയ വേദന ഒക്കെ കാണും അതൊക്കെ എല്ലാർക്കും ഉള്ളത് ആണ്, നിന്റെ ഉമ്മായും ഞാനും ഈ ലോകത്ത് കല്യാണം കഴിഞ്ഞ എല്ലാ പെണ്ണുങ്ങളും ഇതാണ് ചെയ്യുന്നത്.

അതുകൊണ്ട് അവൻ വല്ലതും പറയുമ്പോൾ പേടിച്ചു ബഹളം വെയ്ക്കല്ലേ… നാണക്കേട് ആണ്. അപ്പച്ചി പറഞ്ഞത് മനസ്സിലായ…?” സുബൈദ ഒരുവിധം എന്തൊക്കെ അവളെ പറഞ്ഞ് മനസ്സിലാക്കിപ്പിച്ചു.

“ഉം… അപ്പോ നാണം ആവില്ലേ?” അതൊക്കെ കേട്ട് മുഖം ചുവപ്പിച്ച് കൊണ്ട് ജസീന സംശയം ചോദിച്ചു.

“കെട്ടിയോന് കാണാൻ ഉള്ളത് ആണ് പെണ്ണേ അതൊക്കെ. അല്ലാതെ വേറെ ആർക്കും അല്ലല്ലോ കാണിച്ചു കൊടുക്കുന്നത്.” ഉമ്മ അവളോട് അത്‌ പറഞ്ഞുകൊണ്ട് അപ്പച്ചിയുടെ തോളിൽ അടിച്ചു നാണത്തോടെ രണ്ട് പേരും ചിരിച്ചു.

“ജസീന… നീ അവിടെ എന്ത് എന്തെടുക്കാ… സലാഹ് മുറിയിലോട്ട് പോയി കേട്ടോ. നിങ്ങൾ അവളെ അങ്ങോട്ട്‌ പറഞ്ഞ് വിട്.” ഖനഗംഭീര ശബ്ദത്തിൽ ജസീനയുടെ വാപ്പ അടുക്കളയിലെ പെണ്ണുങ്ങളോട് ഹാളിൽ നിന്ന് കൊണ്ട് വിളിച്ചു പറഞ്ഞു.

“എന്റെ അള്ളോ… സാഹിബ്ബ് കയർ പൊട്ടിക്കുന്നതിന് മുന്നേ പെണ്ണിനെ പറഞ്ഞു വിടട്ടെ…” അവളുടെ ഉമ്മ ശബ്ദം കേട്ട് തലയിൽ തട്ടം നേരെ പിടിച്ചിട്ട് കൊണ്ട് സ്വയം പറഞ്ഞു.

ഉടനെ സുബൈദ ഒരു ഗ്ലാസ് എടുത്തു അതിൽ ചെറു ചൂടോടെ പാല് ഒഴിച്ച് ജസീനയുടെ കൈയിൽ കൊടുത്തിട്ട് അവളുടെ തട്ടമെല്ലാം പിടിച്ചു നേരെയാക്കി.

“മോൾ അങ്ങോട്ട്‌ ചെല്ല്… പറഞ്ഞതൊക്കെ ഓർമ്മയുണ്ടല്ലോ…? അവൻ പറയുന്നത് ഒക്കെ അങ്ങ് ചെയ്താൽ മതി പേടിക്കാനൊന്നും ഇല്ല.”

ജസീന തലകുലുക്കി കാണിച്ചിട്ട് മണിയറയിലേക്ക് നടന്നു.

കൈയിൽ പാല് ഗ്ലാസുമായി റൂമിലേക്ക് കേറിയതും കട്ടിലിൽ ഫോണിൽ കുത്തികൊണ്ട് ഇരിക്കുന്ന സലാഹിനെ അവൾ കണ്ടു. അവന്റെ മുഖത്ത് നോക്കാനാകാതെ നാണത്തോടെ തറയിലേക്ക് നോക്കി അവൾ ചിരിച്ചു.

“അവിടെ നിൽക്കാതെ ഇങ്ങോട്ട് വാ…” അവൻ ജസീനയോടു പറഞ്ഞു.

അവൾ മന്ദം മന്ദം നടന്ന് അവന്റെ അരികിലെത്തി. അവൻ ജസീനയുടെ കൈയിൽ നിന്നും ഗ്ലാസ്‌ വാങ്ങി ഫ്രൂട്ട്സ് വെച്ചിരുന്ന സൈഡ് ടേബിളിൽ വെച്ചു. ജസീനയെ പിടിച്ചു അവന്റെ അരികിലായി ഇരുത്തി. ജസീന അപ്പോഴും നാണിച്ചു മുഖം താഴ്ത്തി വെച്ചേക്കുക ആയിരുന്നു.

“നീ ഇങ്ങനെ നാണിച്ചു ഇരുന്നാൽ എങ്ങനെയാ… നമ്മുടെ ആദ്യരാത്രി അല്ലേ ഇന്ന്…?” അവൻ ഒരു കുസൃതിയോടെ ചോദിച്ചു.

അത്‌ കേട്ടതും ജസീനയുടെ മുഖം വീണ്ടും നാണത്താൽ ചുവന്നു തുടുത്തു.

“ഞാൻ പോയി ഡ്രസ്സ്‌ മാറിയിട്ട് ബാത്ത്റൂമിലും പോയിട്ട് വരാം… നിനക്ക് പോണ്ടേ?” അവൻ ചോദിച്ചു.

ജസീന വേണ്ട എന്ന് തലയാട്ടി.

“എനിക്ക് മാറാൻ ഡ്രസ്സ്‌ എവിടെ?”

ജസീന ഉടനെ കട്ടിലിന്റെ സൈഡിൽ വെച്ചിരുന്ന ഡ്രസ്സ്‌ എടുത്ത് അവന്റേൽ കൊടുത്തു. അവൻ അത്‌ വാങ്ങുന്നതിനോടൊപ്പം ജസീനയുടെ മൃദുലമായ ആ മൈലാഞ്ചി കൈകളിൽ ഒന്ന് തഴുകി. ജസീന വീണ്ടും തണുത്തു വിറച്ചു. അവൻ ഡ്രെസ്സുമെടുത്ത് റൂമിന്റെ കതക് കുറ്റിയിട്ടിട്ട് ബാത്ത്റൂമിലേക്ക് പോയി.