മൂന്ന്‌ പെൺകുട്ടികൾ 5
Moonnu Penkuttikal Part 5 | Author : Sojan
[ Previous Part ]
ആര്യ ചേച്ചി കല്ലുകളിക്കുമ്പോൾ ആ വിരലുകൾ മുകളിലേയ്ക്ക് വളഞ്ഞിരിക്കും. നഖങ്ങൾ മനോഹരമായി കൂർത്ത് തിളങ്ങും. എനിക്കിട്ട് ശരീരത്തിൽ അവിടേയും ഇവിടേയും ഏത്ക്കുന്ന മുറിപ്പാടുകളും ആ മനോഹരമായ നഖങ്ങളിൽ നിന്നാണല്ലോ എന്നോർക്കുമ്പോൾ പിന്നേയും അത് കിട്ടാനായി ഞാൻ കൊതിച്ചിരുന്നു.
അളുമ്പിയ ശേഷം നഖങ്ങൾക്കിടയിൽ നിന്നും ചർമ്മം തൂത്തു കളയുന്നതു പോലേയും, കാലിലെ രോമം പറിച്ചെടുത്തിട്ട് ഊതി പറപ്പിക്കുന്നതുപോലേയും ഓരോ ചേഷ്ടകളൊക്കെ ചിലപ്പോൾ കാണിച്ചിരുന്നു. തിരിച്ച് എന്റെ കൈയ്യിൽ നിന്നും ഇതു പോലുള്ള നല്ല ഉപദ്രവങ്ങൾ ചേച്ചിക്കും കിട്ടിയിരുന്നു.
ഒരു ദിവസം ഞാൻ ഒരു വടി തോലൊക്കെ കളഞ്ഞ് മിനുസമാക്കി കറക്കിക്കൊണ്ട് നടന്നു.
സ്റ്റൈൽ കാണിക്കുന്നത് പെമ്പിള്ളേരുടെ അടുത്ത്.
ഇടയ്ക്കെപ്പോഴോ അത് ചേച്ചിയുടെ ദേഹത്ത് കൊണ്ടു.
പിടിച്ചു മേടിച്ച് അതുവച്ച് നല്ല ഒരു തല്ല്.
എനിക്ക് സങ്കടമായി.
ഞാൻ പിണങ്ങി പോയി.
എന്റെ അമ്മയുടെ ചെവിയിലെത്തികാണുമോ എന്നു കരുതി ചേച്ചിക്ക് എന്നെ അന്വേഷിച്ച് വരുവാനും ഭയം.
“അവനിട്ട് ഇടയ്ക്ക് ഒരെണ്ണം കൊടുക്കാൻ ആളുള്ളത് നല്ലതാ, ഞാൻ അടിക്കാൻ പിടിച്ചാൽ ഒന്നുകിൽ ഓടും, അല്ലെങ്കിൽ എന്റെ കൈ പിടിച്ച് തിരിക്കുകയോ, വടി ഒടിച്ചു കളയുകയോ ചെയ്യും. ആര്യ ഇഷ്ടം പോലെ കൊടുത്തോ ഒരു കുഴപ്പവുമില്ല” ഇതായിരുന്നു അമ്മയുടെ ആര്യ ചേച്ചിയോടുള്ള മറുപടി.
കൃത്രിമ പരിഭവം കാട്ടി മുറ്റത്തു കൂടി ഇവരുടെ സംസാരം കേട്ടുകൊണ്ട് നിൽക്കുന്ന ഞാൻ ആര്യ ചേച്ചിയെ നോക്കി. ആ മുഖം ചമ്മിയിരുന്നു.
അമ്മ അങ്ങിനൊക്കെ പറഞ്ഞെങ്കിലും ആര്യ ചേച്ചിക്ക് നല്ല ബുദ്ധിമുട്ടുണ്ടാക്കി ആ സംഭവം എന്നെനിക്ക് തോന്നി.
“നീ വരുന്നോടാ?”
“ഓ ഇല്ല”
“നിന്നെക്കൊണ്ട് ഒരാവശ്യമുണ്ടായിരുന്നു”
“ആശയേയോ അർച്ചനേയോ ആണെങ്കിൽ ചേച്ചി ഇതു പോലെ അടിക്കുമോ?” അമ്മയുടെ മുന്നിൽ വച്ചാണ് ഈ ചോദ്യം.
ചേച്ചി എന്താ പറയേണ്ടത് എന്നോർത്ത് പരുങ്ങി.
“അവളുമാരും എന്റെ അടുത്തു നിന്നും വാങ്ങാറുണ്ട്..” അത്രയും പറഞ്ഞ് ചേച്ചി വീട്ടിലേയ്ക്ക് നടന്നു. അതിരിലെത്തിയപ്പോൾ എന്നെ ദൂരെ നിന്നും സ്വരമില്ലാതെ വിളിച്ചു..
“ബാ” ചുണ്ടുകൾ അനങ്ങുന്നത് മാത്രമേ ഞാൻ കണ്ടുള്ളൂ. ചേച്ചി അതിരിൽ നിന്നിരുന്ന ചെമ്പരത്തിയിൽ നിന്നും പൂക്കൾ പൊട്ടിച്ചു.
ഞാനും പിന്നാലേ ചെന്നു.
ചേച്ചി അവിടെ തന്നെ നിന്നും. അടുത്തെത്തിയതും …
“‘നിക്ക്’ വിഷമമായിപ്പോയല്ലേ?, സോറി”
“സാരമില്ല ചേച്ചി…” ഞാൻ മുഴുമിപ്പിക്കാൻ സമ്മതിച്ചില്ല…
( ചേച്ചി സോറി എന്നോട് പറയുന്നതൊന്നും എനിക്കിഷ്ടമല്ല, എന്നും ചേച്ചിയാണ് ‘എന്റെ ഏറ്റവും വലിയ ശരി’.)
“നിന്റെ കുറുമ്പ് കൂടുന്നത് കണ്ട് കുറെ ദിവസമയി ഞാൻ ഓങ്ങിയിരിക്കുകയായിരുന്നു…” അതും പറഞ്ഞ് ചേച്ചി ഹൃദ്യമായ ഒരു കുസൃതി ചിരി ചിരിച്ചു.
“പക്ഷേ.. വേറെ ആരെങ്കിലും ആയിരുന്നേൽ എനിക്ക് വിഷമമില്ലായിരുന്നു”
ചേച്ചി കണ്ണിൽ നോക്കി അർത്ഥം വച്ചെന്നപോലൊരു ചിരി…
“എനിക്കെല്ലാം മനസിലാകുന്നുണ്ട്”
“എന്തോന്ന്‌”
“ഒന്നുമില്ല…”
ഞാൻ കൂടുതൽ ചോദിച്ചില്ല, ചേച്ചി പറയാൻ പോകുന്നത് “ചേച്ചിയോട് എനിക്ക് പ്രേമമാണ്” എന്നാണോ എന്നു കരുതി ഞാൻ ഭയപ്പെട്ടു.
ഞങ്ങൾ സംസാരിക്കാൻ എന്തൊക്കെയോ ബുദ്ധിമുട്ടുന്നതു പോലെ. എന്നെ തിരിച്ചു വിളിച്ചു കൊണ്ടുവരാൻ ചേച്ചി വന്നെങ്കിലും അത് വെറും സഹോദര സ്നേഹത്തിനും അപ്പുറമുള്ള ഒരു ബന്ധമാണെന്ന്‌ ഇരുവർക്കും മാനസിലായ പ്രതീതി.
ഉള്ളിൽ ആ ഒരു ചമ്മൽ രണ്ടു പേർക്കും ഉണ്ട്. ചേച്ചി തരളിതയായ പോലെ. ആ വാക്കൊന്നും അന്ന്‌ അറിയില്ല. അർത്ഥവും അറിയില്ല. ഇന്ന്‌ ചിന്തിക്കുമ്പോളും അത് മാത്രമാണ് ചേരുന്ന വാക്കെന്നു തോന്നുന്നു.
അവരുടെ പറമ്പിലേയ്ക്ക് ഞങ്ങൾ കടന്നതും ചേച്ചി കുറേക്കൂടി ആർജ്ജവമുള്ളവളായതായ എനിക്ക് തോന്നി.
ദൂരെ മറ്റൊരു പറമ്പിൽ ഇവർക്ക് പമ്പും ടാങ്കും എല്ലാം ഉണ്ട്. ആ പറമ്പിലെ ജലസേചനത്തിനായാണ് അത് വച്ചിരിക്കുന്നത്. ആ തോട്ടം നനയ്ക്കാൻ അവിടെ ചെന്ന്‌ മോട്ടർ ഓൺ ചെയ്യണമായിരുന്നു. എന്നെ ഒരിക്കലും അങ്ങോട്ടൊന്നും കൊണ്ടു പോകില്ലായിരുന്നു, എന്തെന്നാൽ അവരുടെ വീട്ടിലെ പണികൾ എന്തെങ്കിലും എന്നെക്കൊണ്ട് എടുപ്പിച്ചു എന്ന തോന്നൽ എന്റെ വീട്ടുകാർക്ക് വരുമോ എന്ന ഭയം ചേച്ചിയുടെ വീട്ടിലുള്ളവർക്കുണ്ടായിരുന്നു. ഞാൻ എന്തെങ്കിലും സഹായം ചെയ്താൻ താൽപ്പര്യം കാണിച്ചാൽ പോലും അവർ സമ്മതിക്കില്ലായിരുന്നു. എന്തിന് കടയിൽ നിന്നും സാധനങ്ങൾ മേടിക്കാൻ പോലും എന്നെ വിടില്ലായിരുന്നു.
അന്നേതായാലും ഞാനും ചേച്ചിയും കൂടി മോട്ടറടിക്കാൻ പോയി. അപ്പോൾ അതിനാണ് എന്നെ വന്ന്‌ വിളിച്ചത്.
വെള്ളം നിറയുന്നു.
ഞങ്ങൾ ആറ്റുവക്കിൽ നിന്നും ഒരു അൻപത് മീറ്ററോളം ഉള്ളിലായി മരച്ചുവട്ടിൽ ഇരിക്കുന്നു. ചീവീടുകളുടെ കരച്ചിൽ.
“ചേച്ചിക്ക് തനിയെ ഇവിടെ വന്ന്‌ മോട്ടർ ഓൺ ചെയ്യാൻ പേടിയാണല്ലേ?”
അതേ എന്ന ഭാവത്തിൽ ചേച്ചി ചുണ്ടുകൾ കടിച്ച് ചിരിച്ചു. എന്നെ ആക്രമിക്കുകയും, കടിക്കുകയും ഒക്കെ ചെയ്യുന്ന ചേച്ചിക്ക് അപ്പോൾ പേടിയുണ്ട്?!
“ഇതാണോ സഹായം ആവശ്യമുണ്ടെന്ന്‌ പറഞ്ഞത്?”
“ആം”
ഒരു നിമിഷം എന്തോ ആലോചിച്ച ചേച്ചി പെട്ടെന്ന്‌ ഓർത്ത പോലെ പറഞ്ഞു
“വടി കൊണ്ടതെവിടെ കാണെട്ടെ?”
‘വടി കൊണ്ടത്’ എന്ന്‌, അല്ലാതെ അടിച്ചതാണെന്ന്‌ ചേച്ചി സമ്മതിക്കുന്നില്ല.
“കൊണ്ടതോ? അടിച്ചത്”
“ങാ സമ്മതിച്ചു , അടിച്ചതെങ്കിൽ അടിച്ചത് – എവിടെ കാണട്ടെ”
രണ്ടു മൂന്ന്‌ ദിവസം കഴിഞ്ഞ് എന്ത് പാടു കാണാൻ? അപ്പോൾ തന്നെ കാര്യമായൊന്നും കാണാനില്ലായിരുന്നു. അടിയോ, പാടോ ഒന്നുമല്ലല്ലോ എന്റെ വിഷയം? എന്റെ ഹൃദയത്തിലേറ്റ മുറിവും, ചേച്ചിയുടെ ശരീരം എനിക്ക് എക്സ്പോസ് ആക്കി തരാത്തതുമാണല്ലോ ഉള്ളിലുള്ള പ്രധാന വിഷമം?
പക്ഷേ മരംകേറി നടക്കുന്ന എന്റെ ശരീരത്തിൽ ഇഷ്ടം പോലെ പാടുകൾ ഉള്ളതിൽ ‘ഭീകരമായ’ ഒരെണ്ണം ഞാൻ ചേച്ചിയെ കാണിച്ചു.
ആദ്യം ഒന്ന്‌ പകച്ച ശേഷം:
“ഇതോ ഇത് കുറെ പഴയതല്ലേ?”
“ങൂ ഹൂം, ഇത് തന്നെയാ”
“പോടാ കള്ളാ ഇത് പഴയതാ”
“പഴയതാണേലും പുതിയതാണേലും എന്റെ ദേഹത്തുള്ള ഈ പാടുകൾ എല്ലാം ചേച്ചി കടിക്കുന്നതും, മാന്തുന്നതും, അടിക്കുന്നതും ഒക്കെയാ”
ഉപരിവിപ്ലവകരമായ എന്റെ പ്രസ്ഥാവന ചേച്ചിയിൽ ചിരിയുളവാക്കി.
“പിന്നെ പിന്നെ എന്നു പറഞ്ഞാൽ ഞാൻ നിന്നെ ഓടിച്ചിട്ട് ഓരോന്ന്‌ ചെയ്യുകയല്ലേ”
“ങാ അതേ”
ഞങ്ങൾ കാലുകൾ നീട്ടി മരച്ചുവട്ടിൽ ഇരിക്കുകയാണ്.
ചേച്ചി എന്റെ സംസാരത്തിലെ കുസൃതി ആസ്വദിച്ച് എന്റെ തോളിൽ പിടിച്ച് ചേച്ചിയോട് ചേർത്ത് പിടിച്ചു. ഞാൻ ആ അവസരം മുതലാക്കി പതിയെ ചേച്ചിയുടെ മടിയിലേയ്ക്ക് കിടന്നു. ഞാൻ വീട്ടിൽ വച്ചും എല്ലാവരും ഉള്ളപ്പോൾ അങ്ങിനെ കിടക്കുന്നതാണ്. ചേച്ചിയുടെ തുട കഴയ്ക്കുമ്പോൾ “എഴുന്നേൽക്കെടാ” എന്നും പറഞ്ഞ് ഏത്പിച്ചും വിടും.
