എന്റെ മുഖഭാവം കണ്ടു മഞ്ജുവിന് ചിരി വരുന്നുണ്ടെന്നു എനിക്ക് തോന്നി. അവൾ എന്റെ മുഖത്ത് ശ്രദ്ധിക്കാതെ മാറിൽ കൈപിണച്ചു കെട്ടി നിന്നുകൊണ്ട് എന്തോ ഒന്ന് ചോദിച്ചു…അങ്ങനെ ഒരു ചാപ്റ്റർ ഉണ്ടോ എന്നായിരുന്നു എന്റെ അപ്പോഴത്തെ സംശയം !
“മിസ് കേട്ടില്ല…”
ഞാൻ പതിയെ പറഞ്ഞു.
“മ്മ്…എന്താ ?”
മഞ്ജു തിരക്കി..
“സോറി മിസ്..ഞാൻ അബ്സെന്റ് ആയിരുന്ന ടൈമിലെ ക്വെസ്ചൻ ആണെന്ന് തോന്നുന്നു “
ഞാൻ തട്ടി വിട്ടു.
“ഓ..അല്ല..ഇയാളുള്ളപ്പോ എടുത്തത് തന്നെയാ “
മഞ്ജു മുഖത്തടിച്ചു പോലെ പറഞ്ഞപ്പോ , ബാക്കി ഉള്ളവരൊക്കെ ചിരിച്ചു. എനിക്കതു കേട്ടപ്പോ ആകെ ദേഷ്യം വന്നു . ഞാൻ മഞ്ജുവിനെ നോക്കി കണ്ണുരുട്ടി.
“മ്മ്…അറിയോ ?”
മഞ്ജു വീണ്ടും തിരക്കി.
ഞാൻ ഇല്ലെന്നു തലയാട്ടി.
“മ്മ്…എന്ന അവിടെ നിന്നോ “
മഞ്ജു പറഞ്ഞുകൊണ്ട് അടുത്ത ടീമ്സിലെക്കു പോകുമെന്ന് വിചാരിച്ചെങ്കിലും അതോടെ നിർത്തി. ബാക്കിയുള്ള മൈരുകളൊക്കെ രക്ഷപെട്ടു .
മഞ്ജു വീണ്ടും ക്ളാസ്സിലേക്കു കടന്നു .ശ്യാം എന്റെ അടുത്ത് തന്നെ ഉണ്ട്.
ശ്യാം ;”നീയും പെട്ടല്ലേ”
ശ്യാം എന്റെ കാതിൽ പറഞ്ഞു ചിരിച്ചു.
“ഊമ്പാതെ പോ മൈരേ “
ഞാൻ പല്ലുകടിച്ചു പതിയെ പറഞ്ഞു.
ഞങ്ങളുടെ സംസാരം കേട്ടെന്നോണം മഞ്ജു അങ്ങോട്ടേക്ക് മുഖം ഉയർത്തി നോക്കി.
“എന്താ അവിടെ…?”
മഞ്ജു ശബ്ദം ഉയർത്തികൊണ്ട് ഞങ്ങളുടെ അടുത്തേക്ക് ഒന്ന് രണ്ടു ചുവടു വെച്ചു.
“ഒന്നുമില്ല മിസ് ..”
ഞാൻ വിളിച്ചു പറഞ്ഞു.
“എന്തിനാടോ ഇങ്ങനെ പറയിപ്പിക്കാനായി എന്നും വരുന്നത് “
മഞ്ജു എന്നെ ഒന്ന് ആക്കികൊണ്ട് പറഞ്ഞു.എന്നെ മഞ്ജു ഇടം കണ്ണിട്ടു നോക്കി. ഞാനവളെ ദേഷ്യത്തോടെ നോക്കിയപ്പോൾ മഞ്ജുവിന്റെ ചുണ്ടിൽ ഒരു ചിരി വിരിഞ്ഞു.
ശ്യാം അത് കേട്ടു ചിരിച്ചു.
“വല്യ ചിരി ഒന്നും വേണ്ട..നമ്മളേം കൂടി ചേർത്ത പറഞ്ഞെ “
മഞ്ജു അവനേം വിട്ടില്ല. അത് കേട്ടപ്പോൾ ഞാൻ സ്വല്പം ഉറക്കെ ചിരിച്ചു . അത് ബാക്കി എല്ലാവര്ക്കും കേൾക്കാൻ പാകത്തിൽ ആയിരുന്നു . എല്ലാരും എന്നെ തിരിഞ്ഞും ചെരിഞ്ഞുമൊക്കെ നോക്കി. ഞാൻ കഷ്ടപ്പെട്ട് ചിരി അടക്കി പിടിച്ചു മഞ്ജുവിനെ നോക്കി.
“കൂടുതൽ ചിരി ഒന്നും വേണ്ട…അതിനു മാത്രം വല്യ കോമഡി ഒന്നും ഇവിടെ പറഞ്ഞില്ല “
മഞ്ജു ഗൗരവത്തിൽ പറഞ്ഞപ്പോൾ , ബാക്കിയുള്ള പിള്ളേരൊക്കെ അതിനു കയ്യടി എന്നോണം പൊട്ടി ചിരിച്ചു എന്നെയും ശ്യാമിനെയും നോക്കി .
“മ്മ്…ഇവരൊഴികെ ബാക്കി എല്ലാരും ഇരുന്നോ “
ഞങ്ങളെ ഒന്ന് തറപ്പിച്ചു നോക്കി മഞ്ജു പറഞ്ഞു.
നിനക്ക് ഞാൻ വെച്ചിട്ടുണ്ട് മഞ്ജുസേ…! ഞാൻ മനസിലോര്ത്തുകൊണ്ട് അവളെ നോക്കി കണ്ണുരുട്ടി. മഞ്ജു ചിരിയോടെ പിന്തിരിഞ്ഞു നടന്നുകൊണ്ട് ക്ളാസ് എടുത്തു. ആ പിരീഡ് കഴിയും വരെ ദുഷ്ടത്തി ഞങ്ങളെ നിർത്തി. അത് പുതിയ കാര്യം അല്ല. എന്നാലും ഞങ്ങള് അടയും ചക്കരയും ആയ ശേഷം ആദ്യമാണ് .
ഞാൻ ഇന്റെർവെല്ലിനു മഞ്ജുവിനെ പിടിക്കാം എന്ന് വിചാരിച്ചു . വരാന്തയിൽ വെച് കണ്ടു മുട്ടി എങ്കിലും മഞ്ജു കൈകൊണ്ട് വഴി മാറാൻ ആംഗ്യം കാണിച്ചു എന്നെ ശ്രദ്ധിക്കാതെ കടന്നു പോയി . പോകും വഴിക്കു എന്നെ തിരിഞ്ഞു നോക്കുക പോലും ചെയ്തില്ല.
അപ്പൊ ഇനി ലൈബ്രറി തന്നെ ശരണം . ഉച്ചക്ക് സ്ഥിരം സ്പോട്ടിലേക്കു തിരിച്ചു. പ്രസാദ് അണ്ണൻ അവിടെ സന്നിഹിതൻ ആയിരുന്നു .മഞ്ജു ആ സമയം അവിടെ എത്തിയിട്ടുണ്ടായിരുന്നില്ല. ഞാനും പ്രസാദ് ഏട്ടനും സംസാരിച്ചിരിക്കെ ആണ് മഞ്ജു അകത്തേക്ക് കടന്നു വന്നത്. മുടിയിഴ കോതി ഒതുക്കി സുഗന്ധം പരത്തികൊണ്ട് മഞ്ജു ലൈബ്രറിക്കുള്ളിലേക്കെത്തി.
അവിടെ എന്നെ കണ്ടതും ഓടും കുതിര ചാടും കുതിര വെള്ളം കണ്ടാൽ നിൽക്കും കുതിര എന്ന പോലെ sudden ബ്രെക് ഇട്ടു നിന്നു. പെട്ടെന്ന് എന്തോ ഓർത്തെന്ന പോലെ തിരിഞ്ഞു നടക്കാൻ തുടങ്ങി. എന്നെ മനഃപൂർവം അവോയ്ഡ് ചെയ്യാനുള്ള പരിപാടി ആണെന്ന് മനസിലായി..
“ഇന്നെന്താ ടീച്ചറെ കേറുന്നില്ലേ ..”
പ്രസാദ് അണ്ണൻ ചോദിച്ചു.
“ഓ..ഇല്ല ചേട്ടാ ..ഇപ്പഴാ ഓർത്തെ..സ്റ്റാഫ് റൂമിൽ കുറച്ചു വർക്ക് ഉണ്ട് “