മിണ്ടി പോകരുത് . ഇവിടെ നടന്ന കാര്യങ്ങൾ വീട്ടിലോ നിൻ്റെ അനിയനോടൊ മറ്റാരെങ്കിലോടൊ പറഞ്ഞാൽ ദാ ഈ ചൂരലിനേക്കാൾ വലുത് ഒരെണ്ണം അടുക്കളയിലുണ്ട് . അത് കൊണ്ട് നിൻ്റെ ചന്തിയും പുറവും ഞാൻ പൊളിക്കും . കേട്ടല്ലോ .
ചേച്ചി പതിഞ്ഞ സ്വരത്തിൽ രാജേഷിനെ കണ്ണുരുട്ടി പേടിപ്പിച്ച് കൊണ്ട് പറഞ്ഞു .
രാജേഷ് പേടിയോടെ മ് എന്ന് മാത്രം ഒന്ന് മൂളിക്കൊണ്ട് വായ പൊത്തി വാതിലിന് ചുവട്ടിൽ നിന്നു .
ചേച്ചി വേഗം തന്നെ തൻ്റെ സിന്ദൂരം ശരിയായി തൊട്ട് ചെങ്കല്ല് കൊണ്ട് പണിത തേക്കാത്ത വീടിൻ്റെ ചുമരിൽ ഫിറ്റ് ചെയ്ത മരം കൊണ്ട് ഉണ്ടാക്കിയ ചെറിയ സ്റ്റാൻ്റിൽ നിന്ന് കൺമഷി എടുത്ത് രണ്ട് കണ്ണുകളും മിഴിച്ച് പിടിച്ച് ഉള്ളിൽ എഴുതുകയും അൽപം കുട്ടി കുറാ പൗഡർ എടുത്ത് മുഖത്ത് ഒന്ന് ടച്ചപ്പ് ചെയ്ത ശേഷം..
ദാ വരുന്നിച്ചേയി
എന്നും പറഞ്ഞ് മാറിലേക്ക് ഒരു ക്രീം കളർ ചുട്ടി തോർത്തും ഇട്ട് മിണ്ടി പോകരുത് എന്ന് ഒരിക്കൽ കൂടി രാജേഷിനെ നോക്കി കണ്ണുരുട്ടി ചൂണ്ട് വിരൽ ചുണ്ടിൽ വെച്ച് പേടിപ്പിച്ച ശേഷം വാതിൽ മെല്ലെ തുറന്നു .
രാജേഷ് പേടിച്ച് വാതിലിൻ്റെ മറവിൽ കയറി മിണ്ടാതെ നിൽക്കുന്നത് കണ്ടിട്ട് സത്യത്തിൽ എനിക്ക് ചിരി വന്നു പോയി .
” ഹോ എത്ര വിളി വിളിക്കണം മോളെ നിന്നെ ”
” ഞാൻ അമ്മയുടെ മുറിയിലായിരുന്നു ഇച്ചേയി ”
” എന്താ പറ്റിയെ അമ്മക്ക് ”
” ഹൊ ഒന്നും പറയണ്ട ഇച്ചേയി . സുജേച്ചിയുടെ മോൻ എവിടെ അവൻ ? ” !
എന്ന് പറഞ്ഞ് മായേച്ചി പിറകിലേക്ക് തിരിഞ്ഞ് നോക്കിയതും രാജേഷ് പേടിച്ച് തല താഴ്തി അവരുടെ മുന്നിലേക്ക് വാതിലിൻ്റെ മറവിൽ നിന്ന് കടന്ന് വന്നു .
” ആ ഈ കൊച്ച് നമ്മടെ മുരിക്കും തറയിലെ പപ്പൻ്റെ ഇളയ മോനല്ലെ ”
എന്ന് രമണി എന്ന് പറയുന്ന ചേച്ചി രാജേഷിനെ കണ്ടപ്പോൾ ചെറു ചിരിയോടെ മായേച്ചിയോട് ചോദിച്ചു .
” ആ ‘ അതു തന്നെ ഇച്ചേയി . പക്ഷേ ഇവനാ മൂത്തത് . കണ്ടാൽ ഇവൻ ഇളയവനാന്നെ തോന്നു ”
എന്ന് മായേച്ചി ഉണ്ടാക്കിയുള്ള ഒരു ചിരി പാസാക്കിക്കൊണ്ട് രമണി ചേച്ചിയോട് പറഞ്ഞു .
” ഇവൻ അച്ചനെ പോലെ തീരെ കുഞ്ഞാണല്ലോ മായെ ! എന്താ മോൻ്റെ പേര് കുട്ടാ ?
എന്ന് വത്സല ചേച്ചി രാജേഷിനോട് ചോദിച്ചു .
രാജേഷ് അതു കേട്ട് മായേച്ചിയുടെ മുഖത്തേക്ക് നാണത്തോടെ മുഖം ഒന്നുയർത്തിപ്പിടിച്ച് എത്തി നോക്കി ‘
” പറയട കുഞ്ഞാപ്പി നിന്നോട ഇച്ചേയി ചോദിച്ചത് ”
എന്ന് വീണ്ടും ഒരു ചെറിയ ചിരി പാസാക്കിക്കൊണ്ട് മായേച്ചി രാജേഷിൻ്റെ നീളൻ മുടിയിൽ ഒന്ന് തലോടി .
രാജേഷ്
എന്നവൻ നാണത്തോടെ ആ ചേച്ചിക്ക് മറുപടി കൊടുത്തു .
” ഇവന് ജോലിക്ക് പോവാനൊക്കെയുള്ള പ്രായമായോ മായെ അയിന് ? ”
എന്ന് വത്സല ചേച്ചി വീണ്ടും മായേച്ചിയോട് ചോദിച്ചു .
” അവൻ കുഞ്ഞാപ്പിയാന്നെ യുള്ളൂ പ്രീ ഡിഗ്രി തോറ്റ് വീട്ടിൽ ചുമ്മ ഇരിക്കണ കാരണം ഇച്ചേയി തയ്യല് പഠിക്കാൻ വേണ്ടി എന്നെ ഏൽപ്പിച്ചതാ . ”
” എന്നിട്ട് കുട്ടൻ കുസൃതി ഒപ്പിച്ചോ ? ഇവിടെ എന്താ ഉണ്ടായെ എന്ന് രമണി ചേച്ചി വീണ്ടും മായേച്ചിയോട് തിരക്കി .
ഒന്നും പറയണ്ട എൻ്റെ ഇച്ചേയി . തയ്യൽ പഠിപ്പിക്കുന്ന സമയം വലിയ കത്രിക പിടിക്കാൻ പഠിപ്പിച്ചതാ . കുഞ്ഞൻ്റെ രണ്ട് വിരലുകൾ കത്രികയുടെ വട്ടക്കണ്ണിൽ ലോക്കായി . കൊച്ചൻ പേടിച്ച് കരഞ്ഞത് അമ്മ കേട്ട കാരണം അമ്മയും പേടിച്ച് കരഞ്ഞതാ ”
എന്ന് ചേച്ചി നൈസ് ആയിട്ട് അവരെ കാര്യം പറഞ്ഞ് ബോധ്യപ്പെടുത്തി .
ഹോ അത്രേയുള്ളോ ? ഞങ്ങൾ പശുവിന് പുല്ലരിയാനായി ആ മാപ്ലേടെ തോട്ടത്തിലേക്ക് പോണ വഴിയാ അമ്മേടെ ശബ്ദം കേട്ടത് . ഞാനും ഇവളും അങ്ങ് പേടിച്ച് പോയി . അതാ വന്ന് നോക്കിയത് .
” നല്ല കാര്യം ഇച്ചേയി . ശബ്ദം കേട്ടാൽ ഓടി വന്നേക്കണെ ”
എന്ന് വീണ്ടും അഭിനയിച്ച് ഒരു ചിരി കൂടി ചിരിച്ച് കൊണ്ട് മായേച്ചി അവരോട് പറഞ്ഞു .
” അത് പിന്നെ പറയണോ മായെ . വാടി രമണി . നമുക്ക് പാറുവമ്മയെ ഒന്ന് കേറി കണ്ടേച്ചും പോവാം ”
എന്നും പറഞ്ഞ് രമണി ചേച്ചിയും വത്സല ചേച്ചിയും തള്ള കിടക്കുന്ന റൂമിൽ കയറിയതും രാജേഷ് അവിടെ നിന്നും ഇറങ്ങി പതിയെ നടന്നു .