“കാത്തിരുന്നൊരു ചക്കരകുടം
കൈയിലെത്തുമ്പോൾ
അമ്പാടിക്കൊരു ഗോലുമാല്……”
“ഓഹ്ഹ്ഹ്,,,,,നീ ആ പാട്ട് ഒന്ന് മര്യാദക്ക് ഓഫ്‌ ചെയ്തു വെച്ചേ ടാ സിജോയെ…….”
ടൗണിലെ ഏറ്റവും നല്ല സുന്ദരിമാരും സുന്ദരന്മാരും, പൂവാലന്മാരും പൂവാലികളും, വെടക്ക് കെട്ട ആൺകുട്ടികളും വെടക്ക് കെട്ട പെൺകുട്ടികളും വേണ്ടുവോളം വാഴുന്ന സ്വർഗം എന്ന പേരിൽ അറിയപ്പെടുന്ന കെസിവൈഎം എന്ന കോളേജിന്റെ തുരുമ്പ് പിടിച്ച ഗേറ്റ് തുറന്ന് നടന്നു വന്ന് നേരെ കണ്ട ഓഫിസ് റൂമിന്റെ മുന്നിൽ നിന്ന ഗിരിജ ടീച്ചറെ ഒന്ന് നോക്കുക പോലും ചെയ്യാതെ നേരെ നടന്ന് ഓഫിസ്റൂമിനോട് ചേർന്ന് നല്ല നിറമുള്ള ടൈൽസ് ഇട്ടു മിനുക്കിയെടുത്ത ചവിട്ടുപടികൾ കയറി കൊണ്ട് സെക്കന്റ്‌ ഫ്ലോറിൽ എത്തിയതും കൂട്ടിലകപ്പെട്ട ഇണകുരുവികളെ പോലെ തലങ്ങും വിലങ്ങും സംസാരിച്ചു കൊണ്ട് നിന്നിരുന്ന കാമുകികാമുകന്മാരെ വിഷ്‌ ചെയ്തു കൊണ്ട് ബിഎ ഇക്കണോമിക്സ് സെക്കന്റ്‌ ഇയറിന്റെ ക്ലാസ്സിലേക്ക് കയറി പാട്ട് വെച്ചതും അന്നേരം മുഖത്ത് അടി കിട്ടിയതു പോലെ കേൾക്കുകയായിരുന്നു സിജോക്ക് സ്മേരയിൽ നിന്ന്……
“”നീയിത് എന്തിനാടി പോത്തേ എന്നോട് ദേഷ്യപെടണേ,, നമ്മുടെ ക്ലാസ്സിലെ അവസാനത്തെ പിരിയഡ് കഴിഞ്ഞ് എല്ലാവരും ക്ലാസ്സിൽ നേരത്തെ എത്തണം ഡാൻസ് പ്രാക്ടീസ് ഉണ്ട് എന്നൊക്കെ നീയല്ലേ ടി പറമ്പിനു ചുറ്റും മുള്ള് കമ്പി കൊണ്ട് വേലി കെട്ടിയത് പോലെ പല്ല് തേക്കാതെ മഞ്ഞ കളർ ആയ പല്ലിന് കമ്പി ഇട്ട പിശാശെ ഇന്നലെ പറഞ്ഞത്…..മൂന്നെണ്ണം പോരാഞ്ഞിട്ട് ഇന്നലെയും കൂടി ഒരുത്തിയെ സെറ്റ് ആക്കിയേ ഉള്ളൂ ഞാൻ…… അവളെ വരെ ഒന്ന് മൈൻഡ് പോലും ചെയ്യാതെ ഓടി കിതച്ച് ഇങ്ങോട്ട് വന്ന എന്നെ നി ചീത്ത പറയുന്നോ ടി പുല്ലേ……””
“ഓഹ്ഹ് എന്റെ പൊന്നു മോനെ…..കെസിവൈഎം കോളേജിലെ എല്ലാ പെൺകുട്ടികളുടെയും കാലനായ സിജോ കുട്ടാ…..”
“”ങേ!!!!!എന്താടി പുല്ലേ നി പറഞ്ഞേ……””
“സോറി ജോ കുട്ടാ അത് എന്റെ മുടി വായിൽ ആയപ്പോൾ പറഞ്ഞത് തെറ്റിപോയതാടാ….. മോനെ സിജോ,,ഈ കോളേജിലെ എല്ലാ പെൺകുട്ടികളുടെയും കാമുകനായ നിന്നോട് മനഃപൂർവം ചീത്ത പറഞ്ഞതല്ലടാ ഇവള്….പാവത്തിന്റെ അവസ്ഥ അങ്ങനെ ആയി പോയി അത് കൊണ്ട് നിന്നെ ചീത്ത പറഞ്ഞതാ അവള്…..”
ഏറെ നേരമായി സ്മേരയുടെ ദുഃഖത്തിൽ പങ്കുചേർന്ന് ഇരിക്കുവായിരുന്നവരിൽ നിന്ന് മീര അവനോടായി അത് പറഞ്ഞപ്പോഴും അവന്റെ ശ്രെദ്ധ മുഴുവൻ സ്മേരയിൽ ആവുകയായിരുന്നു……..
“”എടി സ്മേരെ,,,, എന്താടി ഉണ്ടായത്?? വരാനിരിക്കുന്ന പാർട്ടിയുടെ പരിപാടികൾ എല്ലാം മാറ്റിവെച്ച?? നമ്മുടെ സഖാവിന് എന്തേലും പറ്റിയോ ടി…… നി നിന്റെ വെളുത്ത പല്ല് ഒന്ന് പുറത്ത് കാണിച് എന്തെങ്കിലും ഒന്ന് മിണ്ടെടി സാധനെ…..””
“നി അവളെ ഇട്ട് ഇങ്ങനെ കുലുക്കല്ലേ എന്റെ സിജോയെ,,,, കോളേജ് ബസ് സ്റ്റോപ്പിന്റെ അടുത്തുള്ള ലേഡീസ് വെയറിൽ വെച്ചേക്കുന്ന ആ ലേഡി ഡമ്മിയെ പോലെയാ എന്റെ കൊച്ച്….. നി പിടിച്ചു ഇങ്ങനെ കുലുക്കിയാൽ കൈയ്പക്കായയുടെ തണ്ട് ഒടിയുന്ന പോലെ എന്റെ കൊച്ചിന്റെ കൈ ഒടിഞ് വീഴും……എന്താ സംഭവം എന്ന് ഞാൻ പറയാം…… എടാ ഫസ്റ്റ് ഇയറിൽ ചേർന്നപ്പോൾ പാർട്ടിയുടെ പരിപാടിക്ക് ഇവൾ ഡാൻസ് കളിചില്ലേ……ആ അത് കൊണ്ട് തന്നെ ഇപ്രാവ……….. എ,,,എടി സ്മേരെ ദേ പോകുന്നു സഖാവ്…..നി ആ ചേച്ചിയെ ഇങ്ങോട്ട് വിളിക്ക് നമ്മുക്ക് കാര്യം ഇപ്പൊ തന്നെ പറയാം……..”
വരാനിരിക്കുന്ന പാർട്ടിയുടെ ആർട്സ് പ്രോഗ്രാമിന് ചുക്കാൻ പിടിക്കുന്ന പാർട്ടിയുടെ എല്ലാമെല്ലാമായ തേർഡ് ഇയറിലെ നന്ദനയെ ആഗ്യം കാണിച്ചു കൊണ്ട് സ്മേരയും കൂട്ടരും ബിഎ ഇക്കണോമിക്സ് ക്‌ളാസിലേക്ക് വിളിച്ചു……..
“എന്തായി പിള്ളേരെ,,,,,ഡാൻസ് പ്രാക്ടീസ് ഒക്കെ നടക്കുന്നില്ലേ…..പ്രോഗ്രാമിന് തകർക്കില്ലേ നിങ്ങൾ……”
നന്ദനയുടെ ആ ചോദ്യം കേട്ടതും അന്നേരം വായക്ക് ഉള്ളിൽ കീടാണു കയറി വയറു വേദന വന്നത്പോലെ തളർന്ന് ഇരിക്കുവായിരുന്നു സ്മേരയും ടീമും………
“എന്റെ പൊന്നു നന്ദനെച്ചി ഡാൻസ് ആണ് ഇപ്പോഴത്തെ പ്രശ്നം……..”
“ഡാൻസിന് എന്താ മീര ഇപ്പോൾ പ്രശ്നം……പഠിപ്പിച്ചു തരാൻ സ്മേര ഇല്ലേ പിന്നെന്താ…..”
“ഹാ അതാണ് നന്ദനെച്ചി ശെരിക്കും പ്രശ്നം…….”
“ഓഹ്ഹ് ടി കൊരങ്ങി,,,,നന്ദനെച്ചി നിക്കുന്ന കൊണ്ട ഇല്ലേൽ ഞാൻ വെല്ല തെറി പറയും……. നീ ശെരിക്കും എന്താണ് പ്രശ്നം എന്ന് പറയെടി കോപ്പേ…… ആദ്യം പറഞ്ഞു ഡാൻസിനാണെന്ന്…… ഇപ്പൊ പറയുന്നു ദേ ഇവൾക്ക് ആണെന്ന്…… എനിക്ക് പ്രാന്ത് പിടിച്ചാൽ ഞാൻ എന്റെ നാലാമത്തെ ലൗവറിനെ വിട്ട് വേറെ ഏതേലും പെണ്ണിനോട് ഇഷ്ടം ആണെന്ന് പറയും ട്ടോ ഡി പുല്ലേ…….”
“ഹ്മ്മ് എന്ന കേട്ടോ പറയാം….. എന്റെ നന്ദനെച്ചി ഇത് രണ്ടും ഇപ്പോഴത്തെ പ്രശ്നം തന്നെ ആണ്…….. ഫസ്റ്റ് ഇയറിൽ നമ്മുടെ വാക്ക് കേട്ട് ഇവൾ കേറി ഡാൻസ് കളിചില്ലേ……. എന്നിട്ട് എന്താ ഉണ്ടായേ….. സീനിയേഴ്‌സ് ചേട്ടന്മാർ വൃത്തിക്ക് അവരുടെ പരുപാടികൾ ചെയ്തു…….. ആദ്യമൊക്കെ കൂവലും തെറിവിളിയുമായിരുന്നു…… പിന്നെ ഒരു മിനിറ്റ് ട്ടോ,,,,നന്ദനെച്ചി ഇപ്പോഴും ആ കറുത്തിട്ടുള്ള ജിമ്മ് ചേട്ടനെ സ്നേഹിക്കുന്നുണ്ടോ????
“ഇല്ലെടി എന്താ……”
ആ കറുത്തിട്ടുള്ള ജിമ്മൻ തെണ്ടി പട്ടി ചെറ്റ ഇവളുടെ നേരെ ആദ്യത്തെ മുട്ട ഏറ് നടത്തി……. പിന്നെ ചറപറചറപറ മുട്ട ഏറ് ആയിരുന്നു ഇവൾക്ക് കിട്ടിയത്……. ആ ഇവൾ തന്നെ ഇപ്രാവശ്യത്തെ ഗ്രൂപ്പ്‌ ഡാൻസ് സെറ്റ് ചെയ്‌താൽ മുട്ടക്ക് പിന്നാലെ നമ്മുടെ അന്തോണിചേട്ടന്റെ പലചരക്കു കടയിൽ ഉള്ള വഴുതനങ്ങയും തക്കാളിയും സബോളയും എല്ലാം അവന്മാര് ഇവന്മാരുടെയും ഇവൾമാരുടെയും നേർക്ക് എറിയും……. അത് കൊണ്ട് ഡാൻസ് സെറ്റ് ചെയ്യാൻ ഇവൾക്ക് ഒരു ധൈര്യമില്ല നന്ദനെച്ചി……. ”
“അന്ന് എല്ലാത്തിനും കാരണം ഇവള നന്ദനെച്ചി……. എല്ലാവരും എന്നോട് അടിച്ചു പൊളിക്കെടി ഡാൻസ് എന്ന് പറഞ്ഞപ്പോൾ ഈ കരിനാക്ക് ഉള്ളവള പറഞ്ഞേ സീനിയർ ചേട്ടന്മാരുടെന്ന് മുട്ട ഏറ് കിട്ടും മോളെ എന്ന്…തെണ്ടി…”
അത് വരെ നിശബ്ദതയായി ഇരുന്ന സ്മേര ഡെസ്ക്കിന്റെ മോളിൽ കയറിയിരുന്നിരുന്ന മീരയെ നോക്കി പറഞ്ഞപ്പോഴും ചിരിക്കണോ വേണ്ടയോ എന്നറിയാതെ നിൽക്കുവായിരുന്നു എല്ലാവരും……
“കഴിഞ്ഞത് കഴിഞ്ഞു……ഇനി അതെ പറ്റി പറഞ്ഞിട്ട് എന്താ കാര്യം……. എന്താ നിങ്ങളുടെ അടുത്ത പ്ലാൻ,,, ദേ പ്രോഗ്രാമിന് ഡാൻസ് കളിച്ചില്ലെങ്കിൽ എന്റെന്ന് ആയിരിക്കും മുട്ട ഏറ് കിട്ടുക……… ഓർത്തോ ട്ടോ എല്ലാവരും…….”
“”ഓഹ്ഹ് സീരിയസ് കാര്യം പറയുമ്പോൾ അവിടെയും മുട്ട കൊണ്ട് വന്നേക്കുന്നു……. അതെടുത്ത്‌ കൈയിൽ വെക്ക് ചേച്ചി….. എന്നിട്ട് ഞാൻ പറയാൻ പോകുന്നത് ഒന്ന് കേൾക്കോ,,,,, ചേച്ചിക്കെ പറ്റൂ ഞങ്ങളെ ഇപ്പൊ രക്ഷിക്കാൻ……””
