വിഷാദതരളം… വികാരഭരിതം – 3 17

ആ നോട്ടം സഹിക്കാനായില്ലെങ്കിലും മീര നന്ദിയോടെയാണ് ഗണേശനെ നോക്കിയത്..

 

 

“” അപ്പോ ഞാൻ കാര്യംപറയാം..

ഞാനൊരു പലിശക്കാരനാണെന്ന് നിങ്ങൾക്കറിയാലോ..?.

പലിശ കിട്ടാത്ത ഒരു കാര്യത്തിനും ഞാൻ പണം മുടക്കാറില്ല..

രവിയെന്റെ അടുത്ത കൂട്ടുകാരനായിരുന്നു…

അത് കൊണ്ട് പലിശ വേണമെന്നൊന്നും ഞാൻ പറയില്ല….

പക്ഷേ, മുതലെങ്കിലും കിട്ടണ്ടേ…?”..

 

 

മീരയും, ബാബുവും പേടിയോടെയാണ് ഗണേശൻ പറയുന്നത് കേട്ടത്..

 

 

“” രവിയുടെ മരണാനന്തര ചടങ്ങുകൾക്കടക്കം പത്ത് ലക്ഷത്തി പതിനായിരം രൂപയാണ് എന്റെ കയ്യിൽ നിന്ന് ചെലവായത്..

പലിശക്കാരനല്ലേ, എല്ലാ ചെലവും കൃത്യമായി ഞാൻ എഴുതി വെച്ചിട്ടുണ്ട്…

ഞാനെന്താണിനി ചെയ്യേണ്ടത്…

അതിനി പറയേണ്ടത് നിങ്ങളാണ്…”..

 

 

കുഴഞ്ഞ് വീഴുമെന്ന് തോന്നിയ മീര വാതിൽ പാളിയിൽ മുറുക്കിപ്പിടിച്ചു..

ബാബുവിനും സംഖ്യയുടെ വലിപ്പം കേട്ട് ബോധം പോകുമെന്ന് തോന്നി..

 

 

“”പലിശ ഏതായാലും എനിക്ക് വേണ്ട…

പക്ഷേ, ഞാൻ ചെലവാക്കിയ പൈസ എനിക്ക് തിരിച്ച് വേണം…

മീര പറ… പൈസ മേടിക്കാൻ ഞാനെന്ന് വരണം…?”..

 

 

വാതിൽ പാളിയിൽ പിടിച്ച് നിൽക്കുന്ന മീരയെ നോക്കി ഗണേശൻ പറഞ്ഞു..

ഒരു ചുവന്ന നൈറ്റിയിട്ട് നിൽക്കുന്ന അവന്റെ സ്വപ്നറാണിയെ കണ്ടിട്ട്

അവന് പിടിച്ച് നിൽക്കാനാവുന്നില്ല.. ഈ വെണ്ണയുടൽ പുണരാൻ തനിക്കിനി അധികം കാലതാമസമില്ലെന്ന് ഗണേശനറിയാം..

 

 

“” അത്… ഒരു…രണ്ട് മാസം കൂടി… “..

 

 

വിറച്ച് കൊണ്ട് മീര പറഞ്ഞു…

 

 

“” ശരിയെന്നാ… നമുക്ക് രണ്ട് മാസം കഴിഞ്ഞ് കാണാം…

ബാബൂ…

ഞാനൊന്ന് ശ്രമിച്ച് നോക്കട്ടെ…

ഏതേലും വർക് ഷോപ്പിൽ നമുക്ക് നോക്കാം…”..

 

 

കൂടുതലൊന്നും പറയാതെ ഗണേശൻ പോയി..

 

 

“” ചേട്ടത്തീ… പത്ത് ലക്ഷം രൂപയാണ് അയാൾക്ക് കൊടുക്കാനുള്ളത്…

രണ്ട് മാസം കൊണ്ട് അതെങ്ങിനെ കൊടുക്കാനാ…?”..

 

 

ബാബു, മീര പറഞ്ഞത് കേട്ട് വിശ്വാസം വരാതെ ചോദിച്ചു..

 

 

“” എനിക്കറിയില്ല ബാബൂ… അല്ലാതെ ഞാനെന്താ പറയാ… ?..

എന്തെങ്കിലും പറയാതെ അയാളിവിടെ നിന്ന് പോവില്ല… “..

 

 

നിറഞ്ഞ കണ്ണുകളോടെ മീര പറഞ്ഞു..

അവൾക്കുമറിയില്ലായിരുന്നു രണ്ട് മാസത്തിനുള്ളിൽ എങ്ങിനെ പത്ത് ലക്ഷം രൂപയുണ്ടാക്കുമെന്ന്..

അത് മാത്രമല്ല, വീട് പട്ടിണിയിലേക്ക് പോവുകയാണ്..

രവിയേട്ടൻ വർക് ഷോപ്പ് അസോസിയേഷനിൽ മെമ്പറായത് കൊണ്ട് അവർ കുറച്ച് സഹായം ചെയ്തിട്ടുണ്ട്..അത് കൊണ്ടാണ് ഒരു മാസം പിടിച്ച് നിന്നത്..

അത് തീരാറായി..

 

 

✍️…

 

പിറ്റേന്ന് രാവിലെത്തന്നെ മീരയും, ബാബുവും വീട്ടിൽ നിന്നിറങ്ങി..

മീര നേരെ പോയത് അവൾ ആദ്യം ജോലി ചെയ്ത ഹോസ്പിറ്റലിലേക്കാണ്..

ഇപ്പോൾ അടിയന്തിരമായി വേണ്ടത് ഒരു ജോലിയാണ്..

പട്ടിണി കൂടാതെ കഴിഞ്ഞാലല്ലേ ഗണേശന് കൊടുക്കാനുള്ള പൈസയെ കുറിച്ച് ചിന്തിക്കാനെങ്കിലുമാവൂ..

 

 

പക്ഷേ, മീരക്ക് നിരാശയായിരുന്നു ഫലം..

അവിടെ വേക്കൻസിയൊന്നുമില്ല..

എന്നാൽ അന്നത്തെ കറക്കം കൊണ്ട് ബാബുവിന് ചെറിയൊരു പണി കിട്ടി..

അവന്റെയൊരു കൂട്ടുകാരനാണ് അപ്പു..

അവന് പടവിന്റെ പണിയാണ്..

അപ്പുവിന്റൊപ്പം ഹെൽപറായിട്ടാണ് ബാബുവിന് പണി കിട്ടിയത്..

 

 

രാത്രി മീരയും, ബാബുവും ഇരുന്ന് കാര്യങ്ങൾ സംസാരിച്ചു..

ബാബുവിന്റെ പണി കൊണ്ട് പട്ടിണി കിടക്കാതെ പോകാമെന്ന് മാത്രം.. ഗണേശന്റെ പണമുണ്ടാക്കാൻ അവരൊരു വഴിയും കണ്ടില്ല..

രണ്ട് മാസമല്ല, രണ്ട് വർഷം കിട്ടിയാലും അതുണ്ടാക്കാനും കഴിയില്ല..

വീട് വിൽക്കുന്നതിനെ പറ്റിയും, കാറ് വിൽക്കുന്നതിനെ പറ്റിയുമെല്ലാം അവർ ചിന്തിച്ച് നോക്കി..

വീട് വിൽക്കാനാവില്ല..ആധാരം ബാങ്കിലാണ്..

കാറ് വിറ്റാലും കാര്യമായെന്തെങ്കിലും കിട്ടില്ല..

ഒരു വഴി കാണാതെ രണ്ടാളും വേദനയോടെ പരസ്പരം നോക്കി..

 

 

പിറ്റേന്നും, അതിന്റെ പിറ്റേന്നും, തുടർച്ചയായി ഒരാഴ്ച മീര ജോലിയന്വോഷിച്ചെങ്കിലും ഒന്നും ശരിയായില്ല..