ഇതെന്റെ ആദ്യത്തെ കൃതിയാണ് ഇതിൽ ഒരുപാട് തെറ്റുകളും കുറ്റങ്ങളും ഉണ്ടായേക്കാം
സദയം ക്ഷമിക്കണമെന്നപേക്ഷ
“ദേ..ഏട്ടാ…എഴുന്നേൽക്ക്, നേരം എത്ര ആയെന്ന് വല്ല ബോധവുമുണ്ടോ? അതെങ്ങനാ
പാതിരാത്രി നാലു കാലിലല്ലേ വന്ന് കയറിയത്”…
രാവിലെ പെങ്ങളുടെ ശംബ്ദം കേട്ട് ഉറക്കച്ചടവോടെ വിഷ്ണു എഴുന്നേറ്റിരുന്നു…
“ഇന്നലെ ആരുടെ പാർട്ടി ആയിരുന്നു”
അവൾ വിടാൻ ഭാവമില്ല…
”എടി മോളെ ഞാൻ സ്ഥിരം കുടിയാനൊന്നുമല്ലല്ലോ… ഇന്നലെ കമ്പനിക്ക് രണ്ട് പെഗ് അടിച്ചു… ഇനി ഇത് നാട്ടുകാരെ വിളിച്ചുണർത്തി അറിയിക്കേണ്ട കേട്ടോ.”
“ഇല്ല ഞാനായിട്ടൊന്നും പറയുന്നില്ല…ഇങ്ങനെയാ ഓരോ ശീലങ്ങൾ തുടങ്ങുന്നത്…അമ്മ ചോദിക്കുമ്പോഴും ഈ ന്യായീകരം കാണണം.”
“ങേ…അമ്മയറിഞ്ഞോ…”
വിഷ്ണു വേവലാതിയോടെ ചോദിച്ചു…
“ഇല്ല ഞാനൊന്നും പറഞ്ഞിട്ടില്ല അല്ലേൽ തന്നെ ആ പാവം ഓരോന്ന് ആലോചിച്ചു ബിപി കയറി
നിൽക്കുകയാണ്…ഇന്നലെയും ബങ്കിൽ നിന്നും വിളിച്ചിരുന്നു ബാക്കി തുക
അടച്ചില്ലെങ്കിൽ വീട് അവര് കൊണ്ട് പോകും…”
“നീ പേടിക്കണ്ട വീട് ആരും കൊണ്ട്പോകില്ല അതിനല്ലേ ഞാൻ ഇവിടെ കിടന്ന് കഷ്ടപ്പെടുന്നത്.” കൃഷ്ണ അത് കേട്ട് ഒരു ദീർഘ നിശ്വാസം വിട്ടു …
”ഇനി വൈകണ്ട താമസിച്ചാൽ ഇന്നലെത്തെ പോലെ കോളേജിൽ പോകാൻ വൈകും പറഞ്ഞേക്കാം.”
ബാലകൃഷ്ണനെയും പദ്മിനിയുടെയും മക്കളാണ് വിഷ്ണുവും കൃഷ്ണയും…അഞ്ചു വര്ഷം മുൻപ് വരെ നല്ല രീതിയിൽതന്നെ ജീവിച്ചവരാണ്
അവർ ബാലകൃഷ്ണൻ തന്റെ ചിട്ടിക്കമ്പനി നല്ല രീതിയിൽ കൊണ്ട് പോകുമ്പോഴായിരുന്നു
പ്ലാമൂട്ടിൽ ഫിനാൻസ് എന്ന സ്ഥാപനം ആ നാട്ടിലെത്തുന്നത് വലിയ ഓഫറുകളും മറ്റുമായി
പ്ലാമൂട്ടിൽ ജനശ്രദ്ധ പിടിച്ചുപറ്റിയപ്പോ നാട്ടിലുള്ള ചെറിയ ഫിനാൻസ് കമ്പനികളൊക്കെ
കൂപ്പുകുത്തി അതോടെ ബാലകൃഷ്ണന്റെ ചിട്ടികമ്പനിയും നഷ്ടത്തിലായി ചിട്ടി പിടിച്ചവർക്ക്
സമയത്തിന് പണം കൊടുക്കാൻ പറ്റാതായപ്പോൾ ഉള്ളതെല്ലാം വിറ്റുപെറുക്കി കടം തീർത്തു
പിന്നെ അകെ ഉണ്ടായിരുന്നതാണ് ഈ വീട്, പിന്നീട് അദ്ദേഹത്തിന് ഹാർട്ടിന് അസുഖം വന്നപ്പോ
പ്ലാമൂട്ടിൽ ഫിനാൻസിൽ തന്നെ പണയം വയ്ക്കേണ്ടിവന്നു എന്നിട്ടും അദ്ദേഹത്തെ രക്ഷിക്കാൻ
കഴിഞ്ഞില്ല…ബാലകൃഷ്ണന്റെ വലിയ ആഗ്രഹമായിരുന്നു വിഷ്ണുവിനെ എംകോം കാരനാക്കണമെന്നുള്ളതും കൃഷ്ണയുടെ വിവാഹവും…
വിഷ്ണു പല്ലുതേച്ചു വന്നപ്പോൾ പദ്മിനിയും ഉറക്കമെഴുന്നേറ്റ് വന്നിരുന്നു…പദ്മിനി കൊടുത്ത
കട്ടൻ ചായ വാങ്ങിയിട്ട്
“അമ്മയെന്തിനാ ഇങ്ങനെ ഉറക്കമിളക്കുന്നത് ഡോക്ടർ പറഞ്ഞത് ഓർമയില്ലേ…”
“സാരമില്ലടാ ശീലിച്ചു പോയതല്ലേ”
“മോളെ അമ്മയെ എന്നാ ചെക്കപ്പിന്കൊണ്ട് പോകേണ്ടത്”
വിഷ്ണു കൃഷ്ണയോട് വിളിച്ചു ചോദിച്ചു”
”അടുത്ത ആഴ്ചയാ ഏട്ടാ”
വിഷ്ണു ഒന്ന് മൂളി, ബൈക്കിന്റെ താക്കോലുമായി പുറത്തേക്കിറങ്ങി…
വിഷ്ണു എംകോം ഫസ്റ്റ് ഇയർ ആണ്…പഠിക്കാൻ മിടുക്കനാണ്, അച്ഛൻ മരിച്ചതിൽ പിന്നെ പഠിത്തം നിന്നുപോകും എന്ന് കരുതിയതായിരുന്നു പക്ഷേ അച്ഛന്റെ ആഗ്രഹം പോലെ എംകോം കാരനാകണം എന്ന ദൃഡനിശ്ചയത്തിൽ കഷ്ടപെട്ടിട്ടായാലും പഠിത്തം പൂർത്തിയാക്കാൻ പഠിത്തത്തോടൊപ്പം ഒഴിവു സമയങ്ങളിൽ മറ്റുള്ള ജോലികൾക്കും പോകും അതുകൊണ്ട് തന്നെ കോളേജിൽ ടീച്ചേഴ്സിനും വലിയ കാര്യമാണ്… എല്ലാ ദിവസവും റബ്ബർ ടാപ്പിങ്ങിന് പോകും അതുകഴിഞ്ഞാണ് കോളേജിൽ പോകുന്നത്…കോളേജ് ക്ലാസ് കഴിഞ്ഞു ഒരു ചിട്ടി കമ്പനിയിൽ കണക്കെഴുതാൻ പോകും…
“ മോളെ ഞാനിറങ്ങുവാ”
പറഞ്ഞിട്ട് വിഷ്ണു ബൈക്ക് സ്റ്റാർട്ട് ചെയ്ത് ഓടിച്ചു പോയി
ഉമ്മറത്തുനിന്ന പദ്മിനി ഒരു ദീർഘനിശ്വാസം വിട്ടിട്ട് പറഞ്ഞു
” എങ്ങനെ ജീവിക്കേണ്ട കുട്ടികളാ”
“ ഇപ്പൊ ഞങ്ങൾക്കെന്താ കുഴപ്പം ഞങ്ങൾ നല്ലപോലെ തന്നെയാ ജീവിക്കുന്നത്, അമ്മ ആവശ്യമില്ലാത്തത് ഒന്നും ആലോചിക്കേണ്ട”
മറുപടിയെന്നോണം കൃഷ്ണ പറഞ്ഞു.
“ അതല്ലെടി മോളെ…നിന്റച്ഛനെ ആരോ ചതിച്ചതാ…നല്ലൊരു സംഖ്യ അദ്ദേഹത്തിന്
സമ്പാദ്യമുണ്ടായിരുന്നു, നിന്നെ നല്ലരീതിയിൽ വിവാഹം ചെയ്തയക്കണം, ഉണ്ണിയെ
നന്നായി പഠിപ്പിക്കണം എന്നൊക്കെ ആഗ്രഹമുണ്ടായിരുന്നു അദ്ദേഹത്തിന്”
ഒന്ന്
നിർത്തിയതിനുശേഷം പദ്മിനി വീണ്ടും പറഞ്ഞു
“ആ പണം ഉണ്ടായിരുന്നെങ്കിൽ നമുക്ക് ഒന്നും നഷ്ടമാകില്ലായിരുന്നു”
“എന്റമ്മേ ഈ കഥ ഞങ്ങൾ എത്ര പ്രാവശ്യം കേട്ടതാണ്, ഇനി
പറഞ്ഞാൽ ബോറടിക്കും പറഞ്ഞേക്കാം”
ചിരിച്ചുകൊണ്ട് കൃഷ്ണ പറഞ്ഞു. പദ്മിനി മറുപടിയായി
നിസ്സഹായതയോടെ ഒന്ന് പുഞ്ചിരിച്ചു
കൃഷ്ണ രാവിലത്തെ പലഹാരം ഉണ്ടാക്കാനുള്ള മാവുമായി അടുപ്പിനടുത്തേക്ക് വന്നു
കൃഷ്ണയും വിഷ്ണുവിന്റെ കോളേജിൽ ഫസ്റ്റ് ഇയർ ബികോമിനാണ് പഠിക്കുന്നത് നന്നായി
പടിക്കുമെന്ന് മാത്രമല്ല കാണാനും സുന്ദരിയാണ് കോളേജിൽ നല്ലൊരു ആരാധകവൃന്ദം
അവൾകൊണ്ട്, പക്ഷേ ആർക്കും പിടികൊടുക്കാതെ നടക്കുകയാണവൾ…മാത്രമല്ല
വിഷ്ണുവിന്റെയും കൂട്ടുകാരുടെയും ഗ്യാങ്ങിനെ പേടിച്ചു പലർക്കും അവളോട് ഇഷ്ടമാണെന്ന്
പറയാൻ പേടിയാണ്…
”ഇന്നലെ ഏട്ടനെ അന്വേഷിച്ചു ആ നാണുപിള്ള വന്നിരുന്നു…കിഴക്കെപുറത്തെ
ബംഗ്ലാവ് ആരോ വാങ്ങിയെന്ന് അവിടെ പെയിന്റ് ചെയ്യാനോ മറ്റോ ആണ്…”
“മ്” പദ്മാവതി ഒന്ന് മൂളിയിട്ട് പതുക്കെ എഴുന്നേറ്റു