ജിബിൻ ( അവളുടെ ഷാൾ എടുക്കാൻ നോക്കിയവൻ ) : അത് ചോതിക്കാൻ നീ ആരാടാ. പിന്നെ റാഗിംഗ് ആവുമ്പോൾ അങ്ങനെ പലതും കാണും. നീ വേണേൽ കണ്ട് സുഖിച്ചോ ഇനി പറ്റില്ലേൽ പോവാൻ നോക്കടാ 😡
ഞാൻ : റാഗിംഗ് എന്ന് പറഞ്ഞാൽ പെണ്പിള്ളേരുടെ മേത്തു കൈ വെക്കാനുള്ള അനുവാദം അല്ല. അതുകൊണ്ട് ഇപ്പൊ നീ അവളെ വിട്ടേക്ക്.
ജിബിൻ : ഞാൻ ചിലപ്പോൾ കൈയും വെക്കും വേണ്ടിവന്നാൽ ഇവളെ എന്റെ കൂടെ കിടത്തുകയും ചെയ്യും. നീ പോവാൻ നോക്ക്
ഞാൻ : നീ അങ്ങോട്ട് ഒലത്തും. അത്രക്ക് ഉറപ്പുണ്ടേൽ നീ ഇപ്പോൾ ഒന്ന് ഇവളെ തൊട്ട് നോക്ക് 😡
അതും പറഞ്ഞു ഞാൻ അവന്റെ കയ്യിലെ പിടി വിട്ടു. അവൻ അവളുടെ നേരെ വീണ്ടും കൈ ഉയർത്തി അവളുടെ തോളിൽ പിടിക്കാൻ ആയി ശ്രമിച്ചു. പെട്ടന്ന് തന്നെ എവിടുന്നോ കിട്ടിയ ധൈര്യത്തിൽ അവന്റെ നെഞ്ചിലേക്ക് തന്നെ ഞാൻ ആഞ്ഞു ചവിട്ടി.
ഞാൻ : ദേ ഇവിടെ വെച്ച് നിർത്തിക്കോണം നിന്റെ റാഗിംഗ് കോപ്പ് എല്ലാം 😡
ഇവളെ ഇവൾ എന്റെ ആ ഇനി ഒരിക്കൽ കൂടി നിന്റെ കൈ ഇവളുടെ നേരെ നീണ്ടാൽ പിന്നെ കൈ പൊക്കാൻ നിനക്ക് ജീവൻ ഉണ്ടാവില്ല.
കേട്ടോടാ നായിന്റമോനെ 😡😡😡
പെട്ടന്നുള്ള ദേഷ്യത്തിൽ അവനോട് വിളിച്ചു പറഞ്ഞ ശേഷം ഞാൻ അവളുടെ കയ്യും പിടിച്ചു നടന്നു.
ഇടിയുടെ പവർ കാരണമാവണം അവിടെ കൂടി നിന്ന ഒരുത്തൻ പോലും അനങ്ങിയില്ല.
അഞ്ജലിയുടെ കയ്യും പിടിച്ചു നടന്നകലുന്ന എന്നെ ഇടിക്കാൻ ആയി നിലത്തുനിന്നും എഴുന്നേറ്റ ജിബിൻ ഓടി വരാൻ നോക്കി എങ്കിലും കൂടെ ഉള്ളവർ എല്ലാവരും കൂടി അവനെ തടഞ്ഞു.
“ജിബി ഇവിടുന്ന് വേണ്ട.
അവനെ പുറത്ത് കിട്ടും അപ്പോൾ തീർക്കാം ”
കൂടെ ഉണ്ടായിരുന്നവരിൽ ഒരുത്തൻ അവനോട് പറഞ്ഞു.
എന്തോ തീരുമാനിച്ചുറപ്പിച്ചത് പോലെ അവനും ഞാൻ പോവുന്നത് നോക്കി നിന്ന്.
അവളുടെ കൈ പിടിച്ചുതന്നെ കുറച്ച് മുന്നോട്ട് നടന്നുകഴിഞ്ഞപ്പോൾ ആണ് എന്തൊക്കെ ആണ് ഞാൻ ദേഷ്യത്തിൽ വിളിച്ചു പറഞ്ഞത് എന്ന ഒരു ബോധം എനിക്ക് വന്നത്.
ഞാൻ അവളുടെ കയ്യിൽ നിന്നും വിട്ടു.
ശേഷം അവളോട് ആയി പറഞ്ഞു.
ഞാൻ : എടോ സോറി കേട്ടോ.
അനുവാദം ഇല്ലാതെ ഒരു പെൺകുട്ടിയുടെ കയ്യിൽ പിടിക്കാൻ പാടില്ല എന്നറിയാം.
ഇതിപ്പോൾ അവിടെ നിന്നും തന്നെ കൊണ്ടുപോരാൻ ചെയ്തതാണ്.
സോറി
അതും പറഞ്ഞു ഞൻ തിരികെ നടക്കാൻ ആയി തിരിഞ്ഞു.
“താങ്ക്സ് ”
അതെ അന്ന് ആദ്യം ആയി കേട്ട അതെ മധുരമായ ശബ്ദം.
ഞാൻ ഒന്ന് തിരിഞ്ഞു നോക്കിയ ശേഷം
ഞാൻ : ആഹാ ഇയാൾ സംസാരിക്കുവോ?
അല്ല അന്ന് പേര് പറയുന്നത് മാത്രമേ ഇതുവരെ കെട്ടിട്ടുള്ളു അത് കൊണ്ട് ചോദിച്ചതാ.
അല്ല എന്തിനാ താങ്ക്സ് ഒക്കെ.
അവൾ : അവിടെ നിന്നും രക്ഷിച്ചതിനു.
ഞാൻ ശെരിക്കും പെട്ടുപോയി എന്നാ കരുതിയത്.
ഞാൻ : അതിനു താങ്ക്സ് ഒന്നും വേണ്ട കേട്ടോ.
പിന്നെ താൻ കുറച്ചുകൂടെ ബോൾഡ് ആയി പെരുമാറാൻ നോക്കണം.
ഇവിടെ പിടിച്ചു നിൽക്കാൻ തന്റെ തൊട്ടാവാടി സ്വഭാവം കൊണ്ട് കഴിഞ്ഞെന്ന് വരില്ല.
അല്ല ഞാൻ എന്റെ ഒരു അഭിപ്രായം പറഞ്ഞതാ കേട്ടോ.
എപ്പോഴും വാലുപോലെ കൂടെയുള്ള രണ്ടെണ്ണത്തിനെ കണ്ടില്ലല്ലോ അവർ എവിടെ?
അവൾ : അവരെ ആ ചേട്ടന്മാർ ആദ്യം തന്നെ ഓടിച്ചു.
ഞാൻ : ഓ…. എന്നാൽ ശരിയാടോ പിന്നെ കാണാം.
എന്തേലും കുഴപ്പം ഉണ്ടേൽ പറഞ്ഞാൽ മതി കേട്ടോ.
സത്യം പറഞ്ഞാൽ അവിടെ നിന്ന് പോവാൻ തീരെ താൽപ്പര്യം ഇല്ലായിരുന്നു.
പക്ഷെ ഇനിയും അവിടെ നിന്നാൽ അവളുടെ സൗന്ദര്യത്തിൽ ചിലപ്പോൾ ഞാൻ വാ പൊളിച്ചു പോവും അത്കൊണ്ട് നൈസ് ആയി മുങ്ങിയത് ആണ്.
ഇത്രയും നേരം തന്നെ പിടിച്ചു നിന്നത് എങ്ങനെ ആണ് എന്ന് എനിക്കെ അറിയൂ.
അവിടെന്ന് ഞാൻ നേരെ പോയത് സിനിമ തീയേറ്റർലേക്ക് ആയിരുന്നു.
സിനിമയും കണ്ട് ഇറങ്ങി പതിവുള്ള ചില കറക്കങ്ങളും ഒക്കെ ആയി ഞങ്ങൾ മൂന്നാളും അങ്ങനെ നടന്നു.
*ഇതേ സമയം കോളേജിൽ….
ഗായത്രി : ആ ചേട്ടൻ വന്നത് എന്തായാലും നന്നായി അല്ലെ?
അഞ്ജലി : സത്യം ഞാൻ ശെരിക്കും പേടിച്ചു നിൽക്കായിരുന്നു.
പുള്ളിക്കാരൻ വന്നില്ലായിരുന്നേൽ എന്താ സംഭവിക്കുക എന്ന് ഓർക്കാൻ കൂടെ പറ്റുന്നില്ല.
എന്തായാലും ആൾ പോളിയാണ് കേട്ടോ 😌
സ്നേഹ : അതൊക്കെ ശെരി ആണ്. പക്ഷെ ആ ചേട്ടൻ എന്നാത്തിനാ നിന്റെ കാര്യത്തിൽ മാത്രം ഇത്രക്ക് ശ്രദ്ധ കാണിക്കുന്നത്?
അന്നും ഞങ്ങളെ റാഗ് ചെയ്യാൻ തുടങ്ങിയപ്പോൾ ഒന്നും പുള്ളി മിണ്ടിയിരുന്നില്ല.
നിന്നോട് പേര് ചോദിച്ചു കഴിഞ്ഞപ്പോൾ അല്ലെ വിട്ടേക്കാൻ കൂടെ ഉള്ളവരോട് പറഞ്ഞത്?
എന്തോ ഒരു സ്പെല്ലിങ് മിസ്റ്റേക്ക് അടിക്കുന്നില്ലേ അഞ്ചു.
അഞ്ജലി : ഒന്ന് പോടീ, അങ്ങനെ ഒന്നും ഉള്ളതായിട്ട് എനിക്ക് തോന്നിയിട്ടില്ല.
നീ വെറുതെ ഓരോന്ന് പറഞ്ഞുണ്ടാക്കണ്ട കേട്ടോ 😠
ഗായത്രി : വെറുതെ ഒന്നും അല്ല.
ദേ ഇന്ന് തന്നെ നമ്മൾ രാവിലെ വരുമ്പോൾ പുള്ളിയുടെ നോട്ടം മുഴുവനും നിന്നെ അല്ലായിരുന്നോ?
എല്ലാവരും അത് കണ്ടതും അല്ലെ?
പിന്നെ നീയും നോക്കുന്നുണ്ടായിരുന്നല്ലോ?
അഞ്ജലി : ഞ…. ഞാനോ???
ദേ ഗായു വെറുതെ അനാവശ്യം പറയരുത് കേട്ടോ..
സ്നേഹ :അനാവശ്യം ഒന്നും അല്ല മോളെ.
നീ നോക്കുന്നത് ഞാനും കണ്ടതാ.
അഞ്ജലി : അത്…. അത് പിന്നെ.. രാവിലെ പുള്ളിക്കാരൻ നോക്കിയപ്പോൾ…..
സ്നേഹ : രാവിലെ മാത്രം അല്ലല്ലോ പുള്ളിക്കാരൻ മിസ്സിനെ കാണാൻ ഉച്ചക്ക് ക്ലാസ്സിൽ വന്നപ്പോഴും നിന്റെ നോട്ടം പുള്ളിയെ ആയിരുന്നു.
ഗായത്രി : അതെ അതെ. മോളെ അഞ്ചു നിന്നെ ഇന്നും ഇന്നലെയും കാണാൻ തുടങ്ങിയതല്ലല്ലോ ഞങ്ങൾ.
ഈ പൂച്ച എന്തിനാ കണ്ണടച്ചു പാലുകുടിക്കുന്നത് എന്നൊക്കെ ഞങ്ങൾക്ക് അറിയാട്ടോ 🤣
അഞ്ജലി : എന്റെ പൊന്നു പിള്ളേരെ ഒന്നുമില്ല നിങ്ങൾക്ക് തോന്നുന്നതാ 😌
സ്നേഹ : ഹ്മ്മ് തോന്നലൊന്നുമല്ല 😂
അഞ്ജലി : 😌😌😌😌
അവളുടെ മനസ്സ് മുഴുവനും തന്റെ ശരീരത്തിൽ തൊടാൻ വന്നവനെ ചവിട്ടി വീഴ്ത്തിയ ശേഷം വിഷ്ണു പറഞ്ഞ വാക്കുകൾ ആയിരുന്നു.
“ഇവൾ എന്റെയാ….. എന്റെ മാത്രം….”
അത് അവളുടെ ഉള്ളിൽ മുഴങ്ങി കേട്ടുകൊണ്ടിരുന്നു.
വൈകുന്നേരം കോളേജ് കഴിഞ്ഞു പോവുമ്പോഴും ഹോസ്റ്റൽ റൂമിൽ എത്തിയ ശേഷവും എല്ലാം അവളുടെ ചിന്ത അവൻ മാത്രം ആയിരുന്നു.
അതെ പ്രണയം എന്ന പടുകുഴിയിലേക്ക് അവൾ വീണുകഴിഞ്ഞിരുന്നു.
**കറക്കമൊക്കെ കഴിഞ്ഞു പതിവുപോലെ ഔസപ്പ് അച്ഛനെയും കണ്ട ശേഷം ആണ് വിഷ്ണു വീട്ടിലേക്ക് തിരിച്ചത്.
പോവുന്ന വഴി അമ്മ വിളിച്ചപ്പോൾ എത്താറായി എന്ന് പറഞ്ഞു അവൻ വീട് ലക്ഷ്യമാക്കി വണ്ടി ഓടിച്ചു.
