🌈🌈മലയോരങ്ങളിൽ – 2🌈🌈 15അടിപൊളി  

ഡെൽനയുടെ നെറ്റിയിലെ കാക്കപ്പുള്ളി എഫക്ട്!…..അതോ കാക്കപ്പുള്ളി ഇരുന്ന നെറ്റിയുടെ എഫക്ടോ… അതുമല്ലെങ്കിൽ നെറ്റിയുടെ ഉടമയായ ഡെൽനയുടെ ഇഫക്ടോ…!?

ശ്ശെ…. ഇതിപ്പോ നോളന്റെ പടം പോലെ പലവട്ടം പലതും ചിന്തിച്ച് കാടു കയറും….തല്കാലം ഒറ്റയ്ക്കിരിക്കുമ്പോൾ ചിന്തകൾക്ക് പുണ്ണാകാൻ തല വിട്ട് കൊടുക്കാം..

“ ഡാ… ഇതാണ് പത്തിരുപത് ദിവസം നമ്മുടെ കൊട്ടാരം…” നോളന്റെ പടത്തിൽ നിന്ന് രക്ഷപ്പെട്ട് നോക്കിയ ഞാൻ വീണ്ടും ഞെട്ടി. അവൻ കൊട്ടാരം എന്നത് പ്രാസം ഒപ്പിച്ച് ആക്കിപ്പറഞ്ഞതാണെങ്കിലും എനിക്ക് അതൊരു കൊച്ചു കൊട്ടാരമായാണ്  തോന്നിയത്.. വലിയ വീടിനു ചുറ്റുമുള്ള മൂന്നാല് കെട്ടിടങ്ങളിൽ ഏറ്റവും ചെറുതും മനോഹരവുമായ വീട് ….

“എടാ.. ചായ കുടിച്ച് തത്കാലം …പോയി പണി തുടങ്ങാം.. പുറത്തിറങ്ങിട്ട് നിന്നോട് കുറച്ചു കാര്യം പറയാനുണ്ട്..” വീടുകളും പരിസരവും ആസ്വദിക്കാൻ കണ്ണും മനവും തുറന്നു വരുമ്പോഴേക്കും അവനിടപെട്ട് ഫുൾ സ്റ്റോപ്പിട്ടു. പിന്നെ ഡ്രസ് മാറാനുള്ളത് എടുത്ത് നിരത്തി .

“ഇന്നാ ചായ ….” ചായ എവിടുന്നാടാ എന്നൊക്കെ ചോദിക്കാൻ തുടങ്ങുമ്പോഴേക്കും ലെഗിൻസും ടീ ഷർട്ടുമിട്ട് ഒരു തുള്ളിക്കളിക്കുന്ന ആട്ടിൻകുട്ടിയെ പോലെ എവിടെ നിന്നോ ഒരു പെണ്ണ് വലിയൊരു ഫ്ളാസ്കും രണ്ട് മൂന്ന് ഗ്ളാസും വച്ചിട്ട് പെട്ടന്ന് തൊട്ടടുത്ത കെട്ടിട വളവിലേക്ക് പോയ് മറഞ്ഞു..

ഒന്ന് സ്കാനിങ്ങ്മെഷീനെടുക്കാൻ പോലും സമയം കിട്ടില്ല… ശ്ശൈ..

“ഡാ.. അത് .. ഡിംപിൾ , ഇങ്ങനെ മൂന്നാല് പിള്ളാര് ഉണ്ട് … പരിചയപ്പെടാം നിനക്ക് വൈകാതെ … ചുമ്മാ ടൈം പാസിനേ” അവനൊന്നാക്കിച്ചിരിച്ചിട്ട് രണ്ട് ഗ്ളാസിൽ ചായ ഒഴിച്ച് വേഗം കുടിക്കാൻ പറഞ്ഞു.

“ഇവിടിങ്ങനെ ടൈമിങ്ങിന് ഫുഡ് ഒക്കെ കിട്ടും ഇന്നുച്ചക്കത്തെ ഒഴിച്ച്..എല്ലാം വഴിയേ പറയാം..” അവൻ അടപ്പിലേക്ക് ചായയൂറ്റി തണുപ്പിച്ച് പെട്ടന്ന് കുടിക്കാൻ പറഞ്ഞു.

“ഡാ … ബാഗീ ന്ന് നമ്മുടെ ഫുഡും പിന്നെയീ ഫ്ളാസ്കും ഗ്ളാസുമെടുത്തോ” ചായ കുടിച്ചു തീരുന്നതിനു മുമ്പേ ഡ്രസ് മാറി വാതിൽ പൂട്ടിയിറങ്ങിയ നൻപന്റെ കല്പനയുടെ പുറകേ ഞാനും പെട്ടന്ന് തുണി മാറി നടന്ന് വീണ്ടും നീണ്ട് വളഞ്ഞ വഴികളിലൂടെ  മുറ്റത്തെത്തി..

“ ശൈ… മിണ്ടാതിരിയെടാ … അവര് പോയി”റൂബി ചേച്ചി പട്ടികളോട് കയർത്തുകൊണ്ട് നിൽക്കുന്നത് കണ്ടപ്പോഴാണ്… ഇത്രയും നേരം പരിചയമില്ലാത്തവരെ കണ്ടപ്പോഴുള്ള അവരുടെ അലപ്പറ പോലും കേട്ടില്ലല്ലോ എന്നോർത്തത്..

എല്ലാം.., റൂബിയുടെയും ഡിംപിളിന്റെയും വീട്ടുവളപ്പിൽ വന്ന അമ്പരപ്പിന്റെയും സർവ്വോപരികാപ്പിത്തോട്ടത്തിലെ ദേവത ഡെൽനയുടെയുംഇഫക്ട്…!

ശ്ശേ… ഇന്നലെ വന്നത് മുതൽ മൊത്തംഎഫക്ടാണല്ലോ എന്ന് കരുതി ഗേറ്റിലെത്തി ചുമ്മാ ഒന്ന് തിരിഞ്ഞു നോക്കിയപ്പോൾ വീണ്ടുമെന്നെ പെണ്ണമ്മച്ചേച്ചിയുടെ ക്ളാസിലെ കുട്ടിയാക്കി മാറ്റിക്കൊണ്ട് റൂബിച്ചേച്ചിയതാ മാക്സി കയറ്റിക്കുത്തി അതേ ചിരിയോട് മുറ്റത്ത് നിന്ന് എന്നെ നോക്കുന്നു…..! എന്റെ കാവിലമ്മേ എന്റെ സ്കാനിങ്ങ് തിരിച്ചറിഞ്ഞാണോ അവര് നോക്കിയത് എന്നാലോചിച്ച് ഗെയ്റ്റടച്ച് വന്ന നൻപന്റെ പുറകിൽ  ഇപ്പോൾ പെട്ടന്നു കഴിഞ്ഞു പോയ എല്ലാ എഫക്ട്കളും തേച്ച് മായ്ച്ച് കളഞ്ഞ്  മെല്ലെ നടക്കാൻ തുടങ്ങി ….

“എടാ.. നിന്നോട് പ്രധാനപ്പെട്ട രണ്ട് മൂന്നെണ്ണംപറയാനുണ്ട്” രണ്ട് വളവ് കഴിഞ്ഞ് അവൻ തിരിഞ്ഞും മറിഞ്ഞും നോക്കിയിട്ട് വീണ്ടും പ്രധാനപ്പെട്ടതുമായി ചെവി കടിക്കാൻ വന്നു…

“ എടാ.. പിന്നേയ്…” അവൻ ഗൗരവത്തിൽ കുശുകുശുക്കാൻ തുടങ്ങി…

“ ഇവിടെ ഒരു പ്രത്യേക സ്ഥലമാ.. അച്ചായൻ ഏത് സമയത്തും വരാം പോകാം…ചെലപ്പോ മാസത്തിൽ രണ്ട് തവണയും ചെലപ്പോ അഞ്ചാറ് കൊല്ലം കഴിഞ്ഞും …അങ്ങനെയൊക്കെയാ….” അവൻഒന്ന് നിർത്തി .. അയ്യോ അപ്പോ ചേച്ചിയുടെ കാര്യങ്ങൾ എങ്ങനെയാ എന്ന് ചോദിക്കാൻ വന്നതിനെ ഞാൻ തൊണ്ടമുഴയിൽ വെച്ച് പിടിച്ച് താഴോട്ട് വിട്ട് ശുദ്ധമനസേനായി നോക്കി നിന്നു.. അല്ല വേഗം അവന്റെ ഒപ്പംനടന്നു ചെന്നു.