👨‍❤️‍👨👨‍❤️‍👨ശ്രീയുടെ ആമി – 6👨‍❤️‍👨👨‍❤️‍👨 8അടിപൊളി 

“നിന്റെ ചമ്മൽ ഇനിയും മാറിയില്ലേ..?”

“ഉം..”

അത് കേട്ട് അതീവ ജാള്യതയിൽ അവൾ ചെറുതായി മൂളി.

“റിതിന്റെ കേബിനിലേക്ക് പോകുന്നത് കണ്ടല്ലോ.. എന്ത് പറയുന്നു..?”

“അപ്പോ കണ്ടിരുന്നല്ലേ.. എന്നിട്ടെന്തേ എന്നെ നോക്കാഞ്ഞേ..?”

“നോക്കിയിട്ട് എന്തിനാ ചമ്മൽ കാണിക്കാനല്ലേ..?”

അവളൊന്നും മിണ്ടിയില്ല.

“റിതിൻ എന്താ പറയുന്നേ..?”

“രണ്ട് ദിവസത്തെ ലീവിന്റെ കാര്യൊക്കെ ചോദിച്ചു.”

“മ്മ്.. കാര്യങ്ങൾ ഞാൻ അറിഞ്ഞെന്ന് നി അവനോട് പറഞ്ഞോ..?”

“ഇല്ല..”

“അങ്ങനെ തന്നെ നിക്കട്ടെ..”

“അതാ ഞാൻ പറഞ്ഞത് ഞാൻ റിസൈൻ ചെയ്യാം. പിന്നെ കുഴപ്പമില്ലല്ലോ..”

“എങ്കിൽ എല്ലാം അവസാനിക്കുമോ..?”

അവൾക്കൊന്നും മിണ്ടാനായില്ല.

“നി അവനെ ഒഴിവാക്കാൻ ശ്രമിക്കുകയാണോ..”

ആ ചോദ്യത്തിനും അവൾക്ക് ഉത്തരം ഉണ്ടായില്ല. കാരണം റിതിനോട് തോന്നിയ ഇഷ്ടത്തെ ഭർത്താവിന് മുന്നിൽ സമ്മതിക്കാനുള്ള ചളിപ്പ്.

“ആമി.. ഞാൻ അറിയാതെ നിങ്ങൾ തമ്മിൽ കഴിയേണ്ടത് കഴിഞ്ഞു. അത് തുറന്നു പറയാൻ നി ഒരു ദിവസം കാത്തു. അതും ഞാൻ അകൽച്ച കാണിക്കുന്നുണ്ടെന്ന് തോന്നിയിട്ട്. അതായിരുന്നില്ല ഞാൻ ആഗ്രഹിച്ചത്.”

ശ്രീയുടെ സംസാരത്തിൽ വിശ്വാസം നഷ്ടപ്പെട്ട ധ്വനി മനസിലായപ്പോൾ അവൾ വിതുമ്പലിന്റെ വക്കിലെത്തി.

“കരയാൻ വേണ്ടി പറഞ്ഞതല്ല. എന്നിലൊരു കുക്കോൾഡ് ഉണ്ട്. അത് നി മനസിലാക്കിയതല്ലേ.. ചിലതിനൊക്കെ ഞാൻ സമ്മതം തന്നതുമല്ലേ.. അപ്പൊ എന്നെ മണ്ടനാക്കി റിതിനുമായി ഈ രീതിയിൽ തുടർന്ന് പോയാൽ നമ്മുടെ ബന്ധം എവിടെ എത്തും..?”

ഒന്നും മിണ്ടാനാവാതെ നനവാർന്ന മിഴികളോടെ അവളവനെ നോക്കിയിരുന്നു. തനിക്ക് ഇനിയും ക്ഷമ ചോദിക്കാനാവില്ല. മനസിന് ഇനിയും വാഗ്ദാനങ്ങൾ നൽകിയാൽ ഉളുപ്പ് കെട്ട് തൊലി ഉരിയും. ഇതിലും കൂടുതൽ മാനസിക സംഘർഷങ്ങൾ അനുഭവിക്കാൻ ആമിയുടെ മനസിന്‌ ത്രാണി ഇല്ലായിരുന്നു. ഭക്ഷണം പകുതിയാക്കി അവൾ എഴുന്നേറ്റു.

“എടി നി കഴിച്ചില്ല…”

“സാരമില്ല..”

താഴ്ന്ന സ്വരത്തിൽ അവളത് പറഞ്ഞ് നീങ്ങുമ്പോൾ മനസ്സിന്റെ വിങ്ങൽ മുഖത്തും പ്രകടമായിരുന്നു. ശ്രീക്ക് അത് കണ്ട് വല്ലാതെയായി. ഇനിയും അവളെ കുറ്റബോധ ചിന്തകൾക്ക് വിട്ടുകൊടുക്കാൻ പാടില്ല. പഴയ സ്നേഹം തന്നെ അവളോട് കാണിക്കണം. ഒന്നുമില്ലെങ്കിലും തന്റെയുള്ളിൽ ഒരു കുക്കോൾഡ് ഉണ്ടായിരുന്നു എന്നത് വാസ്തവമാണ്.

ദുർബല സാഹചര്യത്തിൽ അവളുടെ പിടി വിട്ട് പോയിട്ടുണ്ടാകും. അത് മനസ്സിലാക്കേണ്ടത് ഞാനാണ്. കുറച്ച് ബലം പിടിച്ചിരുന്നെങ്കിൽ അവളന്ന് പോകില്ലായിരുന്നു. ഇവിടെ ആരുടെ പേരിൽ തെറ്റ് ചാർത്താനാവും..?

റിതിനുമായി അടുപ്പം തുടങ്ങാൻ മനസ്സ് കാണിച്ച ആമിയോടോ അതോ എല്ലാമറിഞ്ഞിട്ടും അവരെ കറങ്ങാനും ലഞ്ചിനു പോകാനും സമ്മതിച്ച എന്നോട് തന്നെയോ…? ഓരോന്നാലോചിച്ച് ശ്രീയവിടെ കുറച്ചു നേരം ഇരുന്നു.

മുറക്ക് നടക്കുന്ന വർക്കുകളോടെ സമയം വൈകുന്നേരത്തിലേക്കും നീങ്ങി. ഓഫീസ് ടൈം കഴിയാനായപ്പോൾ റിതിൻ ആമിയെ വീണ്ടും കേബിനിലേക്ക് വിളിച്ചു. പോകാൻ മനസ്സില്ലെങ്കിലും അവൾക്ക് പോകാതിരിക്കാൻ കഴിയില്ല. ഓഫീസിൽ റിതിൻ സുപ്പീരിയർ ആണെന്നുള്ളതിന്റെ നിസ്സഹായതയിൽ അവളെഴുന്നേറ്റു. കണ്ണുകൾ വീണ്ടും ശ്രീയെ തേടി. ഇത്തവണ അവനും അവളെ നോക്കി.

കണ്ണുകൾ നൽകിയ സമ്മതം ഉളവാക്കുന്ന ശ്രീയുടെ ആംഗ്യം കണ്ടപ്പോൾ റിതിന്റെ വാക്കുകളെ നേരിടാൻ ആത്മ വിശ്വാസം കിട്ടിയത് പോലെയൊരു പ്രതീതി അവളിൽ ഉളവായി. ഓഫീസിനുള്ളിൽ തന്നെ കാത്തു നിൽക്കാൻ വേണ്ടി അവളും തിരിച്ച് ആംഗ്യം കാണിച്ചു. സമ്മതമറിയിച്ചുള്ള ശ്രീയുടെ മറുപടി ആംഗ്യവും കണ്ട് ആശ്വാസത്തോടെ അവൾ റിതിന്റെ അടുത്തേക്ക് ചെന്നു.

“മീറ്റിംഗ് ഉണ്ടെങ്കിൽ വിളിച്ചാൽ മതിയെന്ന് പറഞ്ഞതല്ലേ..?”

ദേഷ്യത്തോടെയാണ് അവൾ റിതിന്റെ കേബിനുള്ളിലേക്ക് കയറിയത്.

“മീറ്റിംഗ് തന്നെയാണ്.. നീയുമായുള്ള മീറ്റിംഗ്.”

അവളവനെ രൂക്ഷമായി നോക്കി.

“ഇരിക്കെടി..”

“വേണ്ട..”

“എന്തിനാ ഇങ്ങനെ ദേഷ്യം കാണിക്കുന്നേ..? പ്ലീസ്‌ ഒന്നിരിക്ക്..”