👨‍❤️‍👨👨‍❤️‍👨ശ്രീയുടെ ആമി – 6👨‍❤️‍👨👨‍❤️‍👨 8അടിപൊളി 

“നീ ആഗ്രഹിക്കുന്നുണ്ടോ..?”

“എനിക്കൊരാഗ്രഹവുമില്ല.. ഏട്ടൻ ഇങ്ങനെ ഓരോന്ന് പറയാതിരുന്നാൽ മതി.”

“പറയുമ്പോൾ ഇളകുന്നുണ്ടല്ലേ..?”

“എന്റേട്ടാ.. മതി.. പഴയത് പോലെ ഓരോന്ന് തുടങ്ങേണ്ട..”

കുറച്ച് നിമിഷത്തേക്ക് അവരുടെ ഇടയിൽ മൗനം കേറി വന്നു. ശ്രീ ഇങ്ങനൊക്കെ പറഞ്ഞത് വെറുതെയാണോ അല്ലയോ എന്ന് ആമിക്ക് പിടികിട്ടിയില്ല. വെറുതെയാണെങ്കിൽ താൻ ചൂളി പോകും. അല്ലെങ്കിൽ ശ്രീക്ക് പഴയ ചിന്തകളുണ്ട്. പക്ഷെ കാര്യങ്ങൾ പഴയത് പോലെ നീങ്ങണമെങ്കിൽ കുറേ പണിയുണ്ട്. അവൾക്കൊരു എത്തും പിടിയും കിട്ടിയില്ല.

“ഏട്ടാ.. എന്താ ഒന്നും മിണ്ടാത്തെ..?”

“ഏയ്‌..”

“എന്താ ആലോചിക്കുന്നേ..?”

“രണ്ടെണ്ണം അടിക്കാൻ പൂതി..”

“ഒഹ്. അതെന്തു പറ്റി..?”

“ചുമ്മാ…. രണ്ടെണ്ണം വീശട്ടെ…?”

“എന്നാലോ…?”

“നല്ല മൂഡ് കിട്ടും..”

“എന്ത് മൂഡ്..?”

“എല്ലാത്തിന്റെയും ഒരു മൂഡ്..!”

“എല്ലാത്തിന്റെയും മീൻസ്..?”

“അതു തന്നെ…”

“മ്മ്..”

അവളൊന്ന് അർത്ഥം വച്ച് മൂളി. അപ്പോഴാണ് ഡിജെ സംഗീതത്തിന്റെ ശബ്ദം അവരുടെ ചെവികളിലേക്ക് ഒഴുകിയെത്തുന്നത്.

“പാട്ടും മേളവും തുടങ്ങി.”

അവൾ മന്ത്രിച്ചു. അതിലടക്ക് ആമിയെ അന്വേഷിച്ച ദൃശ്യ അവരുടെ പുറകിൽ എത്തി.

“ഓ.. നിങ്ങൾ തന്നെ വലിയ കപിൾസ്..!”

അവരെ കളിയാക്കിക്കൊണ്ട് ദൃശ്യ മുന്നിൽ വന്ന് നിന്നു. ആമിയും ശ്രീയും പരസ്പരം ചിരിച്ചു.

“ഇവിടെയിങ്ങനെ വന്നിരിക്കാൻ അല്ല നിങ്ങളെ വിളിച്ചത്.. അങ്ങോട്ട് വാ..”

“വരാം.. കുറച്ച് നേരം ഇരുന്നെന്നെ ഉള്ളു..”

“ഇരിക്കാനൊക്കെ ഇനിയും സമയമുണ്ട്. അല്ല ശ്രീ ഡ്രിങ്ക്സ് കഴിക്കാറില്ലേ..?”

ദൃശ്യയുടെ ചോദ്യം കേട്ട് ആമി ശ്രീയുടെ മുഖത്ത് നോക്കി.

“എന്തെടി..? കുഴപ്പമുണ്ടോ..?”

ദൃശ്യയുടെ ചോദ്യം.

“ആളിപ്പോ എന്നോട് പറഞ്ഞതെ ഉള്ളു.”

“ആഹ.. എന്നിട്ടാണോ..? ശ്രീ അവരുടെ കൂടെ രണ്ടെണ്ണം കഴിക്ക്.. ഭാര്യയെ എനിക്ക് വിട്ട് തന്നേക്ക്..”

പുഞ്ചിരിയാണ് ശ്രീയുടെ മറുപടി.

“ആമി.. നമുക്കും രണ്ടെണ്ണം നോക്കിയാലോ..? ഈ സമയമല്ലേ ഇതൊക്കെ പറ്റു..”

ആമി വീണ്ടും ശ്രീയുടെ മുഖത്ത് നോക്കി.

“ശ്രീ സമ്മതിക്കും. അല്ലേ ശ്രീ…? അത് കഴിഞ്ഞ് രണ്ട് സ്റ്റെപ്സ് ഇട്ട് ഭക്ഷണം കഴിച്ച് പിരിയാം.. അതോ ഇവിടെ തങ്ങണോ..?”

“ഏയ്‌ ഇല്ല.. പോണം..”

ശ്രീയാണ് കേറി പറഞ്ഞത്.

“എങ്കി വാ..”

ദൃശ്യ ആമിയുടെ കയ്യിൽ പിടിച്ച് എഴുന്നേൽപ്പിച്ചു. ശ്രീയും എഴുന്നേറ്റു.

“അഞ്ചു മിനുട്ട് കഴിഞ്ഞ് ഭാര്യയെ വിട്ടുതന്നേക്കാം. പോരെ..?”

ദൃശ്യ ശ്രീയോടായി പറഞ്ഞു. അവൻ ചിരിച്ച് സമ്മതം മൂളി. ആമി ബിയർ മാത്രമേ അടിക്കുള്ളു എന്നാണ് ശ്രീയുടെ വിശ്വാസം. അത് കൊണ്ട് സമ്മതിക്കുന്നതിൽ തെറ്റില്ലെന്ന് അവനോർത്തു.

“ഏട്ടാ.. നമുക്ക് ബൈക്കിൽ പോവേണ്ടതാണ്.. കുറച്ച് കുടിച്ചാൽ മതി കേട്ട..”

“ആടി..”

ആമിയുടെ ഓർമപ്പെടുത്തലും അവൻ ശെരി വച്ചു. ദൃശ്യ ആമിയെയും കൂട്ടി നീങ്ങി. ഓഫീസിലെ കൂട്ടുകാരുടെ അടുത്തേക്ക് ശ്രീയും നടന്നു. അവർക്കു വേണ്ടി ദൃശ്യ കണ്ടു പിടിച്ച സ്ഥലം ബാൽക്കണിയുടെ എൻഡിൽ ഉള്ള ചെറിയ ടവറിന്റെ പുറകിലായിരുന്നു. പതിയെ അവർ ടവറിന്റെ മറവിലേക്ക് കയറി. വലുതായി പതിച്ച ഓഡിറ്ററിയത്തിന്റെ എംബ്ലം തിളങ്ങുന്ന സാമാന്യം ഉയരവും വീതിയുമുള്ള ടവറിന്റെ ചുറ്റിലും ചെറിയ രീതിയിൽ വെട്ടങ്ങളും അലങ്കരിച്ചിട്ടുണ്ട്. പെട്ടെന്നൊന്നും ആർക്കും അങ്ങോട്ടേക്ക് കണ്ണെത്തില്ല. ടവറിന്റെ പുറകിൽ ചെറിയ ഒരു സ്പോട്ട് മാത്രമാണ്. രണ്ട് ചെയറും വട്ടത്തിലുള്ള ചെറിയ മേശയും. ചുറ്റിലും കൈവരിയും. മേശയിൽ വച്ച ചെറിയ മദ്യക്കുപ്പി കണ്ടപ്പോൾ ആമി ചെറുതായൊന്നു ഞെട്ടി.

“എടി… ഇതെന്താ..?”

ആമി സംശയം പ്രകടിപ്പിച്ചു. ദൃശ്യ ചിരിക്കുകയാണ്.

“ഞാൻ ആദ്യമേ സാധനങ്ങൾ ഇവിടെ എത്തിച്ചു. അതല്ലേ നിന്നെയും കൊണ്ട് ഇങ്ങോട്ട് കൊണ്ടു വന്നത്. ആരും അറിയാൻ പാടില്ലല്ലോ..”

“ഹൊ.. നിന്നെ സമ്മതിച്ചു. ഇതേതാ സാധനം..?”

“വോഡ്ക..!”

“അയ്യോ.. ഞാൻ ബിയർ മാത്രേ കഴിക്കു.”

“ഇത് സൂപ്പർ ആണെടി. വല്ലപ്പോഴുമല്ലേ..”