👨‍❤️‍👨👨‍❤️‍👨ശ്രീയുടെ ആമി – 6👨‍❤️‍👨👨‍❤️‍👨 8അടിപൊളി 

ഈ കാര്യം റിതിൻ അവർക്ക് പറഞ്ഞ് കൊടുക്കുമ്പോൾ മൂവരും മുഖത്തോട് മുഖം നോക്കി. പറഞ്ഞതിന്റെ പൊരുൾ എന്തെന്നാൽ ഒരു മണിക്കൂർ എക്സ്ട്രാ ഡ്യൂട്ടി ചെയ്യണം എന്നതാണ്.

“റിതി… നാളെ മുതൽ ചെയ്താൽ മതിയോ.?”

ദൃശ്യയാണ് ചോദിച്ചത്.

“ഇത് എന്റെ തീരുമാനമല്ല.. ബോസ്സ് പറഞ്ഞതാണ്. നിങ്ങളെക്കൊണ്ട് ഏക്സ്ട്രാ ഡ്യൂട്ടി ചെയ്യിക്കണമെന്ന് എനിക്ക് നിർബന്ധമില്ല..”

റിതിൻ നിസ്സഹായതയിൽ കൈ മലർത്തിയപ്പോൾ ദൃശ്യക്ക് വേറൊന്നും മിണ്ടാനായില്ല. നവനീതിനും പെന്റിങ് വർക്ക്‌ ഉള്ളത് കൊണ്ട് വോയിസ്‌ ഇല്ലെന്ന് അവനറിയാം.

“എന്താ ആമി..? ഓക്കെ അല്ലേ…? ദൃശ്യയെ ഒന്ന് സഹായിക്ക്”

ചോദ്യത്തോടൊപ്പം റിതിന്റെ തീഷ്ണമായ നോട്ടം കൂടി ആയപ്പോൾ അവൾക്ക് ചെറുതായി പേടി തോന്നി.

“അ..അത്.. ശ്രീ…”

“ശ്രീ കാത്തു നിൽക്കുന്നുണ്ടാവുമല്ലേ..? പറഞ്ഞിട്ട് വാ.. വേഗം പണി തീർന്നാൽ വേഗം പോവാം..”

അത് കേട്ട് നിസ്സഹായതയോടെ റിതിനെ ഒന്ന് നോക്കിയ ശേഷം അവൾ ക്യാബിൻ ഡോർ തുറന്ന് പുറത്തിറങ്ങി. ഓപ്പൺ കേബിനിൽ തന്നെ കാത്തു നിൽക്കുന്ന ഭർത്താവിന്റെ അടുത്തേക്ക് നീങ്ങി.

“ഏട്ടാ…”

“പോവാം…?”

“ദൃശ്യക്ക് കുറച്ച് പെന്റിങ് വർക്ക്‌ ഉണ്ട്. അതൊന്ന് തീർത്തു കൊടുക്കാൻ സഹായിക്കണം.”

“ഇപ്പോഴോ..?”

“മ്മ്.. ബോസ്സ് ഏല്പിച്ചതാ…”

“ഓഹ്..ഇപ്പൊ വരാൻ പറ്റില്ലേ…?”

“ഒരു അരമണിക്കൂർ..”

“ഓക്കേ.. എങ്കി ഞാൻ താഴെ ഉണ്ടാവും. ദൃശ്യ ഇറങ്ങുമ്പോൾ ഒന്നിച്ചു പോരെ.”

“ആ..ഞാൻ വേഗം വരാം..”

“ആ..”

വിശ്വാസത്തോടെ പുറത്തേക്ക് ഇറങ്ങി പോകുന്ന ശ്രീയെ അവൾ ഒരു നിമിഷത്തേക്ക് നോക്കി നിന്നു. ശേഷം റിതിന്റെ കേബിനിലേക്ക് തിരിച്ചു കയറി. ഫോൺ സംഭാഷണത്തിൽ മുഴുകിയ റിതിനും അവന്റെ മുൻപിലിരുന്ന് വർക്കുകളിൽ ഏർപ്പെട്ട ദൃശ്യയും നവനീതും. അവൾ മെല്ലെ ദൃശ്യയുടെ അടുത്തേക്ക് നീങ്ങി ഇരുന്നു. റിതിനെ ഒന്ന് നോക്കിയെങ്കിലും അവൻ മൈൻഡ് ചെയ്തില്ല. ഫോൺ സംഭാഷണം കഴിഞ്ഞതും റിതിൻ അവർക്ക് നേരെ തിരിഞ്ഞു.

“ആമി.. ശ്രീയോട് പറഞ്ഞോ..?”

“മ്മ്..”

“ഓക്കെ. ബോസ്സിന്റെ കേബിനിൽ നിന്ന് രണ്ട് ഫയൽ എടുക്കാനുണ്ട്. അങ്ങോട്ടേക്ക് വരണം. ഞാൻ കേബിനിൽ ഉണ്ടാകും.”

പറഞ്ഞതിന്റെ അർത്ഥം ഉള്ളിൽ കത്തിയ എരിച്ചിലിൽ അവളവനെ നോക്കി. പക്ഷെ ഭാവ വ്യത്യാസമില്ലാതെ അവൻ മൂന്ന് പേരെയും നോക്കി കേബിനിൽ നിന്ന് പുറത്തിറങ്ങി.

“ആമി.. ഒന്ന് സഹായിക്കെടി…”

ലാപ് ടോപ് നോക്കി ടെൻഷനോടെ ഇരിക്കുന്ന ദൃശ്യയുടെ സംസാരമായിരുന്നു. റിതിന്റെ പറച്ചിലിൽ നിർവികാരമായ ആമിക്ക് എന്ത് ചെയ്യണമെന്ന് മനസിലായില്ല. എങ്കിലും അവൾ ദൃശ്യയെ വർക്കിൽ സഹായിച്ചു. നവനീതും അടുത്തിരുന്ന് വർക്ക് ചെയ്യുന്നുണ്ട്. അവരുടെ രണ്ടു പേരുടെയും മനസ്സിൽ വർക്കിന്റെ ടെൻഷൻ ആണെങ്കിൽ ആമിയുടെ മനസ്സിൽ കൂടുതൽ കാരണങ്ങളുണ്ട്. കുറച്ച് നിമിഷങ്ങൾ നീങ്ങിയപ്പോൾ ആമിയുടെ ഫോണിൽ റിതിന്റെ കോൾ വന്നു. മൂവരും അത് കണ്ടു.

“ആമി.. അങ്ങോട്ടേക്ക് ചെല്ല്.. ബാക്കി ഞങ്ങൾ ചെയ്തോളാം. റിതിന്റെ മൂഡ് ശെരിയല്ലെന്ന് തോന്നുന്നു. ഇനി അടുത്ത പണി വരേണ്ട..”

ദൃശ്യ പറഞ്ഞപ്പോൾ അവൾക്ക് ഒന്നും മിണ്ടാനായില്ല. റിതിൻ തന്നെ എന്തിനാണ് വിളിക്കുന്നതെന്ന് മനസ്സിലാകാതെ ഇരിക്കുന്ന ദൃശ്യയെയും നവനീതിനെയും നോക്കി നിസ്സഹായതയോടെ അവൾ എഴുന്നേറ്റു. ഡോർ തുറന്ന് പുറത്തിറങ്ങിയതേ ഉള്ളൂ. ആളുകളൊഴിഞ്ഞ ഓപ്പൺ കേബിനിൽ മേശയോട് ചാർന്ന് നിൽക്കുകയാണ് റിതിൻ. ആമിയുടെ വരവും കാത്ത്. റിതിനെ കണ്ടതും അവളുടെ കണ്ണുകൾ താഴേക്ക് നീങ്ങി.

“അടുത്തേക്ക് വാ..ആമി…”

അവൻ മന്ത്രണമായി മൊഴിഞ്ഞു. കാലുകൾ ഒന്ന് വിറച്ചെങ്കിലും അവൾ മന്ദമായി അവന്റെ അടുത്തേക്ക് നീങ്ങി. പിങ്ക് കളർ ചുരിദാറിൽ സുന്ദരിയായ പെണ്ണിന്റെ മേനിയഴകിൽ അവനൊന്നു കണ്ണുഴിഞ്ഞു.

“ശ്രീയോട് എന്ത് പറഞ്ഞു..?”

ഉത്തരം നൽകാനാവാതെ വാചാലമായ അവളുടെ മുഖത്തെ നേർവസ്നെസ്സ് അവന് ഊഹിക്കാവുന്നതേ ഉള്ളൂ. തോളത്തു പതിഞ്ഞ കര സ്പർശനം വരെയേ അതിന് ആയുസ്സും ഉണ്ടായുള്ളൂ.