💓 ആരതി കല്യാണം 💓 – 6 26അടിപൊളി  

ലക്ഷ്മിയമ്മ എന്റെ അമ്മയുടെ കൈയും പിടിച്ച് അകത്തേക്ക് കേറാൻ തുടങ്ങിയതും എന്തോ ഓർമവന്നത് പോലെ പെട്ടന്ന് കൈയിലെ ഫോണും ഉയർത്തി വീണ്ടും എനിക്ക് നേരെ വന്നു,

“” വാവേ, ഈ ഫോണോന്ന് നോക്കടാ… ഇതിന്റെ വെളിച്ചം എടക്ക് തന്നെത്താലേ കൂടിയും കൊറഞ്ഞോണ്ടിരിക്ക… രാധികേടെ പിള്ളേരെന്തോ പിടിച്ച് ഞെക്കിയേതാന്ന തോന്നണേ…!!”” അവരുടെ പിന്നാലെ അകത്തേക്ക് കേറണോ വേണ്ടയോന്ന് ആലോചിച്ചിരിക്കുമ്പഴാണ് അവരെന്റെ നേരെയത് നീട്ടുന്നത്… ഈ വാണ പുള്ളേരുടെ ഒരു കാര്യം, ആ പാവത്തിന്റെ ഫോൺ നശിപ്പിച്ചു…!

അവരടെ കൈയീന്ന് ഞാൻ ഫോൺ വാങ്ങിയതും അമ്മയും ലക്ഷ്മിയമ്മയും കൂടി അകത്തേക്ക് പോയി…! ഞാൻ അകത്ത് കേറാതെ ഉമ്മറത്തുണ്ടായിരുന്ന ഒരു കസേര വലിച്ചിട്ട് അതിലേക്കിരുന്നു… ഫോണിന് ലോക്കില്ലായിരുന്നു… അത് തുറന്ന ഞാൻ ഇതെന്താ പ്രേശ്നമെന്ന് ചികഞ്ഞു നോക്കി…! സംഭവം വേറൊന്നുമല്ല, ഓട്ടോമാറ്റിക് ബറൈറ്നെസ്സ് ഓൺ ആയതാണ്…! എനിക്ക് ചിരിവന്നുപോയി…! അവര് പറയണത് കേട്ടപ്പോ ഞാൻ വിചാരിച്ചു ഫോണിനെന്തോ കാര്യമായ അസുഖായിരിക്കൂന്ന്…!

ഫോൺ ശെരിയാക്കി ഞാൻ ഉമ്മറത്തായി തന്നെ ഇരുന്നിരുന്ന ചെറിയ ടേബിളിലേക്ക് വച്ചു…! വേറെ പ്രേത്യേകിച്ചു പണിയൊന്നും ഇല്ലാത്തോണ്ട് കുറച്ച് നേരം കൂടി അവിടെ തന്നെയിരുന്നതിന് ശേഷം വീണ്ടും ഞാൻ ലക്ഷ്മിയമ്മയുടെ ഫോൺ കൈയിലെടുത്ത് ഗാലറി തുറന്ന് ഫോട്ടോസൊരോന്ന് നോക്കികൊണ്ടിരുന്നു…! പെട്ടന്നാണ് ആരതിയുടെ ഒരു കൂട്ടം ഓഞ്ഞ ഫോട്ടോസെന്റെ കണ്ണിൽ പെട്ടത്…! അതിൽ അവൾ സ്വന്തം മുടി മീശയാക്കി വച്ച് എടുത്തതും അതും കൂടാതെ പണ്ട് ഫേസ്ബുക്കിൽ എല്ലാവരും ഇട്ടിരുന്ന പോലത്തെ വാണ പിക്സും ഉണ്ടായിരുന്നു…! ചിലത് കാൻഡി കാമിലെടുത്തതാണ്…! വേറെ ചിലതിൽ മൈ ലൈഫ് മൈ റൂൾസ്‌ എന്നും ഡാഡിസ് പ്രിൻസസ്സ് എന്നൊക്കെ ഇട്ടിട്ടുണ്ട്…! എല്ലാത്തിന്റേം എഡിറ്റിങ്ങൊക്കേ കണ്ടപ്പോ എനിക്കങ്ങ് ചിരിപ്പൊട്ടി…! മതി… ഇത് മതി…! ഞാൻ വേഗം അവരുടെ ഫോണിൽ എന്റെ നമ്പർ സേവ് ആക്കാൻ വേണ്ടി നമ്പർ അടിച്ചതും അതിൽ എന്റെ പേര് വന്നു… Abhi❤️… ഞാനത് തുറന്ന് നോക്കി…! കോണ്ടാക്ടിന്റെ പ്രൊഫൈൽ പിക് ആയി നടുക്ക് ഞാനും എന്റെ വലത്തേ ഭാഗത്തായി ആര്യേച്ചിയും ഇടത്തെ ഭാഗത്തായി ആരതിയും നിൽക്കുന്ന ഞങ്ങൾ കുഞ്ഞിലേ എടുത്ത ഒരു ഫോട്ടോയാണ്…! നടുക്കായി നിന്നിരുന്ന എന്നെ ആര്യേച്ചിയും ആരതിയും നോക്കുന്ന പോസായിരുന്നു അതിൽ…! ഇത് പണ്ട് അരതീടെ അച്ഛന്റെ ഏതോ ഒരു ക്യാമെറയിൽ എടുത്തൊരു ഓർമയെനിക്കുണ്ട്…! ഹ്മ്മ്… അതൊക്കെയൊരു കാലം…! എനിക്ക് ചെറിയൊരു സന്തോഷം തോന്നാതിരുന്നില്ല…! ലക്ഷ്മിയമ്മക്ക് എന്നോട് സ്നേഹമൊക്കെയുണ്ട്…!

ലക്ഷ്യത്തിൽ നിന്ന് വഴുതി മാറുന്നുന്ന് മനസ്സിലാക്കിയ ഞാൻ വേഗം അവരുടെ വാട്സ്ആപ്പ് എടുത്ത് ആ ഫോട്ടോസെല്ലാം എന്റെ നമ്പറിലേക്ക് അയച്ചതിനു ശേഷം ഡിലീറ്റ് ഫോർ മി കൊടുത്തു…! കക്കാൻ കേറിയ കള്ളന്റെ കൈയിൽ പൂജാരി സ്വമേതയാ ഭണ്ഡാരമെടുത്തു കൊടുത്ത പോലെയായി ഇത്…!

“” ലക്ഷ്മിയമ്മേ ഫോണിവടെ വച്ചിട്ടുണ്ട്…! ഞാനൊന്ന് പുറത്തോട്ട് പോവ്വാ…!!”” ന്നും അകത്തേക്ക് വിളിച്ച് കൂവി ഞാനവിടെ നിന്നും ഇറങ്ങി നടന്നു…! നടന്ന് ഗേറ്റിന്റെ പുറത്തെത്തിയതും ഇടത്തെ ഭാഗത്ത് ദൂരേന്നിന്ന് ഒരു ഓടി Q7 വരുന്നത് എന്റെ ശ്രദ്ധയിൽ പെട്ടു…! ആരതിയുടെ അച്ഛനാവണം…! അത് കണ്ട ഞാൻ എന്തോ ഒരു ഉൾപ്രേരണയിൽ റോഡിന്റെ ഓപ്പോസിറ്റായിയുള്ള പലചരക്കു കടയിലേക്ക് കേറി നിന്നു…! ഗേറ്റിന്റെ മുന്നിലെത്തിയ കാർ തിരിയാൻ വേണ്ടി നിന്നതും അവിടെ തന്നെയായി റിയൽ എസ്റ്റേറ്റ് നടത്തുന്ന ബാബു ചേട്ടൻ ബൈക്കുമായി വന്നു നിർത്തി…! അവരുടെ ഗേറ്റിന്റെ മുന്നിലെ ഇന്റർലോക്കിലായിട്ടാണ് ബൈക്ക് നിർത്തിയത്…! ഇതൊരു ചെറിയ പഞ്ചായത്ത്‌ റോടാണ്…! പൊട്ടൻ സൈഡ് കൊടുക്കാൻ നിർത്തിയതാന്ന് തോന്നണു…!

ബാബു ഏട്ടനെ കണ്ട ആരതിയുടെ അച്ഛൻ അവിടെ കാർ നിർത്തി എന്തൊക്കയോ സംസാരിക്കുന്നത് കേൾക്കാം…! ഡ്രൈവിംഗ് സീറ്റ്‌ അപ്പുറത്തെ സൈഡിലായത് കൊണ്ട് എനിക്കങ്ങേരെ കാണാൻ പറ്റുന്നില്ല…! പെട്ടന്നാണ് കോ ഡ്രൈവിങ് സീറ്റിന്റെ വിന്ഡോ താഴ്ന്ന് വരുന്നത് കണ്ടത്…! ആരാ ഈശ്വര അത് ന്നും മനസ്സിൽ വിചാരിച്ച് നോക്കുമ്പോ ധോണ്ടടാ രണ്ടുണ്ട കണ്ണുകൾ…! പൂച്ചക്കണ്ണിനോട് സാമ്യം തോന്നിക്കുന്ന മനോഹരമായ കണ്ണ്…! കൂടെ നെറ്റിയിലൊരു കുഞ്ഞു പൊട്ടും…! അതാരുടേതാണെന്ന് എനിക്കതികം ചിന്തിക്കേണ്ടി വന്നില്ല…! ആരതി…!!! ഇവളെന്താ ഇപ്പൊ ഇവടെ…? നാളെ ശനി ആയതോണ്ട് കെട്ടിയെടുത്തതാവും…!! വിൻഡോ പിന്നേം താഴ്ന്ന് വന്നു…! കണ്ണിന്റെ സൗന്ദര്യത്തോട് കിടപിടിക്കുന്ന തരത്തിലുള്ള നീണ്ട മൂക്ക്…! അതിന് താഴെയായി ചുവന്ന റോസ്സാപ്പു ചുണ്ടുകളും…! വൗ…!!

എന്നൊക്കെ എന്റെ പട്ടി പറയും…! കള്ള കടംകേറി മോള്…! അവൾടെയൊരു ഉണ്ടകണ്ണും ഒരു മറ്റേടത്തെ കൃഷ്ണമണിയും…! ഇവളാര് യക്ഷിയോ…! പിന്നെ അവൾടെയൊരു കോണച്ച മൂക്കും ലിപ്സ്റ്റിക്ക് ഇട്ടപ്പോലത്തെ ചുണ്ടും…! അവളെ ഇങ്ങനെയൊക്കെ പൊക്കിപറയണ്ണമെങ്കിൽ ഒന്നെങ്കിൽ അവൻ ഒരു പൊട്ടനായിരിക്കും, അല്ലെങ്കിൽ അവൻ വേറൊരു പൊട്ടൻ ആയിരിക്കും…! അവളാണെങ്കി എന്നെ നോക്കി ചുണ്ടിലൊരു ചിരിയും ഒളിപ്പിച്ച് കാറിലിരിക്കുന്നുണ്ട്…! ഇനി ഞാൻ പാന്റിന്റെ സിബ് അടച്ചില്ലേന്ന് സംശയം തോന്നിയപ്പോ അവിടെ ഒന്ന് തപ്പി നോക്കി…!! ഉണ്ട്…! അടച്ചിട്ടുണ്ട്…! അവളുടെയടുത്തൂന്ന് ശ്രെദ്ധമാറ്റാൻ വേണ്ടി ഞാൻ കടയിലെ പഴക്കൊലയിൽ നോക്കി കടക്കാരന് നേരെ തിരിഞ്ഞു,

“” ചേട്ടാ ഈ കൊലക്കെന്താ വെല…?? “” എന്റെ ചോദ്യം കേട്ടതും കടക്കാരൻ എന്നെ അടിമുടിയൊന്ന് നോക്കി, ശേഷം അതെനിക്കെങ്ങനെ അറിയാന ന്നുള്ള മട്ടിൽ നിന്നു…! അപ്പോഴാണ് ഞാൻ അത് ശ്രേദ്ധിച്ചത്, എന്റെ കൈ ഇപ്പഴും പാന്റിന്റെ സിബിലാണ്…! ഷോക്കടിച്ച പോലെ ഞാൻ അവിടുന്ന് കൈ മാറ്റി…! നന്നായൊന്ന് ചമ്മിയ ഞാൻ ഈശ്വര ഇതവള് കണ്ടുക്കാണല്ലേ ന്ന് പ്രാർത്ഥിച്ച് തിരിഞ്ഞ് ആരതിയെ നോക്കി…! അവൾ തല താഴ്ത്തിയിരുന്ന് കുലുങ്ങുന്നുണ്ട്…! ഇതെന്ത് മൈരെന്നും പറഞ്ഞ് സൂക്ഷിച്ച് നോക്കിയപ്പഴാണ് അത് വെറും കുലുക്കമല്ല അവള് കെടന്ന് ചിരിക്കുന്നതാന്നുള്ള തിരിച്ചറിവ് എനിക്കുണ്ടായത്…! അപ്പൊ കണ്ടു ലെ…! കോപ്പ്, വല്ല മുണ്ടെങ്ങാനും ഉടുത്തമതിയായിരുന്നു…! ഒരു വിധത്തിൽ ചിരിയൊതുക്കി അവൾ വീണ്ടും എന്റെ മുഖത്തേക്ക് നോക്കിയതും എന്റെ മൂഞ്ചിയ നിൽപ് കണ്ടിട്ടാണെന്ന് തോന്നണു അവൾക് വീണ്ടും ചിരിപ്പൊട്ടി…! ഇപ്രാവശ്യം അവളെന്നെ തന്നെ നോക്കിയാണ് ചിരിക്കുന്നത്…! ഇവൾ അനാവശ്യമായി കൊറേ ചിരിക്കുന്നുണ്ട്…! അത് ഞാൻ മാറ്റി താരാട്ടാ…! അവള്ടെ തന്തയിതൊന്നും കാണണില്ലേ ആവോ…! ഞാൻ വീണ്ടും കടകാരന് നേരെ തിരിഞ്ഞു,