💓 ആരതി കല്യാണം 💓 – 6 37അടിപൊളി  

 

 

 

“” ഞാനീ ഈ കൊലേടെ കാര്യാ ചോയിച്ചേ…!”” ന്നും പറഞ്ഞ് ഞാൻ കടയിൽ തൂക്കിയിട്ടിരുന്ന നെന്ത്രപഴത്തിന്റെ കൊലയിലേക്ക് ചൂണ്ടി…!

 

 

 

“” അത് കിലോൻ അമ്പത്തിനാല് രൂപക്ക കൊടുക്കണേ…!!”” അമ്പത്തിനാല് രൂപയോ…? അതെങ്ങനെ ശെരിയാവും…? കഴിഞ്ഞ പ്രാവിശ്യം നല്പത്തെട്ട് രൂപയെ ഉണ്ടാർന്നൊള്ളു ലോ…! ഈ പഴം താൻ ഒറ്റക്കങ്ങ് കേറ്റിയാ മതി…!

 

 

 

“” ആണോ, എന്ന വേണ്ട…! തത്കാലം ഒരു ഫ്രൂട്ടി എടുത്തോ…!”” ഒന്നും വാങ്ങാതെ പോയാൽ അയാള് ചെലപ്പോ പിടിച്ചിടിക്കും…! ഞാൻ പിന്നേം ഇവള്ടെ മുന്നിൽ നാറേം ചെയ്യും…! അത് അനുവദിചൂടാ…! അങ്ങനെ ഒരു പത്തിന്റെ ഫ്രൂട്ടിയും മൂഞ്ചി ഞാൻ തിരിഞ്ഞു…! ഇവളിതുവരെ പോയില്ലേ…? ഈ കൊണാപ്പന് സംസാരം നിർത്തി പൊക്കൂടെ…? ആരതി എല്ലാം കേട്ട് ചുണ്ടിന് മേലെ വിരലും വച്ച് എന്നെ ഇടംകണ്ണിട്ട് നോക്കുന്നുണ്ട്…! കളിയാക്കി ചിരികണതാവും പന്നി…!

 

 

 

ബോള്ളിപ്പോ നിന്റെ കോർട്ടിലാണ്…! പക്ഷെ തിങ്കളാഴ്ച സൂര്യനുതിക്കുമ്പോ ബോള്ളുമൊത്തം എന്റെ കോർട്ടിലാവൂടി, അന്ന് ഞാനൊരു പത്തിരുപതു ഗോളെങ്കിലും നിന്റെ പോസ്റ്റിലേക്ക് അടിച്ച് കേറ്റും…! ന്ന് ഞാൻ മനസ്സിൽ പറഞ്ഞുകൊണ്ട് അവിടന്നിന്നും ഇറങ്ങി നടന്നു…! പിന്നെ വീട്ടിൽ പോയി ശരത്തേട്ടൻ വെച്ചിട്ടുപോയ വണ്ടിയെടുത്തു…! ഈ കൈയിലുള്ള ഫോട്ടോസുംമൊത്തം കളർ പ്രിന്റെടുക്കണം, എന്നിട്ട് ഒരു പണി ഒപ്പിക്കാനുള്ളതാ…! ഞാൻ അതിനായി അവിടെനിന്നും നേരെ തൊട്ടടുത്തായി തന്നെയുള്ള എന്റെ കൂട്ടുകാരന്റെ മൊബൈൽ ഷോപ്പിലേക്ക് വിട്ടു…! കുറച്ച് നേരം അവനെയായി സംസാരിച്ചിരുന്ന് അവൻ പുറത്തുപോയ തക്കം നോക്കി ഞാൻ ആ ഫോട്ടോസ് മൊത്തം പ്രിന്റെടുത്തു വണ്ടിയിൽ വച്ചു…!

 

 

 

തിരിച്ച് വീട്ടിൽ വരുമ്പോ മനസ്സിൽ മൊത്തം അവൾ കോളേജിൽ നാണംകെടാൻ പോവുന്ന രംഗമായിരുന്നു…! അതാലോയ്ക്കുമ്പോ തന്നെ ഒരു കുളിര്…! വീട്ടിലെത്തി അകത്ത് കേറാൻ നില്കുമ്പോ ഫോൺ ബെല്ലടിച്ചു…! അമ്മയാണ്…!

 

 

“”ആ പറയ്യ്…!””

 

 

“” നീ എവടെ പോയതാടാ…!””

 

 

 

“” ഞാൻ നിങ്ങളോട് പറഞ്ഞിട്ടല്ലേ തള്ളേ അവിടന്ന് ഇങ്ങ് പൊന്നെ…!? “” പിന്നെ ദേഷ്യം വരാണ്ടിരിക്കോ…!? ഇനി ഞാൻ ചെവിടടുത്ത് മൈക്കുവച്ഛ് പറഞ്ഞാൽ പോലും തള്ളയിങ്ങനെയെ ചോയ്ക്കു…!

 

 

“” നീയെപ്പോ പറഞ്ഞ്…!??”” ആ ദാ കെടക്കണ്…! എനിക്കറിയായിരുന്നു…!

 

 

“” നിങ്ങളിപ്പന്തിനാ വിളിച്ചേന്ന് പറ…!”” ഇനി പറഞ്ഞിട്ട് പോയ കാര്യം ന്യായികരിക്കാൻ നിന്ന ഇന്നങ്ങനെയൊരു സംഭവം നടന്നിട്ടേ ഇല്ലാന്നൊള്ള ലെവലിലാവും കാര്യങ്ങൾ…! പാവാണ്…! ഓരോരുത്തരടെ കുറ്റം പറയണേനിടക്ക് ഞാൻ പറഞ്ഞത് കെട്ടിട്ടിണ്ടാവില്ല…!

 

 

“” നീ ഇങ്ങ് വാ…! നീയിവളെ കാണാണ്ട് പോയിന്നും പറഞ്ഞ് ആരുമോളിവിടെ കെടന്ന് ബഹളം വെക്ക…!”” അമ്മ പറയുന്നത് കേട്ടതും എനിക്കങ്ങ് പൊളിഞ്ഞു…! ആ നായിന്റെ മോളല്ലേ നേരത്തെ എന്നെ കണ്ട് കൊറേ കിണിച്ചേ…! ഇതെന്നെ കാണാൻ മുട്ടിട്ടൊന്നല്ല, അവൾക്കെന്നെ അടുത്ത് നിർത്തി എയറിൽ കേറ്റാന…! സ്വന്തം മോനെ മറ്റുള്ളവർക്ക് ഊക്കാൻ ഇട്ടുകൊടുക്കുന്നൊരു തള്ള…!

 

 

“” എനിക്കൊന്നും പറ്റില്ല…! എനിക്ക് കളിക്കാൻ പോവാനുള്ളതാ…!””

 

 

“” നേരം സന്ധ്യ ആവാറായി, ഇനി ഇപ്പോ എങ്ങട്ടും പോണ്ട…!”” ന്ന് അമ്മ പറഞ്ഞപ്പോ

 

 

“” ഇനിപ്പോ എങ്ങട്ടും പോണ്ടെങ്കി പിന്നെന്തിനാ തള്ളേ ഞാൻ അങ്ങട്ട് വരണേ…!?? “” ന്നായി ഞാൻ…! അതിന് ഫോണിലൂടെ കുറച്ഛ് സ്വയമ്പൻ തെറി കേട്ടതും ഞാൻ കൃതാർത്താനായി…! പോവാണ്ടിരിക്കാൻ കൊറേ വാദിച്ചെങ്കിലും അമ്മ അത് ചെവികൊണ്ടീലാന്ന് മാത്രല്ല എത്രെയും പെട്ടന്നങ്ങോട്ടേത്താൻ ഓർഡറും ഇട്ടു…!

 

 

ആരതിടെ തിരുമോന്ത കാണാനുള്ള മൂഡ് തീരെ ഇല്ലെങ്കിലും മാതാശ്രീടെ ആന്ധ്യശാസനം ഒള്ളൊണ്ട് പോവാതെ വേറെ വഴിയില്ലായിരുന്നു…! പിന്നേം അവള്ടെ വീട്ടിലെത്തിയ ഞാൻ അകത്ത് കേറാതെ ഉമ്മറത്ത് നിന്ന് കാളിങ് ബെല്ലടിച്ചതും രാജീവ്‌ മാമൻ വന്ന് വാതില് തുറന്നു…!