💓 ആരതി കല്യാണം 💓 – 6 37അടിപൊളി  

 

 

“” ആ ഇതാര് അഭിയോ…!! മോളേ ആരു…!!! ദേ നീ അന്വേഷിച്ച ആള്…! നീയെന്താടാ അവിടെ തന്നെ നിക്കണേ…!? ഇങ്ങോട്ട് കേറി വാ…!!”” അപ്പോഴേക്കും ആരതി അവള്ടെ അച്ഛന്റെ പിന്നിലായി വന്ന് നിന്നു…! എന്നിട്ട് അങ്ങേരുടെ തോളിലൂടെ കൈയിട്ട് തല അവിടെ വച്ചെന്നെ നോക്കി…!! നാവ് കൊണ്ട് ഉൾ കവിളിൽ കുത്തിയുള്ള അവളുടെ ആ നിൽപ് കണ്ടെനിക് എന്തോ ഒരു പന്തികേട് തോന്നാതിരുന്നില്ല…!

 

 

“” ഏയ്‌ കേറാൻ സമയല്ല്യ…! എനിക്കമ്മനെ വീട്ടിലാക്കി ഒരു സ്ഥലം വരെ പോവാണ്ട്…!”” ഇവളീ വീട്ടിലുള്ളപ്പോ ഞാനങ്ങോട്ട് കേറാനോ…!? നടന്നത് തന്നെ…!

 

 

“” നിനക്കെവടെ പോവാണ്ട് ന്ന്…? “” ഉമ്മറത്തേക്ക് വന്ന അമ്മ എന്നോടത് ചോദിച്ചതും ഞാനൊന്ന് പരുങ്ങി…!! ചാവാൻ പൂവാന്ന് പറഞ്ഞാലോ…? അത് വേണ്ട, ചെലപ്പോ വേഗം പൊക്കോളാൻ പറയും…! അമ്മക്കൊപ്പമായി ലക്ഷ്മിയമ്മ കൂടി വന്നപ്പോ ഈ ചെറിയ കാര്യത്തിന് പോലും ഞാൻ അവടെ നിന്ന് ഉരുകി…!

 

 

“” അ… ത്…! അതെനിക്ക് പൊന്നാനി വരെ ഒന്ന് പോണം…! അവടെ ശരത്തേട്ടൻ ഒരു വണ്ടി നോക്കാൻ പറഞ്ഞിരുന്നു…!!”” ഇത് ഞാൻ കള്ളം പറഞ്ഞതല്ല, ശരത്തേട്ടന് വണ്ടി മറിച്ചു വിൽക്കണതും കൂടെ റെന്റിന്റെ ഏർപ്പാടൊക്കെണ്ട്…! രണ്ട് ദിവസം മുന്നേ എന്നോട് പൊന്നാനിയിൽ ഒരു വണ്ടിയുണ്ട്, സമയള്ളപ്പോ അതൊന്ന് പോയി നോക്കണം എന്ന് പറഞ്ഞായിരുന്നു…! പോരാത്തേന് അമ്മ അത് കേട്ടതുമാണ്…! അപ്പോഴാണ് ആരതി അവള്ടെ അച്ഛന്റെ ചെവിയിലെന്തോ പറയുന്നത് കണ്ടത്…!

 

 

“” എന്ന ഒരു കാര്യം ചെയ്യ്, ആരതിയേം കൂടി കൊണ്ടോയ്ക്കോ…! ഇവൾക്കെന്തോ വെടിക്കാൻണ്ടത്രേ…! എന്തായാലും മോൻ അതുവരെ പോവല്ലേ…! ഇനി എടപ്പാളീന്ന് കിട്ടീല്ലെങ്കി പോണവഴിക്ക് എവടന്നേലും വാങ്ങാലോ…! “” അതെന്റെ മോന്തക്കൊരു അടി കിട്ടിയപോലെയായി…! ഈ ശല്യത്തിനെ കാണാണ്ടിരിക്കാൻ വേണ്ടിട്ടാ ഞാൻ ഇതൊക്കെ പറഞ്ഞെ…! എന്റെ നിൽപ് കണ്ട് ചുണ്ടിൽ വന്ന ചിരി ആരതി കടിച്ചുപിടിച്ചു നിൽക്കുന്നുണ്ട്…! ഇനിയെന്ത് മൈര് ചെയ്യൂന്ന് അലോയ്‌ച്ച് നിൽകുമ്പഴാണ് രണ്ടു തുള്ളി വെള്ളമെന്റെ കൈയിൽ വീഴുന്നത്…! എനിക്ക് സന്തോഷായി…! ചെറുതായിട്ടാണെങ്കിലും മഴ ചാറുന്നുണ്ട്…! ഇടവപ്പാതി ശകലം നേരത്തെയാണല്ലോ…! ഇനി ഇതും പറഞ്ഞ് പോവാണ്ടിരിക്കാം…!

 

 

“” ഹായ് …! ആ.. ല്ല…! സോറി…! അയ്യോ മഴ…!”” അവളെ കൊണ്ടോവാണ്ടിരിക്കാൻ ഒരു കാരണം കിട്ടിയ സന്തോഷത്തിൽ ഞാനത് പറഞ്ഞെങ്കിലും ഇങ്ങേര് അവള്ടെ തന്ത ആണെന്ന് തെളിയിച്ചുകൊണ്ട്,

 

 

“” അങ്ങനാണേൽ നീ എന്റെ കാറെടുത്തോ…! അതാവുമ്പോ ഇനി മഴ പെയ്താലും കൊഴപ്പല്ല്യല്ലോ…!”” ഇയാളെന്തൊരു തന്തയാണ്, സ്വന്തം മോളെ ഒരു അന്യ പുരുഷന്റെ കൂടെ അയക്കാൻ ഉളുപ്പില്ലേ…! അതും എന്റെ കൂടെ…! ഞാനൊക്കെ ആവണമായിരുന്നു, എന്നെയൊന്നും വീടിന്റെ അടുത്ത് പോലും അടുപ്പിക്കില്ല…!

 

 

“”ഏയ്‌ അത് പറ്റില്ല…! ഞാൻ വരാൻ കൊറേ നേരാവും…!”” ഇതിൽ നിന്ന് എങ്ങനേലും ഊരിപോരാൻ വേണ്ടി കിങ് ലയറിലെ ദിലീപ്പവാൻ വരെ ഞാൻ തയാറായിരുന്നു…! ശേഷം ആരതിടെ അച്ഛൻ,

 

 

“”ആണോ…? എത്ര നേരമ്പിടിക്കും…?”” ന്ന് ചോദിച്ചതും ഞാൻ ഫോണെടുത്ത് സമയം നോക്കി, ആറുമണിക്ക് മൂന്നു മിനിറ്റ്…!

 

 

“”ഞാനൊരു 11:30 ഒക്കെ ആവും…!”” അത് കേട്ടപ്പോ അങ്ങേര് ആരതിയെ ഒന്ന് നോക്കി…! ഇത്രേം നേരം വൈകും എന്നയാൾ വിചാരിച്ച് കാണില്ല…! എങ്കിലും വല്ല്യ എതിർപ്പൊന്നും അങ്ങേരുടെ മുഖത്ത് ഞാൻ കണ്ടില്ല…! ഇത്രേം നേരാവും പോണോ എന്ന മട്ടിലാണ് അങ്ങേര് ആരതിയെ നോക്കുന്നത്…! ആരതി അവളുടെ അച്ഛന്റെ കൈയിൽ തൂങ്ങുന്നത് പോലെ പിടിച്ച് കുട്ടികൾ വാശിപിടിക്കുന്ന പോലെ അങ്ങേരെ നോക്കി…!

 

 

“”അതിനെന്താ…? നിന്റെ കൂടെ അല്ലെ…! അതൊന്നും സാരല്ല്യ…! ശ്രേദ്ധിച്ച് പോണം ന്ന് മാത്രേ ഒള്ളു…!”” ഇപ്പ്രാവശ്യം ലക്ഷ്മിയമ്മയാണ് കളത്തിലിറങ്ങിയത്…! പണ്ടാരടങ്ങാൻ…! ഈ പിശാശ് ഒഴിഞ്ഞു പോണില്ലല്ലോ…!