💓 ആരതി കല്യാണം 💓 – 6 26അടിപൊളി  

“”എനിക്ക് ഐസ് ക്രീം വേണം…!”” എന്റെ നെഞ്ചിൽ വിരലുകൊണ്ട് കുത്തി അവൾ കൊഞ്ചുന്ന പോലെ പറഞ്ഞതും ഞാനവളെ ഒന്ന് കലിപ്പിച് നോക്കി…!

“” ദോണ്ടേ അവടെ ഒരു ഐസ് ക്രീം വണ്ടിയുണ്ട്…! വേണേൽ പോയി വാങ്ങിച്ച് മിണുങ്ങ്…! “” കുറച്ചപ്പുറത്തായി ഇട്ടിരുന്ന ഐസ് ക്രീം വണ്ടി ചൂണ്ടികൊണ്ട് ഞാൻ പറഞ്ഞതും അവള്ടെ മുഖ ഭാവം മാറി…!

“” പോയി വാങ്ങി വാ അഭി…! ഇല്ലെങ്കിൽ…! “” എന്റെ നേർക്ക് വിരൽ ചൂണ്ടി ഭീഷണി സ്വരത്തിൽ അത് പറഞ്ഞതും എനിക്കങ്ങ് പൊളിഞ്ഞു…! പക്ഷെ ഇത്രേം ആളുകൾടെ മുന്നിൽ വച്ച് ഞാനിവളെ വല്ലതും ചെയ്ത പിന്നെ ആരുടെ ഭാഗത്ത ശെരി ആരുടെ ഭാഗത്ത തെറ്റ് എന്നൊന്നും ആരും നോക്കില്ല…! എല്ലാ തല്ലും ഞാൻ തന്നെ വാങ്ങിക്കേണ്ടിവരും…! വേറൊരു വഴിയും ഇല്ലാത്തോണ്ട് അവൾക് മൂഞ്ചാനായി ഐസ് ക്രീം വാങ്ങാൻ ഞാൻ ആ വണ്ടിയുടെ അടുത്തേക്ക് വിട്ടു…! അല്ലെങ്കിലും ഇവൾക്ക് ഇതൊക്കെ വാങ്ങികൊടുക്കാൻ ഞാനാര് ഇവള്ടെ കാമുകനോ…! ആരെങ്കിലും ഇതൊക്കെ കണ്ട എന്നെ പറ്റി എന്ത് വിചാരിക്കും…!? ശെയ്…! അല്ലെങ്കിലും എന്ത് വിചാരിക്കാൻ…!? എന്നേം ഇവളേം കണ്ട ആരും കാമുകി കാമുകന്മാരാന്ന് പറയില്ല…! എല്ലാവരും ഞാനിവൾടെ വീട്ടിലെ ഡ്രൈവറാന്നെ വിചാരിക്കു…!

“” ചേട്ടാ ഒരു കോൺ ഐസ് ക്രീം…!!”” ഐസ് ക്രീം വണ്ടീടെ അടുത്തെത്തിയ ഞാൻ ഫ്രീസറിൽ തല പൂഴ്ത്തി നിന്ന ആളോട് പറഞ്ഞതും അവൻ എനിക്ക് നേരെ തിരിഞ്ഞു…!

“” അള്ളാഹ്…! ഇതാര് അഭിയോ…!? ഇജ്ജെവുടെ തലേ…! അന്നേ കാണാകിട്ടനില്ലല്ലോ…!! “” ന്നും പറഞ്ഞ് അവൻ വണ്ടീന്ന് ചാടിയിറങ്ങി എന്നെ കെട്ടിപിടിച്ചു…!

“” അജ്മലെ ഇജ്ജോ…! ഇജ്ജ് ഇപ്പൊ ഈ പണിക്കാണ നിക്കണേ…! ന്റെ മോനെ…!! “” ഇത് പൊന്നാനിക്കാരൻ അജ്മൽ…! പണ്ട് ഞാനും വിച്ചൂവും ഒരു ടൂർണമെന്റ് കളിക്കാൻ പോയപ്പോ പരിചയപെട്ടത്ത…! പിന്നെ ആ പരിജയം വലിയ സൗഹൃതത്തിലേക്ക് വഴിമാറി…! അതിന് ശേഷം പലപ്പോഴായി ഞാനും വിച്ചൂവും ഇവന്റെ കൂടെ മണല് വാരാനൊക്കെ പോയിട്ടുണ്ട്…! അതൊന്നും വീട്ടിലറിയില്ലട്ടാ…! ഇവനൊരു ശുദ്ധനാണ്…! സ്നേഹിച്ച ചങ്ക് പറിച്ച് തരും…! വെറുപ്പിച്ച പിന്നെ പറയണ്ട, കുത്തി കോടലുമാലകൊണ്ട് ജംബിങ് റോപ്ണ്ടാക്കും…! പാവം…!

“” അല്ല മുത്തേ…! അന്നേ ഇപ്പോ ഈ വഴിക്കൊന്നും കാണാല്ല്യല്ലോ…! ഞാൻ വിചാരിച്ച് ഇജ്ജ് മയ്യത്തായിണ്ടാവും…!! “” എന്റെ തോളിൽ കയ്യിട്ട് അവൻ എന്നെ അടിമുടി നോക്കികൊണ്ട് പറഞ്ഞു…!

“” നമ്മളിവിടൊക്കെ തന്നെണ്ട് അളിയാ…! അതൊക്കെ പോട്ടെ…! എവടെ അന്റെ ചെങ്ങായ്‌ അൻവറ്…!? “”

“” ആ ഹറാത്തിന്റെ കാര്യൊന്നും പറയണ്ടളിയ…! ഓനിപ്പോ ഇബടൊന്നല്ല, ഓന്റെ ഉമ്മാന്റെ വീട്ടില…! മട്ടാഞ്ചേരി…! “” ഇവനെ പോലെ തന്നെ അന്ന് പരിചയപ്പെട്ട വേറൊരുത്താനാണ് അൻവർ…! ഒരു തനി ആറാമ്പറപ്പ്…! പിന്നേം കുറച്ച് നേരം കൂടി സംസാരിച്ചവൻ പെട്ടെന്ന് എന്റെ പിന്നിലേക്ക് നോക്കി…!

“” മുത്തേ…! ഏതോ ഒരു മൊഞ്ചത്തി ഇന്നേ നോക്കി ചിരിക്കാണ് ണ്ടല്ലോ…! ഹായ് എന്താ ഓൾടെ മൊഞ്ചു…! പടച്ചോനെ ഒരു പെണ്ണിന് ഇത്രേം ബംഗിയാ…! ഓൾക്കിന്നെ ഇഷ്ടായിന്ന് തോന്നണ്…! “” അവനത് പറഞ്ഞപ്പോ അതാരാ അങ്ങനൊരുത്തി ന്ന് ചിന്തിച്ച് ഞാനും അങ്ങോട്ട് നോക്കി…! ആരതി…! അവളിങ്ങോട്ട് നോക്കി ചിരിച്ചോണ്ട് കൈകെട്ടി നിൽക്കുന്നു…! ഞാൻ നോക്കൂന്നുന്ന് കണ്ടവൾ പെട്ടെന്ന് കയ്യിലുണ്ടായിരുന്ന ഫോണിലേക്ക് നോക്കി…! അവള് അന്നേ ഇഷ്ടായിട്ട് നോക്കണതല്ല…! എനിക്ക് അടുത്ത പണി എപ്പോ തരാന്ന് അലോയ്ച്ഛ് നോക്കണത…!

പിന്നെ അധികമൊന്നും സംസാരിക്കാൻ നിന്നില്ല…! ഞാൻ അവന്റെ അടുത്തുനിന്ന് ഒരു ഐസ് ക്രീംമും വാങ്ങി അവൾടെടുത്തേക്ക് വിട്ടു…! ആ ഐസ് ക്രീമിനുള്ള പൈസ എത്ര നിർബന്ധിച്ചിട്ടും അവൻ വാങ്ങിയില്ല…!

“” ന്നാ മുണുങ്ങ്…!”” ന്നും പറഞ്ഞ് ഞാനാ ഐസ് ക്രീം അവൾക് നീട്ടി…! അതവൾ വാങ്ങിച്ചിട്ട് എന്നെ നോക്കിയൊന്ന് ഇളിച്ചു…!

“” നിനക്ക് വാങ്ങിയില്ലേ…!? “” അതിൽ ഒന്ന് നക്കി എന്നോടായി അവൾ ചോദിച്ചു…!

“” പിന്നെ…! ഈ മഴയത്ത് ഇത് തിന്നാൻ എനിക്കെന്താ കടിയാണല്ലോ…! വേണെങ്കി അത് തിന്നോണ്ട് മിണ്ടാണ്ടിരി…!”” എല്ലാ ദേഷ്യവും ഉള്ളിലൊതുക്കി ഞാൻ അവിടെയായി നിർത്തിയിട്ടിരുന്ന വഞ്ചിയിലേക്ക് നോക്കി പറഞ്ഞു…!

ആരതിയെ കാണിക്കാൻ വേണ്ടി പല മൊണ്ണകളും വണ്ടിയിൽ ഷോ ഇറക്കുന്നുണ്ടായിരുന്നു…! അതല്ലെങ്കിലും അങ്ങനെയാവൂലോ…! കാണാൻ കൊള്ളാവുന്ന ഒരുത്തിയെ കണ്ട ചില വാണങ്ങൾ കഴപ്പ് മൂക്കും…! വലിയ സംഭവാ ന്നാ വിചാരം…! പട്ടി മലരന്മാര്…! ആരതി അവന്മാരെ മൈന്റ്‌പോലും ചെയണില്ല…!

തിരിച്ച് പോവുന്ന വഴി ആരതി പലതും പറഞ്ഞെന്നെ ചൊറിഞ്ഞോണ്ടിരുന്നു…! അതൊക്കെ കേട്ട് എനിക്കവളെ കൊല്ലാനുള്ള ദേഷ്യം തോന്നിയെങ്കിലും ജയിലൊക്കെ ചേച്ചിടെ കല്യാണം കൂടിട്ടാവാം എന്ന് മുന്നേ തന്നെ തീരുമാനിച്ചോണ്ട് ഞാനൊന്നും തിരിച്ച് പറഞ്ഞില്ല…! അങ്ങനെ ഒരു വിധത്തിൽ അവള്ടെ വീട്ടിലെത്തി വണ്ടി പോർച്ചിലിട്ട് ഞാൻ പുറത്തിറങ്ങി…! ശേഷം അവൾ വീടിന്റെ അകത്ത് കേറുന്നത് വരെ കാത്ത് നിന്നു…! വാതില് തുറന്ന് ഉള്ളിൽ കേറുന്നതിന് മുന്നേ അവളെന്നെ നോക്കി,

“” സൂക്ഷിച് പോണേ രായാവേ…!!”” കഴുത്തിൽ ചുറ്റിയിരുന്ന ഷാളൂരീ കൈയിൽ ചുറ്റികൊണ്ടവൾ കളിയാക്കി ചിരിച്ചോണ്ടവൾ പറഞ്ഞു…! നീ കേറടി കേറ്…! നിന്റെ കേറ്റം കുറച്ചെങ്കിലും ഞാൻ തല്കാലത്തിന് നിർത്തി തരാ ട്ടാ…! അവളെയൊന്ന് നോക്കിപേടിപ്പിച്ചു ഞാൻ വണ്ടിയെടുത്ത് വീട്ടിലേക്ക് വിട്ടു…!

തിങ്കളാഴ്ച ഞാൻ വിച്ചൂനേം കൂട്ടി പതിവിലും നേരത്തെ കോളേജിലേക്ക് വിട്ടു…! പ്രധാന ലക്ഷ്യം ആരതിക്കുള്ള പണി തന്നെയാണ്…! കോളേജിലെത്തിയ ഞാൻ അതിന് വേണ്ടിയുള്ള ഏർപ്പാടെല്ലാം പെട്ടന്ന് തന്നെ സെറ്റാക്കി…! വിച്ചു എന്നെ അതിൽ നിന്ന് പിന്മാറാൻ കൊറേ നിർബന്ധിച്ചെങ്കിലും ഞാനത് കേൾക്കാൻപോയില്ല…! നീ ഇന്ന് കൊറേ കരയും ആരതി…! ഇല്ലെങ്കി ഞാൻ കരയിപ്പിക്കും…! പക്ഷെ ഇത് വെറും സാമ്പിൾ മാത്രം…! ഇതിലും വലുത് ഒന്ന് വരാനുണ്ട്…! അത് ഞാനെന്റെ ജീവിതത്തിൽ ഏറ്റവും സന്തോഷിച്ച ദിവസമാണെന്ന് എനിക്ക് പിന്നീടാണ് മനസിലായത്…!

തുടരും…