💓 ആരതി കല്യാണം 💓 – 9 7അടിപൊളി  

“” സസ്‌പെൻഷൻ കഴിഞ്ഞ് കേറീട്ടില്ല, അപ്പഴക്കും തൊടങ്ങിയോ എല്ലാരും കൂടി…! ഇടിയറ്റ്സ്…! “” ഞങ്ങടെ നടുക്ക് നിന്ന് ആ പെണ്ണുമ്പിള്ള ഇംഗ്ലീഷില് തെറിപറഞ്ഞതും മറുപടിയായി ആൽബി,

“” അതിന് ഇവിടൊന്നും ഇണ്ടായില്ലല്ലോ മിസ്സ്‌…! ഞങ്ങള് വെറ്തെ സംസാരിച്ച് നിക്കുവായിരുന്നു…! “” ന്ന് പറഞ്ഞതും എല്ലാവരും അതേറ്റുപിടിച്ചു…! അല്ലായിരുന്നെങ്കി പിന്നേം സസ്‌പെൻഷൻ കിട്ടിയേനെ…! അതോടെ അവര് പിന്നേം ഇംഗ്ലീഷിലെന്തൊക്കെയോ തുപ്പിയതും ഞങ്ങള് ക്ലാസ്സിൽ കേറി…! കേറുന്നതിനു മുന്നേ അവറ്റകളെയൊന്ന് തിരിഞ്ഞു നോക്കിയ ഞാൻ ആദ്യം കാണുന്നത് എന്നെ നോക്കി കണ്ണുരുട്ടി നിക്കണ ആരതിയെയാണ്…! അതോട്ടും ഇഷ്ടപ്പെടാതെ ഞാൻ,

“” എന്ത്രി…? “” ന്ന് ആംഗ്യം കാണിച്ചത് കണ്ട് അവളെന്നെ നോക്കി പോടാന്നും പറഞ്ഞ് തിരിഞ്ഞ് നടന്നു…! പുന്നാരമോൾടെ അഹങ്കാരം ഞാൻ തീർത്തുകൊടുക്കുന്നുണ്ട്…! മനസ്സിൽ അങ്ങനെ പറഞ്ഞുറപ്പിച്ച ശേഷം ഞാൻ എന്റെ പരിപാടിയിലേക്ക് കടന്നു…!

അന്നത്തെ ദിവസ്സവും അതിന് പിന്നാലേയുള്ള ദിവസവും പ്രേത്യേകിച്ച് അലമ്പൊന്നുമില്ലാതെ കടന്നുപോയി…! കൈയിൽ കെട്ടും പിന്നെ ചെറിയ ബുദ്ധിമുട്ടുകളെല്ലാം ഉണ്ടായിരുന്നോണ്ട് ആ ദിവസങ്ങളിൽ ഞാൻ ഒതുങ്ങി തന്നെയാണ് നടന്നിരുന്നത്…!

ആക്സിഡന്റിന്റന്നു ആരതി എല്ലാ കുറ്റവും എന്റെ മണ്ടേലിട്ട് തലയൂരിയത് അലോയ്ക്കുമ്പോ എന്നിക്ക് വല്ലാണ്ടങ്ങു പൊളിഞ്ഞുകേറുന്നുണ്ടായിരുന്നു…! അതിന്റെ കൂടെ സ്വന്തം തള്ളേടെ പ്രാക്കും…!

ഏകദേശം അഞ്ചുമാസം കഴിഞ്ഞ് എല്ലാം നോർമലായി തുടങ്ങി…! എന്റെ കൈയിലെ കെട്ടഴിച്ചു…! ബോഡിയിലെ പെയിനും ഏകദെശം മാറിന്നും പറയാം…! പുലി പതുങ്ങുന്നത് മൂഞ്ചാനല്ല ചാമ്പാനാണ്ന്ന് പറയണപോലെ ഞാനിത്രേം കാലം ഒതുങ്ങി നടന്നത് ഒന്നും മറന്നിട്ടല്ല, ആരതിക്ക് നല്ലൊരു പണികൊടുക്കാൻ വേണ്ടി തന്നെയാണ്…!

പക്ഷെ ഒരു പ്രേശ്നമുണ്ട്…! ഒരു മാസങ്കൂടി കഴിഞ്ഞ ആരതിടെ ഇവടത്തെ പഠിപ്പ് കഴിയും…! ഒരുത്തരത്തിൽ അതിലെനിക്ക് നല്ല സന്തോഷമുണ്ടെങ്കിലും അതിന് മുന്നേ അവൾക്ക് മുട്ടനൊരു പണികൊടുക്കണമെന്ന് വാശിയുള്ളൊണ്ട് ചെറിയൊരു സമ്മർദ്ധവും എന്നിക്കുണ്ട് താനും…!

ഇതിന്റെടേക്ക് വേറൊരു സംഭവവും നടന്നു…! സിഗ്മ കളിച്ചുനടന്നെനിക്ക് ഒരു കുട്ടി സെറ്റായി…! പേര് വൃന്ദ…! ഞങ്ങടെ കോളേജിൽ തന്നെ ബി കോമിന് പഠിക്കുന്നു…! ഇവടെ അടുത്ത് തന്നെയാണ് സ്ഥലം…!

പാലിന്റെ നിറമാണെന്നൊന്നും ഞാൻ പറയുന്നില്ല…! സാധാരണപോലെ വെളുത്തിട്ടുള്ളൊരു കുട്ടി…! ചെറുതായി നീണ്ട മൂക്കും അതിലൊരു മൂക്കുത്തിയും…! അതിലാണ് ഞാൻ വീണുപോയത്…! പിന്നെ അവള് ചിരിക്കുമ്പോൾ കാണുന്ന നിരയാർന്ന മുല്ലപ്പു പല്ലുകളും…! എന്റെയത്രെയില്ലെങ്കിലും നീണ്ട് അതിനൊത്ത ഷേപ്പും…! ഒരു സുന്ദരികുട്ടി…! എന്റെ വൃന്ദ…!

ഒരു ദിവസം കോളേജില് സാധാരണ പോലെ ഞങ്ങള് വെറുതെയിരുന്നു കൊണയടിച്ച് അത് പെണ്ണുവിഷയത്തിലെത്തി…! പറഞ്ഞ് പറഞ്ഞ് അവസാനം എന്റെ മാമന്റെ മോനായ നായിന്റെ മോൻ വിച്ചു എനിക്കൊരു വെല്ലുവിളിയും അങ്ങ് വച്ചു തന്നു…! ” ധൈര്യണ്ടെങ്കി ഒരു പെണ്ണിനെ വളച്ചു കാണിക്കടാന്ന്…! “”

ആ വെല്ലുവിളി അപ്പഴത്തെ മാനസികാവസ്ത്തെല് ഞാൻ ഏറ്റെടുക്കേം ചെയ്തു…! അങ്ങനെയാണ് ഞാനിവളെ കാണുന്നത്…! അതും അജയ്യ് ചൂണ്ടികാണിച്ചു തന്നതാണ് കേട്ടോ…!

ശേഷം എങ്ങനേലും അവളെ വള്ളക്കാൻവേണ്ടി ഞാൻ പിന്നാലെ നടക്കാൻ തുടങ്ങി…! കോളേജിൽ അത്യാവിശ്യം കുപ്രസിദ്ധന്നായ എന്നെ അവൾക്ക് മുന്നെത്തന്നെ അറിയാർന്നു…! ഭാഗ്യം…!

എന്നേക്കാണാൻ ഒടുക്കത്തെ ലൂക്കായോണ്ട് ഞാൻ തന്നെ അവളോട് കേറി ഇഷ്ടാന്ന് പറഞ്ഞു…! ആദ്യം അവള് ഒന്നും പറഞ്ഞില്ല…! ഇനിയെന്റെ മൂഞ്ചിയ മോന്തകണ്ടു അവൾക്കിഷ്ടപ്പെട്ടില്ലാന്ന ചിന്തയിലായി ഞാൻ…! പക്ഷെ ഏതൊരു പെണ്ണിനേം പോലെ അവള് കുറച്ചിട്ട് കളിപ്പിക്കുന്നതാന്ന് ഞാൻ പിന്നെയാണ് മനസ്സിലാക്കിയത്…!

തോറ്റുകൊടുക്കാതെ ഞാൻ പിന്നേം പിന്നേം ട്രൈ ചെയ്തുകൊണ്ടേയിരുന്നു…! അവസാനം എന്റെ ട്രൈ കണ്ട് എനിക്ക് മോന്തേം കുത്തി വീണുതരുകയായിരുന്നു അവൾ…! അല്ല പിന്നെ…! ഞാനാരാ മോൻ…!

വൃദ്ധയോടുള്ള പ്രണയം ഒരു സൈഡിൽ, ആരതിയോടുള്ള ദേഷ്യം മറ്റൊരു സൈഡിലും വച്ച് ഞാൻ മുന്നോട്ട് പോയി…!

ഇനി നമ്മടെ സീനിലേക്ക് വരാം…!

എല്ലാം സെറ്റായി പതിവുപോലെ ഞങ്ങള് കോളേജിലേക്ക് കെട്ടിയെടുത്തു…! ഇനി കുറച്ച് ദിവസംകൂടിയേ ആരതിക്ക് പണികൊടുക്കാനൊള്ളു…!

“” എടാ അവൾക്ക് എന്ത് പണിയകൊടുക്ക…? എനിക്കാണെ ആക്ക്രമം മാത്രേ തലേല് വരണോള്ളൂ…! “” ഇന്റർവെലിനു ശേഷം ക്ലാസ്സിന് കേറാതെ പുറത്ത് അട്ടം നോക്കി നടക്കുന്നതിനിടക്ക് ഞാൻ യദുനോട് തിരക്കി…!

“” എനിക്കും അതൊക്കെ തന്നെ വരണോള്ളൂ…! എന്തായാലും ഞാനൊന്നലോയിക്കട്ടെ…! “”

“” അലോയ്ക്കാനൊന്നും സമയല്ല്യ…! നീ വെഗേന്തെങ്കിലൊരു വഴിപറ…! “” അവന്റെ മറുപടി കേട്ട് ഒട്ടും ക്ഷേമയില്ലാത്ത ഞാൻ വീണ്ടും വാശിപിടിച്ചതും,

“” പൊന്ന് മൈരേ നീയൊന്നടങ്ങ്…! നമ്മക്കെന്തെലൊരു പണികൊടുക്കാം…! “” എന്റെ ശല്ല്യം സഹിക്കാതെ അവൻ തലയിൽ കൈവച്ചുപോയി…!

ഈ മൈരന്റെ ഐഡിയക്ക് കാത്ത് നിന്ന അവള് പഠിപ്പും കഴിഞ്ഞ് ചെക്കനേം കെട്ടി നാടുവിടും…! ഞാൻ തന്നെ എന്തെലൊന്ന് കണ്ട് പിടിക്കണതാ നല്ലത്…!

ക്ലാസ്സിൽ കേറാൻ മൂഡില്ലാത്തോണ്ടും ചെയ്യാൻ പ്രേത്യേകിച്ച് വേറെ പരിപാടിയൊന്നും ഇല്ലാത്തൊണ്ടും ഒരു കൗതുകത്തിന്റെ പുറത്ത് ഞങ്ങള് ലൈബ്രറിലോട്ട് നടന്നു…!

ലൈബ്രറിടെ അകത്തേക്ക് കടന്ന ഞങ്ങളെ അവടെ മുന്നില് തന്നെയിരുന്നൊരു തള്ള അന്യഗ്രഹ ജീവികളെ കണ്ട പോലെ തുറിച്ച് നോക്കി…!

“” ഈ പെണ്ണുമ്പിള്ള എന്ത്ര നമ്മളെ ഇങ്ങനെ നോക്കണേ…! ഇനി നീയെങ്ങാനും അവരടെ വേണ്ടാത്തോടത് വല്ലതും നോക്കിയ…? “” ആ തള്ളേടെ വല്ലാത്ത നോട്ടം കണ്ട് യദു എന്നോട് സ്വകാര്യം പോലെ ചോദിച്ചതും,

“” ഫ മൈരേ…! ഇജ്ജാതി എക്സ്പൈറായ സാമാനൊക്കെ നോക്കാൻ ഞാനാര് നിന്റെ തന്തേ…? “” ഞാൻ അവനെ നോക്കി അറപ്പോടെ പറഞ്ഞു…! അതിന് മറുപടിയായി അവനൊന്ന് ഇളിച്ചതല്ലാതെ തിരിച്ചൊന്നും തുപ്പിയില്ല…!

“” മ്മ്…? എന്ത് വേണം…! “” മുക്കിന്റെ തുമ്പത്തിരുന്ന കണ്ണാടിടെ മോളിലൂടെ ഞങ്ങളെ ചൂഴ്ന്ന് നോക്കി അവര് തിരക്കി…!

“” ബഷീറിന്റെ ചൊമര്ണ്ട…? “” എന്തെങ്കിലൊന്ന് ചോദിക്കണോലോന്ന് വിചാരിച്ച് വായെല് വന്ന ഒരു പുസ്തകം ഞാൻ ചോദിച്ചതും,

“” ചൊമരല്ല മൈയിരേ…! മതില്…! “” ഏതായീ വാണപിള്ളാര്ന്ന മട്ടിൽ എന്നേം അവനേം മാറി മാറി നോക്കുന്ന ആ സ്ത്രിയെ കണ്ട യദു എന്നെ നുള്ളി ചെവിയിൽ പറഞ്ഞു…! ഇവൻ മണ്ടനാട്ടോ…! രണ്ടും ഒന്നല്ലേ…! പിന്നെന്താ പ്രശ്നം…!