ഗോലിസോഡാ 3

GolisodaPart 3  | Author : Nedumaran Rajangam

[ Previous Part ]

“”””””””””””അയ്യേ വല്യ പെങ്ങോച്ചുങ്ങള് ഇങ്ങനെ കരയാവോ……?? അയ്യയ്യേ മോശം മോശം. എന്റെ മോള് കരയണത് കാണാനല്ല എനിക്കിഷ്ട്ടം…..!! പോട്ടെ സാരല്ല. അമ്മയല്ലേ പറേണെ കരയല്ലേ ടാ…….”””””””””””’

അമ്മ ഓരോന്ന് പറഞ്ഞെന്നെ അശ്വസിപ്പിക്കാൻ ശ്രമിക്കുമ്പോഴും എനിക്ക് നിയന്ത്രിക്കാൻ ആവുന്നുണ്ടായിരുന്നില്ല. കുറച്ച് മുന്നേ എന്റെ കുട്ടൻ പറഞ്ഞ ഓരോ വാക്കുകളും ഓരോ സൂചി മുന കണക്കേ എന്റെ നെഞ്ചിൽ കുത്തി കൊണ്ടേയിരുന്നു. എല്ലാത്തിനും കാരണക്കാരി ഞാൻ തന്നെയാ., എന്റെ എടുത്ത് ചാട്ടം കാരണം കുട്ടനെന്നോടുള്ള സ്നേഹം വെറുപ്പായി മാറി. എന്റെ കുട്ടനിനി എന്നെ സ്നേഹിക്കില്ലേ….??എന്റെ ഭഗവതി, വെറുതെ പോലും അങ്ങനെയൊന്നും ചിന്തിക്കാനേ വയ്യ.

“”””””””‘””””അനിതേ ഞാൻ തിരിച്ച് പോയാലോന്ന് ആലോചിക്കുവാ…….!!””””””””””””””

അച്ഛന്റെ വാക്കുകൾ കേട്ട് ഞാൻ ഞെട്ടി ഇരുന്നിടത്ത് നിന്നെഴുന്നേറ്റു.

“””””””””””””അച്ഛൻ വേണേൽ പൊക്കോ ഞാനില്ല എങ്ങോട്ടും…….!!””””””””””””

കണ്ണുനീര് തുടച്ച് മാറ്റി ഞാൻ അച്ഛനോടായി പറഞ്ഞു. അല്ല അലറി. ഉള്ളിലുണ്ടായിരുന്ന സങ്കടവും കുട്ടന്റെ പെരുമാറ്റവും ഇപ്പൊ അച്ഛൻ പറഞ്ഞതും എല്ലാം കൂടി എന്നെ തളർത്തിയിരുന്നു…….!!

“””””””””””””കുട്ടൻ പറഞ്ഞതൊക്കെ മോളും കേട്ടതല്ലേ……?? അവന് പഴേ സ്നേഹമൊന്നുമില്ല. അവൻ നമ്മളെ ഓർക്കുന്ന കൂടി ഇല്ലാ. എന്നിട്ടും എന്തിനാ….??””””””””””””

“””””””””””””മതി അച്ഛാ, എനിക്കൊന്നും കേൾക്കാണോന്നില്ല., എനിക്കിവരെ ആരേം പിരിഞ്ഞിരിക്കാൻ ഇനി പറ്റില്ലാ. ഞാനെങ്ങോട്ടും വരേം ഇല്ലാ. അച്ഛന് വേണേ പോവാം…….!!”””””””””””””

“”””””””””””””അച്ഛനും മോളും ഒന്ന് നിർത്തുന്നുണ്ടോ…..?? നിങ്ങളീ വീട്ടിൽ വന്നത് ആരോടും ചോദിച്ചിട്ടല്ല., പക്ഷെ ഇവിടുന്ന് ഇറങ്ങുവാണേ അത് ഞാൻ തീരുമാനിക്കണം. നിങ്ങള് ഇവളെ കൂട്ടിട്ട് അകത്തേക്ക് പോ…….!!”””””””””””‘

അനിതമ്മയുടെ ശബ്ദം അവിടെയുയർന്നപ്പോ കേട്ട് നിന്ന ഞാനും അച്ഛനും അടക്കം എല്ലാവരും ഒന്ന് ഞെട്ടിയിരുന്നു. ചേച്ചിമാര് എന്നേം കൂട്ടി അകത്തെ അവരുടെ മുറിയിലേക്ക് പോയി.

“””””””””””നീ ഇങ്ങനെ കരയല്ലേ മാളൂട്ടി…,”””””””””””””

“”””””””””ഞാനല്ലേ, ഞാൻ കാരണാല്ലേ എല്ലാം….?? കുട്ടനെന്നെ വെറുക്കാൻ കാരണക്കാരി ഞാനാ, ഞാനൊറ്റരുത്തി….!!”””’”””””””

“”””””””””””എന്റെ പൊന്നോ, ഇത് തന്നെത്ര പ്രാവശ്യം പറഞ്ഞോണ്ടിരിക്കും നീ…..?? അതൊക്കെ പോട്ടെ അവനെല്ലാം ഓർമ വരും. അന്നവൻ തന്നെ നിന്നോട് വന്ന് മിണ്ടും….””””””””””””

“””””””””””””എന്നെ ആശ്വസിപ്പിക്കാൻ വേണ്ടി വെറുതെ ഓരോന്ന് പറയണ്ട. എത്രയൊക്കെ അവനോട് പറഞ്ഞു, എന്നിട്ടും ഓർമ ഇല്ലാത്തത് അല്ല ഇല്ലാത്തത് പോലെ അഭിനയിക്കുന്നതാ…….!! എന്നോടുള്ള ദേഷ്യം കൊണ്ടാ. അവനിനി എന്നോട് കൂടില്ല….”””””””””””

“”””””””””””എടി മാളു ഞങ്ങള് പറയണത് ഒന്ന് ശ്രദ്ധിച്ച് കേൾക്ക്., അതവന്റെ അഭിനയം അല്ല അവന് ശരിക്കും ഓർമ ഇല്ലാത്തതാ…..!!””””””””””””””

“””””””””””””നിന്നേം അമ്മാവനെയും വെറുതെ സങ്കടപ്പെടുത്തണണ്ടാന്ന് കരുതിയാ പറയാതിരുന്നേ……!!””””””””””””””

“””””””””””””എന്താച്ചി…..?? എന്താ എന്നോട് മറക്കുന്നേ……??””””””””‘””””

“””””””””””””””മോളെ, അവനെട്ടാം ക്ലാസ്സിൽ പഠിക്കുമ്പോ പറ്റിയ ഒരു ആക്സിഡന്റ്., മൂന്ന് വർഷം, മൂന്ന് വർഷമാ ഞങ്ങടെ കുട്ടൻ ഞങ്ങളെ ആരേം ഓർമ ഇല്ലാതെ….. ഞങ്ങടെ മുഖത്ത് നോക്കിയുള്ള അവന്റെ ആരാ ആരാന്നുള്ള ചോദ്യം കേക്കുമ്പോ ചങ്ക് പൊട്ടിപ്പോകും. ഓരോ നിമിഷവും നീറി നീറിയാ ഞങ്ങള് തള്ളിനീക്കിയേ. പതിയെ പതിയെ അവനെല്ലാം ഓർമ്മ വന്നൂ. ഞങ്ങളേം അമ്മേം അച്ഛനെയുമൊക്കെ അവൻ തിരിച്ചറിഞ്ഞു. അവന്റെയൊരു കൂട്ടുകാരൻ ഉണ്ട് വിച്ചൻ., അവനാ അതിനൊക്കെ കാരണവും., അവനില്ലായിരുന്നൂവെങ്കിൽ ഇപ്പോഴും കുട്ടൻ……..””””””””””””””

അത്രേം പറയുമ്പോ തന്നെ ചേച്ചിയുടെ കണ്ണും നിറഞ്ഞിരുന്നു.

“”””””””””””പിന്നവൻ ദേഷ്യപ്പെട്ടതിന്റെ കാരണം ഞാൻ പറയണ്ടല്ലോ., അത് നിന്റെയൊരാളുടെ കയ്യിലിരുപ്പ് കൊണ്ടാ….!!”””””””””””””

കണ്ണുനിര് തുടച്ചു മാറ്റി ചിരി വരുത്തി കൊണ്ട് ചേച്ചി പറഞ്ഞു.

“”””””””””””””കുട്ടനിപ്പോ ശെരിക്കും ആരേം ഓർമയില്ലേ ചേച്ചി……..??””””””””””””””

“”””””””””””””അവന്റെയൊർമ്മകൾ എല്ലാം എന്നേ മാഞ്ഞുപ്പോയി, ഞങ്ങള് കുറച്ച് പേരെയല്ലാണ്ട് അവനാരേം ഓർമ്മ ഇല്ല………!!”””””’”‘””””

കുറച്ച് നേരം ചിന്തിച്ച് തങ്കി ചേച്ചി പറഞ്ഞു.

“”””””””””””””അപ്പൊ ഇനിയൊരിക്കലും കുട്ടനെ എനിക്ക് കിട്ടില്ലല്ലേ……??”””””””””””””

നിറഞ്ഞ് വന്ന കണ്ണുകൾക്കൊപ്പം തോറ്റ് പോയവളുടെ ചിരിയോടെ ഞാൻ ചോദിച്ചു.

“”””””””””””””ഒറ്റ വീക്ക് വച്ച് തന്നാലുണ്ടല്ലോ പെണ്ണേ, ഞങ്ങളൊക്കെ പിന്നെയെന്തിനാ ഇവിടെ ഉള്ളേ…….?? കുട്ടൻ നിനക്കുള്ളതാ അത് ഞങ്ങള് തരുന്ന വാക്കാ…..!!””””””””””””

രണ്ടാളും എന്റെ കൈയിൽ കൈ ചേർക്കുമ്പോ എനിക്കും സന്തോഷവും സമാധാനവും തോന്നി കൂടെ അവനെ എനിക്ക് തന്നെ കിട്ടും എന്നുള്ള പ്രതീക്ഷയും.

“”””””””””””””എന്നാലും ചേച്ചി അവനെന്നോട് ദേഷ്യവും വെറുപ്പുമൊക്കെയാ, എന്നേ ശവം എന്ന് വിളിച്ചത് നിങ്ങളും കേട്ടതല്ലേ…..??””””””””””

സമാധാനത്തോടെ ഇരിക്കുന്നത് കാണാൻ എന്റെ മനസ്സിന് ഇഷ്ട്ടമല്ലാന്ന് തോന്നുന്നു, അതുകൊണ്ടാണ് ഉള്ളിന്റെ ഉള്ളിൽ നിന്നുമാ ചോദ്യം ഉടലെടുത്തത്.

“””””””””””””ദേഷ്യം വന്നാലവൻ അങ്ങനെയാ. വായിൽ തോന്നുന്നതൊക്കെ വിളിച്ച് പറയും. പീന്നീട് അതിനെ പറ്റി ഓർത്ത്‌ കുറ്റബോധം വരുമ്പോ കെട്ടിപ്പിടിച്ച് സോറി പറയാനും വരും…….!!””””””””””””

“””””””””””””അത് നിങ്ങളോടൊക്കെയല്ലേ., എന്നോടുള്ള ദേഷ്യം അങ്ങനെയൊന്നും മാറില്ല…….!!”””””””””””

“””””””””””””മാറിയില്ലെങ്കിൽ അതൊക്കെ മാറ്റം., ഞങ്ങളിവിടെ തന്നുണ്ടല്ലോ. നീ ഇപ്പൊ പോയൊന്നു കുളിച്ച് ഫ്രഷാവ്. ദേ അതാ ബാത്രൂമ്. ഞങ്ങളൊന്ന് അവനെ കണ്ടിട്ട് വരാം…….!!””””””””””””

എന്റെ കവിളിൽ തട്ടി ചേച്ചിമാരതും പറഞ്ഞ് മുറി വിട്ട് പോയി. എത്രയോ കൊല്ലം കാത്തയെനിക്ക് ഇനി കാക്കേണ്ടത് എത്ര നാളുകൾ….?? കുട്ടന്റെ അവസ്ഥയെ കുറിച്ചോർത്ത് കണ്ണ് നിറയുമ്പോഴും എന്റെയുള്ളിൽ നിറഞ്ഞ ചോദ്യം അതാണ്. അവനിനി എന്നേ പഴേ കൂട്ട് സ്നേഹിക്കോ….?? അതോ…….??

വെറുപ്പ്

ഡോറിന്മേലുള്ള നിർത്താതെയുള്ള മുട്ട് കേട്ടാണ്, ഞാൻ കണ്ണ് തുറക്കുന്നത്. ബാത്‌റൂമിൽ കേറി ഒന്ന് മുഖം കഴുകിയ ശേഷം ഞാൻ പോയി വാതിൽ തുറന്നു.

+1

0