💝 ഗോലിസോഡാ 💝 – 3

കാഴ്ച ഒട്ട് മാറ്റാനും പറ്റുന്നില്ല, അവളൊട്ട് തുണിയും ഒടുക്കണില്ല. ആരേലും വന്നിത് കണ്ട് കഴിഞ്ഞാൽ എല്ലാം വെടിപ്പാവും. ദൈവമേ……..

എന്റെ പ്രാർത്ഥന കേട്ട പോലെ അവൾ സ്വപ്നത്തിൽ നിന്നുണർന്നു. തലക്കിട്ട് ഒരു കൊട്ട് കൊടുക്കുന്നത് കണ്ടു., പിന്നീട് ബെണ്ടിൽ കിടന്ന നൈറ്റിയും എടുത്തണിഞ്ഞ് കണ്ണാടിയിൽ നോക്കി മുടി ചീകാൻ തുടങ്ങി.

എവിടുന്ന് തുടങ്ങും എന്നറിയില്ല., ആകെമൊത്തം ഒരു ടെൻഷൻ. പ്രതീക്ഷിക്കാതെ അവൾ വെട്ടി തിരിഞ്ഞ് നോക്കിയപ്പോ., ആ നിമിഷം ഞാനുമൊന്ന് പതറിപ്പോയി. ഞാനിനി ഒളിഞ്ഞ് നോക്കിയത് എങ്ങാനും ഇവള് കണ്ട് കാണോ…..?? എന്നാ അതിനൂടെ ചേർത്ത് ഒരു സോറി പറഞ്ഞേക്കാം.

“”””””””””””””പറഞ്ഞത് കുറച്ച് കൂടിപ്പോയി, സോറി. ഇനിയിങ്ങനെയൊന്നും ഉണ്ടാവില്ല. പെട്ടന്ന് ദേഷ്യം വന്നൂ അത്രക്കാണല്ലോ രാവിലെ മുഖത്ത് നോക്കി പറഞ്ഞത്…., അതാ പൊട്ടിത്തെറിച്ചേ. എല്ലാത്തിനും സോറി……..!!”””””””””””””

ഞാനത്രേം പറഞ്ഞിട്ടും അവളെന്നെ തന്നെ നോക്കി നിൽക്കുന്നത് അല്ലാതെ മറുപടി ഒന്നും പറഞ്ഞില്ല. ഒന്നുങ്കിൽ എന്നോട് ദേഷ്യം ആവും, അല്ലെങ്കിൽ വെറുപ്പ്, അതുമല്ലെങ്കിൽ നേരത്തെ കണ്ട് മുഴുവിപ്പിക്കാൻ പറ്റാതെ പോയ സ്വപ്നം കാണുവായിരിക്കും. ഇനിയിതിന് വല്ല അസുഖവും ഉണ്ടോ…….?? അഹ് ആർക്കറിയാം എന്തായാലും വന്ന കാര്യം പൂർത്തിയായി. പോയേക്കാം……!!

അയ്യോ മറന്നുപോയി പുല്ല്.

“”””””””””””അഹ് പിന്നെ ഡ്രസ്സ്‌ മാറുമ്പോ വാതിലൊന്ന് അടക്കുന്നത് നല്ലതാ. ഇങ്ങനെ ചാരി ഇട്ടത് കൊണ്ടാ ഞാൻ കേറി വന്നേ. അതിനും സോറി……!!””””””””””‘””

അതും പറഞ്ഞ് ഞാൻ തിരിഞ്ഞ് നടന്നൂ.രാവിലത്തെ സ്വഭാവം വച്ച് എന്നെ പിന്നീന്ന് വിളിച്ച് തള്ളക്ക് വിളിക്കേണ്ടത് ആണ്. ഇനിയവൾ കരയുവാണോ….?? അതോ ബോധം പോയോ……?? നടക്കുന്നതിനിടയിൽ ഒളികണ്ണാലെ അവളെയൊന്നൂടെ പിന്തിരിഞ്ഞു നോക്കി. എന്നാ എന്റെ പെഴച്ച കണ്ണുകള് മുഖത്തേക്ക് നോക്കാനുള്ളതിന്, നോക്കിയത് അവളുടെ നെഞ്ചിലോട്ടും. ഇപ്രാവശ്യം എന്തോ ഭാഗ്യത്തിന് കണ്ണ് പിൻവലിച്ചു. അവളെങ്ങാനും കണ്ട് കാണോ…..?? ഏഹ്, സ്വപ്നജീവി ഇപ്പോഴും വേറേതോ ലോകത്ത് എന്ന പോലെ നിൽക്കുന്നുണ്ടാവും. ഇനി സമാധാനത്തോടെ പോയി കിടന്ന് പാട്ട് കേൾക്കാം…….!!

പോയി കിടന്നതും ഹെഡ്സെറ്റ് എടുത്ത് കുത്തിയതും മാത്രം ഓർമയുണ്ട്. എപ്പോഴോ മയങ്ങി പോയ ഞാൻ പിന്നീട് എഴുന്നേൽക്കുന്നത് വിശന്നിട്ട് വയറ് കാളിങ് ബെൽ അടിച്ചപ്പോഴാണ്. സമയം രണ്ടായി. സാധാരണ പന്ത്രണ്ട് മണിക്ക് ആരേലും വന്നുണ്ണാൻ വിളിക്കുന്നതാണ്. ഇന്നാരും വന്നില്ല. എനിക്കെന്തോ പന്തികേട് തോന്നാതിരുന്നില്ല. എല്ലാർക്കും എന്നോട് ദേഷ്യമാവും….!! ഈശ്വരാ പട്ടിണി കിടക്കേണ്ടി വരോ……??

ചിന്തകൾ കാട് കേറി അവസാനിക്കും മുന്നേ ഒരു സ്വപ്നം., വിശപ്പിന്റെ വിളി കേട്ട ഒരു മാലാഖയെ പോലെ തങ്കിയേച്ചി എന്റെ മുന്നിൽ അവതരിച്ചു.

“”””””””””””വത്സാ…..”””””””””””

“”””””””””””ഏഹ്…….??””””””””””””

എന്നെയാണോ അങ്ങനെ വിളിച്ചേ….?? ഒന്നൂടെ വിളിക്കാവോ…..??

“”””””””””””ടാ പട്ടി ഇനിയെന്നെ ഇങ്ങോട്ട് വാരിത്തിക്കല്ലും. മര്യാദക്ക് താഴോട്ട് വന്നോ. വിശന്നിട്ട് മനുഷ്യൻ ചാവാറായി. നീ കൂടെ വന്നിട്ടേ വിളമ്പൂന്നമ്മ, നീ കൂടെ വന്നിട്ടേ കഴിക്കൂളൂന്ന് അവള്. രണ്ടിന്റേം ഇടക്ക് വയറും പൊത്തിപ്പിടിച്ച് ഓടുന്ന നാലാളു ഉണ്ടെന്നുള്ള കാര്യം മറക്കരുത്. മുഖം കഴുകിട്ട് വരാൻ നോക്ക്…….!!”””””””””””””

അത് സ്വപ്നവും അല്ലായിരുന്നു, വന്നത് മാലാഖയും അല്ലായിരുന്നു എന്ന് മനസ്സിലായി. പിന്നെ പോയി മുഖവും കഴുകി താഴോട്ട് ചെന്നു. ഊണ് മേശക്ക് ചുറ്റും ആറ് പേരും ഒത്തു കൂടി ഇരിക്കുന്നത് കണ്ടു. എനിക്കുള്ള ഒരു സീറ്റും ആരോ ബുക്ക്‌ ചെയ്ത് വച്ചത് പോലായിരുന്നു. വിശപ്പ് നല്ല പോലുള്ളത് കൊണ്ട് തന്നെ ബുക്ക്‌ ചെയ്ത ആളെ പോലും ഗൗനിക്കാതെ ഞാൻ പോയിരുന്നു. നല്ല ആവി പറക്കുന്ന ബിരിയാണിയും നല്ല ചൂട് ചിക്കൻ കറിയും. അമ്മയുടെ സ്പെഷ്യൽ……!! വയറ് നിറയാൻ ആ മണം മാത്രം മതി. വർണനക്ക് വേണ്ടി പറയാം., പക്ഷെ വയറ് നിറയണം എങ്കിൽ അത് കഴിച്ചേ പറ്റൂ……!! ആദ്യം എപ്പഴത്തെയും പോലെ പ്രാർത്ഥന. പിന്നീട് കഴിച്ച് തുടങ്ങി.

“”””””””””””പിങ്കി ആ രണ്ട് ലെഗ് പിസ്സ് അങ്ങ് ഇട്ട് കൊടുക്ക്…….!!””””””””””’”‘

അമ്മയുടെ ശബ്ദം കേട്ടു. വേണ്ടാന്ന് പറയണം എന്നുണ്ട്. പക്ഷെ എന്ത് ചെയ്യാം, കാലാണ് അതും നല്ലസ്സൽ കോഴികാല്. കുനിഞ്ഞിരുന്ന് ഭക്ഷണം കഴിക്കുന്നത് കൊണ്ട് കണ്ണ് മൊത്തം പത്രത്തിലേക്ക് സ്കോപ്പ് ചെയ്ത് വച്ചിട്ടുണ്ടായിരുന്നു. എന്നാ എത്രയൊക്കെ സ്കോപ്പ് ചെയ്ത് നോക്കിട്ടും, കിട്ടണ്ട സമയം കഴിഞ്ഞിട്ടും കാല് മാത്രം പാത്രത്തിലേക്ക് വീണില്ല. പക്ഷെ ഞാനറിയാതെ പോയൊരു കാര്യം., അത് വീഴണ്ട സമയത്ത് അടുത്തിരുന്ന പത്രത്തിൽ വീണിരുന്നു. അത് കണ്ട് പിടിക്കാൻ ഞാൻ കുറച്ച് വൈകി പോയി. ശെരിക്കും പറഞ്ഞാൽ കാല് പോയ ദണ്ണത്തിലാണ് തലപ്പൊക്കി നോക്കണേ. ഇവിടൊരാള് ഇങ്ങനെ കിഴങ്ങ് പോലെ ഇരിക്കുന്നുണ്ട് എന്ന് ശ്രദ്ധിക്കുക പോലും ചെയ്യാണ്ട്, വന്ന് കേറിയ അതിഥിയെ സൽക്കരിക്കുന്ന തിരക്കിലായിരുന്നു എല്ലാരും. എന്റെ ഇടത് ഭാഗത്താണ് എല്ലാരുടേം കണ്ണും. അങ്ങോട്ടേക്ക് തല വെട്ടിച്ചപ്പോ കണ്ടത് ബിരിയാണി ആദ്യമായി കഴിക്കുന്ന അല്ലെങ്കിൽ കാണുന്ന രീതിയിൽ ആക്രാന്തം ഒട്ടും തന്നെ കാട്ടാതെ കുത്തി കേറ്റുന്ന അവളെയാണ്. ഇത്തവണ കണ്ണ് അവളുടെ പാത്രത്തിലേക്ക് ഒന്ന് തിരിഞ്ഞു., മൂന്ന് കാലാണ് പാത്രത്തിൽ ഇരിക്കുന്നത്. എന്റെ പത്രത്തിലേക്ക് തിരിഞ്ഞതും, എനിക്കെന്നോട് തന്നെ പുച്ഛം തോന്നിപ്പോയി., ഒരു കഴുത്ത് പിന്നെ ചെറിയൊരു പീസ്. കഴിഞ്ഞു…….!!

യോഗം ഇല്ലാത്തത് കൊണ്ട് അമ്മിണിയോട് പായ മടക്കി വക്കാൻ പറഞ്ഞിട്ട് ഞാൻ വീണ്ടും കഴിക്കാൻ തുടങ്ങി. ആസ്വദിച്ച് കഴിക്കുന്നതിന് ഒരു വർണന കൂടി ആയിക്കോട്ടെന്ന് കരുതി, കണ്ണുകൾ അടച്ച് തലയാട്ടി ആ രുചിയെ പരമാവധി ഞാൻ ആസ്വദിച്ചു. അടച്ച കണ്ണ് പിന്നീട് തുറക്കുമ്പോ കാണുന്നത് അതുവരെയും പത്രത്തിൽ ഇല്ലാണ്ടിരുന്ന രണ്ട് കാലുകളെയാണ്. ഇതെന്ത് മറിമായം എന്ന് ചിന്തിച്ച് തല പൊക്കി നോക്കുമ്പോ നേരത്തേത് പോലെ തന്നെ നമ്മളെയൊന്നും ആരും ശ്രദ്ധിക്കുന്നില്ല. അഹ് എന്തേലും ആവട്ടേന്ന് കരുതി വീണ്ടും ബിരിയാണി കറിയും കൂട്ടി കുഴച്ച് വായിലോട്ട് വാക്കുമ്പോ ഞാൻ കണ്ടു പത്രത്തിലേക്ക് വീഴുന്ന വെറൊരു മുഴുത്ത പീസിനെ. അത്ഭുതത്തോടെ ഇടത്തേക്ക് തല വെട്ടിക്കുമ്പോ, എന്റെ നോട്ടം കണ്ട് അവളൊന്ന് പതറി. ഞാൻ നോക്കുമെന്ന് അവൾ പ്രതീക്ഷിച്ചിരുന്നില്ല എന്ന് സാരം. നോട്ടം മാറ്റിയ അവൾ എന്നെ കാണിക്കാൻ ആവും കഴിക്കുന്നത് പോലഭിനയിച്ചു. എനിക്ക് മനസ്സിലായി അത് വരെ ഇല്ലാതിരുന്ന കാല് എങ്ങനെ വന്നൂന്ന്. ഞാനപ്പോ തന്നെ അവളിട്ട് തന്ന മൂന്ന് പീസുകളും തിരിച്ച് ഇട്ട് കൊടുത്തു. എന്നാ നിമിഷങ്ങൾക്കുള്ളിൽ തന്നെ ചുറ്റിനും ഒന്ന് കണ്ണോടിച്ച ശേഷം അവളാ പീസുകള് എന്റെ പത്രത്തിലേക്ക് തിരിച്ച് ഇട്ട് തന്നു. എന്താ എന്ന് അവളുടെ മുഖത്തേക്ക് നോക്കുമ്പോ

+1

0