💫Evil on earth✨ – 2 Likeഅടിപൊളി  

“സ്പെഷ്യൽ ഫോഴ്‌സ്…അവർക്ക് എന്താ പ്രത്യേകത..?

”ദേവ് നീ കരുതും പോലൊരു ലോകമായിരുന്നില്ല ഞങ്ങളുടേത്….ഈ പ്രപഞ്ചത്തിൽ ഈ ഭൂമി പോലെ തന്നെ കോടാനുകോടി ഗ്രഹങ്ങൾ ഒണ്ട്…അതിൽ മിക്കതിലും മനുഷ്യർക്ക് സമാനമായ ജീവനുകളും…നിങ്ങളവരെ ഏലിയനുകൾ എന്ന് പറയും…അവർ നിങ്ങളെയും ഏലിയനുകളായി ആണ് കാണുന്നതും…അതുപോലെ ഒരു ഗ്രഹമാണ് കാർട്ടൻ…അവിടെ ആണ് നിന്റെ അച്ഛൻ ജനിച്ചതും വളർന്നതും…പക്ഷെ മറ്റു ഗ്രഹങ്ങളിൽ നിന്നും ഞങ്ങൾ വ്യത്യസ്തർ ആയിരുന്നു….നിങ്ങൾക്കൊകെ ഇപ്പൊ സ്വപനം കാണാൻ മാത്രം പറ്റുന്ന ടെക്നോളജികൾ നൂറ്റാണ്ടുകൾക്ക് മുൻപേ ഞങ്ങൾ കണ്ടെത്തിയിരുന്നു…അതായിരുന്നു ഓരോ കാർട്ടണ്‌കളുടെയും പ്രത്യേകത..പക്ഷെ ഒരിക്കൽ പോലുമാ കഴിവ്  മറ്റു ഗ്രഹങ്ങളിലെ ജീവസമൂഹങ്ങൾക്ക് എതിരായി പ്രയോഗിക്കാൻ ഞങ്ങൾക്ക് അനിവാദം ഇല്ലായിരുന്നു…പുറത്തു നിന്നൊരുപാട് പേർ ഞങ്ങളെ കീഴടക്കി ഈ ടെക്നോളജികൾ കൈപിടിയിലാക്കാൻ ശ്രമിക്കുമായിരുന്നു…അതിനെയെല്ലാം തടുത്തു കർട്ടൻ ഗ്രഹത്തെ സംരക്ഷിക്കുന്ന സൈന്യമാണ് സ്പെഷ്യൽ ഫോഴ്‌സ്…നിന്റെ അച്ഛനും അതിലെ ഒരു സൈന്യകൻ ആയിരുന്നു….ഇതുവരെ ആരും കാണാത്ത കഴിവുകൾ അദ്ദേഹത്തിന് ഉണ്ടായിരുന്നു…പരാജയം എന്നൊരു വാക്ക് അദ്ദേഹത്തിന് ഇല്ലായിരുന്നു..അതുകൊണ്ട് തന്നെ വളരെ പെട്ടന്ന് തന്നെ ഒരു സൈന്യക നേതാവായി അദ്ദേഹം മാറി—–

“പിന്നെന്ത് സംഭവിച്ചു…?

അറിയാനുള്ള ആകാംഷയിൽ അവൻ ചോദിച്ചു

—–ചതി….വിജയത്തിന്റെ വിപരീതപദം പരാജയം ആണെങ്കിൽ പരാജയം എന്തെന്ന് അറിയാത്ത ആർഥറിനെ തോൽപ്പിക്കണമെങ്കിൽ ചതി തന്നെ വേണമായിരുന്നു…സ്വന്തം ടീമിൽ നിന്നും ഉണ്ടായ ചതി അദ്ദേഹത്തെ തളർത്തി കളഞ്ഞു….യുദ്ധത്തിലായിരുന്ന അദ്ദേഹത്തെ തിരിച്ചു വരാൻ പോലുമാവത്ത  സ്ഥിതിയിൽ അവരദ്ദേഹത്തെ തമോഗർത്തത്തിലേക്ക് തള്ളിയിട്ടു—–

”താമോഗർത്തമോ..you mean black hole…?

—–yes….black hole…പ്രപഞ്ചത്തിലെ തന്നെ ഏറ്റവും വലിയ ശക്തി…..ഒരിക്കലതിൽ വീണുപോയാൽ പിന്നെന്ത് സംഭവിക്കുമെന്ന് നിങ്ങൾ മനുഷ്യർക്ക് അറിയാൻ സാധിക്കില്ല…പക്ഷെ ടെക്നോളജിയുടെ വളർച്ചയിൽ കാർട്ടണുകൾ ആദ്യമായി കണ്ടെത്തിയത് ബ്ലാക്ക് ഹോളിനപ്പുറം എന്തായിരുന്നെന്ന്  ആണ്….സമയവും കാലവും കൂടി പിണഞ്ഞു കിടക്കുന്നൊരു അത്ഭുതസൃഷ്ടി ആണത്….പക്ഷെ കാര്ട്ടണിലെ  മേലെതലപ്പത്തിരിക്കുന്നവർക്ക് മാത്രമേ അതിനപ്പുറം എന്താണെന്ന് അറിയുകയുള്ളു…ഒരു സെർവറിൽ പോലുമാതിനെക്കുറിച്ചു റെക്കോർടുകൾ ഇല്ല..അപ്പോൾ ഊഹിക്കാമല്ലോ എത്രമാത്രം മുൻ‌തൂക്കമാണ് അവർ അതിനു നൽകുന്നതെന്ന്—–

തനിക്കറിയാവുന്ന കാര്യങ്ങൾ ലെനസ് അവനു പറഞ്ഞു കൊടുത്തു…പക്ഷെ അവന്റെ സംശയങ്ങൾ അവിടംകൊണ്ടു തീരുന്നത് അല്ലായിരുന്നു

“ഒരു സെർവറിലും റെക്കോർഡ് ഇല്ലെങ്കിൽ നിനക്കും അറിയാൻ സാധ്യത ഇല്ലല്ലേ..നിന്റെ ഡാറ്റാ സേവ് ചെയ്യുന്നതെലാം അവിടെ അല്ലെ..?

—–അതെ ദേവ്….എനിക്ക് അതിനെക്കുറിച്ചു റെക്കോർഡുകൾ ഒന്നും ലഭിക്കില്ല…പക്ഷെ ഒന്ന് നീ ഓർക്കണം….ബ്ലാക്ക് ഹോളിൽ വീണത് നിന്റെ അച്ഛൻ ആണ്….അതെ സമയം ഞാനും ഉണ്ടായിരുന്നു അദ്ദേഹത്തിന്റെ കൂടെ…സ്‌പെഷ്യൽ ഫോഴ്‌സിൽ അംഗങ്ങൾ ആവുന്ന എല്ലാം സൈന്യകാര്ക്കും ഓരോ Ai അസിസ്റ്റന്റിനെ നൽകുമവർ….നിന്റെ അച്ഛനുവേണ്ടി നിർമ്മിക്കപ്പെട്ടതാണ് ഞാൻ—-

”അപ്പൊ ബ്ലാക്ക് ഹോളിനപ്പുറം എന്താ…?

—–സമയം…കാലം…അവയുടെ കണക്ക് മനസിലാക്കിയാൽ നമുക്ക് ബ്ലാക്ക് ഹോളിലൂടെ സഞ്ചാരിക്കാം..ഇല്ലെങ്കിൽ ആയുസ്സൊടുങ്ങും വരെയാ കെണിയിൽ കുടിങ്ങി കിടക്കാം….500 വർഷം വരെ ജീവിക്കാൻ ആവുന്ന കാർട്ടൻ ആയ നിന്റെ അച്ഛൻ 378 മത്തെ വയസ്സിലാണ് ബ്ലാക്ക് ഹോളിൽ കുടുങ്ങുന്നത്…ബാക്കി ഉള്ള വർഷങ്ങൾ അതിൽ കിടന്നു തീർക്കാനുള്ളതല്ല എന്ന ലക്ഷ്യബോധവും അസാമാന്യ ബുദ്ധിശക്തിയുമുള്ള ആർഥർ 18 ദിവസം കൊണ്ടു ബ്ലാക്ക് ഹോളിൽ നിന്നും രക്ഷപെടാനുള്ള വഴി കണ്ടെത്തി പക്ഷെ ഒരു തിരിച്ചു പോക്ക് അദ്ദേഹത്തിന് സാധ്യമല്ലായിരുന്നു..അതുകൊണ്ട് തന്നെ അദ്ദേഹം വിധിയെ കൂട്ടു വിളിച്ചു സമയത്തിന് മുൻപേ സഞ്ചരിച്ചു….നീണ്ട യാത്രക്കൊടുവിൽ അദ്ദേഹം ബ്ലാക്ക് ഹോളിൽ നിന്ന് പുറത്തേക്ക് എറിയപ്പെട്ടു…വന്നു വീണത് നിങ്ങളുടെ ഗാലക്സിയിലും—–

“പിന്നെ എങ്ങനെ അച്ഛൻ ഭൂമിയിലെത്തി…?

”ദേവ് നിന്റെ അച്ഛൻ അദ്ദേഹത്തിന്റെ ഗ്രഹത്തിൽ നിൽക്കുന്ന സമയം നിങ്ങളുടെ ഭൂമിയിൽ ജീവന്റെ കാണികൾ വളർന്നു തുടങ്ങിയതേ ഉണ്ടായിരുന്നുള്ളു…രണ്ടു ഗാലക്സികൾ തമ്മിലുള്ള സമയക്രമം അത്രക്ക് ഭീമമാണ്…പക്ഷെ അദ്ദേഹം സമയത്തെക്കാൾ ഒരുപാട്ധികം മുൻപോട്ട് സഞ്ചരിച്ചു…ഒടുക്കം ജീവിക്കാനുള്ള ആഗ്രഹം മാത്രം ബാക്കിയായ അദ്ദേഹം എന്റെ സഹായം ആവശ്യപ്പെട്ടു…ഞാൻ നേരത്തെ പറഞ്ഞല്ലോ കാർട്ടാണ്കളുടെ ടെക്നോളജി നിങ്ങൾക്ക് സ്വപ്നം കാണാൻ കഴിയുന്നതിലും അപ്പുറമാണെന്ന്..അതുകൊണ്ട് തന്നെ ഞാൻ അപ്പോഴും ഓൺലൈനിൽ ഉണ്ടായിരുന്നു….ഒരുപാട് നേരത്തെ തിരച്ചിലിനൊടുവിൽ ഞാൻ ഭൂമി എന്ന ഗ്രഹത്തെ കാണിച്ചു കൊടുത്തു അദ്ദേഹത്തിന്….പക്ഷെ ഭൂമിയുടെ ഉപരിതലം കടന്നതോടെ ഭൗമോപരിതലത്തിലെ എനെർജികൾ കാരണം അദ്ദേഹവുമായി കോൺടാക്ട് ചെയ്യാൻ എനിക്ക് സാധിച്ചില്ല…പിന്നീട് എന്ത് സംഭവിച്ചുവെന്ന് എനിക്ക് അറിയില്ല—–

ലെനസിന്റെ അവസാന വാചകങ്ങൾ ദേവിൽ നിരാശ നിറച്ചു…തന്റെ അമ്മയെക്കുറിച്ചറിയാൻ മറ്റൊരു വഴിയും മുൻപിലുള്ളായി അവനു തോന്നിയില്ല

“പക്ഷെ ലെനസ്…എനിക്ക് അങ്ങനെയാ നിന്നെ കിട്ടിയേ…?

—–ദേവ് ഭൂമിയിൽ വീണ ആർഥർ ഞാൻ ഓഫ്‌ലൈൻ ആയി 2 വർഷങ്ങൾക്കു ശേഷം എന്റെ സെർവറുമായി  കണക്ഷൻ പുനസ്ഥാപിച്ചു….എനിക്ക് അറിയില്ലായിരുന്നു അദ്ദേഹം അത്രയും കാലം എനിക്ക് മിസ്സ്‌ ആയ കണക്ഷനുകൾ തിരികെ തരാൻ വേണ്ടിയുള്ള പ്രായക്നത്തിൽ ആയിരുനെന്ന്..നഷ്ടമായ ലൈനുകൾ ലിങ്ക് ചെയ്ത ശേഷം എന്റെ കോടുകളിലും പ്രോട്ടോകോളിലും അദ്ദേഹം മാറ്റങ്ങൾ വരുത്തി…ഭൂമിയിൽ അദ്ദേഹതിന്നു എന്നെകൊണ്ട് ഉപയോഗം ഇല്ലായിരുന്നു അതുകൊണ്ട് തന്നെ മാറ്റങ്ങൾ ആവശ്യമായിരുന്നു…BQ305 എന്ന എനിക്കദ്ദേഹം ലെനസ് എന്ന പുതിയ പേര് നൽകി..ആ സമയം അദ്ദേഹത്തിന്റെ ഭാര്യ നിന്നെ പ്രസവിച്ചിരുന്നു….ഈ ലോകത്തെക്കുറിച്ചു മനസിലാക്കിയ അദ്ദേഹം നിന്നെ സഹായിക്കാനായി അദ്ദേഹത്തിന്റെ കീഴിലുള്ള എന്റെ ഉടമസ്ഥാവകാശം നിന്നിലേക്ക് ട്രാൻസ്ഫർ ചെയ്തു…15 വർഷങ്ങൾക്ക് ശേഷം മാത്രം ആക്റ്റീവ് ആകാനുള്ള കമ്മാൻഡും നൽകി….നിന്റെ കയ്യിലുള്ള മാലയുടെ ലോക്കറ്റിൽ ആണ് അദ്ദേഹം ടൈം സെറ്റ് ചെയ്തിരുന്നത്—–