💫Evil on earth✨ – 2 1അടിപൊളി  

 

അതൊന്നും ശ്രദ്ധിക്കാദെ ദേവ് അവർക്കിടയിലുള്ള ഇടവഴിയിലൂടെ നടന്നു…

 

—–ദേവ് നീ പതിവിലധികം തളർന്നിട്ടുണ്ട്…താടിയെല്ലിനും വാരിയെല്ലിനും സാരമായ ചതവുകളുമുണ്ട്——

 

ലെനസ് അവന്റെ ബോഡി സ്കാൻ ചെയ്തു പറഞ്ഞു…

 

”അറിയാം ലെനസ്….ഓരോ ചതവുകളും എനിക്ക് അനുഭവിക്കാൻ പറ്റുന്നുണ്ട്..“

 

ശ്വാസം നീട്ടി എടുത്തുകൊണ്ടവൻ പറഞ്ഞു..നടക്കുന്നതിനിടയിൽ പലതവണയായി അവന്റെ കാലുകൾ ഇടാറുന്നുണ്ടായിരുന്നു

 

മാർക്കറ്റിൽ നിന്നും മാറി പാർക്ക് ചെയ്ത അവന്റെ കാർ ലക്ഷ്യമാക്കി അവന്റെ കാലുകൾ ചലിച്ചു…

 

——ദേവ് ഡ്രൈവ് ചെയ്യാൻ നിനക്ക് സാധിക്കില്ല ഈ അവസ്ഥയിൽ——

 

ലെനസ് അവന്റെ ഹൃദയമിടിപ്പും രക്‌തയോട്ടവും റീഡ് ചെയ്തുകൊണ്ട് പറഞ്ഞു

 

പക്ഷെ ദേവിന് തിരിച്ചെന്തെങ്കിലും പറയാൻ സാധിക്കുന്നതിന് മുൻപേയവൻ ബോധരഹിധനായി  വഴിയിൽ വീണു

 

———————————

 

ക്ലബ്ബിൽ നിന്നുമിറങ്ങിയ ദേവിനെ പിന്തുടരുകയായിരുന്നു അമാൻഡ….brutal rats ന്റെ female street ഫൈറ്റിങ് കഴിഞ്ഞു ആളുകൾക്കിടയിൽ തളർന്നിരിക്കുമ്പോഴാണവൾ ആളുകളുടെ ആർപ്പുവിളി ആരാവങ്ങൾക്കിടയിലൂടെ കടന്നു വരുന്നയാ നീല കണ്ണുകാരനെ കണ്ടത്…കൂടിപ്പോയാൽ ഇരുപതോ ഇരുപത്തിരണ്ടോ വയസ്സ് മാത്രം തോന്നിക്കുന്ന ഒരു പയ്യൻ…മറ്റുള്ളവരെപോലെ ദേഹമാശകലം ടാറ്റുവോ രക്തം കല്ലിച്ചു കിടക്കുന്ന പാടുകളോ ഇല്ല….കണ്ണിലേക്കു വീണു കിടക്കുന്ന കറുത്ത നീളന്മുടി ഒരു കൈകൊണ്ട് ഒതുക്കി സാവധാനം നടന്നു വരുന്ന ദേവിനെ നോക്കിയവൾ ഇരുന്നു

 

(അമാൻഡ ഒരു റഷ്യൻ വംശചയാണ്  അതുകൊണ്ട് തന്നെ അവളുടെ സംഭാഷണങ്ങൾ ഞാൻ മലയാളത്തിൽ തന്നെ ആണ് എഴുതുന്നത്)

 

“ആദ്യമായിട്ടാണെന്ന് തോന്നുന്നു അവനീ സ്ഥലത്ത്…”

 

ദേവിന്റെ ശരീരം നോക്കി അമാൻഡ സ്വയം പറഞ്ഞു….പക്ഷെ ആദ്യമായി വരുന്ന ഒരാൾക്ക് ഇത്രയും ആരാധകർ ഉണ്ടാവുമോ എന്ന സംശയം ബാക്കിയായ അവൾ തിരിച്ചു പോകാതെ അവിടെ തന്നെ ഇരുന്നു

 

തനിക്ക് നേര വരുന്ന ഓരോ അടികളിൽ നിന്നും നിസ്സാരമായി ഒഴിഞ്ഞു മാറുന്ന ദേവിനെയവൾ അത്ഭുതത്തോടെ നോക്കി…ഒടുക്കം അടി കൊണ്ടു വീണ ദേവിനെ കണ്ടവൾ ഇരിപ്പിടത്തിൽ നിന്നെണീറ്റ് മുൻപിൽ തടിച്ചു കൂടിയ ആളുകൾക്കിടയിലൂടെ റിങ്ങിനടുത്തേക്ക് ചെന്നു

 

അസാമാന്യമായ രീതിയിൽ fight ചെയ്ത ദേവ് ഇടി കൊണ്ടു വീണത് അവൾക്ക് ഓർക്കാൻ പറ്റുന്നതിലും അപ്പുറമായിരുന്നു….പക്ഷേ ആളുകളെ തള്ളി മാറ്റി മുൻപിലെത്തിയ അമാൻഡ കണ്ടത് വായിൽ നിന്ന് ഇറ്റിറ്റ് വീഴുന്ന ചോരത്തുള്ളികൾ കണ്ട് ഭ്രാന്തമായി ചിരിക്കുന്ന ദേവിനെയാണ്…പതിയെ പതിയെ ആ ചിരി അവളുടെ ചുണ്ടുകളിലും സ്ഥാനം പിടിച്ചു

 

ചുറ്റിനും കൂടി നിന്നവരുടെ കൂടെ അവളും കൂടി അവന്റെ ഉയർത്തെഴുന്നേൽപ്പ് ആഘോഷിച്ചു….ജീവിതത്തിൽ ആദ്യമായാണവൾ മറ്റൊരാൾക്ക്‌ വേണ്ടി കയ്യടിക്കുന്നതും കൂവി വിളിക്കുന്നതും

 

“wake up D…show me who you are..!

 

പതിഞ്ഞ സ്വരത്തിൽ അവൾ പറഞ്ഞുകൊണ്ടിരുന്നു…മത്സരത്തിന്റെ അവസാന നിമിഷത്തിൽ എതിരാളിയുടെ മുഖം അടിച്ചു തകർക്കുന്ന ദേവിനെയവൾ ആരാധനയോടെ നോക്കി കണ്ടു…

 

പരുപാടി കഴിഞ്ഞു ആളുകൾക്കിടയിൽ മറഞ്ഞ ദേവിനെയവൾ ഒരുപാട് തിരഞ്ഞു..ഒടുക്കം ഓഫീസ് മുറിയിൽ നിന്നും ഇറങ്ങി പോകുന്നയവനെ അവൾ കണ്ടെത്തി

 

ഒരു സ്ട്രീറ്റ് fighter ആയ അവൾക്ക് ഊഹിക്കാമായിരുന്നു  അവന്റെ അവസ്ഥയപ്പോൾ എന്തായിരിക്കുമെന്ന്. .അതുകൊണ്ട് തന്നെ അവളവനെ  അല്പം അകലമിട്ട് പിന്തുടർന്നുകൊണ്ടിരിന്നു

 

അവളുടെ ഊഹം തെറ്റിയില്ല…അകലെ മാറി പാർക്ക് ചെയ്ത ഒരു ബ്ലാക്ക് എഡിഷൻ porsche 911 GT ക്കു മുൻപിൽ ദേവ് ബോധം കെട്ടു വീണു

 

അവൻ വീഴുന്നത് കണ്ടതെ അവളവനടുത്തേക്ക്  ഓടിയെത്തി….ബ്ലാക്ക് സ്പോർട്സ് ബ്രായും അതിന് മുകളിലായി അതെ കളർ ഓപ്പൺ ജാക്കറ്റും ഒരു ട്രാക്ക് പാന്റ്റുമണിഞ്ഞു  ആളുകൾക്കിടയിലൂടെ ഓടുന്ന മറുനാടൻ സുന്ദരിയെ കടകൾ തുറക്കാൻ വന്ന ആളുകൾ ആർത്തിയോടെ നോക്കി..എല്ലാവരുടെയും നോട്ടം തന്നിലാണെന്ന ചിന്ത അവൾക്കു വന്നിരുന്നെങ്കിലും അവളത് കാര്യമാക്കാതെ ദേവിനടുത്തെത്തി