💫Evil on earth✨ – 2 1അടിപൊളി  

 

അവൻ നിവർന്നു കിടന്നുകൊണ്ട് പറഞ്ഞു…

 

—–ദേവ് നിന്റെയീ അസ്വസ്ഥതക്ക് കാരണം അവരെക്കുറിച്ചുള്ള ചിന്തകൾ അല്ല—–

 

“പിന്നെ..?

 

സംശയത്തോടെയവൻ ചോദിച്ചു

 

മറുപടിയായി ചിരിച്ചുകൊണ്ടവൾ പറഞ്ഞു

 

—– i can read your mind ദേവ്…അത് മറക്കരുത്….നിന്റെ അച്ഛനും അമ്മയും ഇന്ന് ജീവനോടെയില്ല..പക്ഷെ അതൊന്നുമല്ല നിന്നെ അലട്ടുന്നത്…ഇന്ന്  കണ്ടയാ  നിനക്ക് പരിചിതമല്ലാത്ത ദേവിനെയാണ്—–

 

“ഹ്മ്മ്…നേരാണ്….പക്ഷെ എന്റെയാ പരിചിതമല്ലാത്ത മുഖമെനിക്ക് ഇഷ്ടപ്പെട്ടു ലെനസ്….അതാണ് ശെരികുമുള്ള ദേവ് എന്നൊരു തോന്നൽ ഉള്ളിൽ നിന്ന്“

 

—-ചിലപ്പോൾ ശെരിയാകും നിന്റെ അച്ഛനും ഇതുപോലെ ആയിരുന്നു…ശത്രുകൾക്ക് മുൻപിലദ്ദേഹമൊരു പടച്ചട്ടയണിഞ്ഞ ചെകുത്താനായി മാറുമായിരുന്നു…പക്ഷെ സ്നേഹിക്കുന്നവർക്കു മുൻപിൽ അദ്ദേഹത്തെ വെല്ലാൻ മറ്റൊരാളും ഇല്ലധാനും—-

 

”ഞാനും അങ്ങനെയാണോ…?

 

തലക്ക് മുകളിൽ കറങ്ങുന്ന ഫാനിലേക്ക് നോക്കി അവൻ സ്വയം ചോദിച്ചു..താൻ തന്നെ കണ്ടത്തേണ്ടിയിരിക്കുന്ന ഉത്തരം ആണതെന്ന ബോധ്യം അവനുണ്ടായിരുന്നു

 

ഒരുപാട് ആലോചനകൾക്ക് ശേഷം പിന്നീടെപ്പോഴോ അവനുറക്കത്തിലേക്ക് വഴുതി വീണു

 

വർഷങ്ങൾ കടന്നു പോയി…കൗമാരക്കാരൻ എന്ന ഘട്ടത്തിൽ നിന്നും ദേവ് ഒരു ചുറുചുറുക്കുള്ള യുവാവായി  മാറി…കഴിഞ്ഞ നാലു വർഷങ്ങൾക്കിടയിൽ ഒരിക്കൽ പോലുമവൻ തന്റെയുള്ളിലെ ചെകുത്താനെ പുറത്തെടുത്തില്ല…ബോസിംഗ് റിങ്ങിലൊഴികെ…സ്ട്രീറ്റ് ഫൈഗ്റ്റിൽ ആയിരുന്നു അധികമായും അവൻ സമയം ചിലവഴിച്ചിരുന്നത്…പന്തയം വച്ചു ലഭിക്കുന്ന പണത്തെക്കാളുപരി അവൻ എതിരെ നിൽക്കുന്ന എതിരാളിയുടെ ഭയത്തിന് പ്രാധാന്യം നൽകി….എത്ര വല്യ മല്ലാനാണ് എതിരാളി എന്നിരുന്നാലും അവന്റെ ആത്മവിശ്യസം തകർന്ന്  പകരം ഭയം നിറയുന്നതവൻ  ആസ്വദിച്ചു

 

രാത്രി കാലങ്ങളിൽ മാത്രം റിങ്ങിലേക്ക് കടന്നു വരുന്ന നീലകണ്ണുകാരനെ പലരും ശ്രദ്ധിക്കാൻ തുടങ്ങി…ചുരുങ്ങിയ കാലം കൊണ്ടുതന്നെ ഊരും പെരുമറിയാത്തയ ചെകുത്താന്റെ  ആരാധകരുടെ എണ്ണവും കൂടി വന്നു

 

D എന്ന പേരിൽ അവനവരുടെ ഇടയിൽ അറിയപ്പെടാൻ തുടങ്ങി…എന്നിരുന്നാൽ പോലും മറ്റുള്ളവരുമായി സൗഹൃദത്തിലാവാനോ തന്റെ പേർസണൽ ഡീറ്റെയിൽസ് വെളിപ്പെടുത്താനോ അവൻ തയ്യാറായിരുന്നില്ല….

 

രാത്രി വൈകിയുള്ളയൊരു മത്സരം കഴിഞ്ഞു ബാംഗ്ലൂരുവിലെ ഒരു തെരുവിലൂടെ ദേവ് നടന്നു വരികയായിരുന്നു…പതിവിലും വൈകിയായിരുന്നു അന്നത്തെ മത്സരം അവസാനിച്ചത് കാരണം എതിരാളി ദേവ് വിചാരിച്ചതിലും ശക്തനായിരുന്നു..ദേഹത്തു പലയിടത്തയും ചതവും  മുറിവുകളുമുണ്ടായിരുന്നു…എങ്കിലുമത് കാര്യമാക്കാതെ ദേവ് നടന്നു

 

ബാംഗ്ലൂർ സിറ്റിയിൽ തന്നെ പലയിടങ്ങളിൽ ആയും illegal street fight ക്ലബ്ബുകൾ ഉണ്ടായിരുന്നു…പ്രധാനമയുമാവ ജനസാന്ത്രത കൂടിയ ഏരിയകളിൽ ആയിരുന്നു…ഹഫ്‌ത നൽകി പല കച്ചവടക്കാരും ഈ ക്ലബ്ബുകൾക്ക് ചുറ്റും കച്ചവടം നടത്തിയിരുന്നു…ആദ്യ കാലങ്ങളിൽ ദേവ് പല പല ക്ലബികളിലും പോയിരുന്നു പക്ഷെ അവിടെ എല്ലാം fight ചെയുന്നതിൽ ഓരോ നിയമങ്ങൾ വച്ചിരുന്നവർ….പല ക്ലബുകളിൽ  നിന്നും ദേവിനെയവർ വിലക്കിയിരുന്നു കാരണം റിങ്ങിനകത്തു ചെകുത്താനായി മാറുന്നയവന് സ്വയം നിയന്ത്രിക്കാനുള്ള കഴിവ് കുറവായിരുന്നു…ഒടുക്കം ലെനസിന്റെ സഹായത്താൽ ഡാർക്ക്‌ നെറ്റിൽ കയറിയാണ് Brutal rats എന്നാ തായ്‌ലൻഡ് ബേസ്ഡ് fight ക്ലബ്ബിനെകുറിച്ചറിയുന്നതവൻ…കൂടുതൽ അന്വേഷിച്ചപ്പോൾ അവിടെ fight ചെയ്യുന്നതിൽ നിയമങ്ങളോ വിലകുകളോ ഇല്ലെന്നും കൂടാതെ പുറത്തുനിന്നു പോലീസ് പോലും കടന്നുവരാൻ മടിക്കുന്നയൊരിടം  ആണെന്നുമവൻ  മനസിലാക്കി

 

Tropic സിറ്റി എന്ന വലിയൊരു നൈറ്റ്‌ പാർട്ടി പബ്ബിന് അടിയിലായി വലിയൊരു അണ്ടർഗ്രൗണ്ട് സെറ്റപ്പ്പിലായിരുന്നു brutal rats അവരുടെ മത്സരങ്ങൾ നടത്തിയിരുന്നത്

 

ദേവ് പങ്കെടുത്ത ആദ്യ മത്സരത്തിൽ തന്നെ അവനവിടെ തന്റെ കഴിവ് തെളിയിച്ചു….അതും അത്രക്കാല ബോക്സിങ് റിങ് ഭരിച്ചുകൊണ്ടിരുന്നയൊരു ബാങ്കൊക്ക്കാരൻ ഭീമനെ തറപറ്റിച്ചു കൊണ്ട്….പിന്നീട് നടന്ന പല fight കളിലും ദേവ് വിജയം ആവർത്തിച്ചു….വെള്ളിയാഴ്ച രാത്രികളിൽ D. എന്ന പേര് വിളിച്ചു ആർപ്പുവിളികളുമായി  ഒട്ടനവധി കാണികൾ tropic സിറ്റിയിലേക്ക് കടന്നു വരാൻ തുടങ്ങി