💫Evil on Earth 2✨

[ Author : Jomon ] [ Previous Part ] [ www.kambi.pw ]

---

 

പാലക്കൽ തറവാട്…

 

നൈലയുടെയും ഡാനിയുടെയും ജീവിതത്തിലേക്കു ഇളം നീലകണ്ണുകളും ദുരൂഹമായ ഭൂതകാലവുമായി ദേവ് കടന്നു വന്നിട്ടിപ്പോൾ പതിനെട്ടു വർഷം കഴിഞ്ഞു…

 

വർഷങ്ങൾ ഇത്ര കഴിഞ്ഞിട്ടും ആരും അവനെ അന്വേഷിച്ചു വന്നില്ല…അത് നൈലയുടെയും ഡാനിയുടെയും പേടി ഇല്ലാതാക്കി…സ്വന്തം ചോരയിൽ പിറന്ന മകനായി അവരവനെ വളർത്തി…

 

ഇതിനിടയിൽ പ്രായത്തിന്റെതായ അസുഖങ്ങൾ കാരണം കുര്യച്ഛൻ മരണപ്പെട്ടു..അതിന് ശേഷം പാലക്കൽ ഗ്രൂപ്പിന് കീഴിൽ വരുന്ന സ്ഥാപങ്ങളുടെയെല്ലാം നടത്തിപ്പ് ഡാനിയേൽ ഏറ്റെടുത്തു….അച്ഛനപ്പൂപ്പന്മാരായി ഉണ്ടാക്കിയ സമ്പത്തിൽ വർധനവല്ലാതെ അതിൽ കുറവുണ്ടാകാൻ ഡാനിയേൽ അനുവദിച്ചില്ല….

 

തങ്ങളുടെ ജീവിതത്തിൽ ദേവ് അല്ലാതെ മറ്റൊരാൾക്കു സ്ഥാനം കൊടുക്കാൻ മടിച്ചു നിന്ന ഡാനിയേലും നൈലയും ദേവിന്റെ തന്നെ പിടിവാശിക്കു മുൻപിൽ അവനൊരു കുഞ്ഞനിയത്തിയെ നൽകി

 

നീലിമ….ദേവിന്റെ മാത്രം നീലു….മറ്റാരേക്കാളും അവനു പ്രിയം അവളായിരുന്നു…അവൾക്ക് അവനും

 

“നീ ഈ പാല് തിളച്ചു കഴിഞ്ഞാൽ പറയണേ…”

 

വീട്ടുജോലിക്കായി നിർത്തിയ അനിതയോട് നൈല പറഞ്ഞു…

 

“എന്തിനാ ചേച്ചി ഇപ്പൊ പാല്…പിള്ളേർക്കുള്ള ചായ ഞാൻ നേരത്തെ ഉണ്ടാക്കിയാല്ലോ..!

 

ഗ്യാസടുപ്പിലെ കിടന്നു തിളക്കാറായ  പാലു നോക്കി അനിത പറഞ്ഞു…

 

”ദേവ് ഇന്നലെ പറഞ്ഞായിരുന്നെടി പായസം കുടിക്കാൻ കൊതിയാവുന്നെന്ന്…ഇന്ന് പരീക്ഷ കഴിഞ്ഞു വരുമ്പോ ഉണ്ടാക്കി വെക്കാമെന്ന് ഞാനും പറഞ്ഞു…നീ കണ്ടോ ചെക്കൻ വന്നു കേറുന്നതേ അടുക്കളയിലോട്ട് ആവും…“

 

പഞ്ചസാരഭരണി എടുത്തുകൊണ്ടു നൈല പറഞ്ഞു…ദേവിന്റെ സ്വഭാവം അറിയാവുന്ന അനിത അവളുടെ സംസാരം കേട്ട് ചിരിച്ചു

 

അനിതയുമായുള്ള പതിവ് സംസാരവും കഴിഞ്ഞു ഫോണുമെടുത്തു നൈല പുറത്തേക്കിറങ്ങി…കോൺടാക്ട് ലിസ്റ്റിൽ നിന്നും ഡാനിയുടെ നമ്പറിൽ വിളിച്ചവൾ ഫോൺ ചെവിയോട് ചേർത്തു

 

അധികം താമസിക്കാതെ തന്നെ ഡാനിയേൽ ഫോൺ എടുത്തു

 

”പറയെടി…?

 

ഓഫീസിൽ നിന്നിറങ്ങി പാർക്കിംഗ് ഏരിയയിലോട്ട് നടന്നുകൊണ്ടിരുന്ന ഡാനി പറഞ്ഞു

 

“ഇച്ചായാ പിള്ളേരെ പിക്ക് ചെയ്യില്ലേ വരുമ്പോ..?

 

”ആ..ഞാൻ ഇവിടുന്ന് ഇറങ്ങി അരമണിക്കൂർ കൊണ്ടെത്തും..“

 

കാറിന്റ ഡോർ തുറന്നകത്തു കയറുകൊണ്ട് ഡാനി പറഞ്ഞു…

 

”ആ എന്നാ വെച്ചോ..“

 

”ശെരി..“

 

ഫോൺ കട്ട്‌ ചെയ്തു ഡാഷ്ബോർഡിൽ വെച്ചു കാറിലെ മ്യൂസിക് പ്ലയെർ ഓൺ ചെയ്തു…പഴയൊരു ഹിന്ദി മെലഡി സോങ്ങിനു താളം പിടിച്ചുകൊണ്ടു ഡാനി കാർ മുൻപോട്ടെടുത്തു

 

DK കോൺട്രാക്ഷന്റെ  ഓഫീസിനു മുൻപിൽ നിന്നും അയാളുടെ കാർ മെയിൽ റോഡിലേക്ക് കയറി….നഗരത്തിലെ തന്നെ നമ്പർ വൺ സ്കൂളായ സെക്രട് ഹാർട്ടിനെ ലക്ഷ്യമാക്കി ആ കാർ പാഞ്ഞു

 

——————————

 

”നീ ഈ ചോദ്യത്തിന് ഉത്തരം എഴുതിയോ…ഞാൻ പഠിച്ചതാ പക്ഷെ എഴുതി വന്നപ്പോളേക്കും ബെല്ലടിച്ചു…..“

 

”ഇതിന്റെ ഉത്തരം എനിക്ക് അറിയാമായിരുന്നു..നീ പേടിക്കണ്ട മോനെ ഞാനും എഴുതിയിട്ടില്ല..“

 

അവസാനവർഷ പരീക്ഷയും കഴിഞ്ഞു ചോദ്യപ്പേപ്പർ നോക്കിക്കൊണ്ടു നടക്കുകയായിരുന്നു രണ്ടു കുട്ടികൾ…

 

”ഇന്നെങ്കിലും ബസ് കിട്ടിയ മതിയാരുന്നു…നീ കണ്ടോ നല്ല മഴക്കുള്ള ചാൻസ് ഒണ്ട്…വീട് എത്തിയത് തന്നെ..“

 

”അല്ലേലും നീ എന്നാ സമയത്തിന് വീട്ടിൽ കേറിയിട്ടുള്ളെ..?

 

“അതും നേരാണല്ലോ…”

 

പെട്ടെന്നാണ് അവരുടെ കൂടെ തന്നെ പഠിക്കുന്ന രണ്ട് മൂന്ന് പയ്യന്മാർ ഇവരെ തട്ടിമാറ്റി ഓടിയത്

 

“എവടെ പോകുവാടാ…?

 

ഓർക്കപ്പുറത്തു തട്ട് കിട്ടിയ അവൻ വിളിച്ചു ചോദിച്ചു

 

“അടി…അടി ഒണ്ടെടാ…!!

 

ഓടുന്നതിനിടയിൽ ഒരുത്തൻ വിളിച്ചു പറഞ്ഞു

 

”അടിയോ…?

 

അവൻ കൂടെ നിന്നവനെ നോക്കി…എനിക്ക് അറിയില്ല എന്ന ഭാവത്തിൽ അവൻ കൈ മലർത്തി