💫Evil on earth✨ – 2 Likeഅടിപൊളി  

“മാലയൊ….എന്റെ കയ്യിലോ..?

—–അതെ…ഒരുപക്ഷെ ആ മാല നിനക്ക് ഓർമ ഇല്ലായിരിക്കാം…പക്ഷെ അത് എന്റെ അന്വേഷണ പരിധിയിൽ തന്നെ ഉണ്ട്….റേഞ്ച് നഷ്ടമായ ആ മാലയുടെ അടുക്കൽ നീ എത്തിയപ്പോൾ ആണ് എനിക്ക് വീണ്ടും ഓൺലൈനിൽ വരാനുള്ള കമ്മാൻഡ് ലഭിച്ചത്——

ദേവ് ആദ്യമായി ലെനസിന്റെ ശബ്ദം കേട്ട ദിവസം ഓർത്തെടുത്തു….നീലുവുമായി കളിക്കാൻ തൊടിയിലേക്ക് ഇറങ്ങിയ ദിവസമാണ് അവൻ അവളുടെ ശബ്ദം കേട്ടത്

”ലെനസ്…എന്റെ അമ്മയെക്കുറിച്ചു നിനക്ക് എന്തെങ്കിലും അറിയാമോ…?

——ഇല്ല ദേവ്….ഞാൻ ഭൂമിയിൽ ആക്റ്റീവ് ആയത് വെറും രണ്ട് ദിവസം മാത്രം ആയിരുന്നു…പക്ഷെ ആ ദിവസങ്ങൾ മുഴുവനും ആർഥർ ആയിരുന്നു എന്റെ മുൻപിൽ…അദ്ദേഹത്തിന് വന്ന രണ്ട് ഫോൺ കാളുകളും അപ്പോഴത്തെ ഞങ്ങളുടെ ലൊക്കേഷനും എന്റെ സെർവറിൽ രേഖപ്പെടുത്തിയിട്ടുണ്ട്—-

“ഗുഡ് ഗുഡ്….നിനക്കാ നമ്പറിന്റെ ഡീറ്റെയിൽസ് എടുക്കാൻ സാധിക്കുമോ..?

സോഫയിൽ നിന്നും ചാടി എണീറ്റുകൊണ്ട് ദേവ് ചോദിച്ചു

—–yes…wait a second…….ദേവ് അതൊരു പഴയ BSNL connection ആണ്….owner name ദേവിക ഹരികൃഷ്ണൻ…കൂടുതൽ ഡീറ്റെയിൽസ് ഒന്നും അവരുടെ cloud സ്റ്റോറേജിൽ നിന്നും ലഭ്യമല്ല—-

“ദേവിക….ദേവിക ഹരികൃഷ്ണൻ…അതെന്റെ അമ്മ ആയിരിക്കുമോ ലെനസ്…”

അതു ചോദിക്കുമ്പോളവന്റെ കണ്ണുകൾ അവൻ പോലുമറിയാതെ നിറഞ്ഞിരുന്നു

—–സാധ്യത ഞാൻ കാണുന്നു ദേവ്….എന്റെ നിഗമങ്ങൾ വെച്ചു നിന്റെ പേരുമായി അവർക്ക് സാമ്യതകൾ ഉണ്ട്…സംശയം മാത്രമാണ്——

അവന്റെ ചോദ്യത്തെ അവളും അനുകൂലിച്ചു

“വേറെ എന്തെങ്കിലും അറിയാൻപറ്റുമോ..?

നിറഞ്ഞ കണ്ണുകൾ തുടച്ചുകൊണ്ട് ദേവ് ചോദിച്ചു

—–നമ്പർ രജിസ്റ്റർ ആയിരിക്കുന്നത് കർണാടകയിൽ നിന്നാണ്..കൂടാതെ ഞാൻ ആക്റ്റീവ് ആയിരുന്ന രണ്ട് ദിവസങ്ങൾ കർണാടക ബോർഡറിൽ ആയിരുന്നു—-

“ഏട്ടാ….!

ലെനസുമായുള്ള സംസാരത്തിനടയിലേക്ക് നീലിമ ഓടി വന്നു…അവളെ കണ്ട മാത്രയിൽ ദേവ് മുഖം  തിരിച്ചിരുന്നു

അത് കണ്ട നീലിമ ഒരു വിഷമത്തോടെ വന്നവനെ കെട്ടിപിടിച്ചു

അവളുടെ കണ്ണുകൾ നിറഞ്ഞൊഴുകുന്നുണ്ടായിരുന്നു..അത് മനസിലാക്കിയ ദേവ് ചിരിച്ചുകൊണ്ടവളുടെയെടുത്തിരുന്നു

”അയ്യേ എന്റെ നീലു പെണ്ണ് കരയുവാ…പപ്പ കാണണ്ടട്ടോ കളിയാക്കും..“

അവളുടെ കണ്ണ് തുടച്ചുക്കണ്ടവൻ പറഞ്ഞു

”ഏട്ടൻ ഇനിയാരോടും വഴക്കിന് പോവണ്ടാട്ടോ…മുറിവ് പറ്റിയെ കണ്ടില്ലേ..“

അതും പറഞ്ഞവൾ ചിണുങ്ങി…

”ഇല്ലെടി പെണ്ണെ ഞാൻ ഇനി അവരെ തല്ലില്ല..“

”അവരെയെന്നല്ല  ഇനിയാരേം  തല്ലാൻ പോകണ്ട..!

ചേട്ടന്റെയും അനിയത്തിയുടെയും സംസാരം കേട്ടുകൊണ്ട് വന്ന നൈല ഉറക്കെ പറഞ്ഞു…അതിന് ഉത്തരം പറയാതെവയൻ മുഖം കുനിച്ചിരുന്നു

“നൈലെ ഏട്ടനെ വഴക്ക് പറഞ്ഞാ ഇടി കൊള്ളുവെ…”

ദേവിന്റെ വാടിയ മുഖം  കണ്ടു നീലിമ ദേഷ്യത്തോടെ നൈലയോട് പറഞ്ഞു

“അയ്യെടി അവളൊരു ഇടിക്കാരി വന്നേക്കുന്നു…ഹ്മ്മ് ചെല്ല് അനിതമ്മായി നല്ല പായസം ഉണ്ടാക്കിയിട്ടുണ്ട്..”

“ഹായ് പായസം…”“

പായസത്തിന്റെ കാര്യം കേട്ടത്തെ നൈലയെ തള്ളി മാറ്റി നീലു അകത്തേക്ക് ഓടി…അവളുടെ ഓട്ടം ഒരു ചിരിയോടെ നൈല നോക്കികണ്ടു പിന്നെ സോഫയിൽ മുഖം  താഴ്ത്തിയിരിക്കുന്ന ദേവിന്റെ അടുത്തവളിരുന്നു

രണ്ട് പേരും ഒന്നും മിണ്ടാതെ ഉമ്മറത്തെ ഇരുട്ടിലേക്ക് നോക്കി ഇരുന്നു…അടുത്തായി നൈലയുടെ സാനിധ്യം മനസിലാക്കിയ ദേവ് അവളെ മുഖമുയർത്തി നോക്കി

പക്ഷെ മുറ്റത്തേക്ക് തന്നെ നോക്കി ഇരിക്കുന്ന നൈലയെ കണ്ടവൻ എന്ത് പറയണമെന്ന് അറിയാതെ ഇരുന്നു

പിന്നെ അവളുടെ കൈയിൽ പിടിച്ചവൻ കവിളിലൊരുമ്മ കൊടുത്തു…എന്നിട്ടും വലിയ ഭാവവെത്യാസമില്ലാതെ ഇരിക്കുന്ന നൈലയെ എന്ത് പറഞ്ഞു കൂട്ട് കൂടുമെന്ന സംശയത്തിൽ അവനിരുന്നു

”അമ്മാ..!

അവൻ വിളിച്ചു നോക്കി…ഇല്ല മറുപടിയില്ല

“അമ്മ..നോക്ക്..”

അവൻ വീണ്ടും വിളിച്ചു

“ദേ നൈലെ നോക്കാനാ പറഞ്ഞെ..?

ദേഷ്യം കാണിക്കും പോലെ പറഞ്ഞുകൊണ്ടവൻ നൈലയുടെ വയറ്റിൽ ഞ്ഞുള്ളി…പെട്ടെന്നുള്ള ആക്രമണത്തിൽ നൈല ചിരിച്ചുകൊണ്ട് കുതറി…അത്ര മാത്രമേ അവനും വേണ്ടിയിരുന്നുള്ളു

”സോറി അമ്മ..“”

അവനവളെ കെട്ടി പിടിച്ചുകൊണ്ടു പറഞ്ഞു….നൈലയുടെ കൈ അവന്റെ തലയിൽ തഴുകി കൊണ്ടിരുന്നു

“വേദനയുണ്ടോ കണ്ണാ..”

സന്തോഷവും വിഷമവും മാത്രം വരുമ്പോൾ നൈല വിളിക്കുന്ന പേരായിരുന്നു കണ്ണൻ എന്നത്…ഇപ്പോളവളുടെയാ വിളിയിൽ വിഷമം ആണെന്ന് മനസിലാക്കിയ ദേവ് അവളെ ഒന്നുകൂടെ ഇറുക്കി കെട്ടിപിടിച്ചു

“വേദന ഉണ്ടായിരുന്നു..പക്ഷേങ്കി ഇപ്പൊ ഇല്ല..”

ഒരു ചിരിയോടെ അവൻ പറഞ്ഞു

“അതെന്നാടാ ഇപ്പൊ ഇല്ലാത്തെ..?

ദേവിന് മാത്രം നൽകാറുള്ള കുസൃതി നിറഞ്ഞൊരു നോട്ടത്തോടെ അവൾ ചോദിച്ചു

”ആവോ അറിയില്ല…ഞാൻ ഇപ്പൊ നല്ല ഹാപ്പിയാ അതുകൊണ്ട് ആവും..!

“അതെ അതെ…നല്ല അടിയും വാങ്ങി വന്നിട്ടവനു സന്തോഷം ആണ് പോലും..”

ദേവിനെ കളിയാക്കിക്കൊണ്ട് നൈല ചിരിച്ചു…അമ്മയുടെയും മകന്റെയും ചിരിക്കുന്ന ശബ്ദം കേട്ടുകൊണ്ട് വന്ന ഡാനിയും ഉമ്മറത്ത് സ്ഥാനം പിടിച്ചു

“വാങ്ങുക മാത്രമല്ല..തിരിച്ചു കൊടുകുവേം ചെയ്തു..”

അല്പം ഗമയോടെ ദേവ് പറഞ്ഞു…അത് കേട്ട നൈല മൂക്കത്തു വിലരുവച്ചുകൊണ്ട് ചോദിച്ചു

“എന്നാലും എന്തൊരടിയാടാ നീ കൊടുത്തത്…ആ ടീച്ചറു പറയുന്നത് കേട്ട് ഞാൻ തന്നെ പേടിച്ചു പോയി…നല്ലൊരു സംഖ്യ ഹോസ്പിറ്റൽ ബില്ലുമായെന്ന കേട്ടെ..”

അല്പം മാറി നിക്കുന്ന ഡാനിയെ നോക്കി അവൾ പറഞ്ഞു…പിന്നെ ദേവിനെയും നോക്കി…അവൻ ചിരിച്ചുകൊണ്ടിരിക്കുവാണ്

“അമ്മ ഞാൻ ഒരു കാര്യം പറയട്ടെ..!

അവൻ മുഖവുരയിട്ടുകൊണ്ട് ചോദിച്ചു

എന്താണെന്ന ഭാവത്തിൽ നൈല അവനെ നോക്കി

”അത് ഒണ്ടല്ലോ..എനിക്ക് ബോക്സിങ് പഠിക്കണം…“

ദേവ് പറഞ്ഞു തീർന്നതും വലിയൊരു ചിരിയോടെ ഡാനി നൈലയുടെ അടുത്തായി വന്നിരുന്നു…കാരണം വേറൊന്നുമല്ല  നൈലയുടെ അപ്പോളത്തെ മുഖഭാവം അതായിരുന്നു…

”നിനക്ക് സ്കൂളിന്ന് തല്ല് ഉണ്ടാക്കിയതും പോരാഞ്ഞിട്ടാണോ ഫീസ് കൊടുത്തു തല്ലാൻ പോണേ..നടക്കില്ല കണ്ണാ..“

തീർത്തു പറഞ്ഞുകൊണ്ട് നൈല ഡാനിയെ നോക്കി

അതുവരെ ചിരിച്ചുകൊണ്ടിരുന്ന ഡാനി പെട്ടന്ന് വാ പൊത്തി പിടിച്ചു

”പപ്പാ ഒന്ന് പറ പ്ലീസ്‌..“

ദേവ് എണീറ്റുനിന്ന് മുൻപ്പിലിരിക്കുന്ന ഡാനിയോട് പറഞ്ഞു