💫Evil on earth✨ – 2 Likeഅടിപൊളി  

”നൈല അവൻ പറഞ്ഞതിലും കാര്യമുണ്ട്…അവന്റെ പ്രായമതാണ്…സ്കൂളിൽ പോയി അടിയുണ്ടാകുന്നതിലും നല്ലതല്ലേ റിങ്ങിൽ കേറി fight ചെയ്യുന്നത്…“

ഡാനി നൈലയെ പറഞ്ഞു സമ്മതിപ്പിക്കാൻ നോക്കി

”തന്തേം  മക്കളും കൂടി എന്താന്ന് വെച്ചാ കാണിക്ക്..അവസാനം അടിയും വാങ്ങി വന്നു ഇവിടെ തിരുമ്മി താ അവിടെ തിരുമ്മി താ എന്നൊന്നും പറഞ്ഞേക്കരുത്…പറഞ്ഞാ എന്താവുമെന്ന് അറിയാലോ നിങ്ങക്ക്..?

ഡാനിയെ അർത്ഥം വെച്ചു നോക്കിക്കൊണ്ട് നൈല പറഞ്ഞു…അവളുടെ നോട്ടം മനസിലാക്കിയ ഡാനി കൂടുതൽ ഒന്നും പറയാതെ മുകളിലെക്കും നോക്കി ഇരിക്കാൻ തുടങ്ങി….

“അപ്പൊ പരുപാടി ഒക്കെ കഴിഞ്ഞ സ്ഥിതിക്ക് ഞാൻ പോയി കൊറച്ചു പായസം കുടിക്കട്ടെ..”

അതും പറഞ്ഞു ദേവ് അകത്തേക്ക് പോയി..

“ചെല്ല് ആ പെണ്ണ് ബാക്കി വല്ലോം വച്ചാലായി..”

തുള്ളിച്ചാടി പോണ ദേവിനെ നോക്കി ഡാനി പറഞ്ഞു

“ദേ മനുഷ്യ നിങ്ങള് കാര്യമായി പറഞ്ഞതാണോ…?

ഡാനിയെ തട്ടിവിളിച്ചുകൊണ്ട് നൈല ചോദിച്ചു

”എന്ത് പായസമോ..?

നൈലയുടെ ചോദ്യം മനസിലാവാതെ ഡാനി ചോദിച്ചു…അത് കേട്ട നൈലയുടെ മുഖം ദേഷ്യം കൊണ്ടു ചുവക്കാൻ തുടങ്ങി…വല്ലപ്പോളുമെ ഡാനി അവളെ അങ്ങനെ കാണാറുള്ളു..ദേഷ്യം കൊണ്ടു ചുമക്കുന്ന നൈലയുടെ വെളുത്ത മുഖം ഡാനിക്ക് എപ്പോഴും ഇഷ്ടമാണ്..അവൻ അവളുടെ കവിളിലൂടെ വിരലോടച്ചു..പക്ഷെ നൈലയാ കൈ തട്ടി കളഞ്ഞു

“ദേവിന്റെ കാര്യം…അവനെ ബോക്സിങ്ങിന് വിടണോ..?

സംശയത്തോടെ അവൾ ചോദിച്ചു…അതിന് മറുപടിയായി ഒന്ന് ചിരിച്ചുകൊണ്ട് ഡാനി അവളുടെ കൈയിൽ വിരൽകോർത്ത്

”നീ പേടിക്കണ്ട നൈലാ…അവൻ നമ്മട മോനാ…രണ്ടെണ്ണം ഇങ്ങോട്ട് കിട്ടിയാലും  വരുബോ നാലെണ്ണം തിരിച്ചു കൊടുത്തിട്ടുണ്ടാവും..അതാ അവന്റെ പ്രകൃതം…അതെനിക്ക് ഇന്ന് മനസിലായി…അവന് ബോക്സിങ്ങിൽ  ഒരു താല്പര്യം ഒണ്ടെങ്കിൽ നമുക്കത് സപ്പോർട്ട് ചെയ്യാം..ഭാവിയിൽ ചിലപ്പോ ഇവനായിരിക്കും ഇന്ത്യക്ക് വേണ്ടി മെഡലുകൾ  കൊണ്ടുവരാൻ പോകുന്നത്..“

വലിയ കാര്യത്തിൽ ഡാനി പറഞ്ഞു നിർത്തി…അയാളെ തട്ടി മാറ്റി നൈല എണീറ്റുകൊണ്ട് പറഞ്ഞു

”അങ്ങനെ എന്റെ കൊച്ച് ഇടി കൊണ്ടിട്ടു വേണ്ട ഇന്ത്യക്ക് മെടലും മടലും വാങ്ങുന്നത്..അല്ലേലും എന്ത് പറഞ്ഞാലും സപ്പോർട്ട് ചെയ്യാൻ ഒരു തന്ത ഒണ്ടല്ലോ…മിക്കവാറും നിങ്ങൾക്ക് ആയിരിക്കും എന്റെ കയ്യീന്ന് മെഡലു കിട്ടാൻ പോണത്..“

ചവിട്ടിതുള്ളി നൈല അകത്തേക്ക് കയറിപ്പോയി..അവളുടെയാ പോക്ക് കണ്ടു ഡാനി ഒരു ചിരിയോടെ സോഫയിൽ ഇരുന്നു

രാത്രി ഭക്ഷണമൊക്കെ കഴിച്ച ശേഷം ഉറങ്ങാനായി മുറിയിൽ കയറിയത് ആയിരുന്നു ദേവ്…പക്ഷെ എത്ര ശ്രമിച്ചിട്ടും അവനുറങ്ങാൻ കഴിഞ്ഞില്ല…കണ്ണ് തുറന്നവൻ വെറുതെ കിടന്നു

—-ദേവ് ഉറങ്ങുന്നില്ലേ—–

ഉറങ്ങാൻ മടിച്ചു നിന്ന അവന്റെയടുക്കലേക്ക്  ലെനസിന്റെ ശബ്ദമെത്തി

“പറ്റുന്നില്ല ലെനസ്….അച്ഛനെയും അമ്മയെയും കുറിച്ചുമുള്ള ചിന്തകൾ എന്നെ അലട്ടികൊണ്ടിരിക്കുവ…”

അവൻ നിവർന്നു കിടന്നുകൊണ്ട് പറഞ്ഞു…

—–ദേവ് നിന്റെയീ അസ്വസ്ഥതക്ക് കാരണം അവരെക്കുറിച്ചുള്ള ചിന്തകൾ അല്ല—–

“പിന്നെ..?

സംശയത്തോടെയവൻ ചോദിച്ചു

മറുപടിയായി ചിരിച്ചുകൊണ്ടവൾ പറഞ്ഞു

—– i can read your mind ദേവ്…അത് മറക്കരുത്….നിന്റെ അച്ഛനും അമ്മയും ഇന്ന് ജീവനോടെയില്ല..പക്ഷെ അതൊന്നുമല്ല നിന്നെ അലട്ടുന്നത്…ഇന്ന്  കണ്ടയാ  നിനക്ക് പരിചിതമല്ലാത്ത ദേവിനെയാണ്—–

“ഹ്മ്മ്…നേരാണ്….പക്ഷെ എന്റെയാ പരിചിതമല്ലാത്ത മുഖമെനിക്ക് ഇഷ്ടപ്പെട്ടു ലെനസ്….അതാണ് ശെരികുമുള്ള ദേവ് എന്നൊരു തോന്നൽ ഉള്ളിൽ നിന്ന്“

—-ചിലപ്പോൾ ശെരിയാകും നിന്റെ അച്ഛനും ഇതുപോലെ ആയിരുന്നു…ശത്രുകൾക്ക് മുൻപിലദ്ദേഹമൊരു പടച്ചട്ടയണിഞ്ഞ ചെകുത്താനായി മാറുമായിരുന്നു…പക്ഷെ സ്നേഹിക്കുന്നവർക്കു മുൻപിൽ അദ്ദേഹത്തെ വെല്ലാൻ മറ്റൊരാളും ഇല്ലധാനും—-

”ഞാനും അങ്ങനെയാണോ…?

തലക്ക് മുകളിൽ കറങ്ങുന്ന ഫാനിലേക്ക് നോക്കി അവൻ സ്വയം ചോദിച്ചു..താൻ തന്നെ കണ്ടത്തേണ്ടിയിരിക്കുന്ന ഉത്തരം ആണതെന്ന ബോധ്യം അവനുണ്ടായിരുന്നു

ഒരുപാട് ആലോചനകൾക്ക് ശേഷം പിന്നീടെപ്പോഴോ അവനുറക്കത്തിലേക്ക് വഴുതി വീണു

വർഷങ്ങൾ കടന്നു പോയി…കൗമാരക്കാരൻ എന്ന ഘട്ടത്തിൽ നിന്നും ദേവ് ഒരു ചുറുചുറുക്കുള്ള യുവാവായി  മാറി…കഴിഞ്ഞ നാലു വർഷങ്ങൾക്കിടയിൽ ഒരിക്കൽ പോലുമവൻ തന്റെയുള്ളിലെ ചെകുത്താനെ പുറത്തെടുത്തില്ല…ബോസിംഗ് റിങ്ങിലൊഴികെ…സ്ട്രീറ്റ് ഫൈഗ്റ്റിൽ ആയിരുന്നു അധികമായും അവൻ സമയം ചിലവഴിച്ചിരുന്നത്…പന്തയം വച്ചു ലഭിക്കുന്ന പണത്തെക്കാളുപരി അവൻ എതിരെ നിൽക്കുന്ന എതിരാളിയുടെ ഭയത്തിന് പ്രാധാന്യം നൽകി….എത്ര വല്യ മല്ലാനാണ് എതിരാളി എന്നിരുന്നാലും അവന്റെ ആത്മവിശ്യസം തകർന്ന്  പകരം ഭയം നിറയുന്നതവൻ  ആസ്വദിച്ചു

രാത്രി കാലങ്ങളിൽ മാത്രം റിങ്ങിലേക്ക് കടന്നു വരുന്ന നീലകണ്ണുകാരനെ പലരും ശ്രദ്ധിക്കാൻ തുടങ്ങി…ചുരുങ്ങിയ കാലം കൊണ്ടുതന്നെ ഊരും പെരുമറിയാത്തയ ചെകുത്താന്റെ  ആരാധകരുടെ എണ്ണവും കൂടി വന്നു

D എന്ന പേരിൽ അവനവരുടെ ഇടയിൽ അറിയപ്പെടാൻ തുടങ്ങി…എന്നിരുന്നാൽ പോലും മറ്റുള്ളവരുമായി സൗഹൃദത്തിലാവാനോ തന്റെ പേർസണൽ ഡീറ്റെയിൽസ് വെളിപ്പെടുത്താനോ അവൻ തയ്യാറായിരുന്നില്ല….

രാത്രി വൈകിയുള്ളയൊരു മത്സരം കഴിഞ്ഞു ബാംഗ്ലൂരുവിലെ ഒരു തെരുവിലൂടെ ദേവ് നടന്നു വരികയായിരുന്നു…പതിവിലും വൈകിയായിരുന്നു അന്നത്തെ മത്സരം അവസാനിച്ചത് കാരണം എതിരാളി ദേവ് വിചാരിച്ചതിലും ശക്തനായിരുന്നു..ദേഹത്തു പലയിടത്തയും ചതവും  മുറിവുകളുമുണ്ടായിരുന്നു…എങ്കിലുമത് കാര്യമാക്കാതെ ദേവ് നടന്നു

ബാംഗ്ലൂർ സിറ്റിയിൽ തന്നെ പലയിടങ്ങളിൽ ആയും illegal street fight ക്ലബ്ബുകൾ ഉണ്ടായിരുന്നു…പ്രധാനമയുമാവ ജനസാന്ത്രത കൂടിയ ഏരിയകളിൽ ആയിരുന്നു…ഹഫ്‌ത നൽകി പല കച്ചവടക്കാരും ഈ ക്ലബ്ബുകൾക്ക് ചുറ്റും കച്ചവടം നടത്തിയിരുന്നു…ആദ്യ കാലങ്ങളിൽ ദേവ് പല പല ക്ലബികളിലും പോയിരുന്നു പക്ഷെ അവിടെ എല്ലാം fight ചെയുന്നതിൽ ഓരോ നിയമങ്ങൾ വച്ചിരുന്നവർ….പല ക്ലബുകളിൽ  നിന്നും ദേവിനെയവർ വിലക്കിയിരുന്നു കാരണം റിങ്ങിനകത്തു ചെകുത്താനായി മാറുന്നയവന് സ്വയം നിയന്ത്രിക്കാനുള്ള കഴിവ് കുറവായിരുന്നു…ഒടുക്കം ലെനസിന്റെ സഹായത്താൽ ഡാർക്ക്‌ നെറ്റിൽ കയറിയാണ് Brutal rats എന്നാ തായ്‌ലൻഡ് ബേസ്ഡ് fight ക്ലബ്ബിനെകുറിച്ചറിയുന്നതവൻ…കൂടുതൽ അന്വേഷിച്ചപ്പോൾ അവിടെ fight ചെയ്യുന്നതിൽ നിയമങ്ങളോ വിലകുകളോ ഇല്ലെന്നും കൂടാതെ പുറത്തുനിന്നു പോലീസ് പോലും കടന്നുവരാൻ മടിക്കുന്നയൊരിടം  ആണെന്നുമവൻ  മനസിലാക്കി