💫Evil on earth✨ – 2 Likeഅടിപൊളി  

ദേവിന്റെ ശരീരം നോക്കി അമാൻഡ സ്വയം പറഞ്ഞു….പക്ഷെ ആദ്യമായി വരുന്ന ഒരാൾക്ക് ഇത്രയും ആരാധകർ ഉണ്ടാവുമോ എന്ന സംശയം ബാക്കിയായ അവൾ തിരിച്ചു പോകാതെ അവിടെ തന്നെ ഇരുന്നു

തനിക്ക് നേര വരുന്ന ഓരോ അടികളിൽ നിന്നും നിസ്സാരമായി ഒഴിഞ്ഞു മാറുന്ന ദേവിനെയവൾ അത്ഭുതത്തോടെ നോക്കി…ഒടുക്കം അടി കൊണ്ടു വീണ ദേവിനെ കണ്ടവൾ ഇരിപ്പിടത്തിൽ നിന്നെണീറ്റ് മുൻപിൽ തടിച്ചു കൂടിയ ആളുകൾക്കിടയിലൂടെ റിങ്ങിനടുത്തേക്ക് ചെന്നു

അസാമാന്യമായ രീതിയിൽ fight ചെയ്ത ദേവ് ഇടി കൊണ്ടു വീണത് അവൾക്ക് ഓർക്കാൻ പറ്റുന്നതിലും അപ്പുറമായിരുന്നു….പക്ഷേ ആളുകളെ തള്ളി മാറ്റി മുൻപിലെത്തിയ അമാൻഡ കണ്ടത് വായിൽ നിന്ന് ഇറ്റിറ്റ് വീഴുന്ന ചോരത്തുള്ളികൾ കണ്ട് ഭ്രാന്തമായി ചിരിക്കുന്ന ദേവിനെയാണ്…പതിയെ പതിയെ ആ ചിരി അവളുടെ ചുണ്ടുകളിലും സ്ഥാനം പിടിച്ചു

ചുറ്റിനും കൂടി നിന്നവരുടെ കൂടെ അവളും കൂടി അവന്റെ ഉയർത്തെഴുന്നേൽപ്പ് ആഘോഷിച്ചു….ജീവിതത്തിൽ ആദ്യമായാണവൾ മറ്റൊരാൾക്ക്‌ വേണ്ടി കയ്യടിക്കുന്നതും കൂവി വിളിക്കുന്നതും

“wake up D…show me who you are..!

പതിഞ്ഞ സ്വരത്തിൽ അവൾ പറഞ്ഞുകൊണ്ടിരുന്നു…മത്സരത്തിന്റെ അവസാന നിമിഷത്തിൽ എതിരാളിയുടെ മുഖം അടിച്ചു തകർക്കുന്ന ദേവിനെയവൾ ആരാധനയോടെ നോക്കി കണ്ടു…

പരുപാടി കഴിഞ്ഞു ആളുകൾക്കിടയിൽ മറഞ്ഞ ദേവിനെയവൾ ഒരുപാട് തിരഞ്ഞു..ഒടുക്കം ഓഫീസ് മുറിയിൽ നിന്നും ഇറങ്ങി പോകുന്നയവനെ അവൾ കണ്ടെത്തി

ഒരു സ്ട്രീറ്റ് fighter ആയ അവൾക്ക് ഊഹിക്കാമായിരുന്നു  അവന്റെ അവസ്ഥയപ്പോൾ എന്തായിരിക്കുമെന്ന്. .അതുകൊണ്ട് തന്നെ അവളവനെ  അല്പം അകലമിട്ട് പിന്തുടർന്നുകൊണ്ടിരിന്നു

അവളുടെ ഊഹം തെറ്റിയില്ല…അകലെ മാറി പാർക്ക് ചെയ്ത ഒരു ബ്ലാക്ക് എഡിഷൻ porsche 911 GT ക്കു മുൻപിൽ ദേവ് ബോധം കെട്ടു വീണു

അവൻ വീഴുന്നത് കണ്ടതെ അവളവനടുത്തേക്ക്  ഓടിയെത്തി….ബ്ലാക്ക് സ്പോർട്സ് ബ്രായും അതിന് മുകളിലായി അതെ കളർ ഓപ്പൺ ജാക്കറ്റും ഒരു ട്രാക്ക് പാന്റ്റുമണിഞ്ഞു  ആളുകൾക്കിടയിലൂടെ ഓടുന്ന മറുനാടൻ സുന്ദരിയെ കടകൾ തുറക്കാൻ വന്ന ആളുകൾ ആർത്തിയോടെ നോക്കി..എല്ലാവരുടെയും നോട്ടം തന്നിലാണെന്ന ചിന്ത അവൾക്കു വന്നിരുന്നെങ്കിലും അവളത് കാര്യമാക്കാതെ ദേവിനടുത്തെത്തി

“ഹെലോ…”

വീണുകിടക്കുന്ന അവന്റെ കവിളിൽ തട്ടി വിളിച്ചുകൊണ്ടവൾ വിളിച്ചു..അനക്കമൊന്നുമില്ല….

അവൾ ചുറ്റിനും നോക്കി…ആ ഭാഗത്തു മാറ്റാളുകൾ ഒന്നുമില്ല…പിന്നെയവൾ  അവന്റെ പാന്റിന്റെ പോക്കറ്റിൽ പരിശോധിച്ചു…കുറച്ചു നോട്ടു കെട്ടുകൾ കിട്ടി..അവളത് അതുപോലെ തന്നെ തിരിച്ചു വച്ചു അടുത്ത പോക്കറ്റിൽ നോക്കി..അതിൽ നിന്നൊരു കാറിന്റെ കീ കിട്ടി

“porsche…”

കറുത്ത നിറത്തിലെയാ കീയിൽ പതിച്ച ലോഗോ നോക്കിയവൾ പറഞ്ഞു..പിന്നെ മുൻപിൽ കിടക്കുന്ന കാറിലേക്കും നോക്കി

“നിന്നെപ്പോലെ തന്നെ ക്യൂട്ട് ആണല്ലോ നിന്റെ കാറും..!

ദേവിൻറെ മുടിയിലൂടെ വിരലോടിച്ചുകൊണ്ടവൾ പറഞ്ഞു

പിന്നെ നിലത്തു വീണു കിടക്കുന്ന അവനെ ഒരുവിധം താങ്ങി പിടിച്ചെണീപ്പിച്ചു കാറിന്റെ ബാക്ക് സീറ്റിൽ കിടത്തി..പിന്നെയവൾ  വന്നു ഡ്രൈവിംഗ് സീറ്റിൽ കയറി വണ്ടി സ്റ്റാർട്ട് ചെയ്തു

കാതടിപ്പിക്കുന്ന ശബ്ദത്തോടെ മുരണ്ട് കൊണ്ടാ കാർ സ്റ്റാർട്ടായി….

ആ ശബ്ദമവളിലും പേടി നിറച്ചു..പിന്നെ അതൊരുതരം ആവേശമായി മാറി

“woww…i want something like this too..”

പുലർന്നു തുടങ്ങിയ ബാംഗ്ലൂർ സിറ്റിയിലൂടെ ദേവിന്റെ ബ്ലാക്ക് പോർഷേ ചീറി പാഞ്ഞു….

ഒടുവിലത് വേട്ടയവസാനിപ്പിച്ച  കരിമ്പുലിയെ  പോലെ ഇലക്ട്രോണിക് സിറ്റിയിലെ തന്നെയൊരു ആഡംബര അപ്പാർട്മെന്റിലേക്ക് കടന്നു

————————

“ആഹ്..”

പെട്ടന്ന് വേദനതോന്നിയ ദേവ് വയറുപൊത്തിപിടിച്ചുകൊണ്ടു ബഡിൽ എണീറ്റിരുന്നു…അസഹനീയമായ  വേദന…അവൻ കണ്ണുകളടിച്ചുപിടിച്ചിരുന്നു അല്പനേരം

തന്റെ മാസ്റ്റർ പഠിപ്പിച്ചത് പോലെ വേദനയുടെ കാഠിന്യം കുറക്കാനായി ശരീരത്തിലെ പേശികൾ ലൂസാക്കി വളരെ സാവധാനം ശ്വാസം എടുക്കാനും തിരിച്ചു വിടാനും തുടങ്ങി….അല്പ സമയത്തിന് ശേഷമാ വേദന കുറഞ്ഞു വരുന്നതായി അവനനുഭപ്പെട്ടു

വേദനയിൽ നിന്നുമാശ്വാസം കിട്ടിയ അവൻ കണ്ണ് തുറന്നു ചുറ്റിനും നോക്കി…പരിചിതമല്ലാത്ത ഒരു മുറി….വെളുത്ത നിറമടിച്ചു ഭിത്തിയിൽ പലവിധ ആർട്ട്‌ വർക്കുകൾ. …മുൻപിലായി പാതി തുറന്ന നിലയിൽ വാതിൽ… മറുപുറം ഭിത്തിക്ക് പകരം ഗ്ലാസ്‌ കൊണ്ടു നിർമിച്ച ചുമർ….അതിലൂടെ ബാംഗ്ലൂർ സിറ്റിയെ  പകുതിയിലധികം നോക്കി കാണാം…

താനെവിടെയാ എത്തിപ്പെട്ടതെന് അറിയാൻ പറ്റാതെയവൻ  ബെഡിൽ നിന്നുമിറങ്ങി. .അപ്പോളാണ് അവൻ ശ്രദ്ധിച്ചത് തന്റെ ശരീരത്തിൽ ആകെ ഉള്ളത് ഒരു boxer ടൈപ്പ് നിക്കർ ആണ്..അതും സ്വന്തമല്ലെന്ന് മനസിലാക്കിയ അവൻ ജാള്യതയോടെ ചുറ്റിനും നോക്കി

അപ്പോളാണ് പാതി തുറന്ന വാതിൽ തള്ളിതുറന്ന് അമാൻഡ കയറി വന്നത്…വെളുത്തു സുന്ദരമായ ചിരിയോടെയുള്ള മുഖം..നീളത്തിലുള്ള കറുപ്പും  കാപ്പിയും ചേർന്ന ചെമ്പിച്ച മുടി അലക്ഷ്യമായി വാരി ചുറ്റി തലയ്ക്കു മുകളിൽ കെട്ടിയിരിക്കുന്നു…ആഭരണങ്ങൾ എന്ന് പറയാൻ ഒന്നും തന്നെയില്ല

അവളെക്കാൾ ലൂസ് ആയൊരു ബനിയൻ..അതിന്റെ ഒരു വശം തോളിൽ നിന്നിറങ്ങി അകത്തെ ബ്രായുടെ വള്ളി പുറത്തു കാണാം …താൻ ഇട്ടേക്കുന്നത് പോലുള്ള ഒരു നിക്കറുമാണ് അരക്ക് താഴേക്ക്..പക്ഷെ തന്നേതിനേക്കാൾ അവക്ക് നീളമല്പം കുറവാണ്..അതുകൊണ്ട് തന്നെയാ വെളുത്ത വണ്ണമുള്ള തുടകൾ കൃത്യമായി കാണാം….വെണ്ണപോലുള്ളെയാ തുടകളെക്കാൾ നിറം അവളുടെ കാല്പാദങ്ങൾക്കുണ്ടെന്ന് അവനു തോന്നി

ദേവ് നീ എന്തൊക്കെയാ ആലോചിച്ചു കൂട്ടുന്നെ..അവളെ തന്നെ നോക്കിക്കൊണ്ടിരുന്ന ദേവ് അവനോടു തന്നെ പറഞ്ഞു..പെട്ടന്ന് സ്വബോധം വന്നയവൻ  അവളിൽ നിന്നും മുഖം തിരിച്ചു കളഞ്ഞു…അത് മനസിലാക്കിയ അമാൻഡ ഒരു ചിരിയോടെ പുറത്തേക്ക് നോക്കി നിൽക്കുന്ന ദേവിന് നേരെ കൈ നീട്ടി…

“ഹായ്..ഞാൻ അമാൻഡ..”

നിറഞ്ഞൊരു ചിരിയോടെഅവൾ പറഞ്ഞു

പക്ഷെ ദേവ് അവളെ ഒരു സംശയത്തോടെ നോക്കുക മാത്രമേ ചെയ്തുള്ളു

“എടൊ താൻ റോഡരികിൽ ബോധമില്ലാതെ കിടന്നപ്പോൾ കൂട്ടികൊണ്ട് വന്നത..ബോഡി വളരെ വീക്ക് ആയിരുന്നു അതാ ഞാൻ ഇങ്ങോട്ട് കൊണ്ടു വന്നേ..”

അവളതു പറഞ്ഞതും ദേവ് അവൾ തനിക്ക് നേരെ നീട്ടിപിടിച്ച കൈയിൽ പിടിച്ചു

“ഞാൻ ദേവ്…”

“ഹോ…അതാണല്ലേ ഇയാളുടെ ഫാൻസ്‌ വിളിക്കുന്ന D യുടെ ഫുൾഫോം…”