🦋 അശ്വതി 🦋 Like

“ദേ എന്നെകൊണ്ടൊന്നും പറയിപ്പിക്കണ്ട ഞാൻ ഇന്നലെ എന്ത് പറഞ്ഞാ നിന്നെ പറഞ്ഞയച്ചേ.. അവന്റെ ഒരു ഉറക്കംഇപ്പോ സമായമെത്രയായിന്നറിയോ?.. എന്റെ മുഖത്തേക് കലിപിച്ചൊന്ന്നോക്കികൊണ്ട് കൈ നീട്ടി മൊബൈൽ എടുത്ത് ഓണാക്കി സമയം കാണിച്ചുതന്നു

ഏഴര ആയല്ലെ ഉള്ളു…ഞാൻ നിസാരമായി പറഞ്ഞു

ഏഴരയോ..ഏഴര ഇനി വൈകീട്ട്‌ …ഹമ്..ഏഴര കഴിഞ്ഞു പത്തുമിനിറ്റായി

ആ ഒരു പത്തുമിനിറ്റല്ലെ… ഞാൻ വീണ്ടും നിസാരമാക്കി…

ഞാൻ ഇന്നലെ എന്ത് പറഞ്ഞിട്ടാടാ നിന്നെ ഞാൻ വിട്ടത്..അലാറം എവിടെടാ…ഇന്നു ക്ലാസ്സ് റ്റാർട്ട് ചയ്യുംന്ന് നിനക്കറിയില്ലേ നീ ആർക് വേണ്ടിയാ ഈ ജീവിക്കണേ…ഒന്ന് പുച്ഛിച്ചു നിർത്തി.. ഞാൻ മറുപടിയായി അവളെ വെറുതെ ഒന്നുനോക്കി പിന്നെ വീണ്ടും നിലത്തേക് നോക്കിയിരുന്നു കിച്ചു നിന്നോടാ ചോദിച്ചേ. “ടാ” അവൾ ചെവിട്ടിൽ വന്നലറി ഹോ ഇത് വല്ല്യ ശല്യമായല്ലോ ഞാൻ മനസ്സിൽ പറഞ്ഞു കൊണ്ട് മെല്ലെ മറുപടി കൊടുത്തു

അത്….ഞാൻ ഇന്നലെ മറന്നുപോയി ഞാൻ ചെറിയ ചമ്മലോടെ പറഞ്ഞു

മ്മ്.. ഒന്നിരുത്തി മൂളി എന്റെ മുഖം അവളുടെ സൈഡിലേക് ചെരിച്ചുകൊണ്ട് ചോദിച്ചു… നാണമില്ലല്ലോടാ ഓരോ വൃത്തികെട്ട വീഡിയോസും ഫോട്ടോസും കണ്ടുകിടന്നിട്ടവൻ മണന്ന് പോയെത്രെ….പുച്ഛവും ചിരിയും കലർന്ന ഭാവമാണ്..

സംഭവം സത്യമാണെങ്കിലും ഞാൻ എതിർത്തു ഏയ്..അതൊന്നുമല്ല ഞാൻ ഇന്നലെ ഫിലിം കണ്ടു ഉറങ്ങിപോയതാ മുഖത്തൊരു പാവത്താനിസം വരുത്തിക്കൊണ്ട് പറഞ്ഞു മെല്ലെ നോക്കി. ഏത് ഫിലിം..മ്മ്..? പെട്ടന്നൊരു ചോദ്യം ഞാൻ പ്രദീക്ഷിചില്ല… ഞാനൊന്നു പതറി എന്തെങ്കിലും നുണ പറഞ്ഞാൽ അപോത്തന്നെ ഫോൺ എടുത്ത് ചെക്ക് ചെയ്യും അതാണ് ഐറ്റം
അത് …നിനക്കെന്തൊക്കെ അറിയണം മനുഷ്യന്റെ ഉറക്കോം കളഞ്ഞു… ഞാൻ വിഷയമാറ്റാൻ ശ്രെമിച്ചുകൊണ്ട് കലിപ്പിൽ പറഞ്ഞൊപ്പിച്ചു.. അവളെ നോക്കിയപ്പോ അവൾ എന്നെ ഒരുമാതിരി ആക്കികൊണ്ടുള്ള കിളി

നീയൊന്നു പോയിത്തരോ ..എനിക്ക് ശരിക്കും ദേഷ്യം വന്നു തുടങ്ങിയിരുന്നു.. അതോടെ അവൾ ഒന്നടങ്ങി എണീറ്റുനിന്നു കട്ടിലിൽ ഇരിക്കുന്ന എന്റെ കവിളിൽ പിടിച്ചുകൊണ്ട് കളിയായി പറഞ്ഞു “അച്ചോടാ എന്റെ ചെക്കന് നേരം വെളുത്തില്ലേ…”

പൊന്നൂ ..!

ഞാൻ അവളുടെ കൈപിടിച്ചു നിലത്തിട്ടുകൊണ്ട് ദേഷ്യത്തിൽ അലറി. ഞങ്ങളുടെ ബഹളമൊക്കെ താഴെ അടുകളയിലേക്ക് കേൾക്കുന്നുണ്ടായിരുന്നു “ടീ അവൻ ഇതുവരെ എണീറ്റില്ലേ…ദേവൂന്റെ ശബ്ദം.

ആ എണീറ്റു ദേവൂ ..

അവൾ തന്നെയാണ് മറുപടി പറഞ്ഞത്. “എന്നാലവനോട് വന്നു ചായ‌കുടിച്ചോളാൻ പറ..”

ആ ഞാൻ വരാം…..ഞാൻ ഈർഷ്യയോടെ പറഞ്ഞു അതിനു മറുപടിയായി നേർത്ത ചിരിയാണ് കേട്ടത് പിന്നെ പെട്ടന്നവൾ എന്തോ മറന്ന പോലെ മൊബൈൽ എടുത്ത് സമയം നോക്കി

അയ്യോ സമയം വൈകി….ആരോടോ പറഞ്ഞു.

നീ പൊക്കോ ഞാൻ റെഡിയായികൊളാം.

അയ്യട നീ എണീറ്റെ എന്നിട്ടുപോയിപല്ലുതേക് നേരം പോയത് സാരമാകാതെ അവൾ ആജ്ഞാപിച്ചു മ്മ്..ഞാൻ മനസ്സിലാമനസോടെ എണീറ്റു ബാത്റൂമിലേക്ക് പോയി അങ്ങനെ പ്രഭാത കൃത്യങ്ങൾ ഓരോന്നായി ചെയ്തുകൊണ്ടിരിന്നപ്പോഴാണ് വീണ്ടും വിളി ഈ കുരിപ്പ് പോയില്ലേ എന്നോർത്ത് വായിൽ നിന്നും ബ്രഷ് മാറ്റാതെ വാതിൽ തുറന്നു നോക്കി ടാ..!

എന്നതാവീണ്ടും..നീ പോയില്ലേ?

അതല്ലടാ..

ഏതല്ലടാ.. ഞാൻ മുഖം കഴുകി പുറത്തിറങ്ങി കട്ടിലിന്റെ ക്രാസയിൽ കിടന്നിരുന്ന ട്ടർക്കി എടുത്ത് മുഖം തോർത്തികൊണ്ടു ചോദിച്ചു.

നിന്റെ യൂണിഫോമിന്റെ ഷർട്ടവിടെ? പാന്റ് കയ്യിൽ പിടിച്ചുകൊണ്ട് പൊന്നു ചോദിച്ചു നിനക്കെന്തിനാ ഇപ്പോ എന്റെ ഷർട്ട്..സംശയത്തോടെ നോക്കികൊണ്ട് ഞാൻ തിരിച്ച് ചോദിച്ചു.

പിന്നെ അയൺ ചെയ്യണ്ടേ?…അവൾ സംശയഭാവത്തിൽ എന്നോട് തിരക്കി.

‘അതിനു ഞാൻ ഇന്ന് യൂണിഫോമിലല്ലല്ലോ ക്ലാസ്സിൽ പോകുന്നത്… ഞാൻ കൂളായിപറഞ്ഞുകൊണ്ട് അവളുടെ കയ്യിലിരുന്ന പാന്റ് വാങ്ങിച്ചു തിരിച് കബോഡിലേക്ക് വലിച്ചെറിഞ്ഞു.

പിന്നെ…!

അവളുടെ മുഖത് ആശ്ചര്യഭാവം.

ഇന്ന് ഫസ്റ്റ് ഡേ അല്ലെ അപ്പോ ഒന്ന് കളറായി പോണ്ടേ.. ഞാൻ അവളുടെ കവിളിൽ തട്ടി കൊണ്ടുമെല്ലെ പറഞ്ഞു.
അപ്പോ ഞാനോ.?.വീണ്ടും ഞെട്ടികൊണ്ടാണ് ചോദിക്കുന്നത്