🦋 അശ്വതി 🦋 Like

നീയെന്തെങ്കിലും ചെയ്യടീ..എന്നോടാണോ ചോദിക്കുന്നെ…. ഞാൻ കൈയ്യൊഴിഞ്ഞുപറഞ്ഞു ഞാൻ അവൾ കാണാതെ ചിരിച്ചുകൊണ്ട് റൂമിനു വെളിയിലേകിറങ്ങി.അവളുടെ മുഖത്തെ ഞെട്ടൽ എനിക്ക് ഊഹിക്കാമായിരുന്നു. ഞാൻ മെല്ലെ ഗോവണി ഇറങ്ങി നടക്കവേ എന്റെ കയ്യിൽ പിടിച്ച് ദയനീയമായി നോക്കി. എനിക്കത് കണ്ടപ്പോൾ ഒന്നൂടെ വട്ടുപിടിപ്പിക്കാനാണ് തോന്നിയത്..

അപ്പോ ഞാൻ ഇന്നലെ വൈകുന്നേരം പറഞ്ഞതോ..? ആദ്യത്തെ ആ പവർ ഇല്ല പെണ്ണിന് തികച്ചും സൗമ്യമായാണ് ഇപ്പോഴത്തെ ചോദ്യം..സംഭവം ഒന്നുമല്ല ഇന്നലെ വൈകീട്ട് പറഞ്ഞൊറപ്പിച്ചതായിരുന്നു യൂണിഫോമിൽ പോകാമെന്ന്, ഞാൻ വാക്കുമാറ്റി പറഞ്ഞതിന്റെ ഷോക്കിൽ ആണ് പുള്ളി. എന്നെ കൊറേ വാരിയതല്ലെ എന്തെങ്കിലും ഒന്ന് തിരിച്ചു കൊടുകണ്ടേ….. “അത് ഇന്നലെപറഞ്ഞതല്ലേ..യൂണിഫോം എപ്പോഴും ഇടാലോ..ഞാൻ ഇന്ന് കളർ ആണ് …”ഞാൻ തറപ്പിച്ചു പറഞ്ഞു.

നീ കൈ വിട്ടേ! എന്നുംപറഞ്ഞുകൊണ്ടു ഞാൻ അടിയിലേക്കിറങ്ങി സെറ്റിയിൽ ചെന്നിരുന്നു ദേവൂ ചായ തന്നേ ..അടുക്കളയിലേക്ക് നോക്കികൊണ്ട് ഞാൻ കുറച്ചുറക്കെ വിളിച്ചു. “ആ ഇപ്പോതരാടാ.. നിനക്കൊന്ന് വന്നു എടുത്ത് കുടിച്ചൂടെ”ദേവു ഇങ്ങോട്ടും ഒരു ചോദ്യമെറിഞ്ഞു.

ഞാൻ സെറ്റിയിൽ നിന്ന് എഴുന്നേറ്റ് അടുക്കളയിലേക്ക് നടന്നു അവിടെ എന്തോ തിരക്കിട്ടു അരിയുന്നുണ്ട് ദേവു വീട്ടിൽ സാധാരണ ഇടാറുള്ള പതിവ് നൈറ്റിയിലാണ് .. ഞാൻ ഒന്നു ചുമച്ചു കൊണ്ട് ചോദിച്ചു “ഭയങ്കര തിരകിലാണല്ലോ…? ദേവു നോക്കി ചിരിച്ചതല്ലാതെ ഒന്നും പറഞ്ഞില്ല.ചായപാത്രം ചൂണ്ടി കാണിച്ചു തന്ന് ചായ എടുത്ത് തിരിഞ്ഞുനടക്കുമ്പോഴാണ് അടുത്ത ചോദ്യം……”അല്ലാ നിന്നെ വിളിച്ചെണീപ്പിച്ചവളെവിടെടാ..???

അപ്പോഴാണ് അവളെ കുറിച് ഞാനും ആലോചിക്കുന്നത്. അവിടുണ്ട് …ഞാൻ പറഞ്ഞുനടന്നു

അവൾക്ക് ചായ വേണ്ടേ……

“ആ അറിയില്ല അവിടെ നിപ്പുണ്ട്, വേണോങ്കിൽ വന്നെടുത്തോളും……

അതും പറഞ്ഞ് സെറ്റിയിൽ തന്നെ വന്നിരുന്നു അവളെ നോക്കി ;ഞാൻ വിചാരിച്ചു പോയി കാണൂന്ന്… നോക്കുമ്പോ അതേ നിൽപ്പ് അവിടെ തന്നെ നില്പുണ്ട്. ആ സ്റ്റെപ് പോലും മാറിയിട്ടില്ല…… കിളിപോയ നിൽപ്പാണെന്നു മനസ്സിലായതോടെ ക്ലാസ് പൊക്കി ചായ വേണോന്ന് ചോദിച്ചു.വേണ്ടെന്നു തലയാട്ടി എന്നിട്ട് മെല്ലെ അടുത്തവന്നിരുന്നു എന്റെ സൈഡിലുള്ള സെറ്റിയിലാണ് ഇരുത്തം. മുഖത്തേക്ക് നോക്കിയപ്പോ മുഖം വാടിയിരിക്കുന്നത് ശ്രദ്ധിച്ചെങ്കിലും ഞാൻ ചോദിക്കാൻ പോയൊന്നുമില്ല. എന്നോടെന്തൊക്കെയോ പറയണമെന്നുണ്ട് പക്ഷെ ഒന്നും പറയുന്നില്ല ആകെ ഒരു വെപ്രാളം….. ഞാൻ അതുകണ്ട് മെല്ലെ പുഞ്ചിരിച്ചു …. പിന്നെ മെല്ലെ എണീറ്റ് വന്ന് എന്റെ കൈ തട്ടി മാറ്റി എനിക്കരികിൽ ഇരുന്ന് എന്നെ നോക്കി…
മ്മ്..ഞാൻ ചോദ്യഭാവത്തിൽ നോക്കി

നീ കാര്യായിട്ടാണോടാ……?പതിയെയാണ് ചോദ്യം.

“പിന്നെ ഞാൻ കാര്യമായിട്ടാ “…ഞാൻ സംശയിക്കാതെ പറഞ്ഞു.

അപ്പോ ഞാനോ???? തികച്ചും നിഷ്കളങ്കമായ ചോദ്യം..

“നീയും കളർ ഇട്ടൊ…. നിനക്ക് ഇലാഞ്ഞിട്ടൊന്നും അല്ലല്ലോ.ഒരു പത്തുനൂറെണ്ണം കാണുമല്ലോടീ.

അതല്ലടാ..ഞാൻ ഡ്രസ്സ് ഒന്നും സെലക്ട് ചെയ്തിട്ടില്ല..അവൾ മടിയോടെ പറഞ്ഞു.

സെലക്ട് ചെയ്യാനെന്തിരിക്കുന്നു ഏതെങ്കിലും ഒന്നെടുത്തിടെന്നെ…..

അതല്ലാടാ.. അവൾ ഒന്ന് ചിണുങ്ങി കൊണ്ട് നിന്നു.

പിന്നെ നീ കാര്യം പറയടീ കൊഞ്ചാതെ..ഒന്നുകടുപ്പിച്ചു നോക്കികൊണ്ട് ഞാൻ കാര്യം തിരക്കി.

നിങ്ങൾ ആൺകുട്ടികളെ പോലാണോ ഞങ്ങൾ ഓരോ ഡ്രെസ്സിനും മാച്ചായ ഓർണമെന്റസ് ഒകെ നോക്കേണ്ടെടാ… അവൾ തെല്ല് നാണത്തോടെ പറഞ്ഞു.

അതൊക്കെ നിന്റെ കാര്യം… ഞാൻ കൈമലർത്തി.

എന്നതാ കിച്ചു,നീ ഇങ്ങനെ. അവൾ കൈപിടിച് കുലുക്കി കൊണ്ട് പറഞ്ഞു.

ടീ ചായ!! എന്ന് പറഞ്ഞതും ക്ലാസ്സിൽ നിന്ന് ചായ ചാടി താഴെ പോയി.

ടീ നീ ഒന്ന് മര്യാദക്കിരികുന്നുണ്ടോ..നീ കുട്ട്യോളെക്കാളും കഷ്ട്ടാണല്ലോ.

അപ്പോഴേക്കും മുഖം വീർപ്പിച്ചു തിരിഞ്ഞിരുന്നു പിന്നെ എന്തോ ആലോജിച്ചപോലെ എണീറ്റ് നടക്കാൻതുനിഞ്ഞതും ഞാൻ കൈ പിടിച്ചുവലിച് അവിടെ തന്നെ ഇരുത്തി. എതിർപ്പൊന്നും കാണിച്ചില്ല അവിടെ തന്നെ ഇരുന്നു. പക്ഷെ എന്നെ മൈൻഡ് ചെയ്യുന്നില്ലാന്ന് മാത്രം.