അമ്മുവിന്റെ അച്ഛൻ

Ammuvinte Achan | Author : Killmonger

 

---

 

“ഞങ്ങൾക്ക് ഈ ബന്ധത്തിന് താല്പര്യം ഇല്ല…സോറി mr അശോക് ..അറിഞ്ഞു കൊണ്ട് ഞങ്ങളുടെ മകനെ ഒരു അപകടത്തിലേക്ക് തള്ളി വിടാൻ ഞങ്ങൾ ഒരുക്കമല്ല….”

ഫോൺ വച്ച് ഹാളിലെ സോഫയിൽ ചാഞ്ഞു ഇരുന്ന് മേലെടത് വീട്ടിൽ അശോക് പണിക്കർ ഒരു ദീർഘ ശ്വാസം വിട്ടു..

അയാളുടെ ഉള്ളം കലങ്ങി മറിഞ്ഞു കൊണ്ടിരുന്നു…ആദി കൂടി ഇപ്പൊ മരിച്ചു പോകും എന്ന് വരെ അയാൾക്ക് തോന്നി….

ഇത്രയും കാലം വെട്ടിപിടിച്ചതെല്ലാം വെറുതെ ആയത് പോലെ അയാൾക്ക് തോന്നി….

ചുമരിൽ തൂക്കി ഇട്ടിരിക്കുന്ന ഭാര്യയുടെ ഫോട്ടോ നോക്കി അയാൾ മനസ്സിൽ വിലപിച്ചു….

“ ഇതൊന്നും കാണാതെയും കേൾക്കാതെയും നീ നേരത്തെ പോയില്ലേ….”

പ്രീതി അശോക്.

5 വർഷം മുൻപ് ഒരു മാറാ രോഗം മൂലം മരിച്ചു പോയി…

പരസ്പരം സ്നേഹിച്ച അവർ നന്നേ ചെറുപ്പത്തിലേ ഒളിച്ചോടി കല്യാണം കഴിച്ചി രുന്നു… ഒന്നും ഇല്ലാത്ത ഇടതു നിന്ന് തുടങ്ങി ഇന്ന് വളർന്നു പന്തലിച്ചു കിടക്കുന്ന P. A groups & companies അയാൾ തന്റെ പ്രിയതമയ്ക്ക് വേണ്ടി തുടങ്ങിയതാണ് .. ഒരു വലിയ വീട്ടിൽ ജനിച്ച് വളർന്ന അവളെ ഒരു രാകഞിയെ പോലെ നോക്കണം എന്ന അയാളുടെ വാശി ആയിരുന്നു ..

എന്തിനും ഏതിനും അയാൾക്ക് പ്രീതി വേണമായിരുന്നു…അവർ തമ്മിൽ ഉള്ള സ്നേഹം ദൈവത്തിന് പോലും അസൂയ ഉണ്ടാക്കും എന്ന് പലരും ഉറക്കെയും പതുക്കെയും പറഞ്ഞു…

അവരുടെ സ്നേഹത്തിന്റെ പ്രതീകമായി ഒരു പൊന്നോമനയെ ദൈവം അവർക്ക് നൽകി…

അതിഥി പ്രീതി അശോക്.

അച്ഛന്റെ യും അമ്മയുടെയും അമ്മുകുട്ടി…

അമ്മയെ മുറിച്ചു വച്ചതു പോലെ ആയിരുന്നു അവൾ,, സുന്ദരി,, സ്വഭാവവും അത് പോലെ തന്നെ,, ഒരു പാവം ..ഒരിത്തിരി സ്നേഹം കൊടുത്താൽ ഒരു കുന്നോളം സ്നേഹം തിരിച്ച് തരും ..

പ്രീതി മരിച്ചതിനു ശേഷം പലരും വീണ്ടും ഒരു കല്യാണത്തിന് നിർബന്ധിച്ചെങ്കിലും ചെയ്തില്ല.. പ്രീതിക്ക് പകരം മറ്റൊരാൾ…അത് അയാൾക്ക് കഴിയില്ലായിരുന്നു, പിന്നെ അമ്മു, വരുന്ന ആള് അവളെ സ്വീകരിക്കുമോ, അവൾക്ക് അവരെ ഇഷ്ടമാകില്ലേ,, ഈ വിചാരങ്ങൾ അയാളെ ആ തീരുമാനത്തിൽ നിന്ന് പിന്തിരിപ്പിച്ചു…

സോഫയിൽ നിന്നെഴുനേറ്റു അടുക്കളയിലേക്ക് നടക്കുന്നതിനിടയിൽ അയാൾ ആ ഫോട്ടോയിൽ ഒന്ന് തഴുകി ..

അടുക്കള കവാടത്തിന് കുറുകെ നിന്ന് അയാൾ അകത്തേക്ക് നോക്കി ..

ഒരു സാധാ മാക്സി ഉടുത്ത് ഓരോ പണി ചെയ്യുന്ന തന്റെ മകൾ ..

ആ വലിയ വീട്ടിൽ അവർ രണ്ടുപേര് മാത്രമേ താമസിക്കുന്നുണ്ടായിരുന്നുള്ളൂ .. പണിക്കാരെ വെക്കാം എന്ന് പറഞ്ഞാൽ അവൾ സമ്മതിക്കില്ല ..

മുകളിലെ ഷെൽഫിൽ നിന്ന് എന്തോ സാദനം എടുത്ത് തിരിഞ്ഞ അവൾ കണ്ടു എന്തോ ആലോചിച്ചു കൊണ്ട് തന്നെ തന്നെ നോക്കി നിലക്കുന്ന അച്ഛനെ ..

“എന്താ അച്ഛാ ..? .. എന്തെലും വേണോ ? ..”

പെട്ടെന്ന് അവൾ വിളിച്ചത് കേട്ട് ആലോചനയിൽ മുഴുകിയ അയാൾ ഞെട്ടി..

“എന്തൊ കാര്യം ആയ ആലോചനയിൽ ആണല്ലോ .. എന്താണ് ?..”

കണ്ണ്മിഴിച്ച് തന്നെ നോക്കി നിൽക്കുന്ന അച്ഛനെ നോക്കി അവൾ ചോദിച്ചു ..

“എഹ് .. ഒന്നുല്ലാ .. മറ്റെ .. ഇന്നാൾ വന്ന കൂട്ടര് വിളിച്ചിരുന്നു .. “

അയാൾ തെല്ല് വിഷമത്തോടെ പറഞ്ഞു ..

“എന്ത് പറഞ്ഞു അവർ .. സ്ഥിരം പല്ലവി തന്നെ ആണോ ?..”

തിരിഞ്ഞ് പാത്രത്തിൽ നിന്ന് നുള്ള് ഉപ്പ് എടുത്ത് അടുപ്പത്ത് തളച്ച് കൊണ്ടിരിക്കുന്ന കറിയിലേക്ക് ഇട്ട് കൊണ്ട് അവൾ ചോദിച്ചു ..

അതിന് അയാൾ “മമ് “ എന്ന് മൂളുക മാത്രം ആണ് ചെയ്തത് ..

തിളച്ചു കൊണ്ടിരിക്കുന്ന കറി തവി കൊണ്ട് ഇളക്കുന്നതിനിടെ അവൾ അച്ഛനെ തിരിഞ്ഞ് നോക്കി ..

വിഷമിച്ച് തല താഴ്ത്തി നിൽക്കുന്ന അയാളെ കണ്ട് അവളുടെ ഉള്ളം നൊന്തു ..

ഇളക്കൽ നിർത്തി അവൾ തവി സൈഡിൽ വച്ച് ഗ്യാസ് നാളം കുറച്ച് അയാളുടെ അടുത്തേക്ക് നടന്നു ..

“അതിന് അച്ഛൻ എന്തിനാ വിഷമിക്കുന്നത് .. നമ്മൾ ഇത് ആദ്യം ആയിട്ടോന്നും അല്ലാലോ കേൾക്കുന്നത് ..”

അയാളുടെ കുനിഞ്ഞ തല ചൂണ്ടുവിരല് കൊണ്ട് ഉയർത്തി കൊണ്ട് അവൾ പറഞ്ഞു ..