അഹം 3

Aham Part 3 | Author : Naima

[ Previous Part ] [ www.kambi.pw ]

വില്ലേജ് ഓഫീസറെ കണ്ടതും ഞാൻ ഒന്ന് ഞെട്ടി .അതെ , അയാള് തന്നെ. ദൈവമേ ഏത് സമയത്താണോ അന്ന് അയാളെ കയറി തെറി വിളിക്കാൻ തോന്നിയത് .

“ബിജു സാറേ…ഇതാ ഞാൻ പറഞ്ഞ ഹരി ” ജോണി ചേട്ടൻ പുള്ളിയോട് എന്നെ നോക്കികൊണ്ട് പറഞ്ഞു .

“ആഹ് …ഹരി …ഇരിക്ക് ഇരിക്ക് ” പുള്ളി ഞങ്ങളെ ഒന്ന് നോക്കികൊണ്ട് പറഞ്ഞു .ശേഷം മുന്നിലിരിക്കുന്ന ഫയൽ മറിച്ചു നോക്കികൊണ്ട് എന്തൊക്കെയോ കുത്തി കുറിക്കുകയാണ് .

എന്നെ കണ്ടിട്ട് അയാൾക്ക് ഭാവ മാറ്റം ഒന്നും തന്നെയില്ല .എന്നെ ഇനി മനസിലായില്ലേ ? അങ്ങനെ വരാൻ വഴിയില്ലല്ലോ …രണ്ടു ദിവസമല്ലേ ആയുള്ളൂ .ഞാൻ ജോണി ചേട്ടനോടൊപ്പം മുന്നിലെ കസേരയിൽ ഇരുന്നു .മുന്നിൽ , ഡെസ്കിൽ ബിജു ജോസഫ് എന്ന നെയിം ബോർഡ് .ഒരു നാൽപതു വയസ്സ് തോന്നിക്കുന്ന കട്ടി മീശയുള്ള അൽപ്പം മുടി നരച്ച നിസ്സംഗ ഭാവത്തോടെ ഇരിക്കുന്ന ബിജു സാറിനെ ഞാൻ ഒന്നൂടെ സൂക്ഷിച്ചു നോക്കി .അയാൾ എന്നെ ഗൗനിക്കുന്നു പോലുമില്ല .

“ഹാ ജോണി ..ഈ പയ്യന്റെ അച്ഛന്റെ പറമ്പിന്റെ കരമടച്ച രസീത് അല്ലെ ?” ഇടയ്ക്ക് തല ഉയർത്തി നോക്കാതെ ബിജു സാർ ചോദിച്ചു .

“അതെ സാറേ ..”

“കച്ചോടം ആവാറായോ ” ബിജു സാർ വീണ്ടും ഫയൽ മറിച്ചുകൊണ്ടേയിരുന്നു

“ഉവ്വ് …നമ്മുടെ അവറാച്ചൻ സാർ എടുത്തോളാം എന്ന് പറഞ്ഞിട്ടുണ്ട് .ഈ പേപ്പർ കൂടി കിട്ടിയിരുന്നേൽ ” മറുപടിയെല്ലാം ജോണി ചേട്ടൻ തന്നെയാണ് പറഞ്ഞത് .
“പിന്നെന്തിനാ വൈകിപ്പിക്കുന്നേ ? അപേക്ഷ വച്ചിട്ടില്ലേ ? നാളെ തന്നെ രസീത് തന്നേക്കാം ..കച്ചോടം ഉഷാറാവട്ടെ ” ബിജു സാർ എന്നെയും ജോണി ചേട്ടനെയും മാറി മാറി നോക്കി ഒരു പുഞ്ചിരിയോടെ ചോദിച്ചു .

എനിക്ക് വിശ്വസിക്കാനായില്ല .ജോണി ചേട്ടൻ ആവട്ടെ സന്തോഷം കൊണ്ട് ചിരിച്ചു “സാറേ …ഹരി കാണേണ്ട പോലെ കണ്ടോളാം എന്ന് പറഞ്ഞിട്ടുണ്ട് ..അല്ലെ ഹരി ?” ജോണി ചേട്ടൻ എന്നെ നോക്കികൊണ്ട് ചോദിച്ചു . ഞാൻ അതെ എന്ന് തലയാട്ടി .അപ്പോളും എന്റെ ഹൃദയമിടിപ്പ് നേരെയായിട്ടുണ്ടായിരുന്നില്ല .

“അയ്യേ ഈ ചെറിയ കേസിനൊക്കെ അതിന്റെ ആവശ്യമൊന്നുമില്ലടോ ജോണി “ബിജു സാറ് ഫയൽ മടക്കി വച്ചുകൊണ്ട് ഞങ്ങളെ പിന്നെയും നോക്കി “എടൊ എല്ലാ സർക്കാർ ജോലിക്കാരും കൈക്കൂലിക്കാർ ഒന്നുമല്ലടോ “എന്ന് പറഞ്ഞുകൊണ്ട് ബിജു സാർ ഒന്ന് ചിരിച്ചു ” നാളെ രാവിലെ വന്ന് ക്ലാർക്കിനെ കണ്ട് ഫയൽ വാങ്ങിച്ചോ ” എന്നും പറഞ്ഞു ബിജു സാർ അടുത്ത ഫയൽ എടുത്ത് മറിക്കാൻ തുടങ്ങി .

“വളരെ സന്തോഷം “എന്ന് പറഞ്ഞു ജോണി ചേട്ടൻ ഇറങ്ങി കൂടെ ഞാനും .എനിക്ക് ഈ സംഭവിച്ചതൊന്നും വിശ്വസിക്കാനായില്ല .എന്താ ഇപ്പൊ ഉണ്ടായേ …അയാൾക്ക് എന്നെ മനസിലായില്ലേ ? അതോ അയാള് ആ സംഭവം അപ്പോളെ വിട്ടോ ? റൂമിൽ നിന്ന് പുറത്തേക്കുള്ള വാതിൽ അടയ്ക്കും മുന്നേ ഞാൻ ഒന്നുകൂടി ബിജു സാറിനെ നോക്കി .ഇല്ല പുള്ളി ഞങ്ങളെ നോക്കുന്നതുപോലുമില്ല ഫയലിൽ തന്നെ നോക്കി എന്തോ വായിക്കുന്നു .

“ഓഹ് അപ്പൊ മോനെ വക്കച്ചനോട് ഞാൻ രെജിസ്ട്രേഷൻ കാര്യങ്ങൾ നീക്കിക്കൊള്ളാൻ പറയട്ടെ ? ഇനിയിപ്പോ എല്ലാം ഓക്കെ അല്ലെ .നാളെ പേപ്പർ കിട്ടിയാൽ നേരെ അങ്ങേർക്ക് ഒരു കോപ്പി അങ്ങ് കൊടുത്തേക്കാം ” നടന്നതൊന്നും വിശ്വസിക്കാനാവാതെ കിളി പോയി നിൽക്കുന്ന എന്നെ നോക്കി ജോണി ചേട്ടൻ ചോദിച്ചു . ആയിക്കോട്ടെ എന്ന രീതിയിൽ ഞാൻ തലയാട്ടി .

ഹി ഹി ഇത്രയേ ഉള്ളു കാര്യം .വെറുതെ ആ പാവം ഓഫീസറെ ഞാൻ അന്ന് തെറി വിളിച്ചു .വീട്ടിലെത്തിയ ശേഷമാണ് എനിക്ക് എല്ലാം ശരിയായി എന്ന ബോധമുണ്ടായത് . അന്ന് പകല് മുഴുവൻ എനിക്ക് വല്ലാത്ത സമാധാനമായിരുന്നു .ഇനി അതികം ദിവസം എനിക്ക് ഇവിടെ നിക്കണ്ടല്ലോ .യൂകെ പോവാനുള്ള കാര്യങ്ങൾ എത്രയും പെട്ടെന്ന് തുടങ്ങുകയും ചെയ്യാം !

“ഇനി നിന്റെ ഈ ചോറും ചായയും അധിക ദിവസം വേണ്ടി വരില്ല “വൈകീട്ട് ഒരു പാത്രത്തിൽ ഭക്ഷണവുമായി വന്ന പാത്തുവിനെ നോക്കി ഞാൻ പറഞ്ഞു .