ഹേമലത എന്റെ മേമ 3

Hemalatha Ente Mema Part 3 | Author : Karnan

[ Previous Part ] [ www.kambi.pw ]

---

 

ലാൽ എന്ന മന്ത്രികന് മുന്നിൽ ശിരസ് നമിച്ചു കൊണ്ട്….

കർണ്ണൻ 🙏..

“മേമ കാര്യവായിട്ടു പറഞ്ഞതാണോ എന്നോട് പൊയ്ക്കോളാൻ”..!!!!

എന്റെ ചോദ്യം കേട്ട് ആ കണ്ണുകൾ ഒന്ന് പിടഞ്ഞു ഉയർന്നു.പെട്ടെന്ന് അങ്ങനെ പറഞ്ഞു പോയത് അബദ്ധമായോ എന്നൊരു വിഭ്രാന്തി അവരിൽ നിഴലിച്ചു…..എന്തോ പറയാൻ ശ്രെമിച്ചിട്ടു പറ്റാത്ത പോലെ ആ ചുണ്ടുകൾ വിറച്ചു നിന്നു……!

മേമയ്ക് ഞാൻ പോകുന്നതാണ് നല്ലത് എങ്കിൽ ഞാൻ പോയേക്കാം…..!

പൊടുന്നനെ ഞാൻ അവരെ കടന്നു കൊണ്ട് വേഗത്തിൽ നടന്നു….പിന്നിൽ എന്താ സംഭവിക്കുന്നത് എന്നറിയാത്തതിനാൽ ഒരു തിരിച്ചു വിളി പ്രതീക്ഷിച്ചു ഞാൻ അല്പം വേഗത കുറച്ചു…..!

“കണ്ണാ നില്ക്ക്”..!!!!

പ്രതീക്ഷ തെറ്റിയില്ല. ഒരു ആന്തലോടെയുള്ള മേമയുടെ വിളി കേട്ടു ഞാൻ സഡൻ ബ്രെക്കിട്ട പോലെ നിന്നു….!

അവർ മെല്ലെ എന്റെ അരികിലെത്തി. ആ മിഴികൾ താഴ്ന്നിരുന്നു…..!

“ഇന്നലെ രാത്രിയിൽ കണ്ടില്ലേ.അയാളാണിവിടെ മുൻപ് തൊഴുത്തിലെ കാര്യങ്ങളൊക്കെ നോക്കിയിരുന്നത്.പക്ഷെ കഴിഞ്ഞ ആഴ്ച എനിയ്ക്കായാളെ പറഞ്ഞു വിടേണ്ടി വന്നു.പിന്നെ എന്നും രാത്രിയിൽ ഇവിടെ വന്നു ഇന്നലെ കണ്ടില്ലേ അത് പോലെ”..!!!!

മേമ ഒരു നിമിഷം ഒന്ന് ഇടറിപോയി. ശബ്ദം ഒന്ന് ശെരിയാക്കാൻ മെല്ലെ ഒന്ന് മുരടനക്കി.
രാത്രിയിൽ കുടിച്ചു പൂസായി വന്നു തെറി വിളിച്ച ആളെ എനിക്കൊർമ്മ വന്നു…..!

“സ്റ്റേഷനിൽ പരാതി കൊടുത്തിരുന്നു. അയാളുടെ ഭാര്യ ഒരു പാവമാ. ഒരു ക്യാൻസർ രോഗി. അവരെന്റെ കാലു പിടിച്ചു പറഞ്ഞപ്പോ മനസലിഞ്ഞു ഞാൻ പരാതി പിൻവലിച്ചു.പക്ഷെ അയാൾ നിർത്തിയില്ല എന്നും വരും രാത്രിയിൽ”..!!!!

മേമ മുഖമുയർത്തി എന്നെ നോക്കി…!

“അയാളുടെ തൊണ്ട കഴയ്ക്കുന്ന വരെയല്ലേ. പറഞ്ഞോട്ടെ. എനിക്ക് കുഴപ്പമില്ല. പക്ഷെ ഒരാൾ കൂടെ ഒപ്പമുണ്ടെങ്കിൽ. വേറൊന്നിനുവല്ല ഒരു ധൈര്യത്തിന് അത്രേ വേണ്ടു”..!!!!

ഇനിയെന്താണ് പറയേണ്ടതെന്നറിയാതെ അവരെന്നിൽ നിന്നും നോട്ടം മാറ്റി കളഞ്ഞു.
അവിടൊരു നിശബ്ദത അപ്പൊ ഒട്ടും യോജിക്കുന്നതല്ല എന്നെനിക്കു തോന്നി.അവർ പറഞ്ഞു കഴിഞ്ഞു. ഇനി പറയേണ്ടത് ഞാനാണ്. അതാണവർ പ്രതീക്ഷിക്കുന്നതും…..!

എന്താണ് പറയേണ്ടത് എന്നറിയാം പക്ഷെ എങ്ങനെയാണു പറയേണ്ടത് എന്നാണ് ഞാൻ പിന്നെ ചിന്തിച്ചത്……!

“മേമേ”..!!!!

ചെറിയൊരു തമാശ ഒപ്പിക്കാമെന്ന രീതിയിൽ ഞാനല്പം നാടകീയമായാണ് വിളിച്ചത്….!

“ഇയർ ഫോൺ വർക്ക്‌ ആവാത്ത അമ്മാമ. വൈറസ് കയറിയ സി പി യു പോലെ സ്ലോ ആയ അമ്മച്ചൻ. പച്ച പുല്ലേതാ വൈക്കോൽ ഏതാ എന്ന് തിരിച്ചറിയാൻ കഴിയാത്ത കുറെ പാവം പശുക്കൾ. പിന്നെ ആട്ടിൻ കുട്ടിയുടെ മനസ്സുള്ള മേമ”..!!!!

ഞാൻ മെല്ലെയൊന്നു നിർത്തി അവരുടെ മുഖത്തേയ്ക്ക് നോക്കാതെ കള്ള ദൃഷ്ടി കൊണ്ട് ആ ഭാവം ഒന്ന് നോക്കി.
കിളി പോയോരാളെ നോക്കുന്ന പോലെയാണ് അവരെന്നെ നോക്കുന്നത്….!

ഇവനിതെന്തൊക്കെയാണ് പറയുന്നതെന്ന് അമ്പരപ്പും ആശ്ചര്യവും നിറഞ്ഞ ഭാവം.
യെസ് സംഗതി വർക്ക്‌ ചെയ്യുന്നുണ്ട്…..!

“മേമ പേടിക്കണ്ട. മന്ദ ബുദ്ധികളായ കുഞ്ഞുങ്ങളെ നോക്കുന്ന പോലെ നിങ്ങളെ സംരക്ഷിച്ചു കൊള്ളാമെന്നു ഞാൻ അമ്മയ്ക്ക് വാക്ക് കൊടുത്തതാണ്. പെറ്റമ്മയ്ക്കു കൊടുത്ത വാക്കും ജിയോ ഫോണിലെ സിമും ഒരുപോലെയാണ് മാറ്റാൻ പാടില്ല. സൊ ഞാനിവിടെ തന്നെ കാണും. ഒരടി കൂടി നടന്നിട്ട് മേമ വിളിച്ചില്ല എങ്കിൽ ഞാനായിട്ട് വന്നു പറഞ്ഞേനെ പോകുന്നില്ലെന്നു”..!!!!

സത്യനെ അനുസരിച്ച ബിനു അടിമാലിയെ പോലെ മേമയുടെ പ്രതികരണമറിയാൻ ഞാൻ കൺ കോണിലൂടെ നോക്കി…..!

എനിക്ക് നിങ്ങളെ മനസ്സിലാകുന്നില്ല മിസ്റ്റർ എന്ന ഭാവത്തിൽ താടിക്ക് കൈ കൊടുത്തു നിൽക്കുന്ന മേമയുടെ മുഖത്ത് ചെറിയ ഒരു ചിരി വിരിഞ്ഞു……!

സംഗതി ഏറ്റെന്ന് മനസ്സിലായതും ധൈര്യപൂർവം ഞാനാ മുഖത്തേയ്ക്ക് നോക്കി
ഒരൊറ്റ ചിരിയും ഓങ്ങിയൊരു അടിയുമായിരുന്നു എന്റെ തോളിൽ. അടി കുറച്ചു വേദനിച്ചു എങ്കിലും അവരുടെ ചിരി അതിനെ മായ്ച്ചു കളഞ്ഞു……!