കാതങ്ങൾ തോറുമേ 2 💙
Kathangal Thorume Part 2 | Author : Batman
[ Previous Part ] [ www.kambi.pw ]
എറണാകുളത്തെ കോളേജിൽ അവൾക്ക് സീറ്റ് കിട്ടിയിട്ടും അത് വേണ്ടേന്നുവച്ചു മീര ഇങ്ങോട്ടേക്ക് വരാൻ കാരണം അവളുടെ അമ്മച്ചിയാണ്
അതോ അപ്പനോ??
വീട്ടുകാർ നന്നായിട്ട് ആലോചിച്ചു തന്നെയാണ്. ക്ലാരെയേ തോമസിനെ കൊണ്ട് കെട്ടിച്ചത്. തോമസ് സ്വന്തമായി രണ്ടുമൂന്ന് ഫർനീച്ചർ കട നടത്തുന്നു. പേരുകേട്ട കുടുംബവും.
കല്യാണം കഴിഞ്ഞു തോമസിന്റെ വീട്ടിലേക്ക് കൊണ്ടുവന്നതിന്റെ അന്ന് രാത്രി ക്ലാരക്ക് മനസിലായി തോമസിന് ഒരു ഹിന്ദു പെൺകുട്ടിയുമായി സ്നേഹത്തിലായിരുന്നു അവളെ മറക്കാൻ പറ്റില്ലെന്നും.
അപ്പൻ നിർബന്ധിച്ചിട്ടാണ് ക്ലാരയെ കെട്ടിയ്തെന്നും. പക്ഷെ അവളുടെ സ്നേഹവും അനുകമ്പയിലും ക്ലാര തോമസിനെ മാറ്റിയെടുത്തു. വൃന്ദയെക്കാൾ തന്നെ സ്നേഹം കൊണ്ട് ക്ലാര സ്വാധീനിച്ചെന്നും തോന്നിയ തോമസ് അവളെ തിരികെ സ്നേഹിക്കാൻ തുടങ്ങി.
ആ സ്നേഹത്തിന്റെ ഫലമായി മീര ജനിച്ചു. മീരക്ക് ഒരു നല്ല അപ്പനായി ക്ലാരക്ക് ഒരു നല്ല സുഹൃത്തായി തോമസ് ജീവിച്ചു.
മീര അന്ന് ഏഴാം ക്ലാസ്സിൽ പരീക്ഷ എഴുതിനിൽക്കുന്ന സമയം. രാവിലെ അപ്പന്റെ ഉറക്കെയുള്ള സംസാരവും എന്തോ എറിഞ്ഞു ഉടക്കുന്ന ശബ്ദവും.
മീര വേഗം വാതിൽ തുറന്ന് പുറത്തേക്ക് ഇറങ്ങി. അപ്പോഴേക്കും അപ്പൻ ഇറങ്ങിയിരുന്നു. അമ്മച്ചിയെ നോക്കിയപ്പോൾ മേശയിൽ തല വച്ചു കരയുന്നു.
അന്ന് മീരക്ക് അത് മനസിലായില്ല. അമ്മച്ചി അവളെ ഒന്നുമറിയിക്കാതെ വളർത്തി.അപ്പൻ പിന്നെ വീട്ടിലേക്ക് പല രാത്രികളിലും വരാതെയായി. ഒട്ടുമിക്ക ദിവസവും മീര അമ്മച്ചിയെ കാണുമ്പോൾ കണ്ണൊക്കെ തടിച്ചു നീര് വന്നപോലെയായി.
എന്നപറ്റി അമ്മച്ചിയെന്നു ചോദിക്കുമ്പോൾ ഒന്നുമില്ലെന്ന് പറഞ്ഞു അമ്മച്ചി ഒഴിഞ്ഞുമാറുമായിരുന്നു. മീര അന്ന് പ്ലസ്ടുവിൽ പഠിക്കുന്നു. ക്ലാസ്സ് കഴിഞ്ഞു വീട്ടിലേക്ക് വന്നപ്പോൾ അപ്പൻ സോഫയിൽ ഇരുന്നു മദ്യപിക്കുന്നു. മീര അയാളെ പേടിയോടെ നോക്കിക്കൊണ്ട് അമ്മച്ചിയുടെ അടുത്തേക്ക് പോയി.
അമ്മച്ചി അടുക്കളയിൽ കസേരയിൽ കരഞ്ഞു തളർന്നു ഇരിക്കുന്നു.
മീര :- എന്നാ അമ്മച്ചി.. എന്നതിന കരയുന്നെ? അപ്പൻ എന്തേലും പറഞ്ഞോ?
ക്ലാര :- മോള് എപ്പളാ വന്നേ.. എക്സാം എങ്ങനെ ഉണ്ടായിരുന്നു?
മീര :- നന്നായിട്ട് എഴുതി.ഇത് പറ എന്നാത്തിന കരയണേ?
ക്ലാര വിതുമ്പിക്കൊണ്ട് മീരയെ കെട്ടിപിടിച്ചു കരഞ്ഞു.
.
FLASHBACK :
പാതി കുടിച്ചു തീർത്ത ഒരു കുപ്പിയുമായി തോമസ് വീട്ടിലേക്ക് കയറി വന്നു. ക്ലാര അപ്പോൾ സോഫയിലിരുന്നു ടീവി കാണുന്നു. പതിവില്ലാതെ ഈ നേരത്ത് അതും ബോധമില്ലാതെ വീട്ടിലേക്ക് വരുന്ന തോമസിനെ കണ്ട് അന്ധളിച്ചു നിന്നു ക്ലാര.
തോമസ് വന്നു സോഫയിലേക്ക് മറിഞ്ഞുവീണു. ക്ലാര വേഗം സോഫയിൽ നിന്നും എഴുനേറ്റു. ചുവന്ന് കലങ്ങിയ കണ്ണുമായി തോമസ് അവളെ നോക്കി.
തോമസ് :- നാളെ മുതൽ വൃന്ദയും ഇവിടെ താമസിക്കും നിനക്ക് സൗകര്യമുണ്ടെങ്കിൽ മാത്രം ഇവിടെ നിന്നാൽ മതി.
ക്ലാരക്ക് അത് പെട്ടന്ന് മനസിലായില്ല. കേട്ടത് ശെരിയാണോ എന്ന് അറിയാൻ അയാളെ ഒന്ന് നോക്കി.
തോമസ് :- എന്നതാടി നോക്കുന്നെ.. നാളെമുതൽ വൃന്ദ എന്റെ കൂടെ ഇവിടെ കാണുമെന്ന്.. മനസ്സിലായോ..
അവളുടെ തലയിൽ കൂടം കൊണ്ട് അടിച്ച പോലെ പ്രഹരം. ക്ലാരക്ക് തല കറങ്ങിപോയി. അയാൾ നാളെ അവളെയും കൂട്ടി ഇങ്ങോട്ടുവരുമെന്ന്.
ക്ലാര :- പറ്റത്തില്ല..!!! ഞാൻ ജീവിച്ചിരിക്കുമ്പോൾ അവളെ ഈ പടി കേറ്റത്തില്ല..നിങ്ങൾക്ക് എന്തിന്റെ കുറവാ ഞാൻ വരുത്തിയത്.. ഏഹ്? എന്നെ കുറിച് ഓർക്കേണ്ട.. നമ്മടെ കൊച്ചിനെ കുറിച് ഓർത്തോ നിങ്ങൾ..??
തോമസ് :- അവളും അവളുടെ മോളും ഇറങ്ങി പൊക്കോണം എല്ലാം ഇവിടുന്ന്.. ഇതേ ഞാൻ കഷ്ടപ്പെട്ട് ഉണ്ടാക്കിയ വീടാ.. ഇവിടെ എനിക്ക് ഇഷ്ടമുള്ള പോലെ ജീവിച്ചാമതി അല്ലേൽ ഇറങ്ങിക്കോണം എല്ലാം…
ക്ലാര :- ഇച്ചായ.. നിങ്ങൾ എന്നതാ ഈ പറയുന്നേ.. ഞാനും കൊച്ചും നിങ്ങൾക്ക് ആരുമല്ല..? അവളെ ഇവിടെ നിർത്തിയാൽ എന്റെ കൊച്ചിന്റെ ഭാവി എന്താകും.. കുടിച് ബോധമില്ലാതെ ഇങ്ങനെ വായിൽ തോന്നിയത് പറയരുത്..