‘അയ്യോ.. സത്യമാണ് ചേച്ചി.. വാതിൽ തുറന്നപ്പോ എന്റെ സൗന്ദര്യത്തിൽ മതിമറന്ന് എന്നേ വായ്നോക്കി നിൽക്കുവാ..ഞാൻ അത്രയ്ക്ക് സുന്ദരി ആണോ ചേച്ചീ??..’ മുഖത്ത് ക്യൂട്ട്നെസ്സ് വാരി വിതറി കൊണ്ട് അവൾ ചോദിച്ചു.
‘ഒന്ന് പോ പെണ്ണെ.. ഒരു സുന്ദരികോത വന്നിരിക്കുന്നു.’ പാർവതി അവളെ പുച്ഛിച്ചു വിട്ടു.
‘ആ.. രോഹൻ.. ഇവളെ കുറിച്ച് ഞാൻ പറയാൻ മറന്നു. ഷിജുവേട്ടന്റെ ചേട്ടന്റെ മോൾ ആണ്.. മീര.. പി ജി ഒക്കെ കഴിഞ്ഞു.. ഇപ്പൊ പ്രത്യേകിച്ച് പണി ഒന്നുമില്ല..’
‘ആര് പറഞ്ഞു പണി ഒന്നുമില്ലെന്ന്. ഞാൻ സ്വന്തമായി ഓൺലൈൻ ബോടിക്ക് നടത്തി വരുമാനം ഉണ്ടാക്കുന്നില്ലേ പിന്നെന്തിനാ വേറെ പണി?’
‘ആ ഉവ്വ.. കോയമ്പത്തൂരിന്ന് തന്തയെ കൊണ്ട് കൊറേ ഡ്രസ്സ് വാങ്ങി അതിൽ എന്തെങ്കിലും കോപ്രായം കാട്ടി വിലകൂട്ടി വിറ്റ് ആളെ പറ്റിക്കുന്ന നീ തന്നെ പറയണം.’
‘ചേച്ചി. ഇറ്റ്സ് നോട് കോപ്രായം.. അതാണ് ഫാഷൻ ഡിസൈനിങ്.’
‘ആ.. ഇനി അങ്ങനെ പറഞ്ഞോ… ഇത്ര തിരക്കുള്ള ആൾ എന്താ വിളിച്ച വഴി പറന്നു വന്നല്ലോ..’
‘അത് പിന്നെ.. കൊറേ നാളായി ഊട്ടി ഒക്കെ പോയിട്ട്.. പിന്നെ നിങ്ങൾക്കും ഹെൽപ്പിന് ആളാവാം എന്ന് കരുതി. എന്റെ തക്കുടുവാവകളെ നോക്കാൻ ഞാൻ വേണ്ടേ..’
‘ഓ.. അവറ്റകളെ ഞാനും അമ്മയും കൂടി നോക്കിക്കോളാം.. പിന്നെ സഹായത്തിനു രോഹൻ ഉണ്ടല്ലോ.. അല്ലേടാ..’
‘ ഓ.. രോഹൻ വന്നപ്പോ നമ്മളെ വേണ്ടാതായി.. നിന്നെ ഞാൻ ശരിയാക്കും രോഹാ..’ അവൾ അവന്റെ അടുത്ത് വന്ന് രണ്ട് കവിളും പിടിച്ചു വലിക്കാൻ തുടങ്ങി..
‘അവനെ വിടെടീ.. ഈ പെണ്ണ്.. പാവം ചെക്കനെ.’
‘മ്മ്.. കാമുകനെ തൊട്ടപ്പോ പ്രാണസഖിക്ക് പൊള്ളിയത് കണ്ടോ.. എനിക്ക് വേണ്ട.. ചേച്ചി തന്നെ എടുത്തോ ഇവനെ.’ അവൾ അവനെ പാർവതിയുടെ നേരെ തള്ളി വിട്ടു. പാർവതി അവനെ വീഴാതെ പിടിച്ചു നിർത്തി.
‘ ഹോ.. ഈ അസത്ത് പെണ്ണ്. ഞാൻ ഇവനെ കുറിച്ച് പറഞ്ഞപ്പോ നല്ല ഉത്സാഹം ആയിരുന്നല്ലോ കാണാൻ ആയിട്ട്. ഇപ്പൊ നേരെ കണ്ടപ്പോ അവൾ വഴക്ക് കൂടാൻ നോക്കുന്നു.’
രോഹൻ അത് കേട്ട് അവളെ നോക്കി.. അവന്റെ നോട്ടം നേരിടാൻ പറ്റാതെ അവൾ തല കുനിച്ചു.
‘കേട്ടോ രോഹൻ.. ഇവളെ നിന്നെ കൊണ്ട് കെട്ടിച്ചാലോ എന്നാ ഞങ്ങൾ ആലോചിക്കുന്നേ… ഇവൾ കൊറേ നാളായി കല്യാണം വേണ്ട എന്നൊക്കെ പറഞ്ഞു നടക്കുന്നു നിന്നെ പോലെ.. അപ്പൊ രണ്ടും നല്ല മാച്ച് ആകുമല്ലോ എന്ന് ഞങ്ങൾ ഓർത്തു.. നിന്റെ കാര്യം പറഞ്ഞപ്പോ തൊട്ട് ഇവൾക്ക് നിന്നെ കാണാൻ ആഗ്രഹം ഉണ്ട്. എന്നിട്ട് ഇപ്പൊ ഭയങ്കര ജാഡ.’
‘അയ്യേ.. ഈ ചേച്ചി.. ഒക്കെ വെറുതെ പറയുവാ രോഹൻ. ഞാൻ വെറുതെ അന്വേഷിച്ചു എന്നേ ഉള്ളു.’
ഇതെല്ലാം കേട്ട് ആകെ പകച്ചു പണ്ടാരം അടങ്ങി നിൽക്കുവായിരുന്നു രോഹൻ..
‘ നിങ്ങൾ എന്തൊക്കെയാ പറയുന്നേ..’
‘ആ. നീ ഇതൊന്നും കാര്യമാക്കണ്ട.. വാ നമുക്ക് കഴിക്കാം.. ഏട്ടൻ ഇപ്പൊ എത്തും.’
‘പിള്ളേർ എവിടെ കണ്ടില്ലല്ലോ..’
‘അവർ ഉറങ്ങുവാ. അമ്മയുടെ ഒപ്പം ഉണ്ട്.. നീ വാടീ കഴിക്കാൻ എടുത്ത് വയ്ക്ക്..’
‘ഓ.. രോഹൻ ഇവിടെ ഇരി.. നമുക്ക് പിന്നെ സംസാരിക്കാം.. എന്റെ ഭാവി ഭർത്താവല്ലേ.. കൊറേ കാര്യങ്ങൾ ചോദിക്കാൻ ഉണ്ട്.. അല്ലെ ചേച്ചി.’
‘ദേ പെണ്ണെ. കൊറേ നേരമായി ക്ഷമിക്കുന്നു ഞാൻ.. ഒന്ന് നോക്കി നിന്നെന്ന് കരുതി നീ എന്റെ തലയിൽ കേറി നിരങ്ങുവാണോടീ..’ രോഹൻ മീരയുടെ ചെവിക്ക് പിടിച്ചു കൊണ്ട് പറഞ്ഞു.
‘ഹാ.. വിടെടാ. വിടെടാ പട്ടി..’ അവൾ അവന്റെ കയ്യിൽ കടിച്ചു. പിടി വിട്ടപ്പോ അവൾ അടുക്കളയിലോട്ട് ഓടി.
‘ഹൌ.. എൻെറ കൈ.. നിന്നെ എന്റെ കയ്യിൽ കിട്ടുമെടീ..’
‘ഓഹ്.. അതപ്പോ കാണാം.’ അവളും വിട്ട് കൊടുത്തില്ല.
‘രണ്ടും കൂടി തുടങ്ങി.. ഈ കീരിയും പാമ്പും പോലെ ഉള്ള രണ്ടിനേം ആണോ ദൈവമേ ഞങ്ങൾ കെട്ടിക്കാൻ പ്ലാൻ ചെയ്തത്.’ പാർവതി മുകളിലേക്കു നോക്കി പറഞ്ഞു.
‘ആ ബെസ്റ്റ്.. നിനക്ക് വേറെ പണി ഇല്ലേ.. ഞാൻ സ്വസ്ഥമായി ജീവിക്കുന്നത് കണ്ടിട്ട് സഹിക്കുന്നില്ലല്ലേ.. എനിക്ക് കല്യാണം ഒന്നും വേണ്ട.’