അപ്പോഴാണ് അവൾ അതിനെ കുറിച്ച് ചിന്തിച്ചത്. എന്നിട്ട് പറഞ്ഞു.
“അത് ശരിയാണല്ലോ..? എങ്ങനെ ഇറങ്ങും..”
അപ്പോൾ മുത്ത് വീണ്ടും വിളിച്ചു പറഞ്ഞു.
“എടി പെണ്ണേ എന്റെ ചെക്കനെ മര്യാദയ്ക്ക് താഴെ ഇറക്കിക്കോ.. എന്റെ കുട്ടന് എന്തെങ്കിലും പറ്റിയാൽ നിന്റെ തുടയുടെ തൊലി ഞാൻ ഉരിയും.. വേഗം താഴെ ഇറങ്ങടി.”
അത് കേട്ട് ഫിദ പറഞ്ഞു.
” ഓഹ്! ഈ മുത്തിന്റെ ഒരു കാര്യം. ”
അങ്ങനെ പറഞ്ഞ ശേഷം തല മാത്രം പുറത്തേക്ക് ഇട്ട് ഫിദ മുത്തിനോട് വിളിച്ചു പറഞ്ഞു.
“മുത്ത് നടന്നോ.. ഞങ്ങൾ വന്നേക്കാം..”
“ഫ്ഭ. മിണ്ടാതെ താഴെ ഇറങ്ങിക്കോ നീ അല്ലെങ്കിൽ എന്റെ കൈയിൽ നിന്ന് നീ മേടിക്കും..” അത് കേട്ട് മുത്ത് പറഞ്ഞു
“അയ്യടാ.. മേടിക്കും പോലും. എനിക്ക് ഇപ്പോൾ ചോദിക്കാനും പറയാനും ആള് ഉണ്ട്..ഞാൻ ഇപ്പോഴേ എന്റെ ശ്രീയേട്ടന്റെ കെട്യോൾ ആണ്. ”
” ഫിദേ മര്യാദയ്ക്ക് താഴെ ഉറങ്ങാനാ പറഞ്ഞത്. അവളൊരു കെട്യോൾ വന്നിരിക്കുന്നു. കെട്യോൾ ആണെന്ന് പറഞ്ഞു കെട്യോനെയും കെട്ടിപിടിച്ചു കിടന്നാൽ മാത്രം പോരാ കെട്യോൾ.. അതിന് രാവിലെ എഴുനേറ്റ് കുളിച്ചു അടുക്കളയിൽ കയറണം. കെട്യോന് ഇഷ്ട്ടം ഉള്ളതെല്ലാം ഉണ്ടാക്കി കൊടുക്കണം. കെട്ട്യോന്റെ മനസ്സും വയറും നിറയ്ക്കണം. അല്ലാതെ ഇങ്ങനെ കെട്ടിപ്പിടിച്ചു കിടന്ന് കുട്യോള് ഉണ്ടാകാൻ ഉള്ള ഉദ്യമത്തിൽ പങ്കെടുത്തു ഏത് നേരവും വയറ് വീർപ്പിക്കണം എന്ന് പറഞ്ഞു നടന്നാൽ മാത്രം പോര. ”
അത് കേട്ട് ഫിദ മുത്തിനോട് പറഞ്ഞു.
“അയ്യോ എന്റെ മുത്തേ ഞങ്ങൾ ഇറങ്ങിക്കൊള്ളാം. മുത്ത് ഒന്ന് പോ.”
“ഞാൻ അങ്ങനെ ഇപ്പോൾ പോകുന്നില്ല. രണ്ടും താഴെ ഇറങ്ങിയിട്ടേ ഞാൻ പോകുന്നുള്ളൂ. ”
ഫിദ എന്നെ നോക്കി. എന്നിട്ട് എന്നോട് ചോദിച്ചു.
“ഇനി ഇപ്പോൾ എന്താ ചെയ്യുക. ”
“ആ!! എനിക്കറിയില്ല.”
“ഞാൻ മുകളിലേക്ക് കയറി വരണോ..? അതോ നിങ്ങൾ താഴെ ഇറങ്ങുന്നോ.?”
മുത്ത് വീണ്ടും വിളിച്ചു ചോദിച്ചു.
ഫിദ വീണ്ടും തല പുറത്തേക്ക് ഇട്ട് കൈ കൊണ്ടു തൂണി എന്ന ആക്ഷൻ കാണിച്ചിട്ട് പറഞ്ഞു.
“മുത്തേ… ഇല്ല..”
അത് മനസ്സിലാകാതെ മുത്ത് വീണ്ടും ചോദിച്ചു.
“എന്തോന്ന് ഇല്ലെന്നാടി പറയുന്നേ.? വേഗം ഇറങ്ങിക്കോ.. എന്നേ കൊണ്ട് വെറുതെ ദേഷ്യം പിടിപ്പിക്കണ്ട”
“എന്റെ മുത്തേ ഞങ്ങൾ തുണി ഒന്നും ഉടുത്തിട്ടില്ലെന്ന്..”
ഫിദ വേറെ വഴിയില്ലാതെ പറഞ്ഞു. മുത്ത് അത് കേട്ട് ചിരിച്ചു. എന്നിട്ട് ചോദിച്ചു.
“ഉടുതുണി ഇല്ലാതെ ആണോടി. രണ്ടും അതിന്റെ മുകളിൽ വലിഞ്ഞു കയറിയത്.. ?”
“മുത്തേ.. സോറി പറ്റിപ്പോയി. ഇനി ഇങ്ങനെ ഉണ്ടാവില്ല.. മുത്ത് പോ ഞങ്ങൾ വന്നോളാം. ദേ എനിക്ക് മുള്ളാൻ മുട്ടുന്നുണ്ട്. ഞാൻ ഇപ്പോൾ മുള്ളിപ്പോകും.” ഫിദ പറഞ്ഞു.
“അവിടെയെങ്ങാനും നീ മുള്ളി വൃത്തികേടാക്കിയാൽ നിന്റെ ചന്തിയിൽ ചട്ടുകം ചൂടാക്കി വെക്കും. അങ്ങനെ ഞാൻ ഇപ്പോൾ പോകുന്നില്ല. നിങ്ങൾ എങ്ങനെ താഴെ ഇറങ്ങും എന്ന് ഞാനൊന്നു നോക്കട്ടെ. ‘
“എന്റെ മുത്തേ. പ്ലീസ് ഒന്ന് പോകു.. ” ഫിദ വീണ്ടും വിളിച്ചു പറഞ്ഞു.
“അങ്ങനെ ഇപ്പൊ പോകുന്നില്ല എന്ന് പറഞ്ഞില്ലേ.? ഇനി ഇമ്മാതിരി ബുദ്ധി തോന്നരുതല്ലോ…. അത് മാത്രമല്ല.
രണ്ടിനെയും കൊച്ചു നാളിൽ ഉടുതുണി തൂണി ഇല്ലാതെ ഞാൻ കണ്ടതാ. പിന്നെ ഇതുവരെ അങ്ങനെ കാണാനുള്ള അവസരം ഉണ്ടായിട്ടില്ല. ഇന്ന് എന്തായാലും അത് അങ്ങ് നടക്കട്ടെ. എന്റെ മക്കള് വളർന്നോ എന്ന് ഞാനും അറിയണമല്ലോ..”
അങ്ങനെ പറഞ്ഞു മുത്ത് ചിരിച്ചു.
ഞാൻ ഫിദയോട് പറഞ്ഞു.
” എടി നീ ഈ പുതപ്പ് മുലക്കച്ച പോലെ കെട്ടിയിട്ട് മെല്ലെ താഴെ ഇറങ്ങ്. എന്നിട്ട് പോയി ഡ്രസ്സ് മാറ്റി. എന്റെ ഡ്രസ്സ് എടുത്തിട്ട് വാ. വെറുതെ മുത്തിനോട് തർക്കിച്ചു നിൽക്കാതെ. പാവം നമ്മളെ കാണാതെ ഒരുപാട് പേടിച്ചിട്ടുണ്ടാകും അതിന്റെ ദേഷ്യം ആണ്. ”