കഥക്ക് നിങ്ങൾ തന്ന സപ്പോർട്ടിന് ഒരുപാടു നന്ദി. ഞാൻ ഒട്ടും തന്നെ പ്രേതീക്ഷിച്ചിരുന്നില്ല ഈ കഥ നിങ്ങൾക്ക് ഇഷ്ടമാകും എന്ന്. നിങ്ങൾ തരുന്ന സപ്പോർട്ട് ആണ് തുടർന്നും കഥകൾ എഴുതുവാനുള്ള പ്രചോദനം.❤️❤️❤️
തുടരുന്നു
കോളേജ് ഗേറ്റ് കടന്നപ്പോൾ ഞാൻ മനസ്സിൽ ഓർത്തു.. നോക്കുമ്പോൾ ഒരു പെൺകുട്ടി കരഞ്ഞു കൊണ്ട് വരുന്നു. കണ്ടാൽ തന്നെ അറിയാം ഒരു പാവം കുട്ടി. പെൺകുട്ടികൾ കരുന്നത് എനിക്കു ഇഷ്ടം അല്ല എന്നിട്ട് കൂടി എന്തോ ഞാൻ അതികം ശ്രെദ്ധിക്കാതെ അകത്തോട്ടു പോയി. എന്തിന് വന്ന ദിവസം തന്നെ ഒരു പ്രശ്നം അല്ലേ. ഞാൻ ബൈക്ക് പാർക്ക് ചെയ്തു. നടന്നതും അടുത്ത് കോൺക്രിറ്റു ബഞ്ചിൽ ഇരിക്കുന്ന 4 പയ്യന്മാർ എന്നെ അങ്ങോട്ട് വിളിച്ചു.. ഞാൻ അത് നോക്കാതെ പിന്നെയും നടന്നു.. അപ്പോൾ അവർ പിന്നെയും വിളിച്ചു.
രണ്ടും കല്പ്പിച്ചു ഞാൻ അങ്ങോട്ട് പോയി.. ദൈവമെ വന്ന അന്ന് തന്നെ tc കിട്ടുമോ എന്ന് മനസ്സിൽ പറഞ്ഞു അങ്ങോട്ട് പോയി
മനസ്സിൽ ഇന്ന് തന്നെ പ്രശ്നങ്ങൾ ഉണ്ടാകരുതേ എന്നാ ഒരു പ്രാർത്ഥനയും..
ഞാൻ അങ്ങോട്ട് ചെന്നതും ഒരുത്തൻ എന്നോട്
“എന്താടാ വിളിച്ചാൽ വരാൻ ഒരു മടി ”
ഞാൻ അവന്റെ മുഖത്തു നോക്കിയതല്ലാതെ ഒന്നും പറയാൻ പോയില്ല. അപ്പോൾ മറ്റൊരുവൻ
“നിന്നോട് ചോദിച്ച കേട്ടില്ലേ ”
“ഓ ഞാൻ പെട്ടന്ന് വിളിച്ചത് ശ്രദ്ധിച്ചില്ല….. എന്താ വിളിച്ചത്.”
ഞാൻ ഒരു ഒഴുക്കാൻ മട്ടിൽ മറുപടി പറഞ്ഞു.
“ഓ നീ കേട്ടില്ല അല്ലേ.. അതെന്താടാ നിന്റെ ചെവിയിൽ…… ഞങ്ങൾ വിളിച്ചത് കേൾക്കാതിരിക്കാൻ…”
“ഞാൻ കേട്ടില്ല. ഞാൻ വേറെ എന്തോ ചിന്തയിൽ ആയിരുന്നു.. എന്തിനാ വിളിച്ചേ”
അവന്മാർ ചൊറിയാൻ ആണ് നിൽക്കുന്നത് എന്ന് അറിയാം എങ്കിലും ഞാൻ വലിയ മുഖഭാവം ഒന്നും ഇല്ലാതെ പറഞ്ഞു.
അവന്മാരെ എല്ലാരേയും കണ്ടാൽ തന്നെ അറിയാം നല്ല ക്യാഷ് ടീം ആണെന്ന്. എല്ലാവരും നല്ല ബ്രാൻഡ് ഡ്രസ്സ് ഒക്കെ ആണ് ഇട്ടിരിക്കുന്നേ…. അതിൽ 3പേർ കാണാൻ വലിയ കുഴപ്പം ഇല്ല മീഡിയം ശരീരവും എല്ലാം. എന്നാൽ എന്നോട് ചോദിച്ചവൻ ആണെന്ന് തോന്നുന്നുനേതാവ്. അവന്റെ ഇത്തിരി സൈസ് ഒക്കെ ഉണ്ട്.. ഏകദേശം എന്നെ കാലും വരും.
:::::::::::::::::::::::::::
“എന്താ നിന്റ പേര് ”
നേതാവ് എന്നോട് ചോദിച്ചു.
” ഞാൻ ഗോകുൽ…. എന്താ നിങ്ങളുടെ ഒക്കെ പേര്.. ”
അവന്മാർ എന്നെ ഒന്ന് നോക്കിയതല്ലാതെ ഒന്നും മിണ്ടിലാ… ഞാൻ പിന്നെ വളരെ കൂൾ ആയി തന്നെ അവിടെ നിന്നു..
അവന്മാർ ഒന്നും പറയുന്നില്ല എന്ന് കണ്ടപ്പോൾ…..
” എന്നാൽ ശെരി.. ഞാൻ പോകുന്നു.. ഫസ്റ്റ് ഡേ ആണ്. അപ്പോൾ ക്ലാസ്സ് ഒക്കെ ഒന്ന് കണ്ടു പിടിക്കണം.. പിന്നെ കാണാം ”
ഞാൻ അങ്ങനെ പറഞ്ഞു അവിടന്ന് പോകാൻ തിരിഞ്ഞത് അവന്മാർ പിന്നെയും വിളിച്ചു……
“നിന്നോട് ഞങ്ങൾ പോകാൻ പറഞ്ഞില്ല… ഞങ്ങൾ പറയുമ്പോൾ നിനക്ക് പോകാം.”
“ഞാൻ പോണം എന്ന് വിചാരിച്ചാൽ പോകും.. അതിന് നിങ്ങൾ പറയണം എന്നില്ല.. നിങ്ങക്ക് പറയാൻ ഉണ്ടേൽ വേഗം പറ ”
“ഓഹോ നിനക്ക് അത്ര അഹങ്കാരമോ…. എന്നാൽ പൊക്കോ.. ഇവന്റെ ഷു കേറ്റികൊടുത്തിട്ടു പൊക്കോ…”
എന്നും പറഞ്ഞു അവന്മാർ ചിരിക്കാൻ തുടങ്ങി.. എനിക്ക് അത് നല്ല ദേഷ്യം വന്നു എങ്കിലും ഞാൻ അത് പുറത്തു കാണിച്ചില്ല. ഞാൻ ചുറ്റും നോക്കിയപ്പോൾ കുറച്ചു കുട്ടികൾ ഞങ്ങളെ തന്നെ നോക്കി നിൽക്കുന്നു..
ആ 4 പേരെയും നോക്കിയപ്പോൾ അവന്മാരും കിടന്നു ചിരിക്കുന്നു.. കൂട്ടത്തിൽ ഒരുത്തൻ അവന്റെ ഷു ലൈസ് അഴിച്ചു കാല് മുന്നോട്ട് നീട്ടി… അത് കണ്ടു ദേഷ്യം വന്നു എങ്കിലും ചിരിച്ചു കൊണ്ട് ഞാൻ പറഞ്ഞു…
“നിങ്ങളുടെ ഒരു ആഗ്രഹം അല്ലേ.. അപ്പോൾ ഞാൻ അത് ചെയ്തില്ലേൽ നിങ്ങള്ക്ക് വിഷമം ആയാലോ.. ഞാൻ കെട്ടിത്തരാം ”
എന്നുപറഞ്ഞു ഞാൻ മുന്നോട്ടു പോയി. അപ്പോഴും അവന്റെ മുഖത്ത് ചിരി ഉണ്ടായിരുന്നു.ഞാൻ അവന്റെ കാലിൽ കൈവച്ച അടുത്ത നിമിഷം ഒരു അലർച്ചയോടെ അവൻ പിടയൻ തുടങ്ങി…. ഉടൻ തന്നെ ഞാൻ കൈ എടുത്ത്.. അവന്റെ കൂട്ടുകാർക്കും അവിടെ നോക്കി നിന്ന എല്ലാവർക്കും ഒരു ഞെട്ടൽ തന്നെ ആയിരുന്നു……