🐝🐝തേനമൃതം – 3🐝🐝 1അടിപൊളി  

“എൻ്റെ മനസ്സിൽ നീ മാത്രമാണ് പെണ്ണേ. നമ്മൾ ഒന്നിച്ചുള്ള കുട്ടിക്കാലവും ഒക്കെ ഓർത്ത് ഞാൻ വേറേതോ ലോകത്തായിരുന്നു” എന്ന് പറയണമെന്ന് ഉണ്ടായിരുന്നെങ്കിലും ഞാനാ ആഗ്രഹം മനസ്സിലൊതുക്കി അവളെ നോക്കി നന്നായി ഒന്നു ചിരിച്ചു. ലച്ചു ഇതിനകം അടുക്കളയിലേക്ക് പോയിരുന്നു.

“ഒന്നൂല്ല. ഞാൻ വെറുതേ.”

“ഉവ്വ ഉവ്വ. നിക്കെല്ലാം മനസ്സിലാവണുണ്ട് ചെക്കാ. വേഗം കുളിച്ചുവാ. ഫുഡ് എടുക്കാം.”

ഞാൻ മെല്ലെ സ്ഥലം വിട്ടു. കുളിച്ച് റെഡി ആയി വന്നു. വേഷം മാറാനായി നനഞ്ഞ തോർത്തഴിച്ചതും ഡോറും തള്ളിത്തുറന്ന് രാധു അകത്തേക്ക് കേറി. ഞാനും അവളും ഒന്നിച്ച് ഞെട്ടി. എനിക്കാണേൽ നൂൽബന്ധമില്ല. അവൾ പെട്ടെന്ന് കണ്ണുപൊത്തി തിരിഞ്ഞുനിന്നു. ഞാനും കൈകൊണ്ട് നാണം മറച്ച് തോർത്തെടുത്തുടുത്തു.

“ശ്ശോ! നിനക്കൊന്ന് കതകിൽ മുട്ടീട്ട് വന്നൂടെ?” ഞാനാകെ ചൂളിപ്പോയി.

“നീന്നോ? ചേച്ചീന്ന് വിളിക്കെടാ ചെക്കാ!”

“ചേച്ചീന്ന്! നിന്നെ! ഇപ്പൊ വിളിക്കാവേ. 😜 ഒന്നുപോയേടി.”

അവളുടെ മുഖത്ത് ഒരു പ്രത്യേക ചിരിയും പ്രകാശവും പരന്നു. അതെന്തിനാണെന്ന് എനിക്ക് മനസ്സിലായില്ല.

“വേഗം വേഷം മാറി വാ ജന്തൂ. അമ്മ വിളിക്കണൂ.”

“ആ..ഞാൻ വരാ.”

അവൾ എന്നോട് ഒരു അധികാര ഭാവത്തിൽ പെരുമാറുന്നതായി എനിക്ക് തോന്നി. വളരെ അടുത്ത ഒരു ബന്ധുവിനോടൊ ഒരു ഭർത്താവിനോടൊ കാമുകനോടൊ ഒക്കെ ഉള്ളത് പോലുള്ള അധികാരം. എങ്കിലും അത് ഞാനിഷ്ടപ്പെട്ടിരുന്നു. പതിനാലു വയസ്സിനു ശേഷം എന്നോട് വലുതായി അടുപ്പം കാണിച്ചിട്ടില്ലാത്തത് മാത്രം എന്നിലൊരു പരിഭവം ഉണ്ടാക്കി. എന്നിരുന്നാലും അവൾ അടുത്തുവരുമ്പോൾ ആ പരിഭവം എല്ലാം എങ്ങോ പോയ്മറഞ്ഞ അവസ്ഥയാണെന്നോർത്ത് ഞാൻ സ്വയം മന്ദഹസിച്ചു.

വേഷം മാറി ഒരു ഷോർട്ട്‌സും ടീഷർട്ടും ധരിച്ച് ഞാൻ താഴേക്ക് ചെന്നു. അടുക്കളയിൽ ലച്ചു പിടിപ്പത് പണിയിലാണ്. സ്ലാബിൾ കുറച്ചുമാറി രാധു ഇരിക്കുന്നുണ്ട്. ഞാൻ വന്നത് കണ്ടതും അവൾ എനിക്കായി അല്പം നീങ്ങി എന്നോട് ഇരിക്കാൻ പറഞ്ഞു. ഞാനും അവളോടൊപ്പം സ്ലാബിലിരുന്നു.

ലച്ചു ഞങ്ങൾ രണ്ടുപേർക്കും ദോശ ചുട്ടുതന്നു. നല്ല മൊരിഞ്ഞ ദോശയും സാമ്പാറും തേങ്ങാ ചട്നിയും. ആഹാ!😌😌 ഞങ്ങൾ ആസ്വദിച്ചു കഴിച്ചു.

കഴിക്കുന്ന സമയം രാധുവിൻ്റെ മുഖത്തു വന്ന ഭാവങ്ങൾ എന്നെ വല്ലാതാകർഷിച്ചു. ഇപ്പോളൊരു ഓമനത്തമൊക്കെ തോന്നുന്നുണ്ട്.

അവളുടെ കവിളിണകളിൽ ചുണ്ടുചേർക്കാൻ അതിയായ ആഗ്രഹം ഉണ്ടായെങ്കിലും ഞാനത് കഷ്ടപ്പെട്ട് അടക്കി. ഞാൻ നോക്കിയിരുന്നതുകണ്ട അവൾ എന്നെ കയ്യോടെ പിടിച്ചു.

എന്നെ നോക്കി പുരികക്കൊടികളുയർത്തിയ അവളെ നോക്കി ഒന്നുമില്ലെന്ന അർത്ഥത്തിൽ ഞാൻ കണ്ണുചിമ്മി. അവൾ തിരിച്ചൊരു പുഞ്ചിരി നൽകി. ഞാൻ നോക്കുന്നതിൽ പരാതിയില്ലെന്ന് പെണ്ണ് പറയാതെ പറഞ്ഞതായി ഞാൻ കണക്കുകൂട്ടി.

മെല്ലെ അവളിൽ നിന്നും ശ്രദ്ധ മാറ്റിയ ഞാൻ കാണുന്നത് എന്നെനോക്കി ആക്കി ചിരിക്കുന്ന ലച്ചുവിനെയാണ്. ഞാൻ ചൂളിപ്പോയി.

മെല്ലെ കഴിച്ചുതീർത്ത് പാത്രം കഴുകാൻ പോയ എൻ്റെകൈയിൽ നിന്നും രാധു പാത്രം തട്ടിപ്പറിച്ചെടുത്തു.

“ഞാൻ കഴുകിക്കോളാം..” അവൾ പറഞ്ഞു.

“വേണ്ട രാധൂ..ഞാൻ കഴുകാം.”

ഞാനവളെ പണ്ടേ “രാധൂ” എന്നുതന്നെ വിളിക്കുന്നതുകൊണ്ട് അത് അവൾക്കൊരു പ്രശ്നം അല്ലായിരുന്നു.

“നിനക്ക് പറഞ്ഞാൽ മനസ്സിലാവില്ലേ ചെക്കാ? ഞാൻ ചെയ്യാന്ന് പറഞ്ഞില്ലേ. നീ അതവിടെ വച്ചിട്ട് പോയേ.” ഇതും പറഞ്ഞ് ഞങ്ങൾ രണ്ടുംകൂടി പ്ളേറ്റിന് പിടിവലികൂടി.

“ഹോ! ഇതുങ്ങളെ രണ്ടിനെയും കൊണ്ടു ഞാൻ തോറ്റു. ഒന്നുപോയി തരുവോ രണ്ടും..”

ലച്ചു ദേഷ്യപ്പെട്ടപ്പോഴേ രാധു സ്ഥലം കാലിയാക്കി. ഹാളിലിരുന്ന് ടിവി ഓണാക്കി അവൾ സോഫയിലേക്ക് ഇരുന്നെന്ന് ഉറപ്പുവരുത്തി ഞാൻ പതിയെ അടുക്കളയിലേക്ക് വന്നു.

ഞാൻ പതിയെ അവിടെ ചുറ്റിപ്പറ്റി നിന്നു. രാധുവിനോടെനിക്ക് ഇഷ്ടം ഉണ്ടെങ്കിലും ലച്ചുവിനോടും അതേപോലെ തന്നെ ഇഷ്ടമുണ്ടായിരുന്നു. ഒന്നിനു വേണ്ടിയും എൻ്റെ ലച്ചുപെണ്ണിനെയോ രാധുവിനെയോ നഷ്ടപ്പെടുത്താൻ എനിക്കാവുമായിരുന്നില്ല.