🐝🐝തേനമൃതം – 3🐝🐝 1അടിപൊളി  

പ്ലാൻ ഒക്കെ ഞാൻ തന്നെ വരച്ചു. അതേകദേശം പൂർത്തിയായി. കുറച്ചു മിനുക്കുപണികൾ കൂടിയേ ബാക്കിയുള്ളൂ. എൻ്റെ തന്നെ കമ്പനിക്ക് കോൺട്രാക്ട് കൊടുക്കാനാണ് ഉദ്ദേശം.

ഞാനങ്ങനെ ഉച്ചവരെ ഇരുന്ന് അത് പൂർത്തിയാക്കി. ഇനി ഇത് ഓഫീസിലെത്തിക്കണം. പ്ലാനും ഡിസൈനും ഇൻസ്ട്രക്ഷൻസും ഞാൻ ചീഫ് ആർക്കിടെക്ടിന് മെയിൽ ചെയ്തു. മറ്റന്നാൾ പണി തുടങ്ങാനാണ് നിർദേശം കൊടുത്തത്.

ഞാൻ ലച്ചുവിനെ ഇതറിയിച്ച ശേഷം ബാക്കി നോക്കാം എന്ന് വിചാരിച്ചിരുന്നതും രാധു റൂമിലേക്ക് കയറിവന്നു. കസേരയിലിരുന്ന എൻ്റെ കഴുത്തിൽ കൈചുറ്റി പിന്നിൽനിന്ന് എൻ്റെ മുഖത്തോട് മുഖം ചേർത്തവൾ നേർത്ത സ്വരത്തിൽ ചോദിച്ചു.

“എന്തായീ ചെയ്തോണ്ടിരിക്കണേ?”

“വീടിൻ്റെ പ്ലാൻ വരക്കുവാ രാധൂ.”

“ആഹാ! കൊള്ളാല്ലോ. ആരുടെ വീടാ ഇത്?”

“നമ്മുടെ എന്ന് പറയണമെന്നുണ്ടായിരുന്നു. പക്ഷെ വേറെ രീതിയിൽ ആണ് പറയാൻ കഴിഞ്ഞത്.”

“ഇപ്പൊ എൻ്റെയും അച്ഛമ്മയുടെയും. പിന്നെ..പിന്നെ നീ സമ്മതിക്കുവാണേൽ നിൻ്റെയും.”

ഇതുംപറഞ്ഞ് ഞാൻ ചിരിച്ചു. അവൾക്കാദ്യം കത്തിയില്ല. കുറച്ചുനേരത്തെ നിശ്ശബ്ദതയ്ക്ക് ശേഷം അവളെന്നെ അവിശ്വസനീയതയോടെ നോക്കി. ഞാനവളെ നോക്കി കണ്ണിറുക്കിക്കാട്ടി. അതൂടി കണ്ടതും അവൾ എന്നെ കെട്ടിപ്പിടിച്ച് എൻ്റെ കവിളിൽ ഒന്നുകടിച്ച് താഴേക്ക് ഓടിയിറങ്ങി.

ഞാൻ സ്തബ്ധനായി ഇരുന്നു. അവളുടെ മഴത്തുള്ളിക്കിലുക്കം പോലുള്ള ചിരി ഉയർന്നുകേൾക്കുന്നുണ്ട്. അവൾക്കും എനിക്കുള്ളതുപോലെയൊരു ഇഷ്ടം ഉണ്ടെന്നെനിക്ക് മനസ്സിലായി. സന്തോഷം കൊണ്ടു ഞാൻ മതിമറന്നു.

ലച്ചു താഴെ നിന്നും കഴിക്കാനായി വിളിച്ചതും ഞാൻ പതിയെ കഴിക്കാനായി പോയി.

ഡൈനിങ്ങ് ടേബിളിൽ വിളമ്പി കഴിഞ്ഞ് ഞങ്ങൾ മൂന്നുപേരും കഴിക്കാനിരുന്നു. ലച്ചുവും രാധുവും എനിക്കെതിർവശത്താണ് ഇരുന്നത്. രാധുവിൻ്റെ മുഖം നന്നേ ചുവന്നിരുന്നു. ഒരു മന്ദഹാസവും അവളുടെ മുഖത്ത് കളിയാടിയിരുന്നു.

ഞാൻ പതിയെ എൻ്റെ കാലുകൊണ്ട് അവളുടെ കാലിൽ ചിത്രം വരയ്ക്കാൻ തുടങ്ങി. പക്ഷെ അതിന്റേതായ യാതൊരുവിധ ഭാവമാറ്റവും എനിക്കവളുടെ മുഖത്ത് കാണാൻ സാധിച്ചില്ല.

ഞാൻ എന്തേലും ഒരു റിയാക്ഷൻ അവളുടെ ഭാഗത്തുനിന്ന് കിട്ടാൻ കിണഞ്ഞു പരിശ്രമിച്ചു.

പെട്ടെന്ന് മറ്റൊരു വശത്തുനിന്നും ആക്കിയുള്ള ഒരു ചുമ കേട്ടപ്പോഴാണ് ഞാൻ ബോധവാനായത്.

“അഹ്ഹേം അഹ്ഹേം..”

ലച്ചുവാണ്. സിവനെ, പെട്ട്! ഇത്രയും നേരം രാധുവിൻ്റെ കാലാണെന്നുകരുതി അഭ്യാസം കാണിച്ചത് മുഴുവൻ ലച്ചുവിൻ്റെ കാലിലാണ്.

ഞാൻ ആരെ ലക്ഷ്യം വച്ചാണ് അത് ചെയ്തതെന്ന് ലച്ചുവിന് മനസ്സിലായി. അവൾ എന്നെയും രാധുവിനെയും മാറിമാറി നോക്കി ആക്കി ചിരിച്ചു.

ലച്ചുവിനും ഇതിൽ എതിർപ്പില്ലെന്ന് മനസ്സിലായി. എങ്കിലും കുരുത്തക്കേട് പിടിക്കപ്പെട്ട കുട്ടിയെപ്പോലെ ഞാൻ തലകുനിച്ച് കഴിക്കാനിരുന്നു.😌😂😂

അങ്ങനെ കഴിച്ചുകഴിഞ്ഞ് ഞാനും ലച്ചുവും രാധുവും സോഫയിലിരുന്ന് ടീവി കാണാൻ തുടങ്ങി. എൻ്റെ അപ്പുറം ഇപ്പുറമായാണ് രണ്ടുപേരും ഇരിക്കുന്നത്.

ലച്ചുവിൻ്റെ പുറത്ത് എൻ്റെ വിരലിഴഞ്ഞതും അവൾ എൻ്റെ കൈ തടഞ്ഞ് തുടയിൽ നല്ലൊരു നുള്ളുവച്ചുതന്നു.

“സ്സ്..” ഞാൻ വേദനയാൽ എരിവുവലിച്ചുപോയി.

“എന്താടാ? എന്തുപറ്റി?”

രാധു വേവലാതിയോടെ തിരക്കി.

“ഒന്നൂല്ല രാധൂ..ഒരുറുമ്പ് കടിച്ചതാ.”

“പേടിപ്പിച്ചുകളഞ്ഞല്ലോ ചെക്കാ.”

അവളുടെ വകയും തുടക്കുതന്നെ ഒരെണ്ണം കിട്ടി.😌😂😂

“ടാ, നിനക്കെന്തോ പറയാനുണ്ടെന്ന് നേരത്തെ പറഞ്ഞില്ലേ? ന്താദ്‌?” ലച്ചുവാണ്.

“ലച്ചൂ, ഞാൻ പഴയ വീട് പൊളിച്ചുപണിയാൻ പോവാ. മറ്റന്നാൾ പണി തുടങ്ങും. പ്ലാനും കാര്യങ്ങളുമൊക്കെ നേരത്തെ റെഡി ആക്കി അയച്ചു.”

“നല്ല തീരുമാനം വിനൂ. നീ ഇവിടില്ലേലും വിഷമിക്കണ്ട. ഞാൻ കാര്യങ്ങളെല്ലാം നോക്കിക്കോളാം. പോരാത്തതിന് രാധുവും ഇവിടുണ്ടല്ലോ. അപ്പൊ നീ ടെൻഷൻ അടിക്കുകയേ വേണ്ട. പിന്നെ കുഞ്ഞമ്മയെ നീ എന്നാ കൂട്ടിക്കൊണ്ടുവരുന്നെ?”

“അച്ഛമ്മയെ ഇന്നിങ്ങ് വിളിച്ചോണ്ടുവരാംന്ന് വിചാരിക്കുന്നു.”