🐝🐝തേനമൃതം – 3🐝🐝 1അടിപൊളി  

ഒരു പിങ്ക് ടീഷർട്ടും ആകാശനീല ഷോർട്സുമാണ് രാധുവിൻ്റെ വേഷം. ഞാനവളെ നോക്കിനിന്നുപോയി. അതവൾ കയ്യോടെ പിടിക്കുകയും ചെയ്തു.😌😂

അവളുടെ മനസ്സിലെന്താണെന്നെനിക്കറിയില്ല. എങ്കിലും എൻ്റെ മനസ്സിലൊരു 13 വയസ്സുകാരി പാവടക്കാരി പെണ്ണുണ്ട്. എന്നോടൊപ്പം കളിച്ചുവളർന്നവൾ. എൻ്റെ എല്ലാമെല്ലാമായിരുന്നവൾ. കുട്ടിക്കാലത്തെ എൻ്റെ ഏകാന്തതക്ക് കൂട്ടായവൾ. ആരുമില്ലെന്ന അപകർഷതാബോധം സ്വയം തോന്നുമ്പോൾ ഒരു പുഞ്ചിരി വിരിയിച്ചുകൊണ്ടെൻ്റെ മനസ്സിലേക്ക് ഓടിയെത്തിയിരുന്ന. ഇന്നും എത്തുന്ന മുഖം. അതാണ് രാധിക. എൻ്റെ രാധു.

കൗമാരത്തിൻ്റെ പടവുകളേറുന്ന വഴികളിൽ എവിടെയോ എനിക്ക് നഷ്ടപ്പെട്ടുപോയ എൻ്റെ ബാല്യകാല സഖി. എൻ്റെ പെണ്ണ്. എന്റേത്‌ മാത്രമെന്ന് ഞാൻ മനസ്സിൽ കരുതിയിരുന്നവൾ.

എന്നെക്കാൾ രണ്ടുവയസ്സിൻ്റെ മൂപ്പുണ്ടെങ്കിലും ഞാൻ ഇന്നേവരെ അവളെ ചേച്ചീ എന്ന് വിളിച്ചിട്ടില്ല. പല തവണ അവൾ അതിന് ശ്രമിച്ചിട്ടുണ്ട്. ചേച്ചീ എന്ന് വിളിപ്പിക്കാൻ. ഈ പേരിൽ പെണ്ണിൻ്റെ ഒത്തിരി പിച്ചും മാന്തും ഒക്കെ കൊണ്ടതാണ് ഞാൻ😍😂 ഒടുക്കം അവൾ തോൽവി സമ്മതിച്ചു.

ഒരു പതിനൊന്നു വയസുകാരന് പതിമൂന്ന് വയസ്സുകരിയോട് തോന്നിയ വികാരത്തെ പ്രണയം എന്നൊക്കെ വിളിക്കാമോ എന്നുചോദിച്ചാൽ എനിക്ക് വ്യക്തമായ ഒരു ഉത്തരമില്ല. അവളുടെ മനസ്സിലും ഇങ്ങനുള്ള ചിന്തകൾ അന്നേ ഉണ്ടായിരുന്നോ എന്നു ചോദിച്ചാലും എനിക്ക് അറിയില്ല. ഒന്നറിയാം. അവൾക്കും ഞാൻ വളരെ പ്രിയപ്പെട്ട അവളുടെ കളിക്കൂട്ടുകാരൻ തന്നെയായിരുന്നു.

12 വയസ്സുവരെ എന്നോടൊപ്പം തൊടിയിലും പറമ്പിലുമൊക്കെ ഓടിച്ചാടി നടന്ന രാധു പതിമൂന്ന് വയസ്സായപ്പോഴേക്കും എന്നിൽനിന്ന് അല്പം അകലം പാലിച്ചു തുടങ്ങി. അതിൻ്റെ കാരണം പിന്നീടാണെനിക്ക് മനസ്സിലാകുന്നത്.

“രാധു എന്താ എന്നോടൊപ്പം ഇപ്പൊ കളിക്കാൻ വരാത്തേ?” എന്ന എൻ്റെ നിഷ്കളങ്കമായ ചോദ്യത്തിന്, “ഞാനിപ്പോ വല്യ പെണ്ണായില്ലേ. ഇനി അങ്ങനെ ഓടിക്കളിച്ച് നടക്കാനൊന്നും പടില്യന്ന മുത്തശ്ശീം അമ്മേമൊക്കെ പറേന്നെ.” എന്നാണ് അന്നവൾ പറഞ്ഞ മറുപടി.

ഒരു പന്ത്രണ്ട് വയസുകാരന് മനസ്സിലാക്കാൻ പറ്റുന്നതിലും അധികമായിരുന്നു അത്. വർഷങ്ങൾക്ക് ശേഷമാണ് അവൾ പറഞ്ഞതിൻ്റെ പൊരുൾ എനിക്ക് മനസ്സിലായത്.

അതേ വർഷം തന്നെ ലച്ചു അവളെ നവോദയ വിദ്യാലയത്തിലാക്കി. പിന്നീട് അപൂർവ സാഹചര്യങ്ങളിൽ മാത്രമേ എനിക്കവളെ കാണാൻ സാധിച്ചിരുന്നുള്ളൂ. ഓണത്തിനും മറ്റും അവധിക്ക് വരുന്ന ആ പതിനഞ്ച് വയസ്സുകാരിയുടെ സൗന്ദര്യം എന്നെ മയക്കിയിരുന്നു. ആ സൗന്ദര്യത്തിനുമപ്പുറം അവളുടെ മനസ്സാണ് എന്നിലെ പതിമൂന്നുകാരനെ കൂടുതൽ ആകർഷിച്ചത്.

SSLC ക്ക് ശേഷം രണ്ടുവർഷം അവൾ മഹാരാഷ്ട്രയിലോ യൂ പിയിലോ ഉള്ള നവോദയയിൽ തന്നെ തുടർന്ന് പഠിച്ചു. അവിടെ എവിടെയോ തന്നെ BBA ക്ക് അഡ്മിഷൻ എടുത്ത് പഠനം തുടർന്നു.

അതിനിടയിൽ 20 വയസ്സ് തികഞ്ഞപ്പോൾ തന്നെ ലച്ചു രാധുവിൻ്റെ വിവാഹം നടത്തി. ജാതകത്തിലുള്ള എന്തോ പ്രശ്നം കാരണമാണ് ഇത്ര പെട്ടെന്ന് അത് നടത്തിയത്.

അവളുടെ വിവാഹം എൻ്റെ ചങ്ക് തകർത്തിരുന്നു. വിവാഹം കഴിഞ്ഞെങ്കിലും അവൾ തുടർന്ന് പഠിച്ചു. ഇതിനകം അവൾ MBA യും എടുത്ത് കുടുംബ ബിസിനസ്സ് പൂർണമായും ഏറ്റെടുത്തു.

ഭർത്താവിനൊപ്പം ഒരു വർഷം മാത്രമേ ഒന്നിച്ചു കഴിഞ്ഞുള്ളൂ. അപ്പോഴേക്കും അവൾ അടിച്ചു പിരിഞ്ഞു. ഇപ്പോൾ ഇരുപത്താറാം വയസ്സിൽ അവൾ ലച്ചുവിനൊപ്പം എൻ്റെ കണ്മുൻപിൽ ഉണ്ട്. ആ ഒരു കാര്യം എന്നെ വളരെയധികം സന്തോഷിപ്പിച്ചു.

“ടിക്.. ടിക്.”

ആരോ വിരൽ ഞൊടിക്കുന്നതുകേട്ടാണ് ഞാൻ സ്വപ്നലോകത്തുനിന്ന് പുറത്തുവന്നത്. നോക്കുമ്പോൾ രാധുവാണ്.

“എന്താടാ ചെക്കാ ഇങ്ങനെ സ്വപ്നം കണ്ട് നിക്കുന്നത്? ഏഹ്ഹ്? വല്ലവളുമാരും മനസ്സിൽ കേറി കൂടിയോ??” ചിരിച്ചുകൊണ്ടാണ് അവളിത് ചോദിച്ചത്.