💞💞മാറ്റകല്യാണം – 2💞💞അടിപൊളി  

അങ്ങനെ അടുത്ത പിരിഡും റിപീറ്റ് പോലെ പരിചയപ്പെടൽ മാത്രം ആയി തീർന്നു…. അന്നത്തെ ദിവസ്സം അങ്ങനെ ഒക്കെ പോയി..

ഞാൻ 4 മണി ഒക്കെ ആയപ്പോൾ വീട്ടിൽ വന്നു.. എന്നിട്ട് മണിക്കുട്ടിയെ കൂട്ടാൻ ആയി പോയി… അവളെയും കൂട്ടി ഒന്നു ചുറ്റിയിട്ടു വീട്ടിൽ കയറി… എല്ലാരോടും കോളേജിലെ വിശേഷം എല്ലാം പറഞ്ഞു.. അടിയും ആര്യയും മാത്രം പറഞ്ഞില്ല… എന്നാൽ മണിക്കുട്ടിയോട് അടിയുണ്ടായതു പറഞ്ഞു.. ആര്യയുടെ കാര്യം മനപ്പൂർവം പറഞ്ഞില്ല…

ആര്യയുടെ കാര്യം എല്ലാം അറിഞ്ഞിട്ടു പറയാം എന്ന് കരുതി…

അങ്ങനെ അടുത്ത ദിവസം ക്ലാസ്സിനു പോയി.. അന്ന് പ്രശ്നം ഉണ്ടാക്കിയവന്മാർ പിന്നെ കണ്ടു എങ്കിലും അവന്മാർ വേറെ പ്രശ്നം ഒന്നും ഉണ്ടാക്കിയില്ല.. ഞാൻ ക്ലാസ്സിൽ എല്ലാവരുമായി നല്ല കമ്പനി ആയി… അച്ചു എപ്പോഴും എന്റെ കയ്യും പിടിച്ചു ചേട്ടായിന്നു വിളിച്ചു പുറകെ നടക്കും.. ക്ലാസ്സിലെ പയ്യന്മാർക്ക് അവളെ ഒരു നോട്ടം ഉണ്ട്.. എന്നാൽ അവൾ ആരെയും മൈൻഡ് ചെയ്യുന്നില്ല.. എപ്പോഴും എന്റെ കൂടെ തന്നെ..

ക്ലാസ്സിലെ ബാക്കി പെൺപിള്ളേർ എന്നോട് സംസാരിക്കും.. എന്നാൽ അച്ചൂന് അത് അത്ര പിടിക്കുന്നില്ല എന്ന് എനിക്കു മനസ്സിലായി.. ഇടയ്ക്കു സ്റ്റാഫ്‌ റൂമിന്റെ അതുവഴി പോകുമ്പോൾ ഞാൻ ചുമ്മാ ഒന്നു നോക്കി ആര്യയെ ഒന്നു കാണാമല്ലോ.. ഞാൻ നോക്കുന്നത് അവളും കാണുയുണ്ട്….. എന്നാലും അവൾ ഒന്നും പറഞ്ഞിട്ടില്ല..

ഇപ്പോൾ എനിക്കു എന്നും ഉച്ചക്ക് അച്ചു ഒരു പൊതിയിൽ ചോറ് കൊണ്ടുവരും.. ഇടയ്ക്കു ഞാൻ അവളോടും കൊണ്ട് വരണ്ടാന്നു പറഞ്ഞു ക്യാന്റീനിൽ നിന്നും അവൾക്കു എന്തേലും ഒക്കെ വാങ്ങി കൊടുക്കും…… ഞാൻ മണിക്കുട്ടിയെ ഇവൾക്കു പരിചയ പെടുത്തി ഒക്കെ കൊടുത്തു..ഞാൻ ഇവളെ വീട്ടിൽ ഒക്കെ കൊണ്ട് പോയി എല്ലാർക്കും ഇവളെ ഇഷ്ടം ആയി.. എന്റെ മറ്റൊരു അനിയത്തികുട്ടി ആയി അവൾ വിളസി.. അവളുടെ വീട്ടുകാരെയും ഞാൻ പരിചയ പെട്ടു..
അവർക്കും എന്നെ വലിയ കാര്യം ആണ്…ഞാൻ ഇടയ്ക്കു അവളുടെ വീട്ടിൽ പോകാറുണ്ട്.. അവളുടെ വീട്ടുകാർ ഒരു പാവം ആണ്.. ആ അമ്മക്ക് എന്നോട് വലിയ സ്നേഹം ആണ്. ഇവൾ പഠിച്ചു പാസ്സ് ആകുമ്പോൾ ഞങളുടെ കമ്പനിയിൽ നല്ല ഒരു ജോലി കൊടുക്കാം എന്ന് ഞാൻ അവർക്കു വാക്ക് ഒക്കെ കൊടുത്തു….

എന്നാൽ ഞങ്ങളുടെ ഈ അടുപ്പം ഒരാൾക്ക് അത്ര പിടിക്കുന്നില്ലായിരുന്നു.. വേറെ ആർക്കും അല്ല ആര്യ മിസ്സിന് തന്നെ. മിക്ക ദിവസ്സവും അവർ അച്ചുനെ ക്ലാസ്സിൽ പോക്കും.. പഠിപ്പിച്ച ഓരോ കാര്യങ്ങൾ ചോദിച്ചു… എന്നാൽ അച്ചു ഉണ്ടോ വിട്ടു കൊടുക്കുന്നു. അവൾ എല്ലാത്തിനും ഉത്തരം പറയും.. അത് കാണുമ്പോൾ എനിക്കു നല്ല ചിരി ഒക്കെ വരും… അച്ചുനെ മാത്രം അല്ല എന്നോട് ഏതു പെൺകുട്ടി സംസാരിക്കുന്നോ അവൾക്കു പിറ്റേ ദിവസം പണി കിട്ടും.. ഇത് എനിക്കു മനസ്സിലായി..

ചില നേരത്തെ അവളുടെ കാട്ടിക്കൂട്ടല് കണ്ടാൽ തോന്നും അവൾക്കു എന്നോട് എന്തോ ഉണ്ടെന്നു.. ചിലപ്പോൾ തോന്നും അവൾക്കു എന്നോട് ഒന്നും ഇല്ലന്ന്.. ക്ലാസ്സ്‌ എടുക്കുന്ന ടൈം അവൾ എന്നെ ഒളിക്കണ്ണിട്ടു നോക്കും ചിലപ്പോൾ…. ഞാനും എപ്പോഴും അവളെ നോക്കും.. എന്നാൽ ഇതെല്ലാം അച്ചൂന് അറിയാമെന്നു തോന്നുന്നു.. ചില സമയം ആര്യ മിസ്സിന്റെ ക്ലാസ്സിൽ അവൾ എന്നെ നോക്കി ആക്കിയ ചിരി ചിരിക്കും.. എന്നാൽ ഞാനും ആര്യ മിസ്സും ഇതുവരെ ഒന്നും സംസാരിച്ചിട്ടില്ല.. എന്നാൽ അതിനുള്ള സാഹചര്യം ഉണ്ടായി……

.

.

.

.

.

.

.

ഒരു ദിവസം ക്ലാസ്സ്‌ കഴിഞ്ഞു ഞാനും പോകാൻ ആയി ഇറങ്ങിയപ്പോൾ കോളേജ് ഗേറ്റിൻറെ അവിടെ ഒരാൾ നിൽക്കുന്നു.. അങ്ങോട്ട് തിരിഞ്ഞാണ് നിൽക്കുന്നത്.. ബാക്ക് സൈഡ് കണ്ടപ്പോൾ എവിടേയോ കണ്ട നല്ല പരിചയം… ഞാൻ ബൈക്ക് നിർത്തി ഇറങ്ങി.. അടുത്ത് എത്തിയപ്പോൾ എനിക്കു ആളെ മനസ്സിലായി.. എന്നിൽ ഒരു ചിരി വിരിഞ്ഞു.. ഞാൻ പതുക്കെ പോയി അവന്റ കുറുക്കിൽ ഒരു ഇടി കൊടുത്തു… ഇടി കൊണ്ട് വേദനയോടെ അവൻ തിരിഞ്ഞു നോക്കി.
നോക്കിയപ്പോൾ അവനെ നോക്കി ചിരിച്ചു കൊണ്ട് നിൽക്കുന്ന ഞാൻ.. ഉടനെ അവന്റ മുഖത്തു സന്തോഷം വന്നു എന്നെ വന്നു കെട്ടിപിടിച്ചു..

“അളിയാ വരുണേ………. നീ എന്താടാ ഇവിടെ ”

ഇവൻ അനൂപ്.. എനിക്കു ഒപ്പം ഡിഗ്രി പഠിച്ചവൻ ആണ്.. അപ്പോൾ എന്റെ ചങ്ക് എന്ന് വേണമെങ്കിൽ പറയാം.. ഡിഗ്രി കഴിഞ്ഞു ഞാൻ നാട് ചുറ്റാൻ പോയപ്പോൾ ഇവൻ വേറെ എവിടേയോ പോയി.. അങ്ങനെ കണക്ഷൻ കട്ട്‌.. ആയി 4 വർഷത്തിന് ശേഷം ഇപ്പോഴാണ് അവനെ പിന്നെ കാണുന്നത്.

“അതൊക്കെ ഉണ്ട്… നീ എന്താ അനൂപേ ഇവിടെ.. പഴയ വായി നോട്ട പരിപാടി ആയിട്ട് ഇറങ്ങിയത് ആണോ..”

കോളേജിൽ പഠിക്കുമ്പോൾ ആള് ചെറിയ ഒരു വായി നോക്കി ആയിരുന്നു. ഞാൻ അത് വച്ചു അവനെ കളിയാക്കി ചോദിച്ചു.. അവനെ എന്നെ തന്നെ നോക്കി ഇളിച്ചു..

” ഒന്നു പോടാ ഞാൻ എന്റെ ഭാര്യയെ വിളിക്കാൻ വന്നതാ… അവൾ ഇവിടെയാ പഠിക്കുന്നെ..”

“ശേ. നിന്റെ കല്യാണം ഒക്കെ കഴിഞ്ഞോ…നമ്മൾ അറിഞ്ഞില്ലല്ലോ…. ആട്ടെ ഏതാ കക്ഷി ”

” കഴിഞ്ഞുട…… കഴിഞ്ഞ വർഷം. നീ ഇവിടെ ഇല്ലായിരുന്നു.. അതാ വിളിക്കാൻ പറ്റാതെ.. കൂടാതെ നിന്റെ കോണ്ടാക്ട് എല്ലാം പോയി….

. കക്ഷി ദേ വരുന്നു ”

അവൻ അതുംപറഞ്ഞു വിരൽ ചൂണ്ടി കാണിച്ചു… നോക്കുമ്പോ എന്റെ ക്ലാസ്സിൽ തന്നെ ഒള്ള ഗോപിക നടന്നു വരുന്നു.. അവൾ ഞങ്ങളെ കണ്ടു അങ്ങോട്ട്‌ വന്നു.. എന്നെ അനൂപിന്റെ കൂടെ കണ്ട അവൾ അത്ഭുതത്തോടെ അങ്ങോട്ട്‌ വന്നു…..

“ഡാ ഇത് ഗോപിക അല്ലേ… ഇവൾ ആണോ നിന്റെ വൈഫ്..”

ഞാൻ അവനോടു തിരക്കി….

“അതെ.. നിനക്ക് അറിയാമോ അവളെ… ”

“നീ അവളോട്‌ ചോദിച്ചു നോക്ക് എന്നെ അറിയാമോ എന്ന്…”

ഞാൻ അവനെ നോക്കി പറഞ്ഞു… അവൻ അവളോട്‌ ചോദിച്ചു…

“മിന്നു… നിനക്ക് ഇവനെ അറിയാമോ?”

“അറിയാം ചേട്ടാ… വരുൺ ചേട്ടൻ ഇപ്പോൾ എന്റെ ക്ലാസ്സിൽ ആണ് പഠിക്കുന്നെ.. ചേട്ടന് എങ്ങനെ അറിയാം “
ഞാൻ പഠിക്കാൻ പിന്നെയും വന്നു എന്നത് അവനു അതിശയം ആയി…

” എടി… ഇവൻ എന്റെ കൂടെ ഡിഗ്രിക്ക് പഠിച്ചതാ…. പിന്നെ ഇപ്പോഴാ കാണുന്നെ.. ഞാൻ നിന്നോട് ഇവനെ പറ്റി പറഞ്ഞിട്ടുണ്ട്…. ഒരിക്കെ… കോളേജിൽ ഒരു പെൺകുട്ടിയോട് മോശമായി പെരുമാറിയ പ്രൊഫസറിനെ എടുത്തിട്ട് ഇടിച്ച കഥ.. ഇതാണ് ആ കക്ഷി ”

അവൻ ചിരിച്ചു കൊണ്ട് എന്നെ നോക്കി പറഞ്ഞു.. ഞാൻ അത് കേട്ടപ്പോൾ അവളുടെ മുഖത്തു നോക്കി. അവളും കേട്ടത് വിശ്വാസിക്കാൻ ആകാതെ എന്നെ നോക്കി ചിരിച്ചു നിൽക്കുക ആണ്… അവൻ എന്നോട് പിന്നെയും ചോദിച്ചു..

“ഡാ നീ പിന്നെയും പഠിക്കാൻ ആയി വന്നോ… എന്ത് പറ്റി..”

“ഡാ അത് പിന്നെയും വന്നു.. മണിക്കുട്ടി നിർബന്ധിച്ചു പറഞ്ഞു വിട്ടു…

“കുറേനാൾ ആയില്ലേ കണ്ടിട്ട്.. വീട്ടിൽ പോയിട്ട് പോകാം ഡാ.. ഇവിടെ അടുത്ത് തന്നയ ”

+16

-5