💞💞മാറ്റകല്യാണം – 2💞💞 2അടിപൊളി  

ഞാൻ അങ്ങനെ വരാന്തയിൽ നിൽക്കുമ്പോൾ ആണ് MA ഹിസ്റ്ററി സെക്കന്റ്‌ ഇയർ ക്ലാസ്സിൽ നിന്നു രാവിലെ പ്രശ്നം ഉണ്ടാക്കിയ അവന്റെ കൂടെ ഉണ്ടായിരുന്ന പയ്യമാർ വരുന്നത്.. എന്നെ കണ്ടപ്പോൾ അവന്മാർ ഒന്നു പകച്ചു. എന്നിട്ട് തലയും കുനിച്ചു പോയി.. എനിക്കു അത് കണ്ടപ്പോൾ ചിരി വന്നു…

എന്റെ പുറകിൽ ആരുടെയോ കാൽപെരുമാറ്റം കേട്ടു ഞാൻ തിരിഞ്ഞു നോക്കിയപ്പോൾ അശ്വതി ആണ്.. ഞാൻ ചിരിച്ചിട്ട് എന്താന്ന് നോക്കി..

“അതെ താങ്ക്സ്… കേട്ടോ.. രാവിലെ എന്നെ ഹെല്പ് ചെയ്തതിനു ”

“അയ്യേ അതിനു എന്തിനാ മോളു ഇങ്ങനെ ഒക്കെ പറയുന്നേ…”

ഞാൻ അവളെ നോക്കി അങ്ങനെ പറഞ്ഞു.. ഞാൻ മോളുന്നു വിളിച്ചപ്പോൾ അവൾ പെട്ടന്ന് എന്നെ അത്ഭുതത്തോടെ നോക്കി

“നീ കുറച്ചു കൂടി സ്ട്രോങ്ങ്‌ ആകണം.. നീ ഒരു പാവം പോലെ പേടിച്ചു നിന്നതുകൊണ്ടാ അവന്മാർ അത്രയും പറഞ്ഞത്….. പെൺകുട്ടികൾ എല്ലാം സ്ട്രോങ്ങ്‌ അല്ലേ.. അല്ലാതെ ഒരുത്തന്റയും അടിമ ഒന്നും അല്ല നിങ്ങൾ ”

ഞാൻ അവളോട് അത്രയും പറഞ്ഞപ്പോൾ അവൾക്കു ചെറിയ വിഷമം ഓക്കേ പോലെ തോന്നി.. ഞാൻ അത് കാണുകയും ചെയ്ത്..

“നീ അതിനു വിഷമിക്കണ്ട…. എനിക്കു നിന്നെ കണ്ടപ്പോൾ എന്റെ അനിയത്തിയെ ഓർമ വന്നു അതാ ഞാൻ.. നിന്നെ പോലെ ഒരു കുഞ്ഞു പെങ്ങൾ എനിക്കും ഉണ്ട് വീട്ടിൽ.. എന്നാൽ അവൾ നിന്നെപ്പോലെ പൂച്ചാക്കുട്ടി അല്ല.. പുലികുട്ടി ആണ് ”

ഞാൻ അത്രയും പറഞ്ഞപ്പോൾ അവൾ എന്നെ തന്നെ നോക്കി നിന്നു.. ഞാൻ അനിയത്തിയുടെ കാര്യം പറഞ്ഞപ്പോൾ അവൾ എന്നെ ഒന്നും മനസ്സിലാകാതെ.. നോക്കി.. ഇനിയിപ്പോൾ അവൾ കരുതിക്കാനും ഞാനും അവളും ഒക്കെ ഒരേ പ്രായം ആണെന്ന്…
“ഇയാൾ ഇങ്ങനെ നോക്കി പേടിപ്പിക്കേണ്ട… എന്റെ അനിയത്തിക്ക് ഏതാണ്ട് ഇതേ പ്രായം തന്നയ.. പിന്നെ എനിക്കു നിങ്ങളുടെ പ്രായം അല്ല… എനിക്കു 25 വയസ്സുണ്ട് ”

ഞാൻ എന്റെ പ്രായത്തെ പറ്റി പറഞ്ഞപ്പോൾ അവൾ ഒന്നു ഞെട്ടി.. കേട്ടത് വിശ്വസിക്കാൻ പറ്റാതെ അവൾ എന്നെ നോക്കി നിന്നു.. അത് കണ്ടപ്പോൾ എനിക്കു ചിരി വന്നു ഞാൻ ചിരിച്ചു.. അവളും ചിരിച്ചിട്ടു എന്നോട് ബഹുമാനത്തോടെ സംസാരിച്ചു… അവൾ അവളെ പറ്റി എല്ലാം പറഞ്ഞു…

അവൾ വീട്ടിൽ ഒറ്റമോൾ ആണ്… അച്ഛന് കൂലിപ്പണി ആണ്.. അമ്മ വീട്ടിൽ തന്നെ.. ഒരു പാവപെട്ട കുടുംബം ആണ്.. എന്നാലും അവളുടെ പഠിക്കാൻ ഉള്ള ആഗ്രഹം കൊണ്ട് ഇവളെ അവർ പഠിപ്പിക്കുന്നു….. എനിക്കു അതൊക്കെ കേട്ടപ്പോൾ ഞാനൊക്കെ എത്ര ഭാഗ്യവാന്മാർ ആണെന് തോന്നി.. ആ അച്ഛനോടും അമ്മയോടും എനിക്കു ബഹുമാനം തോന്നി…. കുറച്ചു സമയത്തിനുള്ളിൽ ഞാൻ അവളുമായി നല്ല കൂട്ടായി.. അവൾ ശെരിക്കും ഒരു കുറുമ്പി തന്നെ ആണ്… പാവം..

അങ്ങനെ ഇന്റവൽ കഴിയാൻ ഉള്ള ബെൽ അടിച്ചപ്പോൾ ഞങ്ങൾ ക്ലാസ്സിൽ കയറി.. അടുത്ത ടീച്ചർ വരാൻ ആയി കാത്തിരുന്നു.. ഇന്ന് ക്ലാസ്സ്‌ ഒന്നും കാണില്ല.. എല്ലാരും പരിചയപ്പെടൽ മാത്രം ആയിട്ട് പോകും എന്നാണ് ഞാൻ കരുതിയത്….

അടുത്ത ക്ലാസ്സിൽ വന്ന ടീച്ചറിനെ കണ്ടു എന്റെ കിളി പോയി എന്ന് തന്നെ പറയാം.. എന്റെ ദൈവമെ എന്താ ലുക്ക്‌.. ദേവകന്യക കാണാക്ക് ദേവിമാർ തോൽക്കുന്ന സൗന്ദര്യം.. എന്റെ പൊന്നെ… വാതിൽ കടന്നു വരുന്ന അവരെ കണ്ടു ഞാൻ കണ്ണെടുക്കാതെ നോക്കി നിന്നു…

നല്ല കറുത്ത ഒരു പട്ടുസാരി ഉടുത്തു.. മുടിയൊക്കെ നന്നായിട്ടു കെട്ടി.. കണ്ണിൽ കണ്മഷിയും കാതിൽ ഒരു ജിമിക്കിയും നെറ്റിയിൽ ഒരുപാട് ചെറിയ പൊട്ടും ഒരു ചന്തന കുറിയും ആയി ക്ലാസ്സിൽ കയറിവന്ന സൗന്ദര്യ ശിൽപ്പം…

എനിക്കു അവരിൽ നിന്നും കണ്ണെടുക്കാൻ പറ്റിയില്ല….. ഞാൻ നോക്കി നിന്നു പോയി…

ഞാൻ ഇന്ത്യ മുഴുവൻ കറങ്ങി നടന്ന സമയത്തു ഒരുപാട് പെണ്ണുങ്ങളെ കണ്ടിട്ടുണ്ട്.. എന്നാൽ ഇത്രയും സൗന്ദര്യം ഉള്ള ഒരു പെണ്ണിനെ ഞാൻ കണ്ടിട്ടില്ല….
ഞാൻ ആ സൗന്ദര്യത്തിൽ ലയിച്ചു പോയ നിമിഷം.. പെട്ടന്നാണ് എനിക്കു ബോധം വന്നത്.. ഞാൻ ക്ലാസ്സിൽ ആണെന്ന കാര്യം ഓർത്തു.. ഞാൻ ടീച്ചറിന്റെ മുഖത്തു നോക്കിയപ്പോൾ അവർ ഞാൻ നോക്കിയിരുന്നത് കണ്ടു എന്ന് ഉറപ്പായി.. അവരും എന്റെ മുഖത്തു അപ്പോൾ നോക്കി നിന്നിരുന്നു..