💞💞മാറ്റകല്യാണം – 2💞💞 2അടിപൊളി  

എനിക്ക് കിട്ടിയ അടി നല്ല ഏറ്റിട്ടുണ്ട്.. എനിക്കു അത് മനസ്സിലായി.. തലയിൽ മുഴുവൻ ചോര വരാൻ തുടങ്ങി.. എന്റെ ബോധം ഉടനെ പോകും എന്ന് തോന്നി.. ഞാൻ ഫോൺ എടുത്തു അനൂപിനെ തന്നെ വിളിച്ചു പെട്ടന്ന് കാര്യം പറഞ്ഞു…. ഞാൻ ബൈക്കിൽ ചാരി ഇരുന്നു.. എന്റെ കണ്ണിൽ ഇരുട്ട് വന്നു മൂടി… എന്റെ കണ്ണുകൾ അടഞ്ഞു.. അടിയുടെ പവറിൽ എൻറെ ബോധം അപ്പോൾ പോയിരുന്നു…

———————🔥——————–🔥————————

അടുത്ത ദിവസം ആണ് എനിക്കു പിന്നെ ബോധം വന്നത് ഞാൻ കണ്ണുതുറക്കുമ്പോൾ ഞാൻ ഒരു ഹോസ്പിറ്റലിൽ ആയിരുന്നു.. എന്റെ തലയ്ക്കു നല്ല വേദന ഉണ്ടായിരുന്നു… ഞാൻ കണ്ണ് തുറന്നു ചുറ്റും നോക്കി… Icu ആണ്.. അവിടെ ഉള്ള ഉപകാരണങ്ങൾ എല്ലാം കണ്ടപ്പോൾ എനിക്കു മനസ്സിലായി.. നോക്കുമ്പോൾ അവിടെ ആരും ഇല്ല.. എനിക്കു എണീക്കാൻ കഴിഞ്ഞില്ല… ഞാൻ അവിടെ അങ്ങനെ കിടന്നു.. നോക്കുമ്പോൾ ഡോർ തുറന്നു. ഒരു നേഴ്സ് കയറിവന്നു.. എനിക്കു ബോധം വന്നത് കണ്ടതും അവൾ പുറത്തു പോയി…
കുറച്ചു കഴിഞ്ഞപ്പോൾ ഡോർ തുറന്നു മണിക്കൂട്ടി ഓടി വന്നു എന്നെ കെട്ടിപിടിച്ചു… അവളുടെ കോലം കരഞ്ഞു തളർന്നതാണ്.. അവൾ അപ്പോഴും കരഞ്ഞു കൊണ്ടിരുന്നു… ഞാൻ അവളെ ചേർത്ത് പിടിച്ചു കവിളിൽ ഒരു ഉമ്മ കൊടുത്തു.. അവൾ എന്റെ മുഖത്തു നോക്കി..

“ഏട്ടന്റെ മണിക്കുട്ടി എന്തിനാ കരായണേ.. കുട്ടേട്ടന് കുഴപ്പം ഒന്നും ഇല്ല…തലയിൽ നിന്നു കുറച്ചു ചോര വന്നു.. അതിനാണോ എന്റെ പൊന്നിങ്ങനെ കരയുന്നെ.. എനിക്കു ഒന്നും ഇല്ല.. മോളു കണ്ണ് തുടച്ചു നല്ല കുട്ടി ആയെ ”

“അതു കുട്ടേട്ടാ ഞാൻ പേടിച്ചു പോയി.. അനൂപ് ചേട്ടൻ വിളിച്ചു പറഞ്ഞപ്പോൾ ഞാൻ ശെരിക്കും വല്ലാതെ ആയി.. ഇവിടെ വന്നപ്പോൾ ചേട്ടന് ബോധം ഇല്ല.. എല്ലാം കൂടി കണ്ടപ്പോൾ ഞാൻ നന്നായി പേടിച്ചു… ”

“മോളു എന്തിനാ പേടിക്കുന്നെ… ചേട്ടന് ഇതെല്ലാം ചെറിയ കാര്യം അല്ലേ… അയ്യേ…. മോശം തന്നെ.. എന്റെ തന്റെടി ആയ മണിക്കുട്ടി കരഞ്ഞല്ലോ ”

“പോ ചേട്ടാ… എന്നെ കളിയാക്കാതെ…. എന്റെ കുട്ടേട്ടന് വല്ലോം പറ്റിയെന്നറിഞ്ഞാൽ എനിക്കു സഹിക്കാൻ പറ്റൂല..”

അവളുടെ കണ്ണുകൾ പിന്നെയും നിറഞ്ഞു.. ഞാൻ അവളെ ചേർത്ത് കെട്ടിപിടിച്ചു.. അവള്ക്കു എന്നോട് ഉള്ള സ്നേഹം ഒരു കടൽ പോലെ വിശാലമായതാണ്… അവൾ എന്നെ കെട്ടിപിടിച്ചു എന്റെ നെഞ്ചിൽ കിടന്നു.. അപ്പോൾ ഡോർ തുറന്നു ഡോക്ടർ കയറി വന്നു.. അപ്പോൾ അവൾ എന്നെ വിട്ടു മാറി….

“വരുൺ.. ഇപ്പോൾ കുഴപ്പം ഒന്നും ഇല്ലല്ലോ… ഓക്കേ അല്ലേ..”

“തലയിൽ ചെറിയ ഒരു വേദന ഉണ്ട്.. വേറെ കുഴപ്പം ഒന്നും ഇല്ല ഡോക്ടർ ”

“അത് തലയിൽ അടികൊണ്ടു ഒരു മുറിവുണ്ട്.. അതിൽ ഒരു 5 സ്റ്റിച് ഉണ്ട്.. അതിന്റ ആണ്.. വേറെ തലയ്ക്കു കാര്യമായ പ്രശ്നം ഒന്നും ഇല്ല…… കുറച്ചു കഴിഞ്ഞു റൂമിലോട്ടു മാറ്റം.. ഇന്നും നാളെയും ഇവിടെ റസ്റ്റ്‌ എടുക്കു…. മാറ്റാന്നാൽ ഡിസ്ചാർജ് ചുമ്മാ ചെയ്യാം ”

“ശെരി ഡോക്ടർ..”.

ഡോക്ടർ അതും പറഞ്ഞു ചിരിച്ചിട്ട് ഇറങ്ങി പോയി… അപ്പോൾ മണിക്കുട്ടി വന്നു പിന്നെയും എന്റെ നെഞ്ചിൽ കിടന്നു…
“മണിക്കുട്ടി അമ്മയും അച്ചനും ഒക്കെ പുറത്തു ഉണ്ടോ.. അനൂപ് ഉണ്ടോ അതോ പോയോ ”

“അവർ ഉണ്ട് പുറത്തു…..”

“എന്നാ മോളു പോയി അച്ഛനെയും അമ്മയെയും അകത്തു കയറ്റാൻ പറ്റുമോന്നു നോക്ക്..”

അവൾ പോയി നഴ്സിനോട് ചോദിച്ചു… എന്നാൽ ഉടനെ റൂം കിട്ടും എന്നിട്ടേ കാണാൻ കഴിയു എന്ന് പറഞ്ഞു.. ഞാൻ അങ്ങനെ അവിടെ ആ ബെഡിൽ കിടന്നു….

ഒരു 1 മണിക്കൂർ കഴിഞ്ഞപ്പോൾ എന്നെ റൂമിലോട്ട് മാറ്റി… അപ്പോഴേക്കും എല്ലാരും എന്നെ കാണാൻ വന്നു.. അമ്മമാരും അച്ചനും മാമനും എല്ലാം ഉണ്ട്.. അവർ എല്ലാം എന്നോട് സുഗവിവരം ചോദിച്ചു.. അനൂപ് അപ്പോൾ പോയിരുന്നു.. വൈകിട്ടു വരാമെന്നു പറഞ്ഞു… അങ്ങനെ ഉച്ച ആയപ്പോൾ അമ്മ ഫുഡ്‌ എല്ലാം കഴിക്കാൻ തന്നു.. തലയ്ക്കു അപ്പോഴും നല്ല വേദന ഉണ്ട്…. ഞാൻ കുറച്ചു നേരം അവിടെ കിടന്നു ഉറങ്ങി.. ഹോസ്പിറ്റലിൽ ഉള്ളവർ കേസ് കൊടുത്തത് കൊണ്ട് SI കാണാൻ വന്നിരുന്നു.. ഇവിടത്തെ SI അനിരുധ് എന്റെ ഒരു ഫ്രണ്ട് ആണ്.. ഞാൻ ഉറങ്ങിയപ്പോൾ ആണ് അവർ വന്നത്.. അത് കൊണ്ട് പിന്നെ വരാം എന്ന് പറഞ്ഞു അവർ പോയി…