💞💞മാറ്റകല്യാണം – 2💞💞 2അടിപൊളി  

“അളിയാ വരുണേ………. നീ എന്താടാ ഇവിടെ ”

ഇവൻ അനൂപ്.. എനിക്കു ഒപ്പം ഡിഗ്രി പഠിച്ചവൻ ആണ്.. അപ്പോൾ എന്റെ ചങ്ക് എന്ന് വേണമെങ്കിൽ പറയാം.. ഡിഗ്രി കഴിഞ്ഞു ഞാൻ നാട് ചുറ്റാൻ പോയപ്പോൾ ഇവൻ വേറെ എവിടേയോ പോയി.. അങ്ങനെ കണക്ഷൻ കട്ട്‌.. ആയി 4 വർഷത്തിന് ശേഷം ഇപ്പോഴാണ് അവനെ പിന്നെ കാണുന്നത്.

“അതൊക്കെ ഉണ്ട്… നീ എന്താ അനൂപേ ഇവിടെ.. പഴയ വായി നോട്ട പരിപാടി ആയിട്ട് ഇറങ്ങിയത് ആണോ..”

കോളേജിൽ പഠിക്കുമ്പോൾ ആള് ചെറിയ ഒരു വായി നോക്കി ആയിരുന്നു. ഞാൻ അത് വച്ചു അവനെ കളിയാക്കി ചോദിച്ചു.. അവനെ എന്നെ തന്നെ നോക്കി ഇളിച്ചു..

” ഒന്നു പോടാ ഞാൻ എന്റെ ഭാര്യയെ വിളിക്കാൻ വന്നതാ… അവൾ ഇവിടെയാ പഠിക്കുന്നെ..”

“ശേ. നിന്റെ കല്യാണം ഒക്കെ കഴിഞ്ഞോ…നമ്മൾ അറിഞ്ഞില്ലല്ലോ…. ആട്ടെ ഏതാ കക്ഷി ”

” കഴിഞ്ഞുട…… കഴിഞ്ഞ വർഷം. നീ ഇവിടെ ഇല്ലായിരുന്നു.. അതാ വിളിക്കാൻ പറ്റാതെ.. കൂടാതെ നിന്റെ കോണ്ടാക്ട് എല്ലാം പോയി….

. കക്ഷി ദേ വരുന്നു ”

അവൻ അതുംപറഞ്ഞു വിരൽ ചൂണ്ടി കാണിച്ചു… നോക്കുമ്പോ എന്റെ ക്ലാസ്സിൽ തന്നെ ഒള്ള ഗോപിക നടന്നു വരുന്നു.. അവൾ ഞങ്ങളെ കണ്ടു അങ്ങോട്ട്‌ വന്നു.. എന്നെ അനൂപിന്റെ കൂടെ കണ്ട അവൾ അത്ഭുതത്തോടെ അങ്ങോട്ട്‌ വന്നു…..

“ഡാ ഇത് ഗോപിക അല്ലേ… ഇവൾ ആണോ നിന്റെ വൈഫ്..”

ഞാൻ അവനോടു തിരക്കി….

“അതെ.. നിനക്ക് അറിയാമോ അവളെ… ”

“നീ അവളോട്‌ ചോദിച്ചു നോക്ക് എന്നെ അറിയാമോ എന്ന്…”

ഞാൻ അവനെ നോക്കി പറഞ്ഞു… അവൻ അവളോട്‌ ചോദിച്ചു…

“മിന്നു… നിനക്ക് ഇവനെ അറിയാമോ?”

“അറിയാം ചേട്ടാ… വരുൺ ചേട്ടൻ ഇപ്പോൾ എന്റെ ക്ലാസ്സിൽ ആണ് പഠിക്കുന്നെ.. ചേട്ടന് എങ്ങനെ അറിയാം “
ഞാൻ പഠിക്കാൻ പിന്നെയും വന്നു എന്നത് അവനു അതിശയം ആയി…

” എടി… ഇവൻ എന്റെ കൂടെ ഡിഗ്രിക്ക് പഠിച്ചതാ…. പിന്നെ ഇപ്പോഴാ കാണുന്നെ.. ഞാൻ നിന്നോട് ഇവനെ പറ്റി പറഞ്ഞിട്ടുണ്ട്…. ഒരിക്കെ… കോളേജിൽ ഒരു പെൺകുട്ടിയോട് മോശമായി പെരുമാറിയ പ്രൊഫസറിനെ എടുത്തിട്ട് ഇടിച്ച കഥ.. ഇതാണ് ആ കക്ഷി ”

അവൻ ചിരിച്ചു കൊണ്ട് എന്നെ നോക്കി പറഞ്ഞു.. ഞാൻ അത് കേട്ടപ്പോൾ അവളുടെ മുഖത്തു നോക്കി. അവളും കേട്ടത് വിശ്വാസിക്കാൻ ആകാതെ എന്നെ നോക്കി ചിരിച്ചു നിൽക്കുക ആണ്… അവൻ എന്നോട് പിന്നെയും ചോദിച്ചു..

“ഡാ നീ പിന്നെയും പഠിക്കാൻ ആയി വന്നോ… എന്ത് പറ്റി..”

“ഡാ അത് പിന്നെയും വന്നു.. മണിക്കുട്ടി നിർബന്ധിച്ചു പറഞ്ഞു വിട്ടു…

“കുറേനാൾ ആയില്ലേ കണ്ടിട്ട്.. വീട്ടിൽ പോയിട്ട് പോകാം ഡാ.. ഇവിടെ അടുത്ത് തന്നയ ”

അവന്റ ക്ഷണം നിരസിച്ചു എങ്കിലും അവൻ എന്നെ നിർബന്ധിച്ചു വീട്ടിൽ വിളിച്ചു കൊണ്ട് പോയി.. അവൻ അവളെയും കൊണ്ട് മുന്നിൽ വഴികാട്ടി ആയി പോയി.. ഞാൻ അവരുടെ പിറകെയും പോയി…

അങ്ങനെ അവന്റെ വീട്ടിൽ പോയി.. ഗോപിക ചായ ഒകെ ഇട്ടു തന്നു.. അവനും അവളും ഞാനും എല്ലാം നന്നായി സംസാരിച്ചു കൊണ്ടിരുന്നു.. അവൾ നല്ല കമ്പനി ടൈപ്പ് ആണ്…..

“ഡാ നീ ഇപ്പോഴും പഴയ സ്വഭാവം തന്നെ ആണോ.. ഇപ്പോഴും അടിയും പിടിയും ഒക്കെ ഒണ്ടോ ”

അവൻ എന്നെ നോക്കി ചോദിച്ചു..

“ഇല്ലെടാ…. ഞാൻ ഇപ്പോൾ ഡീസന്റ് ആണ്.. പഴയപോലെ ഒന്നും അല്ല..”

ഞാൻ അവനെ നോക്കി ചിരിച്ചു കൊണ്ട് പറഞ്ഞു… അത് കേട്ട ഗോപക ചിരിച്ചിട്ട്….

“ചുമ്മാതെ ചേട്ടാ… ഇപ്പോഴും ഉണ്ട്.. കോളേജിൽ ക്ലാസ്സ്‌ തുടങ്ങിയ അന്ന് തന്നെ മറ്റേ MK ബിൽഡർ ഗോപിയുടെ മോനെ പഞ്ഞിക്കിട്ട ആളാ ഇത് ”

അത് കേട്ടു ഞാൻ ഒന്നു ഞെട്ടി.. അപ്പോൾ എല്ലാരും അറിഞ്ഞു അല്ലേ കാര്യം… ഞാൻ അവളെ നോക്കി കണ്ണുരുട്ടി.. എന്നിട്ട് ചിരിച്ചു.. അവൻ അത് കേട്ടു ചിരി വന്നു..
“ഡാ നീ ആണോ ഡീസന്റ് ആയെന്നു പറഞ്ഞത്….. വന്നപ്പോൾ തന്നെ തുടങ്ങിയോ… ഡാ പിന്നെ MK ഗ്രൂപ്പ്‌ ഇത്തിരി ഡാൻജർ ആണ്.. നീ സൂക്ഷിച്ചു നിന്നോ… അവർ തിരിച്ചു പണിയാൻ സാധ്യത ഉണ്ട്..”

“ഓ നമ്മൾ ഇത് എത്ര കണ്ടതാടാ….. വരുമ്പോൾ ബാക്കി കൊടുക്കാം ”

ഞാൻ അതും പറഞ്ഞു.. കുറെ നേരം അവിടെ സംസാരിച്ചു ഇരുന്നു… ഒരു 8 മണി ആയപ്പോൾ ആണ് ഞാൻ ഇറങ്ങിയത്.. അവർ കഴിക്കാൻ നിർബന്ധിച്ചു എങ്കിലും ഞാൻ പിന്നെ ഒരിക്കൽ ആകാം എന്ന് പറഞ്ഞു.. ഇറങ്ങി.. പോരുമ്പോൾ അവനോടു നമ്പർ വാങ്ങി ഫോണിൽ സേവ് ചെയ്തു… എന്റെ നമ്പർ അവനും കൊടുത്തു… ഞാൻ അങ്ങനെ അവിടന്ന് ഇറങ്ങി വണ്ടി ഓടിച്ചു കൊണ്ട് പോയി..