അപ്പോഴേക്കും ജൂനിയർ ഡോക്ടർസ് അയാളുടെ മുറിവ് എല്ലാം ക്ലീൻ ചെയ്ത് തുടങ്ങിയിരുന്നു. ഡോക്ടർ മേത്ത അയാളെ വിശദമായി പരിശോദിച്ചു. “സിസ്റ്റർ വേഗം ഇയാളുടെ ബ്ലഡ്‌ സാംപിൾ എടുത്ത് ഗ്രൂപ്പ്‌ ചെക്ക് ചെയ്യ്, നമ്മുടെ ബ്ലഡ്‌ ബാങ്കിൽ ഉണ്ടോന്നു നോക്ക് ആദ്യം ഇല്ല എങ്കിൽ പുറത്തുന്നു ഏർപ്പാടാക്കാൻ ഉള്ള വഴി നോക്ക്.” ഡോക്ടർ പോൾ സിസ്റ്റർനു നിർദേശം നൽകി. “സർ ഗ്രൂപ്പ്‌ ചെക്ക് ചെയ്യാൻ ഞാൻ ആൾറെഡി സാംപിൾ കൊടുത്തിട്ടുണ്ട് അത്‌ ഉടനെ കിട്ടും, ഞാൻ അത്‌ നോക്കിട്ട് വരാം.” “ഗുഡ്… ദെൻ മെയ്ക് ഇറ്റ് ഫാസ്റ്റ്.” “ഓക്കേ ഡോക്ടർ…” “പോൾ… ഇത് കണ്ടിട്ട് ആക്‌സിഡന്റ് ആണെന്ന് തോന്നുന്നില്ല. ലുക്സ് ലൈക്ക് ആരോ തലയിൽ അടിച്ചത് പോലെ ഉണ്ട്. ഈ മുറിവ് കണ്ടോ. പിന്നെ ഇയാളുടെ ബോഡിയിൽ അടിയേറ്റ പാടുകളും ഉണ്ട്. ബെറ്റർ നമുക്ക് പോലീസിനെ വിവരം അറിയിക്കാം. എന്തെങ്കിലും സംഭവിച്ചാൽ പിന്നെ നമുക്കും പ്രശ്നം ആവും.” “യെസ്… അറിയിക്കാം എന്തായാലും ട്രീറ്റ്മെന്റ് നടക്കട്ടെ ഞാൻ ഇൻഫോം ചെയ്യാം പോലീസിനെ. അതിന് മുന്നേ ഞാൻ ഇയാളെ കൊണ്ടുവന്നവരെ ഒന്ന് കാണട്ടെ.” ഡോക്ടർ പോൾ പുറത്തേക്കു നടന്നു.
“സർ…അയാൾക്ക്‌ ഇപ്പൊ എങ്ങനുണ്ട് കുഴപ്പം ഒന്നും ഇല്ലല്ലോ അല്ലേ?” ഡോക്ടറെ കണ്ടയുടൻ മഹീന്ദർ ചോദിച്ചു. “ട്രീറ്റ്മെന്റ് തുടങ്ങിയതേ ഉള്ളു, പറയാം. അതിന് മുൻപ് ഇത് എങ്ങനെയാ ഉണ്ടായത് എന്നറിയണം. നിങ്ങൾ ആദ്യം ആക്‌സിഡന്റ് ആണെന്നാണ് പറഞ്ഞത് ബട്ട്‌ അയാളെ കണ്ടിട്ട് അങ്ങനെ തോന്നുന്നില്ല. ആരൊക്കെയോ ചേർന്ന് മർദിച്ചത് പോലെ.” ഡോക്ടർ പറഞ്ഞത് കേട്ട് മഹീന്ദർ ഒന്നും മിണ്ടാനാവാതെ അയാളെ തന്നെ നോക്കി നിന്നു. “സർ ഇയാളെ ഞങ്ങൾക്ക് റോഡ് സൈഡിൽ നിന്നാണ് കിട്ടിയത്. എന്താ സംഭവിച്ചത് എന്ന് ഞങ്ങൾക്കും അറിയില്ല. പിന്നെ അങ്ങനെ പറഞ്ഞാൽ ഇവിടെ ചികിത്സ കിട്ടിയില്ലെങ്കിലോ എന്നോർത്താണ് ആക്‌സിഡന്റ് ആണെന്ന് പറഞ്ഞത്.” ചോട്ടു ഡോക്ടറോട് കാര്യങ്ങൾ വിശദീകരിച്ചു. “ഓക്കേ… ബട്ട്‌ ഇത് എന്തായാലും പോലീസിൽ അറിയിക്കണം. അയാൾക്ക്‌ എന്തെങ്കിലും സംഭവിച്ചാൽ പിന്നെ അതൊക്കെ പ്രശ്നം ആവും. സോ നിങ്ങൾ സഹകരിക്കണം.” “ശെരി ഡോക്ടർ…”
“ഡോക്ടർ അയാളുടെ ബ്ലഡ്‌ ബി നെഗറ്റീവ് ആണ്, ബ്ലഡ്‌ ബാങ്കിൽ 4 കുപ്പി ഉണ്ട് അത്‌ മതിയാകുവോ?” സിസ്റ്റർ പൂജ ഓടിവന്നു ഡോക്ടറോട് പറഞ്ഞു. “പോരാതെ വരും, ഒരു 2കുപ്പി കൂടെ വേണ്ടി വരും, പൂജ ഡോണേഴ്സ് ലിസ്റ്റ് ഒന്ന് ചെക്ക് ചെയ്യ് എന്തായാലും, പിന്നെ ദേ ഇവരോടും ചോദിക്ക്.” ഡോക്ടർ പൂജയോട് മഹീന്ദറിനെയും ചോട്ടുവിനെയും നോക്കി പറഞ്ഞിട്ട് അകത്തേക്ക് പോയി.
“ആഹ് മേത്ത… ഹിസ് ഗ്രൂപ്പ്‌ ഈസ് ബി നെഗറ്റീവ്. നമ്മുടെ കയ്യിൽ 4 യൂണിറ്റ് സ്റ്റോക്ക് ഉണ്ട്, രണ്ടെണ്ണം കൂടി അറേഞ്ച് ചെയ്യാൻ ഞാൻ പറഞ്ഞിട്ടുണ്ട്. എന്തായാലും നമ്മുടെ കയ്യിൽ ഉള്ളത് ഉടനെ തന്നെ കൊടുക്കാൻ തുടങ്ങാം. പിന്നെ പോലീസിൽ ഞാൻ ഇൻഫോം ചെയ്തിട്ടുണ്ട് അവർ ഉടനെ എത്തും.” “ഓക്കേ പോൾ…” ഡോക്ടർ മേത്ത അയാളുടെ തലയിലെ മുറിവ് സ്റ്റിച് ചെയ്ത്കൊണ്ട് തന്നെ മറുപടി പറഞ്ഞു.
പിന്നീട് എല്ലാം വേഗത്തിൽ തന്നെ നടന്നു. അതിനിടയിൽ പോലീസ് വന്നു മഹീന്ദറിനോടും ചോട്ടുവിനോടും കാര്യങ്ങൾ ചോദിച്ചറിഞ്ഞു. അപ്പോഴേക്കും ഡോക്ടർസ് രണ്ട് പേരും വെളിയിൽ വന്നു. “ഹായ് ഡോക്ടർ… ഐ ആം നിതീഷ് റാവു, ഇവിടുത്തെ എസ് ഐ ആണ്. ഡോക്ടർ പോൾ?” അയാൾ അവരെ രണ്ട് പേരെയും നോക്കി ചോദിച്ചു. “ഞാനാണ് പോൾ, നിങ്ങളെ ഫോൺ ചെയ്തത് ഞാൻ ആണ്. ഇത് ഡോക്ടർ കിരൺ മേത്ത, സർജൻ ആണ്.” അവർ രണ്ട് പേരും അയാൾക്ക്‌ കൈ കൊടുത്തു. “എന്താണ് ഡോക്ടർ ഇപ്പോ അയാളുടെ കണ്ടിഷൻ? എനി റിസ്ക് ഫാക്ടർ?” “കണ്ടിഷൻ ഇപ്പൊ പറയാൻ പറ്റില്ല, ഈ സമയം ഞങ്ങളെകൊണ്ട് ആവുന്നത് ഒക്കെയും ഞങ്ങൾ ചെയ്തുകഴിഞ്ഞു. ഇനിയിപ്പോ അയാൾക്ക്‌ ബോധം വരുന്നത് വരെ കാത്തിരിക്കണം.” പോൾ മറുപടി നൽകി. “ഹെവി ബ്ലഡ്‌ ലോസ് ആയിരുന്നു. ഇപ്പോഴെങ്കിലും ഹോസ്പിറ്റലിൽ എത്തിക്കാൻ പറ്റിയത് കൊണ്ട് മാത്രം ആണ് അയാൾ ഇപ്പോഴും ജീവിക്കുന്നത്, പിന്നെ ദേഹത്ത് ഉള്ള മുറിവുകൾ ഒക്കെ നിസ്സാരം തന്നെ എന്ന് പറയാം, കാലിൽ ചെറിയൊരു പൊട്ടൽ പോലെ ഉണ്ട് അത്‌ 1 മാസം കൊണ്ട് ശെരിയായേക്കും. എന്നാൽ ഏറ്റവും പ്രശ്നം അയാളുടെ തലയ്ക്കു പിന്നിൽ ഉള്ള മുറിവ് ആണ്. എന്തോ കൊണ്ട് ശക്തിയായി അടിച്ചപ്പോൾ ഉണ്ടായത്. അതാണ് ബ്ലഡ്‌ ലോസ് ഇത്ര കൂടാൻ കാരണം. പിന്നെ റിക്കവർ ചെയ്താലും ഓർമ്മക്കുറവോ അല്ലെങ്കിൽ ടെംപററി മെമ്മറി ലോസ് അത്‌ പോലെ ഉള്ള പ്രശ്നങ്ങൾ ഉണ്ടാവാൻ സാധ്യത ഉണ്ട്. അതെല്ലാം ബോധം തെളിഞ്ഞതിനു ശേഷം ഉള്ള കാര്യങ്ങൾ. എന്തായാലും ഒരു 48 മണിക്കൂർ ഒബ്സെർവഷനിൽ ഇരിക്കട്ടെ, ബോഡി മരുന്നിനോട്‌ റിയാക്ട് ചെയ്ത് തുടങ്ങിയാൽ പിന്നെ പ്രശ്നം ഇല്ല. ലെറ്റ്‌ അസ് ഹോപ്പ് ഫോർ ദി ബെസ്റ്റ്.” മേത്ത കാര്യങ്ങൾ ഒന്നുകൂടി വിശദീകരിച്ചു നൽകി.
“ഓക്കേ ഡോക്ടർ, അയാൾക്ക്‌ ബോധം വരുമ്പോൾ ഞങ്ങളെ ഒന്ന് അറിയിച്ചാൽ മതി.” “ഷുവർ.. വി വിൽ..” “ഓക്കേ ഡോക്ടർ, ഞങ്ങൾ എന്നാൽ ഇറങ്ങുന്നു.” “ശെരി അങ്ങനെ ആവട്ടെ” ഡോക്ടർസ് രണ്ട് പേരും നടന്നകന്നു.
“നിങ്ങൾ നിങ്ങളുടെ പേരും മറ്റു ഡീറ്റെയിൽസും തന്നിട്ട് പൊക്കൊളു, എന്തെങ്കിലും ആവിശ്യം ഉണ്ടായാൽ വിളിപ്പിക്കും അപ്പൊ വന്നാൽ മതി. ഓക്കേ?” നിതീഷ് മഹീന്ദറിനോടും ചോട്ടുവിനോടും പറഞ്ഞു.
“ശെരി സർ…അയാൾക്ക്‌ ഒന്നും സംഭവിക്കില്ല സർ, എന്റെ മനസ്സ് പറയുന്നു.” മഹീന്ദറിന്റെ വാക്കുകൾക്ക് ഒരു പുഞ്ചിരി പകരം നൽകി നിതീഷ് പുറത്തേക്കു നടന്നു. *******************************
“ഗുഡ് മോർണിംഗ്….. എന്തൊക്കെയാണ് വിശേഷങ്ങൾ???” “ആഹ് മിഴി…. ഇതെപ്പോ എത്തി നാട്ടിൽ നിന്ന്? അറിഞ്ഞില്ലല്ലോ വന്നത്” പൂജ മിഴിയെ കെട്ടിപിടിച്ചു ചോദിച്ചു. “ഇന്നലെ രാത്രി എത്തിയെ ഉള്ളു, വന്നു കിടന്നു ഉറങ്ങി നല്ല ക്ഷീണം ഉണ്ടാരുന്നു അതാ വിളിക്കാഞ്ഞത് ആരേം.” “എന്തായി പോയ കാര്യങ്ങൾ ഒക്കെ?” “ഓ എന്താവാൻ, 3 മാസത്തെ അവധി കൂടി കിട്ടി അതിനിടയിൽ പൈസ അടച്ചാൽ ജപ്തി ഒഴിവാക്കാം അല്ലെങ്കിൽ….” മിഴിയുടെ മുഖം പെട്ടെന്ന് മൂകമായി. “ഹ സാരമില്ല, അഥവാ അങ്ങനെ സംഭവിച്ചാലും നീ കാനഡയിൽ പോയി ഒരു 6 മാസം കഴിയുമ്പോൾ എന്തായാലും നമുക്ക് ആ വീട് തിരിച്ചു പിടിക്കാൻ പറ്റും. നീ വിഷമിക്കണ്ട.” പൂജ അവളെ ആശ്വസിപ്പിച്ചു.
മിഴി… മലയാളിയാണ്. K.V.M ഹോസ്പിറ്റലിൽ നേഴ്സ് ആയി ജോലി ചെയ്യുന്നു. ഇവിടുത്തെ 3 കൊല്ലത്തെ എക്സ്പീരിയൻസ് വെച്ച് കാനഡയിൽ പോകാൻ ശ്രമിക്കുന്നു. ഹിന്ദിക്കാരി ആണെങ്കിലും പൂജ ആണ് അവളുടെ ഉറ്റ സുഹൃത്ത്.
