“ആഹ് അത്‌ പോട്ടെ എന്താണ് ഇവിടുത്തെ വിശേഷം, നേരത്തെ ഉണ്ടാരുന്നവർ ഒക്കെ ഡിസ്ചാർജ് ആയോ?” മിഴി പൂജയോട് ചോദിച്ചു. “ദാ ഇതാണ് പേഷ്യന്റ്സ് ലിസ്റ്റ്. നീ പോയപ്പോൾ ഉണ്ടായിരുന്ന കൊറേ ആൾകാർ ഒക്കെ ഡിസ്ചാർജ് ആയി, കുറച്ച് പേര് പുതിയത് വന്നിട്ടുണ്ട്. പിന്നെ ആ മഞ്ഞപിത്തം ബാധിച്ച ഒരു കേസ് ഉണ്ടാരുന്നില്ലേ…അത്‌ ഡെത്ത് ആയി.” പൂജ കാര്യങ്ങൾ വിശദീകരിച്ചു നൽകി. “ഓ റസിയ ബീഗം… അല്ലേ? അവരുടെ കണ്ടിഷൻ അന്നേ തീരെ മോശം ആയിരുന്നു.” “മം.. ആഹ് പിന്നെ ഒരു ഒബ്സെർവഷൻ കേസ് ഉണ്ട്. ആൾക്ക് ബോധം വീണിട്ടില്ല. ബോഡി മെഡിസിനോട് റിയാക്ട് ചെയ്ത് തുടങ്ങി. ഇമ്പ്രൂവ്മെന്റ് ഉണ്ട് പക്ഷേ ബോധം വന്നില്ല.” “എന്താ കേസ്?” “ആക്‌സിഡന്റ് ആണെന്ന് പറഞ്ഞു അഡ്മിറ്റ്‌ ചെയ്തതാണ്, പക്ഷേ മർഡർ അറ്റെംപ്റ്റോ മറ്റോ ആണെന്നാണ് കിരൺ ഡോക്ടർ പറഞ്ഞത്. തലയിൽ 10 സ്റ്റിച് ഉണ്ട് നെറ്റിയിൽ 3 ഉം. പിന്നെ മെമ്മറിടെ കാര്യം എങ്ങനാണ് എന്ന് ബോധം വന്നാലേ പറയാൻ പറ്റു.” പൂജ അവൾക്ക് എല്ലാം പറഞ്ഞു കൊടുത്തു. എല്ലാവർക്കും കൊടുക്കേണ്ട മരുന്നിന്റെയും ഇൻജെക്ഷന്റെയും ലിസ്റ്റും മറ്റും അവൾക്ക് കൈമാറി. “എന്നാ പിന്നെ നീ പൊക്കോ. ഇന്ന് നെറ്റും ഞാൻ എടുത്തോളാം നീ നാളെ രാവിലെ വന്നാൽ മതി.” മിഴി അവളെ യാത്രയാക്കി.
പൂജ പോയതും, മിഴി എല്ലാ റൂമിലും കയറി പരിചയപ്പെട്ടു. മുൻപ് അവിടെ ഉണ്ടായിരുന്ന രോഗികൾളോട് അവൾ പരിചയം പുതുക്കി. കൂടെ ഒബ്സെർവഷൻ റൂമിലും പോയി നോക്കി. ബോധം വീണിട്ടില്ല. അവൾ അവിടെ വെച്ചിരുന്ന പ്രിസ്‌ക്രിപ്‌ഷൻ ഒക്കെ എടുത്ത് നോക്കി, മരുന്ന് കൊടുക്കേണ്ട സമയവും മറ്റും നോട്ട് ചെയ്ത് പുറത്തിറങ്ങി.
കൂടെ ഡ്യൂട്ടി ഉള്ള ശിവാനി എത്തിയിട്ടില്ല. അവൾ വന്നിട്ട് വേണം അവളെ ഇത് ഏല്പിച്ചു ക്യാന്റീനിൽ പോയി എന്തെങ്കിലും കഴിക്കാൻ. ഇന്നലെ രാത്രിയും പട്ടിണി ആണ്. ഡോക്ടർ റൗണ്ട്സിനു വരാൻ ടൈം ആവുന്നു. അങ്ങനെ ഓരോന്ന് ഓർത്ത് നിന്നപ്പോഴേക്കും ശിവാനി എത്തി. “സോറി.. സോറി.. സോറി…ക്യാന്റീനിൽ നല്ല തിരക്കായിരുന്നു അതാ ലേറ്റ് ആയെ. നീ എപ്പോ എത്തി?” ഒറ്റ ശ്വാസത്തിൽ അവൾ അത്രെയും ചോദിച്ചു നിർത്തി. “എന്റെ ശിവ… കഥയൊക്കെ ഞാൻ വന്നിട്ട് പറയാം. വിശന്നിട്ടു വയ്യ. ദേ നീ ഇതൊക്കെ ഒന്നെടുത്തു വെയ്ക് അപ്പോഴേക്കും ഞാൻ ഓടി പോയി എന്തെങ്കിലും കഴിച്ചിട്ട് വരാം. ഡോക്ടർ വരാൻ സമയം ആയി.” “ആഹ് എന്നാ പോയിട്ട് വാ ഇത് ഞാൻ എടുത്തു വെയ്ക്കാം.” മിഴിയെ പറഞ്ഞു വിട്ടിട്ട് ശിവാനി മരുന്നെല്ലാം എടുത്ത് വെയ്ക്കാൻ തുടങ്ങി.
അല്പം കഴിഞ്ഞതും ഡോക്ടർ മേത്തയുടെ കാർ വരുന്നത് ശിവാനി കണ്ടു. അവൾ വേഗം തന്നെ പോയി ഡോക്ടറുടെ റൂം സെറ്റ് ചെയ്തു. ഇതിനിടയിൽ ഡോക്ടർ മേത്ത റൂമിൽ എത്തിയിരുന്നു, “ഗുഡ്മോർണിംഗ് ഡോക്ടർ.. ” “ഗുഡ്മോർണിംഗ് ശിവാനി, ഇന്ന് രോഗികൾ കുറവാണല്ലോ, നല്ല കാര്യം.” അവൾ അവിടെ നിന്നിരുന്ന രോഗികളെ ഒന്നൊന്നായി അകത്തേക്ക് കയറ്റി വിട്ടു. അധികം രോഗികൾ ഇല്ലായിരുന്നു ഒരു മണിക്കൂർ കൊണ്ട് തന്നെ കൺസൾട്ടേഷൻ കഴിഞ്ഞു.
“ആഹ് ശിവാനി, ഇനി ആരെങ്കിലും ഉണ്ടോ പുറത്ത്?” “ഇല്ല ഡോക്ടർ. കഴിഞ്ഞു.” “ഓക്കേ… എന്നാൽ റൗണ്ട്സിനു റെഡി ആയിക്കോളൂ, സമയം കളയണ്ട. വേറെ ആരാ ഉള്ളത്?” “മിഴി ജോയിൻ ചെയ്തിട്ടുണ്ട് ഡോക്ടർ.” “ഓ.. മിഴി എത്തിയോ. ഓക്കേ അയാളോടും പറഞ്ഞേക്ക്. ഞാൻ ഒന്ന് ഫ്രഷ് ആയിട്ട് വരാം അപ്പോഴേക്കും നിങ്ങൾ റെഡി ആവാൻ നോക്ക്.” “ഓക്കേ ഡോക്ടർ…”
“മിഴി എല്ലാം റെഡി അല്ലേ, ഡോക്ടർ ഇപ്പൊ വരും.” “ആഹ് റെഡി റെഡി…” അപ്പോഴേക്കും ഡോക്ടർ എത്തിയിരുന്നു. “ഹായ് മിഴി… ഹൗ ആർ യു?” “ഫൈൻ ഡോക്ടർ, ഹൗ ആർ യു?” “ആം ഗുഡ്…എല്ലാം റെഡി അല്ലേ? ഷാൾ വി ഗോ?” “യെസ് ഡോക്ടർ. പോകാം.” ഓരോ റൂമിലും അവർ കയറി ഇറങ്ങി. ഡോക്ടർ പറയുന്ന കാര്യങ്ങൾ നോട്ട് ചെയ്ത് എടുക്കാൻ അവർ മറന്നില്ല. റൂം എല്ലാം വിസിറ്റ് ചെയ്ത് കഴിഞ്ഞപ്പോൾ തന്നെ ഒരു മണിക്കൂറിനു മുകളിൽ ആയി. “ആഹ് ശിവാനി, ആ ഒബ്സർവേഷൻ കേസ് എന്തായി. ബോധം വന്നോ?” “ഇല്ല സർ, ഞാൻ കുറച്ച് മുൻപ് പോയി നോക്കിയിരുന്നു ബോധം വന്നിട്ടില്ല.” മിഴിയാണ് മറുപടി പറഞ്ഞത്. “ഓക്കേ… അയാളുടെ ഇതുവരെ ഉള്ള ട്രീറ്റ്മെന്റ് ബിൽ ഒക്കെ സെറ്റിൽ ചെയ്തിട്ടില്ല എന്ന് മാനേജർ പറഞ്ഞിരുന്നു. ബട്ട്‌ അയാൾക്ക്‌ ബോധം വന്നു കഴിഞ്ഞുള്ള കാര്യങ്ങൾ അല്ലേ അത്‌. മാനേജ്മെന്റിന് എങ്ങനെയും പൈസ വസൂൽ ആക്കണം എന്നൊരു ചിന്ത മാത്രം ആണ്. മിഴി ഒരു ഹെൽപ് ചെയ്യണം, ഇവിടുത്തെ ഏതോ ഒരു ചാരിറ്റി ഓർഗനൈസഷനുമായി ഇയാൾക്ക് ബന്ധം ഇല്ലേ അവരോടു ഒന്ന് ചോദിച്ചു നോക്കാൻ പറ്റുവോ?” “ഞാൻ ചോദിക്കാം ഡോക്ടർ, അവർ ഇത്പോലെ ഉള്ള കേസ് എടുക്കാറുണ്ട്. ബട്ട്‌ അവർക്ക് ആകെ ഉള്ള പരാതി ഇത്പോലെ ഉള്ള ഹോസ്പിറ്റൽസ് ബില്ല് വളരെ കൂട്ടി ആണ് ഇടുന്നത് എന്നാണ്. അവർക്ക് അത്‌ അടക്കാൻ ബുദ്ധിമുട്ട് ഉണ്ടായിട്ടല്ല, പക്ഷേ അധികമായി ചിലവാക്കുന്ന പണം ഒരുപക്ഷെ മറ്റൊരാളുടെ ജീവന്റെ വില ആയിരിക്കുമല്ലോ. ഞാൻ എന്തായാലും അവരോടു സംസാരിക്കാം ഡോക്ടർ.”
“മം… ഐ ക്യാൻ അൻഡർസ്റ്റാൻഡ്‌. ബട്ട്‌ നമ്മൾ പറയുന്നത് ഒന്നും കേൾക്കാൻ ഇവർ കൂട്ടാക്കില്ല. ഫോർ ദം വി ആർ ജസ്റ്റ്‌ സെർവെന്റ്സ്. ചികിത്സ നൽകുന്നത് പണം മാത്രം മുന്നിൽ കണ്ട് ആവരുത്. ഓപ്പറേഷൻ ടേബിളിൽ കിടക്കുന്ന ഒരു രോഗിക്ക് ആ സമയത്ത് ഏറ്റവും വലിയ ദൈവം അയാളെ ഓപ്പറേറ്റ് ചെയ്യുന്ന ഡോക്ടർ ആവും.” ഡോക്ടർ മേത്ത അയാളുടെ അമർഷം ഉള്ളിൽ ഒതുക്കി പറഞ്ഞു. മിഴിയും ശിവാനിയും അയാളെ അനുഗമിച്ചു ഒബ്സർവേഷൻ റൂമിലേക്ക് കയറി.
ഡോക്ടർ മേത്ത അയാളെ പരിശോധിക്കാൻ തുടങ്ങി. അല്പ സമയത്തെ പരിശോധനയ്ക്കു ശേഷം അദ്ദേഹം ഒന്ന് പുഞ്ചിരിച്ചു. “ഇയാൾ രക്ഷപെടും, ബോഡി നല്ലപോലെ റിയാക്ട് ചെയ്യുന്നുണ്ട് മരുന്നിനോട്. എന്തായാലും ബോധം വരുന്നത് വരെ ഇവിടെ തന്നെ കൺടിന്യു ചെയ്യാം. സെയിം മെഡിസിൻ തന്നെ ഫോളോ ചെയ്തോളു. പിന്നെ ഒരാൾ ഇവിടെ തന്നെ നിക്കണം, എപ്പോഴാ ബോധം വരണേ എന്ന് പറയാൻ പറ്റില്ല. സോ മിഴി ഇവിടെ നിന്നോളൂ. വാർഡിൽ ശിവാനി ഒരാൾ പോര അത്കൊണ്ട് ഡ്യൂട്ടിക്ക് ഒരാളെ കൂടെ ഞാൻ റെക്കമെന്റ് ചെയ്തേക്കാം.” “ഓക്കേ ഡോക്ടർ.” “ആഹ് പിന്നെ മിഴി, ഞാൻ പറഞ്ഞ കാര്യം മറക്കണ്ട, എന്തെങ്കിലും ഒരു ചെറിയ എമൗണ്ട് എങ്കിലും പേ ചെയ്തില്ലെങ്കിൽ മാനേജ്മെന്റ് ഇയാളെ കയ്യൊഴിയും പിന്നെ നമുക്ക് ഒന്നും ചെയ്യാൻ പറ്റില്ല. ഈ അവസ്ഥയിൽ അയാളെ സാദാരണ ക്ലിനിക്കിൽ ഒന്നും കൊണ്ടുപോയി തള്ളാൻ പറ്റില്ല, നല്ല കെയർ വേണം.” മേത്ത അവളെ ഒന്നുകൂടി ഓർമിപ്പിച്ചു.
