ജോമോന്റെ ചേച്ചി – 1

“നിന്റെ പേരെന്താ.. ചോദിക്കാൻ മറന്നു..?

“അഖിൽ എന്ന… സ്ഥലം കണ്ണൂരാ..നാട്ടിലെ പടുത്തം ഒക്കെ കഴിഞ്ഞപ്പോ വീട്ടിൽ നിന്ന് മാറി നിൽക്കാമെല്ലോ എന്ന് കരുതിയ BA എടുത്തു ഇങ്ങോട്ട് പൊന്നേ… ഇതിപ്പോ പട്ടിക്ക് മുഴുവൻ തേങ്ങ കിട്ടിയ അവസ്ഥ ആയി..”

“BA ആണോ..ഞാനും… ഇനിയും ഇവിടെ നിക്കണ്ട വാ ക്ലാസ്സ്‌ കണ്ടു പിടിക്കാ..”

അവനെയും കൂട്ടി ഞാൻ മുൻപോട്ട് നടന്നു

“എന്റെ പേര് ജോമോനെന്നാ…കോഴിക്കോട് ആണ് വീട്..”

ഞാൻ എന്നെ പരിചയപ്പെടുത്തി

അവനതെല്ലാം കേട്ടു നിന്നു.. ഒടുക്കം അവിടെ നിന്ന ചിലരോടൊക്കെ ചോദിച്ചു ക്ലാസ്സ്‌ കണ്ടുപിടിച്ചു കേറി

പിന്നെ ഒന്ന് ഫ്രീ ആകാൻ പറ്റിയത് ഉച്ചക്ക് ആയിരുന്നു

അല്പം മണിക്കൂറുകൾ മാത്രം പരിചയമുണ്ടായിരുന്നെങ്കിലും ഞാനും അഖിലും തമ്മിൽ ജന്മങ്ങൾ നീണ്ടു നിന്ന ഒരു ബന്ധം പോലെ തോന്നി

വേറെ കൂട്ടുകാർ ആരും അവിടെ ഇല്ലാത്തത് കൊണ്ടായിരിക്കും.. അവനും അത് പറഞ്ഞു

ഇൻട്രോഡക്ഷൻ ക്ലാസ്സ് ആയത് കൊണ്ട് തന്നെ ഉച്ച കഴിഞ്ഞു ക്ലാസ്സിൽ കേറാൻ നിൽക്കാതെ ഞാൻ പുറത്തേക്ക് പോന്നു

പാർക്കിംഗ് ഏരിയയിലേക്ക് നടക്കുമ്പോൾ അഖിൽ പിറകിൽ നിന്ന് ഓടി വന്നു

“ജോ ഞാനുമുണ്ട്..”

“നീ എവിടെക്കാ…?

“നിന്റെ ഫ്ലാറ്റിന് അടുത്ത് തന്നെ ഉള്ള ഏരിയയിൽ ആണ് എന്റെ ഹോസ്റ്റലും…എന്നെ ആ വഴിയിൽ വിട്ടാൽ മതി..”

അവൻ പറഞ്ഞുകൊണ്ട് എന്റെ വണ്ടിയിൽ കയറി.. ഇനി അവിടെ വരെ ഇവൻ കമ്പനി തരുമെന്ന ആശ്വാസത്തിൽ ഞാൻ വണ്ടി എടുത്തു

“ജോ നീ ഇവിടെ ഒറ്റക്ക് ആണോ..?

“അല്ലേടാ.. എന്റെ ചേച്ചിയും ഒണ്ട് കൂടെ…”

“ചേച്ചിയോ…? അപ്പോ നാട്ടിൽ ആരൊക്കെ ഒണ്ട്..?

അവൻ എന്റെ ഫാമിലിയെക്കുറിച്ചു അറിയാനായി ചോദിച്ചു…

“അവിടെ അച്ഛനും അമ്മയും ഒണ്ട്… നിന്റെ വീട്ടിൽ ആരൊക്കെ ഒണ്ട്..?

“നാട്ടിൽ അമ്മയും പപ്പയും ഒരു പെങ്ങളും ഒണ്ടെടാ…പപ്പയും അമ്മയും ഡോക്ടർമാർ ആണ്..പെങ്ങളിപ്പോ പത്താം ക്ലാസ്സിൽ പഠിക്കുവാ… നിന്റെ ചേച്ചി എന്ത് ചെയ്യുവാ ഇവിടെ.. ജോലി ആണോ..?
“അതേടാ.. ഇവിടൊരു പ്രൈവറ്റ് കമ്പനിയിൽ അസിസ്റ്റന്റ് മാനേജർ ആണ് ഇപ്പൊ.”

“ഓ.. അപ്പൊ നിങ്ങൾ ഇവിടെ വന്നിട്ട് കൊറേ ആയല്ലേ….?

“ഹാ.. ഒരു ഒന്നൊന്നര വർഷം ആയിക്കാണും..”

അപ്പോളേക്കും അവന്റെ ഹോസ്റ്റലിന്റെ മുൻപിൽ എത്തിയിരുന്നു..അവനെ അവിടെ ഇറക്കിയ ശേഷം ഞാൻ ഫ്ലാറ്റിലേക്ക് പോയി

ഒറ്റക്ക് ലിഫ്റ്റിൽ നിൽകുമ്പോൾ മനസ്സിനാകെ ഒരു വല്ലായിക ആയിരുന്നു.. ഇത്ര നേരം അഖിൽ കൂടെ ഉള്ളതോണ്ട് മറ്റൊന്നും ആലോചിക്കാതെ ഇവിടെ വരെ എത്തി

ഇനി…….

കയ്യിലെ സ്പെയർ കീ ഉപയോഗിച്ച് ലോക്ക് തുറന്നു അകത്തു കയറി

ഫ്രിഡ്ജിൽ നിന്ന് കൊറച്ചു തണുത്ത വെള്ളം കുടിച്ചിട്ട് നേരെ എന്റെ റൂമിലേക്ക് പോയി

ഡ്രസ്സ്‌ പോലും മാറാൻ നിൽക്കാതെ ഞാൻ കയറി കിടന്നു

ഷീണം കൊണ്ടാണോ എന്തോ അപ്പോൾ തന്നെ മയങ്ങിപ്പോയി….

_____________

അമ്മയെ ആണ് ഞാൻ ആദ്യമേ വീട്ടിൽ കയറിയപ്പോ തിരഞ്ഞത്

പുതിയതായി വന്ന ആളും കൂടെ കാണുമെന്നു എനിക്ക് ഉറപ്പായിരുന്നു

ഊഹം തെറ്റിയില്ല.. അമ്മയുടെ മുറിക്ക് മുൻപിൽ പെണ്ണുങ്ങളുടെ ഒരു പട തന്നെ ഉണ്ടായിരുന്നു

അവർക്കിടയിലൂടെ ഞാൻ അകത്തേക്ക് കയറി

അവിടെ കണ്ടു അമ്മയുടെ തോളിൽ മുഖമമർത്തി കരയുന്ന ഒരു പെണ്ണികുട്ടിയെ

അവിടെ കൂടി നിന്നവർ പറയുന്നത് കേട്ടാണ് ഞാൻ അറിഞ്ഞത് അവർക്ക് ഏകദേശം ഇരുപത് വയസ്സിനടുത്തു പ്രായം ഉണ്ടെന്നു.. പക്ഷെ കണ്ടാൽ അത്ര പോലും തോന്നുകയുമില്ല

വെളുത്തു മെലിഞ്ഞു നല്ല നീളമുള്ള മുടിയുള്ള ഒരു പാവം ചേച്ചി.. പാവം ആയതു കൊണ്ടാവുമല്ലോ ഇങ്ങനെ കരയുന്നത്… ഇങ്ങനെ ഒക്കെ മനസ്സിൽ കരുതി ഞാൻ എന്റെ മുറിയിലേക്ക് നടന്നു

അവിടെ അമ്മാവന്മാരുടെ ഒരു കൂട്ടം തന്നെ ഉണ്ടായിരുന്നു

അവർക്കൊക്കെ നടുവിൽ തലക്ക് കയ്യും കൊടുത്തിരിക്കുന്ന ചേട്ടനും

ഇങ്ങനെ ഒക്കെ ജീവിതത്തിൽ ആദ്യമായി കാണുന്ന ഞാൻ എല്ലാവരെയും നോക്കിക്കൊണ്ട് അവിടെ കറങ്ങി നടന്നു

ചിലർ കരയുന്നു.. ചിലർ ദേഷ്യപ്പെടുന്നു.. വേറെ ചിലർ കുറ്റങ്ങൾ കണ്ടു പിടിച്ചുകൊണ്ടു നടക്കുന്നു

എല്ലാം ഒന്ന് കെട്ടടങ്ങിയത് രാത്രിയോടെ ആയിരുന്നു

ഒടുക്കം അമ്മയുടെ മടിയിൽ കിടന്നപ്പോ അമ്മ പറയുന്നത് കേട്ടു
ആ ചേച്ചിയെ ഇനി അവരുടെ വീട്ടുകാർക്ക് വേണ്ടെന്ന്.. അത് പറഞ്ഞായിരുന്നു ഉമ്മറത്തു നിന്ന് കൊറച്ചു പേർ ഉച്ചത്തിൽ സംസാരിച്ചത്

പിന്നെ ആണ് അച്ഛൻ പറഞ്ഞത് എന്റെ മോൾ ആയി തന്നെ ഇവിടെ ഞാൻ വളർത്തിക്കോളാം..ചേട്ടന് കല്യാണപ്രായം ആകുമ്പോൾ അവരെ കെട്ടിച്ചോളാം എന്നൊക്കെ

“അപ്പൊ ആ ചേച്ചി ഇവിടെ ആണോ അമ്മേ ഇനി നിൽക്കാൻ പോണത്..?

അമ്മയോട് ഞാൻ ചോദിച്ചു.. അതിന് അമ്മ ഒന്ന് ചിരിക്കുക മാത്രം ചെയ്തു.. എന്റെ മുടി ഇളക്കികൊണ്ട് ചേച്ചിയുടെ പേര് എന്നോട് പറഞ്ഞു

“ദയ…. ദയ എന്നാ ആ ചേച്ചിയുടെ പേര്…. ഇനിതൊട്ട് ചേച്ചി ഇവിടെ ഒണ്ടാവും…”

അമ്മ എന്നോട് പറഞ്ഞു…. അന്ന് മുതൽ എനിക്ക് ഒരു ചേച്ചിയെ കിട്ടി.. പക്ഷെ ആകെ ഉണ്ടായിരുന്ന ഒരു ചേട്ടൻ പുറത്തായി

രണ്ട് പേരും ഒരുമിച്ചു നിന്നാൽ ശെരിയാവില്ല എന്ന് പറഞ്ഞുകൊണ്ട് അച്ഛൻ ചേട്ടനെ കൊറച്ചു ദൂരെ മാറിയൊരു ഹോസ്റ്റലിൽ ചേർത്തു

അതായിരുന്നു അച്ഛൻ ചെയ്ത ഒരു തെറ്റ്…

ആദ്യമൊക്കെ ചേട്ടൻ മാസത്തിലൊരിക്കൽ വീട്ടിൽ വന്നു ചേച്ചിയെയും ഞങ്ങളേയുമൊക്കെ കാണുമായിരുന്നു

പിന്നെ പിന്നെ വരവ് കുറഞ്ഞു…ഇടക്ക് കോളേജിൽ ചെന്നപ്പോ അറ്റണ്ടൻസ് കുറവും പഠിപ്പിൽ ശ്രദ്ധയില്ലെന്നുമൊക്കെ ടീച്ചർമാർ പറഞ്ഞു

പക്ഷെ എനിക്ക് ചേട്ടൻ ഇല്ലാത്തത്തിന്റെ ഒരു കുറവും അനുഭവപ്പെട്ടില്ല… കാരണം ആ പോസ്റ്റിലേക്ക് പുതിയ ഒരാളെ എനിക്ക് കിട്ടിയിരുന്നു

ആദ്യമൊക്കെ കരഞ്ഞു വിഷമിച്ചു നടന്നിരുന്ന ദയേച്ചി മെല്ലെ മെല്ലെ വീട്ടുകാരുമായി കമ്പനിയായി

പിന്നെ എന്നോട് അടുത്തു.. ഒരു ചേച്ചിയുടെ സ്നേഹം ഞാൻ അന്ന് ആണ് അനുഭവിച്ചു തുടങ്ങിയത്

എനിക്ക് പ്ലസ് വൺ അഡ്മിഷൻ കിട്ടി വൈകാതെ തന്നെ.. ഒരു വർഷമായി പഠിപ്പ് നിർത്തിയിരുന്ന ചേച്ചിക്ക് അച്ഛൻ തന്നെ അടുത്തുള്ള ഒരു കോളേജിൽ അഡ്മിഷൻ വാങ്ങി കൊടുത്തു

പഠിക്കാൻ ബുദ്ധിമുട്ടുള്ള വിഷയങ്ങളിൽ ചേച്ചി എന്നെ സഹായിച്ചു.. പകരം ആരുമില്ല എന്ന തോന്നൽ ഇല്ലാത്ത വിധം ഞാൻ ചേച്ചിയെ കൊണ്ട് നടന്നു

അങ്ങനെ ഇരിക്കെ ആണ് ഒരു ദിവസം ടിവി കണ്ടുകൊണ്ടിരുന്ന എന്റെ അടുക്കൽ ചേച്ചി വന്നിരുന്നത്

ചേച്ചിയെ ശ്രദ്ധിക്കാതെ ഞാൻ ടിവിയിൽ മാത്രം നോക്കിക്കൊണ്ടിരിന്നപ്പോ സ്വാഭാവികമായും കുശുമ്പിന്റെ അസുഖമുള്ള ദയേച്ചി എന്റെ കയ്യിൽ കടിച്ചു
എന്റെ ശ്രദ്ധ മാറ്റാൻ ചെയ്തത് ആണെങ്കിലും ഞാനത് കാര്യമാക്കി എടുത്തു

പിന്നെ നടന്നതൊരു യുദ്ധം തന്നെ ആയിരുന്നു

വീടിനകം ചുറ്റും ഞാൻ ചേച്ചിയെ ഓടിച്ചു.. പിടി തരില്ലെന്ന ഭാവത്തിൽ ചേച്ചിയും

Leave a Reply

Your email address will not be published. Required fields are marked *