ഉമ്മ വെച്ചു
‘ അമ്മ … റെഡിയായി ..ഇനിയൊന്നു നോക്കിക്കേ ..’ ട്രീസ ഇരുന്നു തയ്ക്കാന്‍ തുടങ്ങി.ആദ്യമൊന്നു പരിചയക്കുറവുണ്ടായെങ്കിലും നിമിഷനേരം കൊണ്ടവള്‍ ആ ചുരിദാര്‍ തയ്ച്ചു ജെയ്മോനെ വിടര്‍ത്തി കാണിച്ചു
” ഹും … എല്ലാത്തിനും ആദ്യത്തെ ബുദ്ധിമുട്ടേ ഉള്ളമ്മേ ..നമ്മള്‍ മനസു കൊണ്ട് ഇഷ്ടപ്പെട്ടാല്‍ , ഇതെനിക്ക് പറ്റും എന്ന് ചിന്തിച്ചാല്‍ അതൊരു ബുദ്ധിമുട്ടാവുകയേയില്ല”
ജെയ്മോന് അവന്‍റെ മുറിയിലേക്ക് കയറി .. ട്രീസാ ചുരിദാര്‍ മടക്കി വെച്ച് അടുക്കളയിലേക്കും
കാലം എത്ര വേഗമാണ് കടന്നു പോയതെന്ന് ട്രീസയോര്‍ത്തു .ഇഷ്ടപ്പെട്ട പുരുഷനൊപ്പം ഇറങ്ങിപോരുമ്പോള്‍ വയസ്ഇരുപത് ..ഇരുപത്തിയൊന്നാം വയസില്‍ ജെയ്മോന് ഉണ്ടായി കഴിഞ്ഞാണ് ടോമിച്ചന് ഇറിഗേഷന്‍ വകുപ്പില്‍ ജോലി കിട്ടിയത് .. സന്തുഷ്ട ദാമ്പത്യം .. ലവ് മാര്യേജ് ആയതു കൊണ്ട് ബന്ധുക്കള്‍ തിരിഞ്ഞു നോക്കുന്നില്ല എന്നതൊഴിച്ചാല്‍ ജീവിതം സ്വസ്ഥം. സ്വന്തമായൊരു വീടിനു വേണ്ടിയുള്ള ഓട്ടത്തിനിടയിലാണ് ജെയ്മോന്‍റെ എട്ടാം വയസില്‍ ബൈക്ക് ആക്സിടന്റ്റ് മുഖേനെ ടോമിച്ചന് യാത്രയായത് .. അതില്‍ പിന്നെ ആ വീട് പൂര്‍ത്തിയാക്കാനോ ഒന്നും സാധിച്ചില്ല … അതിനുള്ള ത്രാണി ഇല്ലായിരുന്നു താനും .. ആ വീട് വിറ്റ് ഉണ്ടായിരുന്ന ബാധ്യതയും തീര്‍ത്തു ഈ നാട്ടില്‍ വന്നിട്ടിപ്പോള്‍ എട്ടു വര്‍ഷം ..കിട്ടുന്ന പെന്‍ഷന്‍ കൊണ്ട് ജെയ്മോന്‍റെ പഠിപ്പ് പൂര്‍ത്തിയാക്കാന്‍ പറ്റി ..പിന്നെ തയ്ച്ചു കിട്ടുന്ന വരുമാനം മതി രണ്ടു പേരുടെ ഈ കുടുംബം പുലരാന്‍ .. അന്നവിടെ ഉണ്ടായിരുന്ന അയല്‍വക്കം കാര്‍ പറഞ്ഞതാണ്, സര്‍വീസില്‍ ഇരുന്നു മരിച്ചത് കൊണ്ട് ടോമിച്ചന്‍റെ ജോലി കിട്ടുമെന്ന് ,,,അത് ജെയ്മോന് വേണ്ടി മാറ്റി വെച്ചു …ഇന്നവന്‍ അത് തനിക്ക് വീണ്ടും വെച്ചു നീട്ടുന്നു .. ജെയ്മോന് … അവനൊരിക്കലും തനിക്കൊരു ഭാരമായിരുന്നിട്ടില്ല… ഒതുക്കമുള്ള സ്വഭാവം ..പ്രായത്തിനു മേലെയുള്ള പലപ്പോഴും പക്വത അന്ധാളിച്ചു നിന്നിട്ടുണ്ട് .. താന്‍ വളര്‍ന്ന സാഹചര്യം അവനെ അങ്ങനെ ആക്കിയതാവാം.. ദുശീലങ്ങള്‍ യാതൊന്നുമില്ല .. പറയത്തക്ക അടുത്ത ഫ്രണ്ട്സുമില്ല .. ആരുടെ എങ്കിലും കല്യാണത്തിനോ മറ്റോ പോയാലൊരു ബിയറെങ്ങാനും അടിച്ചാല്‍ ആയി ..അത് വരുന്നതെ പറയുകയും ചെയ്യും .. പെന്‍ഷന്‍ കിട്ടുമ്പോള്‍ അവനാണ്
ചിലവാക്കുന്നത്. അനാവശ്യമായി ഒരു നയാ പൈസ പോലും ചിലവാക്കാറില്ല…അത് കൊണ്ട് തന്നെ അവനെ ഉപദേശിക്കേണ്ട ആവശ്യം വന്നിട്ടുമില്ല .. അവന്‍ നന്നായി ആലോചിച്ചേ എന്തും ചെയ്യുകയുമുള്ളൂ …!!!
‘ ഞാന്‍ കൂടണോ അമ്മെ ?’
ജെയ്മോന് മണ്‍കലത്തില്‍ നിന്ന് ഗ്ലാസ്സില്‍ വെള്ളം മുക്കി കുടിച്ചു കൊണ്ട് ചോദിച്ചു
” ഹേ വേണ്ടടാ …നീ പഠിച്ചോ “
ഡിഗ്രീ കഴിഞ്ഞു റിസള്‍ട്ടിനു വെയ്റ്റ് ചെയ്യുകയാണെങ്കിലും അവന്‍ അവധിക്കാല കമ്പ്യൂട്ടര്‍ ക്ലാസ്സില്‍ ചേര്‍ന്നിട്ടുണ്ട് .
പ്രാര്‍ത്ഥനയും ആഹാരവും കഴിഞ്ഞവര്‍ കിടന്നുറങ്ങി
ഒരു മാസം കഴിഞ്ഞു . ട്രീസക്ക് ജോലിയായി .
ഇന്‍കം ടാക്സ് വിഭാഗത്തില്‍ ആണ് ജോലിയായത്. പുതിയ ബില്‍ഡിങ്ങിന്‍റെ പണി നടക്കുന്നതിനാല്‍ ടൌണിലെ ഒരു ഷോപ്പിംഗ്‌ ആര്‍ക്കേഡില്‍ ആണ് ഇന്‍കം ടാക്സ് ഓഫീസ് താത്കാലികമായി പ്രവര്‍ത്തിച്ചു വരുന്നത് .
‘ഞാന്‍ വരണോ അമ്മെ ..അമ്മക്ക് തന്നെ പോയ്ക്കൂടെ … എന്നും ഞാന്‍ കൊണ്ട് പോയി വിടണ്ട കാര്യമൊന്നും ഇല്ലല്ലോ … കൈനറ്റിക് എടുത്തോ .. എനിക്കിന്നെവിടെം പോകാനില്ല .”
രാവിലെ പള്ളിയില്‍ പോയി വന്നിട്ട് കാപ്പി കുടിക്കുവായിരുന്നുട്രീസയും ജെയ്മോനും .
‘വേണ്ട ..ഞാന്‍ ബസില്‍ പൊക്കോളാം…ആദ്യ ദിവസമല്ലേ ..ഒന്ന് കൊണ്ട് പോയി വിടാന്‍ പറഞ്ഞപ്പോ ..ഹ്മം ആയിക്കോട്ടെ ” ട്രീസ ബാഗുമെടുത്ത്‌ പുറത്തേക്കിറങ്ങി
ബസ്സ്റ്റോപ്പില്‍ നില്‍ക്കുമ്പോള്‍ ട്രീസക്കാകെ ഭയമായിരുന്നു . ടോമിച്ചന് മരിച്ചതില്‍ പിന്നെ അധികം പുറത്തിറങ്ങിയിട്ടില്ല . പള്ളിയില്‍ മാത്രം പോകും . പിന്നെ അടുത്തുള്ള ടെയ്ലറിംഗ് സാധനങ്ങള്‍ വാങ്ങുന്ന കടയിലും .
തിരക്കുള്ള ബസ് കണ്ടപ്പോഴേ അവളുടെ പാതി ജീവനും പോയി . കൈനറ്റിക് കൊണ്ട് വന്നാല്‍ മതിയാരുന്നു . പള്ളിയിലോക്കെ അത് കൊണ്ട് പോയിട്ടുണ്ടെങ്കിലും ടൌണിലേക്ക് ഒന്നും പോയിട്ടില്ല ആ ഭയം കൊണ്ടാണ് എടുക്കാത്തത്
ചെന്നതേ ട്രീസക്ക് എല്ലാവരെയും പരിചയപ്പെടുന്ന കൂട്ടത്തില്‍ ഒരു ഫ്രണ്ടിനെ കിട്ടി .ജയന്തി . പരിചയപ്പെട്ടപ്പോള്‍ ആണ് ജയന്തി ട്രീസയുടെ തൊട്ടടുത്ത്‌ തന്നെയാണ് താമസമെന്ന് മനസിലായത് ..ജയന്തിയുടെ പഴയ വീട് ട്രീസയുടെ വീടിന്‍റെ പുറകിലായാണ് ..ഒരു തോട്ടം കഴിഞ്ഞാല്‍ ജയന്തിയുടെ വീട് .. പക്ഷെ ഇപ്പോളവര്‍ പുതിയ് വീട് വെച്ച് താമസം അങ്ങോട്ട്‌ മാറ്റി ..അതും അരകിലോമീറ്ററിനുള്ളില്‍
തന്നെ … പറഞ്ഞു വന്ന കൂട്ടത്തില്‍ ഒരു പണ്ടൊരു പ്രാവശ്യം അവളുടെ അടുത്ത് തയ്ക്കാനും ചെന്നിട്ടുണ്ടത്രേ. ജയന്തിയെ കിട്ടിയതോടെ ട്രീസക്ക് പുതുജീവന്‍ ലഭിച്ച പോലെയായി
ഒഫീസിലാകെ പത്തു പതിനഞ്ചു സ്റ്റാഫോളം ഉണ്ട് .
ജയന്തിയുടെ അടുത്ത് തന്നെയാണ് ഇരിപ്പടമെന്നതിനാല്‍ ട്രീസക്ക് കംബ്യൂട്ടറില്‍ ഉള്ള പരിചയക്കുറവോക്കെ പെട്ടന്ന് പരിഹരിക്കാനായി
” ട്രീസ കംബ്യൂട്ടര്‍ പഠിച്ചതാണോ ?’
” കല്യാണം കഴിഞ്ഞു കുറച്ചു നാള്‍ പോയി .. കുറച്ചൊക്കെ അങ്ങനെയറിയാം”
” ഒരു മോനല്ലേ ഉള്ളൂ ട്രീസക്ക് ? “
” ഹ്മം ..അതെ ..അവന്‍ ഡിഗ്രി കഴിഞ്ഞു നില്‍ക്കുന്നു . അവന്‍റെ നിര്‍ബന്ധം കാരണമാ ഈ ജോലിക്ക് കേറിയേ ..”
‘ഹ്മം … ട്രീസേ ..എനിക്കൊരു ചുരിദാര്‍ തയ്ക്കണം .. ഈയിടെ മൊത്തം സാരിയാക്കിയായിരുന്നു..അതാ ചുരിദാര്‍ തയ്ക്കാത്തെ… ഇനിയിപ്പോ ട്രീസക്ക് സമയം കാണുമോ തയ്ക്കാനോക്കെ?’
” ഹ്മം ..ഞങ്ങള് രണ്ടു പേരല്ലേ ഉള്ളൂ ..ഇഷ്ടം പോലെ സമയമുണ്ട് .. ‘
” എന്നാ ഞാന്‍ വിളിച്ചിട്ടിന്നു തന്നെ വരാം ..അടുത്ത ദിവസം ഒരു യാത്രയുണ്ട് നാളെയോ നാളെ കഴിഞ്ഞോ തയ്ച്ചു തരാന്‍ പറ്റുമോ ?. നമ്പര്‍ തന്നേക്ക്‌ “
” ട്രീസാ ..ഇതില്‍ വാട്സ് ആപ്പ് ഇല്ലല്ലോ ?’
‘ ഹേ ..ഇത് പഴയ മോബൈല്‍ ആണ് ..പിന്നെ എനിക്കങ്ങനെ അതിലൊന്നും താത്പര്യവുമില്ല ..”
” അതല്ല ട്രീസാ … നമുക്കിവിടെ സ്മാര്‍ട്ട്‌ ഫോണ്‍ ആവശ്യമായി വരും ..ചിലപ്പോള്‍ മെയിലുകളും ,അല്ലെങ്കില്‍ ഡോക്യുമെന്റും ഒക്കേ…പിന്നെ ഓഫീസില്‍ ഉള്ള സ്റാഫിന്‍റെ ഒരു ഗ്രൂപ്പുണ്ട് … ‘
‘ ഹ്മം ..അടുത്ത ശമ്പളത്തിന് വാങ്ങിക്കാം …”
” വേണ്ട ..നമുക്കിന്നുച്ചക്ക് തന്നെ വാങ്ങിക്കാം … അപ്പുറത്തൊരു ഷോപ്പുണ്ട് .. ശമ്പളം കിട്ടുമ്പോ കുറേശ്ശെയായി കൊടുത്താല്‍ മതി ..”
” അത് വേണോ ?’
ഉച്ചക്ക് ജയന്തിയുടെ നിര്‍ബന്ധപ്രകാരം അവരടുത്തുള്ള ഷോപ്പില്‍ പോയി
” എന്താ അപ്പു … ഊണ് കഴിഞ്ഞില്ലേ ? മുഖത്തൊരു ക്ഷീണം “
‘ ഹേ ഒന്നുമില്ല സാറെ …ഇതാരാ ?’
കടയില്‍ മൊബൈലില്‍ ഗെയിം കളിച്ചു കൊണ്ടിരുന്ന പയ്യനവരെ കണ്ടെഴുന്നേറ്റു
‘ ഇത് ട്രീസ …ഓഫീസിലെ പുതിയ സ്റ്റാഫാ …അതെയ് അപ്പു …ട്രീസക്കൊരു ഫോണ്‍ വരും ..അഡ്വാന്‍സ് എത്ര വേണം ?’
” ഉള്ളത് താ സാറെ ..ഇല്ലെങ്കിലും കുഴപ്പമില്ല … “
അപ്പു മൂന്നാല് മോഡല്‍ ഫോണ്‍ എടുത്തു വെച്ചു
” അപ്പു ..നീ തന്നെ
