ഒരു കാറിൽ നിന്ന് ശ്രീരാജ് ഇറങ്ങി പിറകെ അച്ഛനും അമ്മയും പെങ്ങളും ആയിരിക്കണം അവരും ഇറങ്ങി. മറ്റേ കാറിൽ നിന്നും മൂന്ന് പേർ ഇറങ്ങി, ഞാനും അച്ഛനും ഇറങ്ങി ചെന്ന് അവരെ അകത്തേക്ക് ക്ഷണിച്ചു കൊണ്ടിരുത്തി. പരിചയപെടലിൽ അവന്റെ കൂടെ ഇറങ്ങിയത് അവന്റെ പെങ്ങൾ തന്നെ ആണെന്ന് മനസ്സിലായി,
മറ്റേ കാറിൽ വന്നത് അവന്റെ അമ്മാവനും ഭാര്യയും പിന്നെ അവന്റെ അച്ഛന്റെ ചേട്ടനും. അങ്ങനെ സംസാരിച്ചിരിക്കുന്നതിന്റെ ഇടയിൽ അച്ഛൻ അവളുടെ ചൊവ്വ ദോഷത്തിന്റെ കാര്യം പറഞ്ഞു, അവർ അത് അറിയാമെന്നും പറഞ്ഞു, അവർക്ക് അതിൽ വിശ്വാസമില്ല എന്നും എല്ലാം പറഞ്ഞു. അങ്ങനെ പെണ്ണിനെ വിളിക്കാൻ പറഞ്ഞു അച്ഛൻ അകത്തേക്ക് പോയി അമ്മയോട് പറഞ്ഞു. അവൾ ചായയുമായി വന്നു. എല്ലാവരും ആകാംഷയോടെ ഋതുവിനെ തന്നെ നോക്കി ഇരിക്കുന്നു.
അവൾ ആദ്യം തന്നെ ശ്രീരാജിന് ചായ കൊടുത്തു, രണ്ടു പേരും ആദ്യമായി കാണുന്നത് പോലെ പരസ്പരം നാണത്തോടെ നോക്കി, അവൾ ബാക്കി എല്ലാവര്ക്കും ചായ കൊടുക്കുന്നതിന് മുൻപ് അവന്റെ പെങ്ങൾ അവളുടെ കയ്യിൽ നിന്ന് ആ ചായ കൊണ്ടുവന്ന പാത്രം വാങ്ങി അവൾ എല്ലാവര്ക്കും കൊടുത്തു. ഋതു ഒരു ഹാഫ് സാരി ആണ് ഉടുത്തിരുന്നത്, ചേരുന്ന ഒരു ബ്ലൗസും.
എന്തായാലും ആരും നോക്കി പോകുന്ന രീതിയിൽ അത്യാവശ്യം എല്ലാം കാണിച്ചും എന്നാൽ വൃത്തികേടില്ലാതെയും. ശ്രീരാജിന്റെ അമ്മാവൻ ഉച്ചത്തിൽ എന്നാൽ ഇനി ഇവർക്ക് എന്തെങ്കിലും സംസാരിക്കണമെങ്കിൽ സംസാരിക്കട്ടെ എന്ന് പറഞ്ഞു, അവർ രണ്ടുപേരും പരസ്പരം നോക്കി ഞാൻ അപ്പോൾ അവരോടു എന്നാൽ നിങ്ങൾ ഇങ്ങോട്ടു പോരു എന്ന് പറഞ്ഞു ടെറസിലേക്ക് കൊണ്ടുപോയി.
ഞാൻ ഇറങ്ങി പോന്നു, ആ സമയം അവരെല്ലാം ഓരോ ഡേറ്റിന്റെ കാര്യവും എല്ലാം സംസാരിക്കുന്നു. അവന്റെ പെങ്ങൾ എഴുനേറ്റ് വീടും പരിസരവും ചുറ്റി കാണാൻ ഓരോ മുറിയിലേക്കും കയറി നടക്കുന്നു.
അവൾ എന്റെ അടുത്ത് വന്നു ഓരോന്നും സംസാരിക്കാൻ തുടങ്ങി. അവിടെ ഇരുന്ന അവരുടെ അമ്മാവൻ ഞങ്ങൾ സംസാരിക്കുന്നത് കണ്ടിട്ട് എന്താ ശ്രീക്കുട്ടി നമുക്കൊരു മാറ്റക്കല്യാണം ആലോചിച്ചാലോ അവൾ അങ്ങേരോട് “അമ്മാവാ ദേ എന്റെ വായിൽ നിന്ന് കേൾക്കും കേട്ടോ”
എന്ന് പറഞ്ഞു അങ്ങേരോട് ശബ്ദമുയർത്തി. ശ്രീരാജിന്റെ അച്ഛൻ അപ്പോൾ എന്റെ അച്ഛനോട് എന്നാൽ നമുക്ക് അത് കൂടി ആലോചിച്ചാലോ, അമ്മയും അച്ഛനും പരസ്പരം നോക്കി. ‘അച്ഛൻ ഞങ്ങളെ നോക്കി കൊണ്ട് അവർക്കു രണ്ടു പേർക്കും സമ്മതമാണെങ്കിൽ ഒന്നിച്ചു നടത്താം. അവരെല്ലാം ഞങ്ങളെ അങ്ങോട്ടേക്ക് വിളിച്ചു.
എന്നിട്ട് ഞങ്ങൾ ആദ്യം ഒന്ന് പരസ്പരം സംസാരിക്ക് എന്നിട്ട് നിങ്ങൾക്ക് സമ്മതം ആണെങ്കിൽ അതനുസരിച്ചു തീയതി നോക്കാമല്ലോ. അപ്പോൾ ശ്രീരാജിന്റെ ‘അമ്മ “ഇതാകുമ്പോൾ രണ്ടുപേരും അടുത്ത് തന്നെ കാണുമല്ലോ ഒരേ കുടുംബത്തിൽ,
ഞാനും ശ്രീകുട്ടിയും തമ്മിൽ തമ്മിൽ നോക്കി പുറത്തു വരാന്തയിലേക്ക് ഇറങ്ങി. അവൾ ബികോം കഴിഞ്ഞു കുറച്ചു ഗാപ് കഴിഞ്ഞു ഇപ്പോൾ വൈറ്റിലയിൽ ലക്ഷ്യയിൽ പഠിക്കുന്നു എന്നും ഉടനെ ഇന്റേൺഷിപ് ഒരു വർഷം ഒരു സി എ കാരന്റെ കീഴിൽ പ്രാക്ടീസ് ചെയ്യാൻ ആയി കയറണം എന്നും പറഞ്ഞു.
ഞാനും സെയിം ഫീൽഡ് ആണെന്നും ഋതുവും ഞാനും ഒരേ സ്ഥലത്താണെന്നും പറഞ്ഞു. കുറച്ചു സംസാരിച്ചു ഞങ്ങൾ ഒരു വിധം കമ്പനി ആയി. അവളും ഒരു ബ്രേക്ക് അപ്പ് ഒക്കെ കഴിഞ്ഞെന്നും അതാണ് ഗാപ് വന്നതെന്നും എല്ലാം പറഞ്ഞു. എന്റെയും ബ്രേക്ക് അപ്പ് കഥയൊക്കെ പറഞ്ഞു ഞങ്ങൾ സംസാരിച്ചിരുന്നപ്പോൾ അകത്തു നിന്നു അവർ ഞങ്ങളെ വിളിച്ചു ഞങ്ങൾ കയറി ചെന്നപ്പോൾ ശ്രീരാജും ഋതുവും അവിടെ ഉണ്ടായിരുന്നു.
ശ്രീക്കുട്ടിയുടെ അമ്മാവൻ അപ്പോൾ ഞങ്ങളോട് അപ്പോൾ രണ്ടു കൂട്ടർക്കും സമ്മതം അല്ലേ എന്ന് ചോദിച്ചപ്പോൾ എന്റെ അച്ഛൻ അവർക്ക് ഇനി എന്ത് സമ്മതക്കുറവ് എന്ന് പറഞ്ഞു. തീയതി എല്ലാം നോക്കാൻ തുടങ്ങി.
അങ്ങനെ അപ്രതീക്ഷിതമായി ഞാനും കല്യാണ ചെക്കനായി. കാര്യങ്ങൾ എല്ലാം തീരുമാനിച്ചു അവർ പോകുന്നതിന് മുൻപ് ശ്രീക്കുട്ടി എനിക്ക് നമ്പർ തന്നിരുന്നു. അങ്ങനെ രണ്ടു മണി കഴിഞ്ഞപ്പോൾ അവർ യാത്രയായി.