💖മംഗല്ല്യധാരണം – 2 27

 

 

“… താൻ എന്നും അമ്പലത്തിൽ പോവാറുണ്ടോ…” എന്തെങ്കിലും ഒക്കെ ചോദിക്കണം അല്ലോ

 

 

“…ഏയ്യ് അങ്ങനെ പോവാറില്ല. ആദി ഒരുപാടു വർഷായിട്ട് ജിമ്മിൽ പോവാറുണ്ടോ…”

 

 

“…+1 തൊട്ട് പോയി തുടങ്ങിയതാ…”

 

 

“…ആദിക്ക് നല്ല ബോഡി ആണ്. ഇത് മെയ്ന്റെയ്ൻ ചെയ്യണേ…”

 

 

സത്യം പറഞ്ഞാൽ അത് എനിക്ക് അങ്ങ് സുഗിച്ചു. അവളെയും ഒന്ന് പൊക്കി കളയാം.

 

 

“…ഈ ഡ്രെസ്സിൽ തന്നെ കാണാൻ നല്ല രസമുണ്ട്…”

 

 

“… വരവ് വച്ചിരിക്കുന്നു…” അത് പറഞ്ഞവൾ പുഞ്ചിരിച്ചു

 

 

അത് എന്താ അവൾ അങ്ങനെ പറഞ്ഞെ. ഒരാൾ നല്ലത് പറയുമ്പോൾ ഇങ്ങനെ ഒക്കെ ചെയ്യാവോ. അപ്പോഴേക്കും ആ എരണം കേട്ട ചെക്കൻ വിളിച്ചു

 

 

“… നീ എന്താടാ ഇന്നലെ ജിമ്മിൽ വരാത്തെ…”

 

 

“… രാവിലെ തന്നെ അറ്റെൻഡൻസ് എടുക്കാൻ വിളിച്ചതാണോടാ…”

 

 

“… ചുമ്മാ വിളിച്ചന്നെ ഉള്ളു. നീ ഇല്ലാത്തോണ്ട് കോളേജിൽ ഒരു രസമില്ല…”

 

 

“… അയ്യോ നമ്മൾ തല്ലിപൊളികൾ വന്നാലും ഇല്ലങ്കിലും എന്താ നിങ്ങൾ പഠിക്കുന്ന പിള്ളേർ അല്ലെ. അപ്പൊ ഒറ്റക് അങ്ങ് ഉണ്ടാക്കിയാൽ മതി. ഇന്നലെ നീ പറഞ്ഞത് ഒന്നും ഞാൻ മറന്നിട്ടില്ല…”

 

 

“…നീ അതും ആലോചിച്ചോണ്ട് ഇരിക്കണോ. കളയളിയാ…”

 

 

“… Hmm ഞാൻ വൈകിട്ട് അങ്ങോട്ട്‌ ഇറങ്ങാം…”അതും പറഞ്ഞ് ഫോൺ വച്ചു.

 

 

“…ആരാ ആദി വിളിച്ചേ…”

 

 

“… എന്റെ ഒരു ഫ്രണ്ട് ആണ്…”

 

 

“… ഗേൾ ഫ്രണ്ട് ആണോ..?” അറിയാൻ ഉള്ള ആകാംഷയോടെ അവൾ തിരക്കി.

 

 

“…ഏയ്യ്. അങ്ങനെ ആരും ഇല്ല. എന്നാ നമുക്ക് പോയാലോ…” നമ്മൾ വീട്ടിലേക് തിരിച്ചു. പോകുന്ന വഴിക് അതായിരുന്നു എന്റെ ചിന്ത ഗേൾ ഫ്രണ്ട് ഉണ്ടോ എന്ന് ചോദിച്ചത് കംഫർമേഷൻ വേണ്ടിയാണോ. എയ്യേ അങ്ങനെ ആയിരിക്കില്ല.

 

 

“… കോളേജിൽ എങ്ങനെയാ പോവുന്നെ…” വീട്ടിൽ എത്തി കാപ്പി കുടിക്കുന്നതിന്റെ ഇടക് ഞാൻ ചോദിച്ചു.

 

 

“… ബസിൽ…”അവളുടെ മറുപടി എത്തി.

 

 

“… എന്നാ ഇവളകൂടെ വിട്ടോ ഇവളും അതു വഴിയാ…” പുട്ടിന്റെ കഴുത്ത് ഞെരിക്കുന്ന അമ്മുവിനെ നോക്കി പറഞ്ഞു.

 

കാപ്പികുടി കഴിഞ്ഞ് ചാരുവും അമ്മുവും ഇറങ്ങി. നേരുത്തേ ഉറക്കവും എഴുനേറ്റു ഒന്നും ചെയ്യാനും ഇല്ല. വല്ലാത്തെ ഒരു അവസ്ഥയിൽ ആയി. എന്നാപ്പിന്നെ വർഷത്തിൽ ഒന്നോ രണ്ടോ തവണ ചെയ്യുന്ന കലാപരിപാടി അങ്ങ് ചെയ്യാം എന്ന് വിചാരിച്ചു റൂം ക്ലീനിങ് 🥵. എല്ലാം അടുക്കി പെറുക്കി റൂം സെറ്റ് ചെയ്തപ്പോൾ ഒരു സമയം ആയി. വൈകുന്നേരം ജിമ്മിലേക് വിട്ടു. ഇന്ന് അത്യാവശ്യം നല്ല രീതിയിൽ വർക്ഔട് ചെയ്തു. രാത്രി ഡിന്നറും കഴിഞ്ഞു ഇന്നലത്തെ പോലെ ബാൽകണിയിൽ ഇരുന്നു. ഇന്ന് കൂട്ടിനു ചാരുവും ഉണ്ട്.

 

 

“… കോളേജ് എങ്ങനെ ഉണ്ട്…”

 

 

“… അടിപൊളി എനിക്ക് ഒരുപാട് ഇഷ്ട്ടായി…”

 

 

“…ഫസ്റ്റ് ഡേ ആയിട്ടു റാഗിങ് ഒന്നും കിട്ടിയില്ലേ…”

 

 

“… കോളേജ് തുറന്നിട്ട്‌ 1 മാസം ആയില്ലേ അതോണ്ട് റാഗ് ചെയ്യാൻ ഒന്നും ആരും വന്നില്ല…”

 

 

“… ആരും വരാത്തതിന്റ നല്ല വിഷമം ഉണ്ടല്ലോ മുഖത്തു…”

 

 

“… പോടാ. ആരും വരാത്തത് നന്നായി എന്ന് അശ്വസിച്ചിരിക്ക. നോട്ട് ഒരുപാട് എഴുതാൻ ഉണ്ട് അത് ആലോചിക്കുമ്പോഴാ വിഷമം…”

 

 

“… ഞാൻ എഴുതിയാൽ മതിയോ. ഇവിടെ വെറുതെ ഇരുന്നു മടുത്തു. നോട്ട് എങ്കിലും എഴുതി സമയം കളയാലോ…”

 

 

“… സത്യം. എനിക്ക് നോട്ട് എഴുതി തരോ..?” അത്ഭുതത്തോടെ അവൾ തിരക്കി

 

 

“… ഹ എഴുതി തരാടോ…”

 

 

“… Thanks ആദി…”

 

 

അവളെ ഇമ്പ്രെസ്സ് ചെയ്യാൻ ഒന്നും അല്ല കേട്ടോ നോട്ട് എഴുതി കൊടുക്കാം എന്ന് പറഞ്ഞത് 🫣.പിന്നെ പിന്നെ ഇതൊരു പതിവായി രാത്രി കുറച്ചു സമയം അവളുമായി ഇവിടെ വന്നിരുന്നു സമയം സ്പെൻഡ്‌ ചെയ്യും.