💖മംഗല്ല്യധാരണം – 2 27

 

 

എന്റെ സസ്പെന്ഷൻ മാറി ഞാൻ കോളേജിൽ പോയി തുടങ്ങി. കാർത്തി ഉള്ളത് കൊണ്ട് അവളെ ഞാൻ ബസിൽ തന്നെ പറഞ്ഞയച്ചു. ബോക്സിനിന്നോടുള്ള എന്റെ താല്പര്യം ഇപ്പൊ ചെറുതായി കുറഞ്ഞത് പോലെ. കാർത്തി അതും പറഞ്ഞു എന്നെ കുറ്റപ്പെടുത്തുന്നുണ്ട്. ഇപ്പൊ എന്റെ ചിന്ത മുഴുവൻ ചരുവിനെ കുറിച്ചാണ് അവളോട്‌ സംസാരിക്കുന്ന ഓരോ സമയവും ഞാൻ അവളിലേക്കു കൂടുതൽ അടുക്കാൻ തുടങ്ങി. ഇഷ്ട്ടം തുറന്നു പറയാത്തതിന് കാർത്തി രഹസ്യമായും പരസ്യമായും എന്നെ കളിയാക്കാറുണ്ട്. ഇതിനിടയിൽ ചരുവിന്റെ അച്ഛൻ എന്റെ അമ്മയെ വിളിച്ചു സംസാരിച്ചു ആ പ്രേശ്നങ്ങൾ എല്ലാം ഒത്തുതീർപ് ആക്കി. ഓണത്തിന് അവിടെ കൂടാൻ ഞങ്ങളെ ക്ഷണിച്ചേക്കുവാ. എല്ലാരും അതിന്റെ സന്തോഷത്തിൽ ആണ് ഞാൻ അതിനേക്കാൾ excited ആണ്. കാരണം ചരുവിന്റെ വീടും നാടും ഒക്കെ കാണാല്ലോ.

 

 

അങ്ങനെ മറ്റൊരു ഓണക്കാലം എത്തി.കോളേജിലെ ഞങളുടെ ആദ്യ ഓണാഘോഷം ആയോണ്ട് അത് കളർ ആക്കാൻ ആയിരുന്നു നമ്മുടെ പ്ലാൻ. ഡ്രസ്സ്‌ കോഡും കാര്യങ്ങൾ ഒക്കെ സെറ്റ് ചെയ്ത്.

 

 

രാവിലെ മുണ്ടും ഉടുത്തു ഷർട്ടും ഇട്ടു വന്നപ്പോഴേക്കും ചാരു കോളേജിൽ പോയിരുന്നു. പൂക്കളം ഇടണം എന്നും പറഞ്ഞ നേരുത്തേ പോയി. പുള്ളികാരിയെ രാവിലെ ഒന്ന് കാണാനും പറ്റിയില്ല. കാർത്തിയെയും കൂട്ടി കോളേജിൽ എത്തി. ഓണത്തിന് സാധാരണ ഇടാറുള്ള പാട്ടും അലങ്കാരങ്ങളും എല്ലാം ഉണ്ടായിരുന്നു. മോഡേൺ ഡ്രസ്സ്‌ മാത്രം ഇടുന്ന പെൺപിള്ളേർ പോലും ഇന്ന് നടൻ ലുക്കിൽ അണിനൊരുങ്ങി നടപ്പുണ്ട്. എല്ലാരേയും കാണാൻ തന്നെ പ്രേത്യേക ഐശ്വര്യം ആയിരുന്നു എന്നാ എന്റെ ദേവതയെ മാത്രം അവിടെങ്ങും കണ്ടില്ല.

 

 

“… എന്നെ കാണാൻ എങ്ങനെ ഉണ്ടട…” ദാവണി ഉടുത്ത എന്റെ മുന്നിൽ ഒരു റൗണ്ട് കറങ്ങി കാണിച്ചു ദിയ ചോദിച്ചു.

 

 

“… ആഹ്‌ കൊള്ളാടി കാണാൻ നല്ല ചേലുണ്ട്…” അത് കേട്ടപ്പോ അവൾക് ഒരുപാട് സന്തോഷമായി.

 

 

“… അത്രക്ക് ഒന്നും ഇല്ല ഒരു ആവറേജ്…” താല്പര്യം ഇല്ലാതെ കാർത്തി പറഞ്ഞു.

 

 

“… പോടാ. നിന്നെ കാണാൻ കണ്ടത്തിൽ കോലം വച്ചത് പോലെ ഉണ്ട്…” കാർത്തിയെ നോക്കി പരിഭവത്തോടെ പറഞ്ഞു അവൾ പോയി.

 

 

“… നീ എന്തിനാടാ എപ്പോഴും അവളോട്‌ ഇങ്ങനെ വഴക്കുണ്ടാക്കുന്നെ…”

 

 

“…ഇതൊക്കെ ഒരു രസമല്ലേ അളിയാ…”

 

 

“…ഉവ്വ് ഉവ്വേ…”

 

 

“… ഞാൻ വന്നപ്പോ തൊട്ട് ശ്രെദ്ധിക്കുന്നതാ നീ ആരെയാ ഇ നോക്കുന്നെ…”

 

 

“…വേറെ ആരെ നോക്കാനാ ചാരുവിനെ തന്നെ…”

 

 

“… വീട്ടിൽ എപ്പോഴും അവളെയും കണ്ടോണ്ട് അല്ലെ ഇരിക്കണേ എന്നിട്ടും കൊതി മാറിയില്ലേ…”

 

 

“… ഇന്ന് അവളെ കണ്ടില്ല 😬…”

 

 

“… നീ ഇങ്ങനെ അവളുടെ പിറകെ ഒലുപ്പിച്ചോണ്ട് നടക്കത്തെ ഉള്ളു. വേറെ ആൺപിള്ളേർ അവളെയും കൊണ്ട് പോവും…”

 

 

“… നീ എന്താടാ അങ്ങനെ പറഞ്ഞത്…”

 

 

“… പിന്നെ ഞാൻ എങ്ങനെ പറയണം. 3,4 മാസം ആയല്ലോ എനിക്ക് അവളെ ഇഷ്ട്ടണെ ഇഷ്ട്ടണെ എന്ന് പറഞ്ഞു ഒലുപ്പിച്ചോണ്ട് നടക്കുന്നത്. അവൾക് നിന്നെ ഇഷ്ടമാണോ അല്ലെ എന്ന് നിനക്ക് അറിയോ..?”

 

 

“… അത്…അതുപിന്നെ അവൾക് എന്നെ ഇഷ്ട്ട. നേരിട്ട് പറഞ്ഞില്ല. പക്ഷെ അവളുടെ പെരുമാറ്റത്തിൽ അങ്ങനെ തോന്നിട്ടുണ്ട്…”

 

 

“… നീ ഈ തോന്നലും വച്ചോണ്ട് ഇവിടെ നിന്നോ ഞാൻ പോണു…”അതും പറഞ്ഞവൻ പോകാൻ തുടങ്ങി

 

 

“… നിനക്ക് ഇപ്പൊ എന്താ വേണ്ടേ ഞാൻ പോയി അവളെ പ്രൊപ്പോസ് ചെയ്യണം അത്രയല്ലേ ഉള്ളു…”

 

 

“… എനിക്ക് വേണ്ടി നീ ഒന്നും ചെയ്യണ്ട. നിനക്ക് തോന്നി ചെയ്യുന്നങ്കിൽ ചെയ്താൽ മതി…”

 

 

“…ആദി, കാർത്തി വന്നു വടം വലിക്ക് പേര് കൊടുക്ക്‌…” ദിയ വന്നു നമ്മളെ വിളിച്ചു.

 

 

വടം വലിക്ക് പേരും കൊടുത്ത് ചാരുവിനെ അവിടെ മുഴുവൻ നോക്കി കണ്ടില്ല. ഇതിനിടയിൽ നല്ല രീതിയിൽ ഓണാസദ്യ കഴിക്കാൻ ഇരുന്നു. ഉച്ചകഴിഞ്ഞു വടം വലിക്കാൻ പേര് കൊടുത്തവർ ഗ്രൗണ്ടിൽ വരാൻ അന്നൗൻസ് വന്നു. പിന്നെ അവിടേക്കു പോയി. നല്ല ആവേശം ഉള്ള വടംവലിയാണ് നടന്നത് ഞങ്ങൾക്ക് മൂന്നാമത്തേത് ആയിരുന്നു നമ്മുടെ വലി എതിരാളി ആയി വന്നത് ചരുവിന്റ ക്ലാസ്സിലെ പിള്ളേരും. കൈ അടിക്കുന്ന ആൾക്കൂട്ടത്തിനിടയിൽ ചാരുവും ഉണ്ടായിരുന്നു. ഇന്നത്തെ ദിവസം ഇപ്പോഴാണ് അവളെ കാണുന്നെ. തലയിലെ മുല്ലപ്പൂ വാടിയിട്ടുണ്ട് എന്നാലും അവളുടെ സൗന്ദര്യത്തിന് ഒരു കോട്ടവും തട്ടിയിട്ടില്ല. എന്നെ കണ്ട അവൾ ഡ്രസ്സ്‌ സൂപ്പർ എന്ന് ആംഗ്യം കാണിച്ചു.